十二味熱辣火鍋莊

營業中

休息中

放工後, 沒有約朋友吃飯但不想回家吃晚飯最好的是找姐姐吃飯西環十分多好東西吃今晚我們到12味打邊爐兩姐妹談談心原來想試麻辣鍋，但這陣子胃一直不好所以叫了熬好久豬骨濃湯鍋👇🏼湯底很濃郁，豬骨很爽口湯底還有蘿蔔，不用額外點叫😋餸菜點了🔻鮮墨魚滑🔻空運草原黑毛肚🔻手切牛頸脊🔻鮮淮山🔻皇帝菜🔻萵荀墨魚滑十分爽口，吃得到有粒粒小墨魚的這個黑毛肚只有在海底撈時吃過看到這裏有，就必然要試試看的爽口，有咬口的感覺像牛柏葉，但比牛柏葉更爽口的不太肥不太瘦，新鮮的牛肉是有牛肉味道小碟也夠2位女仕吃下次要試試安格斯牛肉😋很喜歡吃淮山，感覺很健康的清清的，如果喜歡吃淮山的朋友也可以試試皇帝菜和萵筍很新鮮的，最重要是便宜，只是$28，其他火鍋店吃蔬果絕對不是這個價位的店鋪也很光鮮，乾淨服務員雖然不是純正香港人 (有口音的) 但是服務很好，很有禮貌值得表揚我們這一餐飯吃了大概$580算中級價錢吧不錯的

去西環探朋友，朋友介紹十二味熱辣火鍋莊有麻辣火鍋、川菜晚飯，適逢氣溫下降，心郁郁食麻辣火鍋暖暖胃。店內寬敞有卡位，有圓抬，二人撐枱腳又得，三五知己打邊爐又得！坐得舒，一邊打邊爐一邊傾計，原來食左3小時！混醬區侍應會送上一人一碗蒜蓉油，自己亦可以去自助調料區添加其他醬料，包括辣椒、蔥花、芫茜重慶麻辣大紅鍋拼銀杏野菌豬肚鍋 ＄118 麻辣湯鍋十分足料好多泡椒、蒜頭、香料調味。初初食唔辣，麻辣味會滲出，越食越辣！野菌豬肚鍋落𥚃好多豬肚、雜菌。豬肚爽口！香辣羊肉串 (細) $68羊肉串好放入鍋煮，一定唔會消失於鍋裹。羊肉好香好淋，帶有孜然粉同香料味，唔需要燒都好野味加拿大黑豚肉 ＄78 豚肉肥瘦適中，入口又香又淋，豬味甚濃四寶丸 ＄78包括墨魚丸、蝦丸、鯪魚球同豬肉丸。全部都是新鮮手打，食落新鮮彈牙！四川炒手 $38炒手放入麻辣湯底煮吸晒麻辣味，比平時紅油抄手好食Menu

🌶🐣招牌鉢鉢雞（$38） 味道有點像口水雞，香香辣辣，夠惹味！ 🌶重慶麻辣大紅鍋 配 🍲熬好久濃湯豬骨鍋（$128） 🐟南非鮑魚片（$68/隻） 好新鮮好爽口 滾幾秒就食得👻 🐄牛魔王三層塔（$348） -特級安格斯肥牛粒 -手切牛舌片 -美國雪花肥牛卷 爽脆黃喉（$88） 黃喉是必食之物，爽脆可口，最岩配麻辣湯底吃！ 特級桂花蚌（$88） 桂花蚌新鮮嫩滑，肥美好吃！ 蝦滑、墨魚滑也是必食之物！ 鮮蝦滑（$78） 鮮墨魚滑（$68） 香菇貢丸（$48） 👻紅白魔方（$38） 🍲豆腐 和🐷豬紅擺放得非常精緻，豆腐嫩滑，豬紅夠香！ 響鈴卷（$38） 蔬菜拼盤（$58） 蔬菜吸收豬骨味道超讚！ 日本烏冬（$28） 水晶薯粉（$38） 薯粉用了粗扁身，能夠有效吸收麻辣味道，煙韌彈牙，好吃！ 欲望酸梅（$68） 台式酸梅湯大大渣，味道不像香港的以酸為重，反之是甜多於酸，夠多冰的關係，味道也是不錯的！

