十二味熱辣火鍋莊

營業中

休息中

話說最近皇后大道西開咗間麻辣火鍋店。同事尢其鐘意挑戰麻辣，所以一行人膽粗粗去試喇。星期五放工後都唔算多人，入到去就已經好快安排到位置比我地。相當有趣嘅係，入席前老闆叫我地各人挑選一件圍裙，食火鍋真係第一次著圍裙。眾多嘅選擇裡面有我最鐘意嘅鬼馬柴犬！入到去唔好以為鋪內好細，行入啲原來仲有好大嘅空間！四周都彌漫住火鍋嘅熱氣，同埋撲鼻嘅香味。呢間火鍋店嘅經營形式係逐樣餸計算。所以記住叫order時，要衡量下自己荷包嘅預算！我地分別叫咗：魔王三層塔、墨魚滑、桂花蚌、田雞、白鱔片、鴨血、黑豚肉、桶蠔、凍豆腐、薯仔片、菜盆⋯⋯至於湯底，當然要試下佢個麻辣湯，不過我唔食得太辣，大家就鴛鴦湯試埋個野菌魚湯鍋。野菌魚湯比較清，所以我會去醬料部到溝豉油點食物；至於麻辣湯，我因為唔食得辣，所以食少少味覺都麻痺咗。同事話又唔覺得太辣，覺得個湯底調較咗適合香港人口味。等待湯滾嘅同時，食物都陸續泥。首先要推介嘅係鴨血，爽身有嚼口，煮耐咗唔會散到一粒粒好完整，焯耐一啲仲入味！其次要推介嘅係桂花蚌，價錢唔貴，食材嘅新鮮度同份量都係非常超值。當然口感同味道都好出色，必選！白鱔片都係值得推薦，價錢比其他店鋪平！處理得好好

天氣凍就想打邊爐，於是上網查下有咩好野食，點知發現原來屋企個邊有間新開的打邊爐，出於八卦的心態又咁近，當然去望下，點知見舖內好多人，而且被個個陣麻辣香味吸引左入去。。。一入去有得自選"特色"圍裙一條(目測有人帶住美少女，忍者，旗袍，大隻肌肉男等既圍裙任揀)，對於我呢啲食相比較粗獷既人黎講，的確係個好貼心既服務，一黎唔會怕整污糟件靚衫（好彩有美少女幫我頂左一下，如下圖），二黎滿足相機食先既港女心態😂由於我地叫左以下咁多款。。。打邊爐點可以無肥牛，仲有個炸雞即食又得打邊爐又得菊花鴨胗-菊唔菊花先？XD呢個肉串好好食，推薦總括黎講,服務貼心-侍應有禮，由於我地唔太食得辣,侍應默默不停加茶食物獨特-好多材料都有獨特的風味，加上獨特的香料，好有特色聚會好地方-唔會有限時，任坐

麻辣火鍋有好多唔同嘅口味，人哋話最正宗就係四川嘅麻辣火鍋。四川我就真係未去過，但係呢度嘅麻辣火鍋係我食過之中最有味道，最辣嘅。呢間新開嘅火鍋裝修簡潔，門口有幾級台階，形成個感覺好有氣勢。入面係以卡位或者圓台為主。入咗去之後要先揀一個自己比較鍾意嘅圍裙圖案，點解要揀圍裙？因為食麻辣火鍋嗰陣好多時，啲油會彈咗出嚟，如果你件衫咁岩係白色就遭殃啦！所以呢度非常之貼心，幫你準備埋好靚靚嘅圍裙。呢度除咗有麻辣湯底之外仲會有豬骨湯底同埋另外一啲清湯湯底，唔食辣的都唔怕。我哋就揀咗一個一邊辣一邊唔辣嘅豬骨濃湯。特別嘅地方係麻辣可以揀用普通嘅油或者牛油。牛油火鍋湯底幾特別，出嚟係一舊好大嘅油磚。店員話嗰舊牛油系自己特別訂製嘅，要等佢慢慢溶化，咁個湯底就會慢慢出味。呢一個麻辣湯底嘅辣嘅程度我可以係俾11級(滿分係10級)但係佢除咗辣味之外，湯底本身都好濃，用咗好多唔同嘅香料，就算唔食落去都會聞到嗰陣香。而且佢用咗牛油個感覺唔會有普通油有嘅油溢味。另外一邊豬骨濃湯個湯底都ok，中間仲有非常之大舊嘅豬骨喺度，真係名副其實嘅豬骨湯底。配料嘅種類亦都非常之多。另外仲會有一啲涼菜可以揀，我比較推薦嘅火鍋配料係鴨血。

