十二味麻辣小當家 (已結業)

香港的麻辣味很多時候都夠麻就不夠香，夠辣不夠麻，最難令人接受的就是只咸不麻不辣不香。十二味麻辣小當家的麻辣就是又麻又辣又香。可以說非常正宗。極富特色的裝潢，面譜是店的主調，雖然富傳統色彩，但也有時尚感。色彩鮮明，對比強烈，讓人感覺十分有特色。吃川菜的特色除了水煮菜式，另一可以試出是否正宗的菜，就是回鍋肉。回鍋肉的靈魂是回鍋肉本身，回鍋肉一家要切得夠薄，當然就是肥而不膩，還要口感爽爽的，一點都不能軟糯。十二味麻辣小當家的回鍋肉就完全做到，可以說是外婆的味道。另外，涼拌土豆絲也不錯，切得很細，爽口的，微辣的，味道相當好。水煮魚的味道就是麻，辣，香全俱全。熱油把麻辣香全都帶出來，水煮魚的精髓就完全了。魚下油的時間剛剛好，讓魚仍十分嫩滑。這裡用的乾辣椒品質應該不錯，因為讓整盤水煮魚更香。雖然茄汁鍋巴菜式簡單，但做得好就一點都不簡單。茄汁調得酸甜咸味剛剛好，微酸，微甜，微咸，讓沒有味道的鍋巴的米香淡淡滲透出來。鍋巴炸得脆而不膩，十分香脆，米香十足。另外，還有高屋酸梅湯，正好清清口中吃過水煮魚滿滿的麻辣味，十分清甜清新，完全透心涼。

逛完奧海城，有太多餐廳可選擇，最近發現一間麻辣店，環境和食物都十分不錯。朋友是重慶人，他也說這間麻辣十分正宗。麻與辣配合都剛好，所有麻辣菜式都是又麻又辣。這裡的環境很好，有室內也有室外，感覺風味完全不同。夏天，我當然選室內好一點，室內裝修十分有心思。既有具傳統色彩的面譜裝飾，又有比較可愛的壁畫，在傳統中加入可愛的配搭，令環境更輕鬆。涼拌土豆絲非常有鑊氣，切工非常細，吃起來非常爽口。再加上麻麻的味道，就是又爽又麻，配上白飯最不錯。另一個食麻辣我必點的掠拌菜，就是青椒皮蛋。我很喜歡吃青椒皮蛋，但太難找到好吃的青椒皮蛋。首先，當然皮蛋要靚，而青椒處理過，我最怕遇上只把青椒隨便切了幾段就算，簡直就吃不了。要找青椒與皮蛋可以一起吃是不容易的。家鄉回鍋肉一點不油膩，完全不覺得在吃肥肉，非常爽口。這味菜微辣，回鍋肉拌上大蒜，青椒，味道十分野味。我試過太多都只用普通豆瓣醬炒的回鍋肉，又咸又不辣。這裡的回鍋肉炒的醬料味道相當好，十分野味。老重慶水煮魚，一吃就能吃得出炸辣椒的油十分好。乾辣椒和花椒炸出的味道又香又麻又辣，剛好麻在嘴唇上，微辣在口中，感覺非常刺激。魚則十分新鮮，鮮嫩，切得薄薄的，十足麻麻辣辣

今日去奧海城行街，朋友介紹呢間新開的餐廳啱哂中意食辣既我餐廳位於第三期外圍，有室內室外夏天當然坐室內啦餐廳佈置好清新，一睇就知四川風味我地首先叫左個經典香辣鍋我們選擇少辣香口，唔算好辣配菜至少要叫五款，有好多款選擇我地叫左 土豆。鹵水肥腸。寬粉。雞軟骨。豆皮個鍋底炒得好香，好乾身，辣椒份量好足料。非常惹味，香口。寬粉類似水晶粉，好彈牙吸哂辣味，好好食。值得推薦的係肥腸，炸過黎先炒好夠味又乾身炒得好有鑊氣食到最尾發現辣椒有甘多，真係好足料！之後我們再叫個口水雞麵麵底幼身，有口感口水雞唔算好辣，雞肉嫩滑，配上香菜啱哂我口味食辣嘢點少得凍飲呢度有椰青水叫，好清新碟同碗都印住中國味道係香港真係少有甘正宗的麻辣鍋而且係炒的，乾身香口順道一提，隔離食客都係中國人多証明夠哂正宗另外，我見到有唔少食客叫白飯配鍋底又係別有一番風味👍🏻👍🏻下次想試下小龍蝦，都幾大盆架