見到補習學生的家隔離開了一間火鍋店一陣子，一直都想試試，原來是十二味集團旗下的！上星期天氣還有點清涼，屋企人都想打邊爐，所以他們就"接我放學"，一起去打邊爐！這間是正宗重慶麻辣火鍋，嗜辣的朋友不要錯過！不過我同屋企人都不太吃辣，所以點了一個芫茜皮蛋鍋，這裡是有鴛鴦鍋底呢，所以吃辣與不吃辣的朋友絕對可以一起吃！醬料是自助的啊！點了一個鹵水拼盤，有豬耳、牛𦟌、雞腎和豬尾仔。很喜觀爽脆的豬耳，很有五香味，雞腎很有「𡁻頭」！第一次吃豬尾仔，有韌度和膠質的外皮，裡面有點骨，很特別！這道菜送酒應該不錯的！火鍋怎少得牛，點了美國雪花肥牛，不會有很多脂肪，也不會有筋，新鮮的牛肉，不韌！第一次在火鍋店見到有黃喉，我很喜歡吃的東西，我小時候以為是豬的氣管，其實是大動脈血管來的，白色的小片，大滾大約十多秒，質感好爽脆！四寶丸有墨魚丸、蝦丸、鯪魚球和豬肉丸！全部都是鮮制的，不會腥和有雪味，墨魚丸彈牙十足，蝦丸和鯪魚球都好鮮甜！凍豆腐吸了湯的精華，比一般豆腐有口感，吃了肉類還得吃點清的！另外也有點唐生菜！店員都很友善，上菜和收碟的速度都很快，地方乾淨，食物質素也不錯！

已經好耐冇去過西環搵食，知道西環多咗好多唔同嘅美食，今晚就剛剛路經西環，當然唔會放過呢個機會啦!見到一間幾特別嘅火鍋就即管試試，睇menu見到有串燒有火鍋好特別，坐低後見到原來啲串燒係放落火鍋度，哈哈。店內有好多畫都係以熊貓為主題，另外碗碗碟碟都係有熊貓圖案，好得意。首先揀咗個麻辣同埋清湯湯底， 麻辣火鍋一面有兩片大塊磚狀嘅應該係麻辣醬油。例牌動作嗌咗牛肉同埋一個菜籃。後來加咗一碟羊肉片。加多一碟篙筍，放落火鍋度灼一灼已經可以食。䱽魚刺身，第一次食，質感幾好，爽爽地。加咗隻鮑魚刺身，又可以灼一灼食，鮑魚都大隻。嘢飲又係酸梅湯，不過，呢度啲酸梅湯有小小得意，同平時飲開嘅唔同，冇咁甜，味道有少少似中式嘅利賓納。當然唔少得加番啲串燒落嚟火鍋啦! 串串包括羊肉、鮮蝦、豬腸、芝士腸、椰菜花、牛丸。串串火鍋又幾方便幾得意。鴨血+冰豆腐，係最配合麻辣火鍋嘅配料。

今日同兩位朋友去上環打邊爐，嚟到呢間以熊貓做主題嘅火鍋店，挺有特色。一開始緊係混醬先啦！店家提供左一人一兜蒜蓉，然後就可以自行拎出去自助調料區添加其他醬料，包括辣椒、蔥花、芫茜等。見到其他食客主要都係點招牌鴛鴦鍋，我哋都跟住點左重慶麻辣鍋，同埋濃湯豬骨鍋。$128南非鮑魚起片$68/隻，每次最少嗌兩隻，味道新鮮，擺盤精緻。鮮蝦滑$78、鮮墨魚滑$68，十分彈牙，必點。香菇貢丸$48爽脆黃喉$88，我都係第一次食咋，朋友話係喉嚨頂的部位，雖然有少少核突，但口感爽爽脆脆，都幾過癮。響鈴卷$38如果係鮮炸就好啦。水晶薯粉$38，鍾意佢嘅口感，粗身而煙韌。椰汁燕窩糕拼桂花紅豆糕$28桂花同紅豆嘅配搭十分好，好食！不過椰汁燕窩糕就酸酸地，瀕臨變壞嘅邊緣..基本上店員都好有禮貌，招呼好好，不過唔知點解成日急於上甜品，明明我哋仲打緊邊爐架嘛。