週末同幾個朋友去西環食晚飯，西環都幾方便我們聚腳。今次又去搵火鍋食，經過門口見到新開業既火鍋就有種衝動入去試。入去食之前有得比大家拎圍裙，如果坐大枱唔用都無問題，但如果係坐細枱拎黎防下身都唔錯。我地今次簡左麻辣同魚湯既鴛鴦鍋，依到既麻辣係香港人口味既麻辣，麻同辣都唔算特別強反而比較鹹，所以加個清湯可以自由決定入味既程度。今次點既海鮮好有水準，蠔十分鮮甜，有成半隻手掌咁大隻。桂花蚌好爽口，煮熟後鮮甜味唔會消失左。墨魚滑夠彈牙足料，唔會無哂墨魚味同應有既口感。仲有好小見既鴨血同薯粉，係麻辣鍋加成下，特別好食。而依到既茶水係花茶，整體感覺都唔錯。

今晚同男朋友打邊爐呀！男朋友番工之後好耐無陪我，難得可以一齊食飯，當然要去食我地最鐘意既火鍋。西環開左一間新餐廳，主打辣鍋，就去試試。食物價格中上，食物款式新穎有趣。辣鍋+魚湯鍋。我好怕辣，所以男朋友特意點上一個魚湯鍋。家鄉炸酥肉。肉片炸得香脆香口，醃得入味炸得油香豐富，入口不油膩肉質爽嫩。炸響鈴。美國雪花肥牛。牛肉片油脂高入口嫩滑不膩，薄薄一片肉味突出入口爽嫩滋味。響鈴吸盡湯汁入口，入口帶點爽脆，最鐘意食響鈴啦。四寶丸。男朋友至愛，四款不同口味的丸類，肉丸爽彈唔會霉，帶點鮮味，味道驚喜。

冬天最好就緊係可以打邊爐，而且仲要係麻辣火鍋先至得!! 星期五可以去遠啲，所以特登遠征去西環，試下呢間夠曬正宗四川重慶風味嘅火鍋店餐廳門口夠曬氣派，同埋係傳統中式嘅裝飾黎，侍應大部份都係內地人，所以可以肯定火鍋味道應該幾地道，而星期五都幾爆場，訂咗枱都要等一陣先有位。除咗門口幾張大枱之外，入面都係四人卡位，或者六人位等等。由於打邊爐好容易整污漕啲衫，尤其係紅色嘅麻辣湯底，所以餐廳好細心，提供咗一系列得意嘅圍裙，等大家可以安心食火鍋，我個人最鍾意就係呢個超搞笑嘅柴犬圍裙，即刻忍唔住同柴柴們影番張相，另外仲有美少女戰士、超人、皇帝、娘娘等等造型嘅圍裙大家都對打邊爐有一定認識，所以基本嘅火鍋配料都係嗰啲野，但係呢到有少少特別嘅野，倒如豬腦花、鴨血、黃喉等食材，原本想挑戰豬腦花，可惜是日缺貨，都有可能係逃過一刧嘅，哈哈~~湯底就緊係要揀個超紅，超多辣椒嘅重慶麻辣大紅鍋啦，但係以防真係辣到食唔到，所以就叫咗鴛鴦鍋，另一個湯底就係來自重慶的白湯鍋。麻辣湯底真係麻得過癮，辣得爽，啲辣椒仲愈熬愈辣，如果可以落少啲油就好喇，因為食到後面開始覺得油膩，我同朋友都淨係食白湯湯底。打邊爐主打嘅火鍋材料，一定係

今晚同媽媽打邊爐，見到西環開左間新的餐廳，主要打邊爐為主，凍冰冰既夜晚當然要打邊爐暖一暖啦。媽媽喜歡辣鍋，點上一個火辣鍋，再叫幾樣食物。香辣羊肉串。羊肉醃得香辣入味，用竹籤串上羊肉打邊爐好方便。羊肉入口嫩滑不鞋口，入口羊羶味不多，辣味濃郁突出。青笋。第一次食，好有趣的味道。青笋入口爽脆，吸盡辣味火鍋湯，入口辣度高爽脆多汁。雜錦串串。海蝦鮮甜爽口，入口新鮮生猛，喜歡雞蛋串，蛋味濃郁突出，好特別的食法。點上一個白飯。

