十二味 (和富)

營業中

休息中

十二味最近在北角開了第十家分店，結合了其他不同主題分店的最受歡迎食物，作為街坊的我又怎能錯過新店裝修充滿中國風，環境寬敞舒適，間隔分明午市時段共有六款套餐供應，價格相宜用手機下單後送上一份前菜小食，涼拌木耳川式口水雞肉質鮮嫩，配上麻辣汁令人食指大動雞翼麻辣香鍋吃到濃烈的麻香之餘，又不致太過火跟餐飲品有慾望酸梅，味道酸甜適中，超冰涼，解辣必選吃辣停不了，追加了燒椒皮蛋，皮蛋跟著辣椒一起入口，吃起來酸中帶辣但不嗆口，開胃好吃再追加乾煸肥腸，表皮焦黃發脆，內裡有韌性，乾香撲鼻，越嚼越帶感下次要晚市再過來試這裡的招牌酸菜魚

喜歡吃酸菜魚的朋友也應該知道「十二味」吧，雖然我不太吃辣，但也抱著好奇心來試試。我們來到和富中心「十二味」， 聽講這裡還是新開張的，所以店子明顯很新淨。 相比很多小館來說， 這裡面積真心不少，以摩登的中式設計，坐位寬躺坐得幾舒服， 落單也是自助形式，絕對是國內慣用的模式，現在香港的食店也紛紛有效發了。不好辣的我們又有什麼好吃呢? 當然有，涼盤我們選了 $38我一向喜歡吃土豆絲， 涼伴土豆絲還加了點麻辣,  味道更有衝擊，土豆絲也爽口好味 。 主食 $88 是 豬腩肉炒椰菜，看似是家常小菜，但炒得相當夠鑊氣，椰菜花爽脆可口；  豬腩肉香口，送白飯不俗。  白飯$12b]蔥油拌麵 $38是上海菜的原統的一種麵食， 醬汁焦香， 但麵條略欠彈牙。  

約左嗜辣朋友lunch, 知道佢屋企附近新開左間十二味, 仲有易拉架banner喺街口添, lunch set之前都食過係抵食嘅, 而且可以一人一個餸開心share, menu主要係門口嘅宣傳單張但order就要用電話, 位處地下一層signal無咁好, connect到wifi就perfect池.>川香回鍋肉 (HKD58)哎丫😫我地想食嘅酸菜魚已經賣哂😩, 好在其他options都吸引. 川炒回鍋肉好好味, 一片片豬肉小辣夠入味, 蓮藕片更係爽脆嘅, 送飯正呀.>水煮牛肉 (HKD58)眼快快以為係水煮肥牛原來係牛肉, 牛肉厚肉得多, 仲好多塊呢, 大碗內香料花椒等等超多味道勁豐富, 菜同青瓜可說係盡收水煮辣精華, 份量實在好足!!>燒椒皮蛋 (HKD48)透明蛋白嘅黃心皮蛋真心係必食item, 麻辣汁醬底簡直係味蕾衝擊. 皮蛋非常溏心, so far都未食過咁晶凝通透嘅皮蛋, 感覺無咁heavy同時令人一口一口勁快食哂.>百分百純椰青水(+HKD8@)兩份餐點都要小辣, 加HKD8一罐Meko椰青水解辣解渴啱哂.

又係北角搵食 諗起都幾耐無食酸菜魚 search下見到和富中心有間十二味 有得食 一於試下佢 一坐低Menu好似返大陸咗要自己掃描枱上既QR code落單 我地一行兩人叫左兩個午市套餐同一碟小菜 分別係牛肉麻辣香鍋同酸菜魚 兩個套餐都跟碗飯 一小碗小涼菜 同一杯慾望酸梅汁 而小菜就另叫左一碟 酸辣土豆絲呢度午市套餐既酸菜魚只係$68真係好平 一個人想食酸菜魚既時候黎呢度食絕對唔破費酸菜魚湯底仲可選擇辣度 有得揀唔辣 小辣 中辣 大辣 任君選擇 幾好 然後大大碗浸滿酸菜 上面鋪上小小辣椒既酸菜魚就黎到我地臉前 食落唔算好麻辣 酸菜甜酸惹味 濃郁 送飯一流 我相信平時唔多食飯既人 黎到呢度都會好開胃 甚至會食多碗飯然後仲有個牛肉麻辣香鍋 牛肉吸收左麻辣香汁 入口惹味甘香 相信炒既火侯時間控制得幾好 牛肉食落質感爽滑又彈牙邊食麻辣香鍋 梗係要配返道小菜幫手降下辣 我地叫左一碟酸辣土豆絲 一上枱見到一大碟超足料 土豆絲粗幼適中 硬度適中 入口甜甜酸酸 夠爽口 開頭一上枱仲驚會食唔曬 點知食下食下好快就清左成碟 好惹味呢餐當然唔小得我地飲個杯叫做慾望酸梅既飲品 一邊食一邊飲 辣得過癮同時 可以