我同朋友都係無辣不歡嘅人，今日揾辣就揾到去上環，單係聽個名「十二味熱辣火鍋莊」就已經充滿期待。好快我地就發現呢間火鍋店充滿幽默感，無論係牆身、墊枱紙定係員工制服，都印左精警嘅口號，玩味十足。在混醬之前，店家早已提供一人一大兜蒜蓉，點呢個吃，我個口足足臭左兩日XD 「招牌鴛鴦鍋：重慶麻辣大紅鍋+熬好久濃湯豬骨鍋」$128紅卜卜，辣得夠過癮，正！另一半豬骨湯係想照顧唔食辣嘅朋友，但估唔到熬得咁入味，我都成日忍唔住淥佢嗰邊。「牛魔王三層塔」$348我最鍾意中層嘅牛肉，帶點爽口，口感一流。其次下層，比較腍，牛味出。上層牛肉粒就韌左d，咬到咀嚼肌好攰。「紅白魔方」$38主要係比佢賣相吸引，其實係鮮豆腐+豬血。「特級桂花蚌」$88份量不算多，但新鮮、爽口，鮮味無窮。「招牌鉢鉢雞」$78大大碟，雞肉尚算嫩滑，連雞皮食正。「日本烏冬」$28係我鍾意的煙煙韌韌口感，記得唔好淥咁耐。最後點左甜品「楊枝甘露」$28，十分對版，沒有伏。除左卡位比較逼夾外，食物方面係令人滿意的，好評無疑！

好耐冇食麻辣鍋，呢日約埋兩個HKU frd一齊去食餐好嘅！佢地帶左我去呢間「十二味熱辣火鍋莊」，地點喺HKU港鐵站附近，比我想像中方便！一入到餐廳已經聞到好香嘅麻辣味，見到周圍枱嘅人食得津津有味，攪到我好期待！平時食開台灣麻辣鍋比較多，呢間火鍋店主打重慶麻辣鍋，我印象中好似冇乜試過！點菜由朋友拍版（因為佢地已經黎過幾次！），我就舒舒服服地坐得等食吧！等食期間再望下周圍，舖頭唔細，連埋地庫有兩層，以熊貓為主題（熊貓同重慶嘅關係啩我估），裝修同環境都唔錯，最重要係乾淨同冷氣夠凍！不過唔知係抽風系統唔足夠還是d麻辣鍋真係太香，走果時全身都係麻辣味！哈哈！想偷偷地食都好難囉！鍋底點左鴛鴦鍋，一邊係重慶麻辣大紅鍋，鍋入面有兩片牛油，朋友話呢個食法最滋味，麻辣鍋用多款香料炒製，加埋帶少少羶香味嘅牛油，非常惹味，麻辣鍋拼埋傳統嘅香蒜麻油做醬料，食法更為正宗。一路食落去我覺得呢個麻辣鍋唔係最麻，亦唔係最辣，但就係我食過最香嘅一間！正！鴛鴦鍋另一邊點左白果豬肚鍋，豬肚同雜菌份量甚多！冇乜特別，不過清淡得黎可以中和下麻辣嘅刺激，又可以用黎放蔬菜類，也不錯！配料方面，牛頸脊香濃嫩滑，牛味甚濃，喺麻辣鍋入面淥

十二味 喺西環食麻辣野既餐應 食店夠大寬敞 有長枱有卡位 有打邊爐 川菜 小食 等等 重慶麻辣大紅鍋with 牛油 銀杏野菌豬肚鍋 128 蚊 隻拼湯底 以一個黑色鼎載住 外表美觀， 野菌豬肚鍋落足料 好多煙韌彈牙既豬肚 爽口既雜菌 同新鮮白果 食落好香濃 另一邊 麻辣湯鍋 好多泡椒 麻子 辣椒 仲有蒜頭同唔同香料調味 香辣麻皆備 最過份係落埋一大塊厚厚牛油 打邊爐時勁香油味要黎打邊爐正 鍾意麻辣人士必點 耗兒魚 68 蚊 平時好少點到既魚 肉質彈牙 骨唔多 味道夠甜 正 水晶薯粉 38 蚊 好爽口 而且黏度好夠 煙韌得黎吸哂辣汁 招牌砵砵雞 78 蚊 小食之一 同口水雞差唔多 只係用砵載住 凍食既雞肉好滑 有辣椒 葱花 花生 芝麻調味 開胃小食 加拿大黑豚肉 78 蚊 切得好薄身既豚肉 豬肉味濃 肥瘦適中 口感好軟林 鮮鵝腸 68 蚊 雖然肥膏唔多 但十分爽口 食落彈牙又夠滑 正 紅白魔方 用切成正方型既豆腐同豬紅砌成 外表夠特別 豆腐同豬紅食落都好夠滑 好味