多謝老公帶我返去細個住嘅地方，一路上睇住你手指指，聽你講你讀中學嘅地方，帶我去睇你曾經同朋友食Pizza Hut嘅廣場。。細個時候你同你媽咪食海南雞飯嘅酒店。。我真係好鍾意聽你想當年❤️幻想你小時候嘅日子。最後你帶我去食我夢寐以求嘅😍😍正宗麻辣火鍋🌶鍾意食辣嘅我，心情簡直興奮到好似去朝聖一樣👄👄啱啱入到餐廳裏面嘅時候真係嚇親🤔客人100%都係內地人，全場full booking+全場操流利普通話，震撼地，全場嘅枱面亦都只有麻辣湯底。。嘩(除左我地張枱係鴛鴦湯底，難得你唔食辣但係都帶我黎，感動)感覺真係好地道！我幻想自己好似去左四川咁🍜店員包括侍應。。經理。。一律都用爆標準嘅普通話對答(我心唸，原來呢度真係四川人開嘅，仲成個班底一齊黎香港，真係好有誠意)麻辣鍋終於送上，見到一條條嘅乾辣椒令我好興奮！湯底好足料啊，裏面除咗有辣椒之外，仲有新鮮嘅花椒，原粒蒜頭同薑！第一碟食嘅係牛，由於湯底已經好夠味道，對於我來講牛肉根本完全唔需要點任何醬汁，已經超惹味！鴨血亦都係食麻辣火鍋唔少得嘅，爽口而薄身，同豬紅完全係兩個口感。炸薯片亦係好特別嘅一個打邊爐菜式，送到黎嘅時候先知道原來係番薯片，呢個真係好好

There are so many branches of 十二味 in HK but this branch specializes in hotpots but there are not non hotpot dishes.The grilled pigs brain seems quite interesting but I have already tried the brain omelette so didn't go for it this time.As I didn't feel like having the hotpot, I got some dishes with rice.The spicy shredded chicken was spicier than anticipated because there was chili oil in it as well as Sichuan spices.The pigs tail were marinated and tasty but the texture was quite hard.The smoke

 見工成功就緊係襯天氣凍打下邊爐慶祝下喇，朋友話係西環有間火鍋店都幾新，於是就緊係去下。 鯧魚起片鯧魚夠大條，一上枱夠亮身，第一條咁樣起片上，焯一焯入口夠鮮味，口感亦都夠彈牙。脆肉鯇骨腩咬落去仲係脆身架，夠口感之餘又鮮味，份量又夠墨魚滑煮之前奪目嘅白色，煮後入口真係夠晒口感，但絕對唔會係雪藏貨，係新鮮打出黎架鎡鈀嗯樣係正宗四川甜品，入口夠晒煙韌，不過甜度岩岩好，食完辣野岩岩好拎黎解辣食到咁多平時一般舖頭無嘅火鍋料，的確令人幾驚喜，食飽飽之後發現左仲有啲火鍋料幾特別，下次都要同朋友再黎先得。

已經有一段時間冇新嘅火鍋店係呢一帶推出，現在新開嘅普遍都會係日本餐或者西餐，今次十二味嚟到呢附近開舖，引起不少人談論。是日朋友邀請嚟到，挑戰呢一度嘅美味牛油麻辣火鍋其實我自己唔係好食得辣，挑戰係需要勇氣。所以呢就點左半邊唔辣湯配半邊招牌牛油麻辣火鍋。用想你知四川訂製的牛油磚，淨係摸顏色已經好挑戰！至於隔離嘅豬骨湯一舊好大舊嘅豬骨。用料十足。湯底越打越辣，配上真係好好食嘅鴨血，呢個係極力推薦。除此以外鵝腸都好出色，爽脆無比。其他配料亦都算好不錯，點左好彈牙嘅四寶丸，四寶包括有豬肉丸，靚魚頭，蝦同埋墨魚丸，每一粒都十分之爽口彈牙，水準之作。配埋辣湯底真係辣到噴火。呢一啲食物已經唔算索味，我最喜歡食嘅薯粉呢度都有供應，仲要係十分之地道嘅晶瑩粗薯粉，我當然點了吃。索味嘅薯粉將牛油辣火鍋嘅湯底迅速吸收，變成鹹香又很辣嘅超級好食薯粉，但係辣左十陪，喜歡挑戰食辣嘅朋友一定要試。雜菇盤亦都分量十足，不同款式嘅都有，絕不欺場強烈推薦呢一度嘅酸梅湯好飲到不得了！薯粉配麻辣湯底，絕對唔係個個都食得到！呢度嘅湯底十分之正宗，而且服務人員相當有禮貌。食物分量亦都幾足夠，相信將會成為今個冬天排晒大隊嘅其中一間食店