一向沉迷麻辣嘅我，發現係香港能夠食到正宗四川菜嘅地方真係唔多！唔知道鍾意食麻辣嘅朋友有冇呢個同感呢？今次居然比我發現到呢一個好地方，一入到餐廳發現九成都係國內人，單單係呢一份感覺我就知道我冇黎錯，因為相信連國內人都揀嘅四川餐廳，應該一定好正宗！一到去望到餐牌，果然同我平時喺香港食嘅四川菜好唔同！見到每一台客都點左鍋仔菜，叫法好得意，好似我哋香港人嘅打邊爐咁，先揀鍋底，再揀配料！配料裏面嘅:穌肉，係我聽都未聽過嘅肉，好奇心驅使之下就一於試吓你啦。上菜之後，發現穌肉原來係炸過嘅肥豬肉，雖然對於我來講係有啲唔健康同埋肥膩，不過我發現貝洛呢一個麻辣鍋底嘅味道之下，居然出奇地夾！鍋底我仲揀咗四川菜之中我最鍾意食嘅萵筍，萵筍你一道菜係屋企真係好少食，配麻辣醬汁味道係最正嘅！又多咗一個食辣野嘅好地方。

今日同朋友聚會，佢話奧海城多左吾少野食，所以今次就過左去試下……竟然見到有間食辣野，當然我同佢都忍吾住入去試啦……這裡有分戶外同戶內的，我地當然坐冷氣位啦，之後就見餐牌選擇不少，最後叫左辣同吾辣黎食，最後每人約$220都抵食喎。當然炒返個鍋先啦……經典香辣鍋係有2隻辣椒仔岩晒我地，之後再叫左6個餸：午餐肉炸左之後再入味，少少脆口好味道。之後不少得係肥牛啦，味道少少入味而牛味重。想食肉的我就叫左排骨仔，炸左之後再煮，不過就偏乾身。菜多少都會叫d,，四季豆炒到軟身而入味好香口，寬粉當然都叫啦，有口感之餘又吸晒味，但將會勁飽肚。最後朋友叫的花菜，原來係椰菜花，配上辣再炒另一番風味。山城風味辣子雞係朋友一黎到見到已經話想食，不久就黎到，見到辣椒十分夠份量喎，辣度夠，雞切得細粒而且十分入味，辣人。必叫，仲要有優惠$98就有得食，但只限一人一桌。食咁多辣野當然想食返少少清清地，清炒萵荀絲就不可不叫，沒想到份量吾少喎，炒得剛好吾淋身好味。

我一直睇好十二味呢一個品牌，試過佢嘅銅鑼灣，紅磡同埋尖沙咀分店都十分之喜愛，得悉佢喺大角咀又開左新分店，即刻忍唔住同胖侶一齊嚟試下。酸辣土豆絲，土豆絲炒得爽身，因為未有炒得太熟嘅關係，每一條都好爽口，酸味同辣味嘅夾雜令到胃口大開， 亦為一陣嘅麻辣同埋香辣作出一個好好嘅間場。家鄉回鍋肉，回鍋肉炒得極度惹味，豬肉未見選用太肥膩嘅部分，食起上嚟都無咁大罪惡感，豬肉同埋葱段如果嫩一啲相信個口感會更加好。鄉村土涼粉（麻辣），土涼粉被切成一條條丁方長條，令賣相更加骨子，涼粉口感非常細滑，而個麻辣汁簡直係靈魂嘅所在，令人百吃不厭。經典香辣鍋，卒之都嚟到今晚嘅重頭戲喇，呢度最啜核嘅 係以一間川菜餐廳嚟講，竟然有得俾你揀少油少鹽或者少麻，須知道好多川菜館都覺得少鹽少油就唔係正宗嘅川菜，你要求話少油鹽好多時都唔會睬你，而呢間餐廳就真真正正感覺到佢有心遷就香港人嘅口味，連喺餐牌上面都有個格仔俾你剔少油鹽麻等，愛辣好麻嘅我選擇咗中辣，少鹽少油，辣度對我嚟講啱啱好，少鹽少油嘅選擇亦都比起坊間嘅川菜更加健康，而同時又不失美味。餸菜方面係五款起炒，我揀咗鹵水金錢肚，油麵筋，蓮藕，萵荀同埋油麥菜，呢度嘅鹵水金錢肚真係

