125
2
0
開飯介紹
餐廳主打正宗川菜，當中以酸菜魚和麻辣香鍋最受歡迎。酸菜魚用上二十個月雲南老埕酸菜、四川酸菜及廣東鹹酸菜炮製。同時提供多款經典川菜。
繼續閱讀
營業時間
今日營業
11:30 - 22:00
星期一至日
11:30 - 22:00
有關獎賞計劃
食家推介
有時心思思都想食酸菜魚，聽同事講起十二味嘅酸菜魚好正，所以就約埋同樣鍾意食酸菜魚嘅B齊齊去食。店子的地方非常闊落，坐位相當多，乾淨整齊，店員的態度友善，服務不錯。菜牌上食物的價錢相宜，款式亦多，今次我們叫了口水雞，酸菜魚和四季豆，都是來四川菜館最常叫的菜式。川式口水雞$68~口水雞的皮非常滑，雞的肉質很嫩，我地揀左少辣，所以唔算辣，但麻的味道很突出，配上芫荽和白芝麻非常香口，好好味。人見人愛酸菜魚(配粉條)$256~酸菜魚份量很大，配料有咸酸菜， 鮑魚菇，紫薑，薯粉，紅椒，花椒，泡椒等香料，揀了中辣，酸辣比例剛剛好，香味四溢。鱸魚肉質細嫩無骨，加上有酸酸辣辣的味道，非常惹味開胃，真係食到無停口，果真是人見人愛。薯粉口感煙韌彈牙，索滿酸菜湯汁非常滋味。干扁四季豆$68~四季豆鮮甜爽脆，加入微辣的豬肉碎，蒜頭，辣椒， 豆瓣醬非常濃味，但卻一點也不油膩，好味!百分百純椰青水$20~味味餸都係辣嘢，最好就是飲椰青水潤吓喉。這個椰青水有少少似庶汁和椰汁的混合體，非常清新可口。
繼續閱讀
講起正宗川菜, 都會唸起近年逐漸多左分店嘅十二味, 之前食過幾次都好鐘意佢滿滿嘅香料同辣椒, 午市套餐仲非常抵食, 今晚同老公黎食店家其中一款名物👉🏻經典香辣鍋.🌶經典香辣鍋見到隔離枱嗌一大盆兩個share我地跟隊. 每個香鍋at least揀5個餸: 有肥牛, 嫩牛肉, 午餐肉, 豬頸肉....etc, 蔬菜類選擇亦唔少, 其中比較特別嘅有蒿筍片, 又爽又入味, 但上個禮拜食完就唔嗌住.🌶豪爽地揀左大辣, 仲買定野飲救火🔥(然後確定係必須🤣). 個鍋送到黎時真係嚇親, 實在太大盆了吧🤩, for兩個人一定太多, 我地仲嗌多個飯添. 🌶️除左份量之外, 整個香鍋嘅味道真係無得輸: 首先係辣度十足, 以大量葱蒜椒炒得勁惹味, 各種辣椒(紅, 青, 圓形的)食到汗流浹背, 好彩店內冷氣夠勁. 我最鐘意係美國肥牛同滷水肥腸, 肥牛唔會真係好多肥膏又易咬開, 肥腸好大條斜切, 中間處理得非常乾淨, 而且係油炸過脆口架(👍🏻必食!!). 而寛粉條條都充分吸收唒香鍋精華, 口感香辣QQ的, 加碗辣湯俾我浸一浸過下”辣”河食應該重正. 廚師有將娃娃菜同鮮腐竹切成一啖入口嘅大小, 一個香鍋有好多重口感同味道.🌶️最後由於太多料, 我同老公兩個都食唔唒有啲可惜, 強烈推介多啲人一齊share另外嗌多幾個小菜(例如花椒皮蛋, 炒薯仔絲都好好味).