北角城市花園下面新開的店，裏面非常寬敞，裝潢有中國風。服務員態度都幾好。酸菜魚非常入味，因稍微感冒點了小辣，酸酸的味道很開胃。魚都好新鮮，酸菜不算多，但有蘿卜片、萵筍片與平菇，算是非常豐富了。同時點了午市套餐，菜的分量都幾大，送酸梅湯，總共不到50，這個環境算是好實惠啦！乾煸四季豆以及口水雞都唔錯，尤其鐘意口水雞上面的花生碎，好香。全部菜都吃得乾乾淨淨。下次要試下辣子雞與麻辣香鍋。整體非常滿意，會常來。

今日出北角接女朋友收工，應承左帶佢食好野同埋去夾公仔🤣💸💸💸！出發之前梗係做定晒功課睇吓附近有咩食啦，個傻妹最鍾意食辣野, 搵到和富中心有間叫十二味嘅四川野，就決定去呢間到食大餐獎勵下辛苦左全日嘅女朋友啦！十二味係中式風格令到成個感覺好地道，女朋友一去到已經好開心。枱上面有QR code 俾我地落單，好先進，有d似深圳嘅探魚！ ☺前菜 - 川式口水雞女朋友至愛！個汁超岩我地口味，正宗四川麻辣味，好惹味，雞肉超嫩😻主菜 - 麻辣香鍋去到餐廳時見到個個都叫麻辣香鍋同酸菜魚！我地十五十六諗左好耐，最後都係決定叫香鍋，唯有下次先再試吓酸菜魚啦😭😭😭揀左麻辣香鍋之後仲要揀配菜！首先梗係要揀d索味既配菜，倒如豆皮、寛粉同金菇！肉類海鮮類方面就揀咗主打嘅炸蝦、大大粒午餐肉同滑牛！原來四川香鍋係比較乾身，食落唔會好油仲好入味!中辣啱啱好加埋紅辣椒、芫荽、花生同芝麻等香料好正呀，面頭嘅香料唔同顏色令到成個賣相好靚，真係色香味俱全！咁多野配料我最鐘意既就係炸蝦，個殼炸到脆卜卜，但肉質仲係咁爽口！另外午餐肉都好好味，好厚身份量好多😆最後仲點左可樂同酸梅湯- 慾望酸梅，好滿足！🥳 $400埋單好抵食👏🏻👏🏻👏

收工之後約埋男朋友食飯，我地見到和富中心開左間新嘅四川野，一於去試下啦！✌🏻✌🏻呢間十二味店內裝修係中國風，地方都夠哂闊落，坐得好舒服！一去到店員已經叫我地用手機scan QR code 落單，超方便！講番野食先，呢到主打麻辣香鍋同酸菜魚！兩樣都超想食啊，可惜我地得兩個人，見到隔離枱d野食份量好大，驚食唔哂，只好忍痛揀一樣試試先啦！我地最後揀左麻辣香鍋（中辣）至少要揀五樣配菜，我哋分別揀咗炸蝦、午餐肉、寛粉、滑牛、豆皮同金菇！☺️香鍋用秘制醬料撈好，面頭加左好多香料：紅辣椒、芫荽、花生同芝麻，非常惹味！味道好濃，不過略嫌唔夠辣，下次一定要揀大辣！ 而配料方面炸蝦好出色，蝦殼香脆，肉質爽甜，而牛肉肉質超嫩滑，唔錯！最重要揀係記得要點寛粉啦，索哂d汁超入味,好正！💙💙另外我地仲點左川式口水雞！大推！因為個川式醬汁味道岩岩好，咸辣適中，而且份量又多，雞件大大件又滑，必點啊！😻食得麻辣，當然要配返啲飲品啦！今次揀咗慾望酸梅，28$大大杯，酸酸甜甜好開胃，好抵飲！🥳整體理講，食物質素高而且抵食👏🏻👏🏻👏🏻