位於奧海城三期嘅《十二味麻辣小當家》， 係一間新開嘅川菜餐廳，主打辣得過癮，味道夠曬正宗嘅四川菜。心得區內思鄉嘅四川，重慶人歡迎。 由於我無辣不歡， 路經此地， 當然要把握機會過癮一下， 刺激一下味蕾。餐廳位於奧海城三期地下嘅外圍， 面對住海富苑， 有露天嘅戶外座。 不過夏日炎炎， 食辣野會令人熱血沸騰，戶外座還是留番冬天吧。餐廳嘅餐具以中國面譜為主題， 色彩繽紛， 同紅噹噹嘅川菜非常配襯。先來一個前菜 【酸辣土豆絲】48， 土豆絲炒得非常清爽， 味道帶酸， 感覺非常清新。 而且土豆絲炒得非常爽口， 加上少少辣椒乾， 酸酸辣辣， 非常醒胃。 係一道既簡單， 又家常嘅農家菜， 令人尋回農村奶奶做飯嘅味道。【川式口水雞】$78 乃是我最喜歡嘅川菜之一， 口水雞肉嫩滑， 而且有冇雪味，加上秘製嘅麻辣醬，麻中帶有花椒嘅香， 味道相當正宗。 再配上不可或缺嘅芫茜菜， 令到整個口水雞嘅香味提升。 口水雞下面嘅青瓜亦不容忽視， 青瓜嘅清新， 令到麻痺嘅味蕾得以中和一下， 繼續下一道菜式。來都全晚一種點菜式 【麻辣香鍋】, 相信大家對川式嘅香鍋唔係太認識， 原來香喎即係炒出嚟嘅火鍋， 今次我就揀咗味道

行過見到呢間d野食幾特別又唔算貴，就決定入去食個Lunch。呢度d野食好似係大陸食東北菜甘，有好多選擇，都簡左一輪先簡到😂😂雖然主打食辣，但都有唔辣既選擇😌⭕️秘制醬香鍋 唯一一個唔辣既鍋，食落幾濃味但唔會口渴，不錯！另外叫左d料，料係另外加錢的。雞軟骨有咬口份量多，心型魚蛋幾彈牙，芋絲又吸哂d醬既味好正！薯粉出面好少機會食，呢度既蘿粉唔會好硬，配上鍋既醬好正！油麥菜朋友鐘愛的，我就認為冇咩特別了😂⭕️手拍青瓜做前菜一流，青瓜新鮮爽脆又勁多蒜，正！⭕️四川冰粉呢個係甜品黎，好特別，又好香玫瑰味，值得一試😍

餐廳雖然唔大，但裝飾都幾靚、有心思。招財豬手對於鐘意食辣既人黎講，見到又紅又綠既辣椒真係好吸引！豬手滷過後再同辣椒一齊炒，豬肉本身都滷得好入味，再加上經過辣椒爆炒後，外層充滿左麻辣既香氣。一咬去就有多一層豬手既油香，口感彈牙，好食！冷鍋串串見到個名咁得意就叫黎試下，原來係好多一串串既食物浸係麻辣汁度，好有街頭小食既感覺。麻辣汁好似譚仔三小辣咁，辣度足夠，個口仲會有點麻，好過癮。串串有魚丸、牛丸、香腸、蓮藕、鵪鶉蛋、牛柏葉同魷魚。蓮藕超爽脆又夠甜，鵪鶉蛋本身既蛋香配埋麻辣汁好爭食，牛柏葉同魷魚都好爽口。

之前食過紅磡既十二味，知道可以係呢到搵到中國式香辣今次就走到大角咀搵食，餐廳加入左中國特色元素，主題就係四川面譜孜然寸骨 寸骨完全埋沒咗係一片紅色嘅乾辣椒花海，視覺上都幾壯觀炒到乾身，有香氣，但並唔算好辣由於寸骨位既肉質類近羊肉，加埋孜然粉，食落都可以呃下人，真係幾似羊經典香辣鍋 我哋揀左皇牌經典香辣鍋，而且係菜單到仲可以列出特殊要求就好似走香菜、走油、走鹽等等 我哋呢一種扮健康人士，就選擇咗走油走太多，怕影響佢原本嘅味道配料就有牛栢葉、鴨腎、土豆牛柏葉切到好幼，所以唔會擔心佢太硬，同太un而且仲好入味鴨腎同樣地幼切，可能口感會削弱左啲但仍然係爽身土豆切成絲，質感介乎係爽身同淋之間亦都非常吸味，超推