兩個女仔去試這間新開的麻辣火鍋店，點了麻辣+清湯鴛鴦鍋。之前食過十二味系列的其他餐廳，覺得它的辣野很有水準，所以帶著期望去試。主要食海鮮，雖然份量不多，但以女士的食量剛好。食物新鮮，其中最欣賞 桂花蚌（超爽）同 墨魚滑（好似加了馬蹄，吃起來很有口感）。麻辣湯底夠香，有水準，麻的程度是香港人可接受的。特別的是，佐料不是廣東人常用的豉油，而是「油碟」（麻油+蒜泥）（餐廳解釋是四川的食法）。用來點食物出奇地很香，亦很有特色。位置有點間涉，但值得推介大家一試。

今日BB話要補一補，所以要去打邊邊食牛牛。我哋今次就去咗香港大學站附近嘅熱辣火鍋莊。呢度嘅裝修幾雅緻，坐低即刻有香脆嘅椒鹽花生同埋一杯類似菊花蜜糖花茶的熱飲。花茶嘅花香有少少似菊花，但比菊花更香。好飲，飲左三大杯。BB唔食得辣，咁唯有點清熱嘅芫荽皮蛋鍋，重點係呢個最平之餘又最低卡。海蝦＄78蝦身堅爽口，咬落嫩滑，有蝦味，點埋秘製嘅甜豉油一流。✨本地肥牛 $188 細牛色澤帶光澤，有鮮味。油花少少bb食都唔怕肥。👍🏼雖然少脂但有牛味，健康得黎對身體較少負擔。

早幾天的天氣都變得非常寒冷，馬上就約了好朋友打算去吃火鍋，這種天氣令我覺得更想吃。我跟我朋友都住在附近，就馬上想到這裡新開的火鍋店，而且還是正宗的重慶麻辣火鍋，那當然就要去嚐嚐。 在進去裡面之前，店主示意我們可以穿起店裡提供的圍裙，以免湯汁會燙到自己，這個意念非常貼心，重點是我剛好挑選到美少女戰士的圍裙，跟朋友一起拍照就很有趣，這也是我意料之外的，還有其他不同款式供選擇。另外我也很喜歡一進去的時候的提示板，很有意思，看得出店主很尊重火鍋和對火鍋的熱愛，這我也很認同。店裡的坐位算不少，而且坐起來也很舒服。而店裡的裝潢以很可愛熊貓作主題，可能是與四川有關吧，也是我們的國寶，與火鍋同樣值得尊重。從擺設到餐具都是熊貓，感覺風格很統一。重點當然是火鍋和食物囉，在此之前想提一下放在枱上的茶，這個是對我來說超重要，我問一下店員，它是叫四川紅白茶，味道跟平常在茶樓點的很不同，有一點甜甜的。在上火鍋嚐一下就覺得有點不習慣，結果在吃完火鍋再嚐時就覺得很驚喜，本來口裡還是麻麻的，當再喝一口茶的時後，那個辣味和麻辣的口感完全消失了。還有醬料的選擇也不少，能迎合口味不同的食客。但可能有時店員比較繁忙，有時需要自

黎到西環天氣又凍，緊係打下邊爐慶祝下喇，朋友話係呢邊新開左火鍋店，於是就緊係去下。麻辣湯底老細係我地一坐低就同我地推薦， 麻辣湯底唔算太辣，不過就夠晒麻，而且都夠香味倉魚起片倉魚大大條，夠晒大份，唔洗任何調味焯兩焯就可以入口，入口感覺夠鮮味，口感亦都一流，絕對無腥臭味。本地手切肥牛一睇就知夠晒大份，唔洗任何調味焯兩焯就可以入口，牛肉味夠晒香濃，食極唔厭響鈴響鈴平時食都係軟淋淋,而呢度 就完全唔同喇，因為呢度係即炸架，加小小甜酸醬入口脆卜卜又唔會太咸十二味串串香估唔到餐廳就連串都有，串串係我最鐘意嘅小食黎，餐廳提供嘅串串香係用新鮮食材，入口都口感十足，加埋麻辣湯底夠晒惹味食到咁多平時一般舖頭無嘅火鍋料，的確令人幾驚喜，食飽飽之後發現左仲有啲火鍋料幾特別，下次都要同朋友再黎先得。