之前搭車響東區走廊路過北角見到，有個新起好靚嘅建築，諗住去參觀下，路過既時候發現左呢個商場，入面原來有好多新餐廳，就食完野先再去睇。餐廳好多川辣菜，午餐仲有好多抵食套餐，不過我哋五點幾嚟到，又過咗午餐時間，就單點試吓先，點左兩個蔥油拌麵 $48，一份乾煸四季豆 $68，同埋一份紅糖糍粑 $48。呢度大部份嘅嘢食都係辣嘅，但都有少部份可以選擇辣或者唔辣，乾煸四季豆雖然揀左唔辣，但仍然好惹味，岩哂餸飯餸麵。本來以為好似糯米糍咁嘅紅糖糍粑，就有啲驚喜啦，佢表面係炸脆左，同裏面嘅粉團就做到外脆內軟既效果，加上表面鋪上紅糖粉，紅糖份好幼細，每咬一口糍粑，再沾滿一次紅糖粉，甜得來又有口感，食落好好味😋😋😋。

開下開下，哇，十二味又多一間分店， 除了行街熱點外，現在北角也有它的蹤影。門面也是一如以往的深色實木風格， 招牌十二味字體。內裏裝修依舊有中式風格。十二味的吉祥物應該是熊貓吧?! 已經不是第一次看見有熊貓的裝飾或紀念品。其他分店一樣，除了實體餐牌以外，還可以用手機點餐方便客人。我們點了最簡單的菜式。 乾扁四季豆($68) 一向都是我們喜歡的菜式， 四季豆爽口，有欖角和蒜粒，是絕佳的下飯菜。還有還有大盤花菜($88) (怎麼今天都不其然點了蔬菜類呢..哈哈哈)， 大盤花菜果真很大盤，分量很多，花菜新鮮爽口，還配有最靚的豬腩肉。雖然看見周遭的客人都點了招牌自選香鍋， 大大鍋的很吸引，當初有點後悔為什麼不點香鍋，但我們點的兩款小菜都真的很好吃， 下次再試香鍋吧!

喜愛食辣嘅我，經常四出搵唔同嘅川菜食，自從上次試過「十二味」嘅酸菜魚後，已經覺得呢間餐廳嘅川菜唔錯，今次就來到北角和富道嘅分店。同尖沙咀分店一樣，餐廳無實體餐牌，每張檯上都有一個獨特嘅QR Code，掃一掃就可以慢慢點餐，非常方便。由於上次已經食過酸菜魚，今次想試另一樣野，就決定要個香鍋，再加一個小食。川式口水雞 :上次試過餐廳嘅口水雞，已經非常喜歡，所以今次再encore，雞肉入口嫩滑，食落唔多骨，尤其喜愛佢地秘製嘅口水汁，味道又香又辣，作為前菜開胃簡直一流。經典香辣鍋 :香鍋有香辣鍋同唔辣嘅醬香鍋可以選擇，好辣嘅我地當然揀香辣鍋，辣度揀左中辣，配料就揀左午餐肉、雞軟骨、豬頸肉、土豆、萵筍、四季豆及年糕。香鍋上檯時散發濃烈辣香味，配料加入大量辣椒及香料炒過後好入味，中辣開頭唔覺得太辣，但其後越食越辣，非常過癮，配菜中午餐肉吸收晒鍋入面嘅辣汁，非常惹味，而雞軟骨及萵筍令香鍋有脆脆嘅口感。埋單每人二百蚊左右，同上次有唔同體驗，但感覺一樣滿足，下次真係要試埋佢地嘅水煮魚。