今日同朋友講起食辣野，即刻上網搵吓，就近近地去奧海城三期嘅地下試吓十二味麻辣小當家。裝修俾人一種好輕鬆嘅感覺，並唔係傳統嘅路線。座位分左室內同室外，但係依家天氣太熱啦，我哋當然放棄左室外嘅座位啦。。首先俾咗一張好似車仔麵嘅Menu俾我哋，然後就可以喺上面剔出自己想食嘅鍋底，鍋底方面有七種選擇，其中六種都係辣嘅。我哋就揀咗唯一唔辣嘅秘製醬香鍋$38。店主好細心，因為可以係選單上選擇走香菜，走芝麻，走花生小麻，小油等選擇。雖然佢叫鍋底但係都係炒出來，去到配菜呢，就大約分左兩種，肉類同素菜，需要選擇最少五款食材以上先可以起炒的。。上菜速度都算快，秘製醬香鍋嘅秘製醬汁，炒出來鑊氣十足，仲好香添，雖然我哋揀咗五種配料但係略嫌份量不夠多。清炒土豆絲$38我同朋友都好後悔叫咗走辣，但係都好脆口，相信如果係辣，應該係好惹味。。川式口水雞$78麻辣味取得平衡， 雞肉嫩滑入味，好惹味，一讚係辣油比一般店舖的較少。。。酸辣木耳$38木耳好爽口，唔算好辣，可惜酸味不足。另要讚賞呢度嘅餐具好有心思，具有中國特色。

今日落勁大雨，食個麻辣野暖下肚。十二味好似都幾出名，之前係銅鑼灣見到有一間。間野侍應大部份都講普通話，食川菜一定好正宗。叫左個麻辣香鍋，有牛舌，蓮藕，五花肉，鹵水肥腸，寬粉同埋五香豆乾。一叫就叫左好多野食。但估唔到份量咁大，以為係細細鍋，但係真係勁驚喜。麻辣香鍋一黎，即刻聞到辣椒既麻香味。好多燈籠仔既辣椒，呢啲辣椒係麻辣香鍋既主角。食左一啖肥腸，麻辣味滲入肥腸，味道夾得好，有熱辣辣。食第一啖已經停唔到口。蓮藕好脆香。鍾意食五花肉既味道。五花肉整到乾身，麻辣味加埋爽脆既五花肉，味道超香。寬粉口感彈牙，有少少似薯粉，厚身啲既薯粉。呢個麻辣味加埋所有野，真係停唔到口，好好食。食物又keep住好熱，食到超過癮。好爽呀。

午餐時段入座，點了午市套餐的麻辣燙和幾個川菜。麻辣燙選的是酥肉，這是川菜比較經典的菜品，搭配麻辣燙略微軟了一點，熱辣火鍋短時間燙熱更合適，但不影響麻辣燙的整體體驗，湯底是足足的麻辣滋味！海帶等配菜加在裡面，一如既往的好吃😋另外點了麻辣小麵。一直以來好吃的麻辣小麵都比較難找。雖然總對湯底和麵有更多要求，但吃到眼下這一碗，還是滿足。酸辣土豆絲，刀功好，點的不辣，可以在麻辣菜式之後清清口。總體來說，搭配合適。一頓午餐，很舒服。

一直以來都好鍾意食十二味麻辣小當家，皆因我覺得佢係香港口味最正宗噶麻辣香鍋，而且食材好新鮮！食得好放心。近日得知開佐分店來奧海城，離公司好近，中午一放break就走過來食，終於唔使過海都食到麻辣小當家啦！！今次都係跟翻一直以來的習慣，揀佐孜然香辣鍋（雖然menu有兩粒🌶️，但可以要求改為小辣），一上台就香到痹，連影相都想快d影完就開動！除佐香鍋仲order佐涼拌土豆絲（唔辣），蒜香味同蔥香味較重，適合解辣！奧海城店午市套餐好豐富，選擇好多，今日揀佐素的重慶麻辣燙，內裡有芽菜、海帶、蓮藕等，湯汁似係水煮魚的汁，都幾香幾好味，但個人覺得辣佐小小。奧海城新店引用了「面譜」主題，餐具上都有面譜，加之印有「中國味道」四個字，好得意。「面譜」運用都係軟裝度有體現，呢面牆好醒目呀～係幅牆隔離仲有手繪壁畫，有小當家charlie個卡通樣，好趣稚！有埋呢幅畫，覺得成間舖頭個氣氛活潑好多呀。

住在九龙经常跑港岛就为了吃麻辣香锅，每次必点的孜然锅，鸡翅魔芋丝豆泡海带茄子午餐肉，两个人总能吃的很撑凉菜必点凉拌土豆丝这次去还点了个新菜：招财猪手，切的小块适合女生吃，分量适中爱吃猪手可以一个人吃完一整盘