繼續閱讀
⛩店舖帶點中式客棧元素 卻帶點現代感味道❤️採用QR code 點菜📱上菜速度挺快🔖😋食物份量夠大👍🏻四川風味夠正宗💕 ====—====—====—====—🐟人見人愛酸菜魚🌶（$228） 酸菜魚湯底可以選擇辣度，有唔辣、小辣、中辣、大辣選擇。大大鍋酸菜魚非常壯觀，鋪滿魚肉、菇、萵筍、酸菜、辣椒等配料。 魚肉質感嫩滑，湯底濃郁美味，配料吸收配料味道，非常美味。 🐄飄香毛血旺🌶（$138） 另一款招牌特式菜毛血旺都是店內人氣之選，入面有牛柏葉、豬大腸、牛肚、豬皮、午餐肉、鴨血，底下配菜還有大豆芽。 牛柏葉和牛肚切得夠幼細，爽脆可口，吃不停口，非常滋味。 豬大腸洗得非常乾淨，沒有臭腥味道，而且煮得非常爽口。豬皮煮得香口，麻辣汁吸收入去，所以非常美味。午餐肉質感較為腍身，所以比較吸味。 鴨血厚度剛剛好，質感非常Q，配上麻辣湯味道非常匹配。 大豆芽吸收麻辣味道非常入味，清新爽脆。 🔸店內招牌還有經典香辣鍋，就是將多款食材以麻辣醬炒成，看上來非常香的，非常吸引，下次可以試試。🔸另外，在店內即時在Facebook或Instagram讚好和打卡，即送罐裝飲品一罐。====—====—====—====—
繼續閱讀
十二味正宗四川菜館，環境裝修都富中國特色，我星期日下午去都有午市套餐，當中有麻辣香鍋、招牌酸菜魚、口水雞、水煮牛肉等，價錢$60-70左右，包了一碗飯同飲品，唔叫套餐都可以單點小食或主菜，有辣椒黃金皮蛋、紅糖糍粑、土豆絲，辣既菜式偏多，愛食辣既朋友不妨一試🤩.酸菜魚套餐 $68份量都幾多，酸菜酸中帶甜，鱸魚好滑，連埋魚皮，唔易糊爛同埋可以保留魚肉的紋理，食完一舊接一舊🤤湯底用魚骨、豬骨、鰂魚熬成，鮮味十足，不錯選擇
繼續閱讀
本身好少專登搵川菜食，不過見近期好多食酸菜魚專門店，我又未食過，一直都好想試。話晒第一次只想小試牛刀，所以就選有提供酸菜魚lunch set的「十二味」，分量冇咁多。十二味有好幾間分店，但事前做功課時又發現好似唔係間間都一樣menu，穩陣起見就來了一定有酸菜魚lunch set的北角店。佢嘅lunch set幾抵，大概四十幾至六十幾蚊，唔駛加一，包埋前菜、飯同飲品。酸菜魚（$68）可選辣或者唔辣，我要小辣。上菜時畀個大碗嚇親，午餐來講分量絕對唔少，魚片大約有十塊左右，而且都算大塊，全部啖啖肉，完全冇骨，又滑，問過侍應姐姐，佢話應該係鱸魚。酸菜都畀得唔少，酸度剛好，唔會好嗆喉，仲有少少甜甜地。湯汁酸得來帶輕微辣，食多兩啖就感覺到佢的麻，越食越刺激。口水雞（$48）原來係凍食的，表面浸住辣油好似好辣，但同酸菜魚一樣，係麻多過辣，而且有花椒八角嗰種香味，如果係熱食應該會更好，而雞件質感尙可，唔算好滑嫩。不過我最欣賞，始終係嗰碟前菜涼拌土豆絲，爽口之餘酸酸地好醒胃，好想單點一碟。以第一次食酸菜魚經驗，係頗滿意，魚肉好滑，酸酸辣辣好啱呢個天氣食，性價比亦好高，待疫情緩和，大家不妨考慮一試。
繼續閱讀