之前其實都去過尖沙咀旗艦店，北角點相較之下係比較細，但裝修一d都唔馬虎，店鋪整齊帶點中式客棧元素。同内地好多店鋪一樣，可以用檯面上既QR code點餐，非常方便。上菜速度亦非常快，最欣賞叫甜品-冰粉既時候係可以揀後上，以免放耐左變得唔凍。蒜泥青瓜原本以爲涼菜小食會好細碟，點知份量係非常大，手掌大小既盤上滿滿都西青瓜。青瓜係放左係雪櫃雪凍左先拎出黎，食落非常清爽，加d蒜蓉令整道菜無咁單調。口水雞有不同辣度可以選擇，原本怕揀小辣會搞到無咩麻既味道，但呢個口水雞係小辣得黎又比你食到麻既果種過癮。 隻雞本身煮得恰到好處，非常滑溜，雖然辣，但都食到雞原本既鮮味。酸菜魚招牌酸菜魚係一定要叫，個碟係非常壯觀，上面全部都係魚，而且仲幫你去曬骨，魚質亦好嫩滑。酸菜魚建議叫中辣，味道會balance d，湯底係非常濃厚。除左魚之外，仲有菇、旬、菜等配料。冰粉之前係大陸食探魚深深愛上左冰粉，自此之後每次見到都會叫黎食。呢度既冰粉應該係我食過最好食既冰粉，首先冰粉非常滑溜，其次一般既冰粉可以只係依靠d提子乾黎調味，但呢度既"湯底"係用菊花煲既，食落有非常清香既菊花味道，d提子乾再提升冰粉既甜味。

向來喜歡吃酸菜魚的我，總喜歡周圍嘗辣的水煮、酸菜菜式，這天看到裝修已久的店開幕了，更是在銅鑼灣也有店的「十二味」，當然要去試試。每間店都總會有很多熊貓。🐼店員很友善，而且店內比較先進，是用電話點單的，真方便。來到吃川菜的，當然要試下酸菜魚，看到有點驚喜，$68有前菜、有很多片魚、而且肉質很鮮嫩，一點也不像平時在街上吃的魚，酸菜加辣味很入味，配上飯很令人回味。而且，餐廳很細心，讓我們自行選擇哪種辣。朋友點了回鍋肉，也是很豐富的菜加上薄薄的肉片，而且一點也不油。蔥油拌麵的上碟也比較特別，看到漂亮的碟子 很高興。這個小菜也不失色，蒜粒很香，青瓜清甜。以後想吃酸菜魚，不用去其他地區了，很懷念哪鮮嫩的魚肉呢～

好掛住深圳既酸菜魚，但朋友們都無時間一齊北上，唯有搵晚食酸菜魚補償一下啦！朋友話北角和富新開左十二味，東區朋友有福啦～跟深圳一樣用電子落單，減少紙張之餘又方便！只需照一照檯面上既QR code就可以，熱門必選之選係人見人愛酸菜魚，$198好大窩；$226就配埋寬粉。經過一輪商議後，我地點左酸菜；口水雞；乾煸四季豆；蔥油拌麵。份量剛好3-4人。川底口水雞賣相好吸引，麻而不辣係川菜既特式。乾煸四季豆係解辣之選，食完口水雞再食四季豆會覺得好清新，口腔既辣味全消。至於蔥油拌麵，味道偏淡，要自己沾少少口水雞既醬汁先夠好味。鐘意重口味既人就唔好點蔥油拌麵了。主菜出場：人見人愛酸菜魚。啖啖魚且無骨真係好正！我地點左小辣，唔辣⋯可能而家食到進一步既辣，下次可以點中辣，haha! 酸辣魚配寬粉真係天下無敵，食得好滿足！

作為一個重慶人，十二味的口味的確在香港算不錯的，所以一直有支持這家店，北角既然開了新店那當然就得支持一下啦！總體來說，很適合上班族，一份58蚊左右餐食標準，就可以吃到飽，真心讚喲！下面從服務方面說一下吧。服務方面，不知道是不是週六午市沒多少人的原因，服務員是要自己叫的，所以沒有很熱情，然後旁邊幾桌都有人抱怨說怎麼還不拿單過來的情況，我猜可能是新店服務資源分配的問題吧，有服務員站著也不知道在幹啥（雖然這麼說不太好哈哈哈）但是看得出來需要磨合。

呢度而家全採用電子落單，QR code掃或者拎個pad落都得，方便。午市實在太抵食，50蚊都唔使就有個餐，不過我都食左個酸茶魚，餐應該有涼菜有飯，但今日仲新張期間，涼菜冇晒，酸菜魚真係完全唔辣，有酸菜同薑粒，好濃味，層油都幾香，魚肉好夠多！餐配酸梅湯，同平時飲開果啲好唔同，呢度冇咁酸，幾特別。散叫左個土豆絲，小辣我都接受到，土豆好爽脆，好惹味！蔥油麵就都幾香，但略嫌麵底有啲散。紅糖糍粑炸得好乾身，豆粉同紅糖勁夾，係好正宗既糍粑。雖然午市好忙，但店員都好好態度，好用心解答客人問題。