呢排天氣又凍返！最岩就係打邊爐！老公今次竟然有提議！話去佢公司附近嘅一間火鍋店，主打四川麻辣鍋，我呢個辣妺就最岩喇！火鍋店喺香港大學站附近，距離地鐵站幾分鐘路程！我地七點鐘到嘅時候入面已經八成滿，卡位都滿哂！我地點左一個鴛鴦鍋（麻辣鍋拼銀杏野菌豬肚鍋）！麻辣鍋底有分「牛油」同「清油」兩種，個阿姐話牛油會香d，清油係用植物油所以會清d！我地膽粗粗揀左「牛油」試下！麻辣鍋一上枱已經聞到一陣濃烈嘅花椒辣味！鍋入面「飄浮」住兩大片牛油，快速溶入湯底中！望住浮喺湯底上面果層紅紅嘅辣油，感覺好似好辣咁！不過一開頭食落其實只係微辣，少少麻都冇！之後滾下滾下，d辣味同麻麻感覺先慢慢出黎，不過仍屬溫辣，入口並不𤆥喉！另一邊嘅銀杏野菌豬肚湯底非常足料，超多雜菇同埋豬肚，豬肚入口軟熟，湯底味道亦非常清甜，用黎淥蔬菜類同埋海鮮一流！點左一碟例牌手切牛頸脊，以$168嘅價錢黎講份量都算唔少！牛頸脊色澤好靚，淥幾秒就食得，有咬口之餘牛味亦濃！不錯不錯！手打四寶丸分別有鯪魚丸、蝦丸、墨魚丸同埋豬肉丸。除左鯪魚丸我冇食（老公話不錯！），其他三款都好彈牙、但口感不會死實，個人覺得最出色係墨魚丸，食落彈牙之餘入面有一粒粒

第一次吃的时候，略失望，觉得不够辣，不给力。后来又去了几次，感觉越来越好吃。现在基本上每周吃一次，强烈推荐黑毛肚，涮几下，很好吃。鸭血也不错。这些都算是重庆火锅的标配了。酱料的选择不算多，主要靠酱油，感觉比较贴近港式打边炉。我觉得不错的菜式：毛肚，鸭血，午餐肉，肥牛，水晶芍粉，牛百叶。锅底一定要吃牛油麻辣锅，才能彰显重庆火锅的特色。越辣越爽。午餐时段还有八五折优惠，打完折比较划算。人均200多，不到300。可以吃很饱。整体来说：不错，赞

食麻辣鍋簡直成為咗近期嘅食嘢指標，人人都話食辣食辣，但真正正宗嘅四川麻辣鍋大家又識唔識分呢🤔今日我就嚟咗上環呢一間新開張＂十二味熱辣火鍋莊＂見識左咩叫正宗麻辣火鍋👍🏻要等齊晒所有同事收工我哋就book咗九點鐘，驚喜嘅係原來新開張期間九點之後係有全單八折😍✌🏻值得一讚嘅係佢哋嘅店面設計非常新穎，門口仲有好多大紅燈籠好有中國古色古香味道，勁搶眼！服務員好快咁安排左一間好Private嘅地方俾我地，私人空間十足！Order完嘢食梗係要玩下呢間鋪嘅一大特色就係有好多美少女戰士超人唔同公仔嘅圍裙，非常之搞笑我哋班女仔淨係着圍裙影相都開心到不亦樂乎🤣🤣(有心思)一開始操純正普通話嘅服務員俾咗我哋每人一杯茶，我飲咗一啖覺得好特別又有啲奇怪唔係一般嘅茶葉，原來呢一杯叫＂老鷹茶＂佢同我解釋正宗嘅四川食火鍋之前呢杯係必備味道滋味厚實，先澀後甘，係民間有消暑解渴健胃開脾說法。之後就每人一碟點嘢食嘅醬料原本以為係豉油或者辣椒，點知係一碟黃色油再加蒜蓉🤔🤔服務員有解釋呢一個都係正宗四川人點醬汁嘅食法，佢哋原位豉油或者辣椒會搶咗食物本身嘅味道。(解釋得咁專業我梗係跟佢做)🤣🤣＂重慶麻辣大紅鍋加牛油＂加＂濃湯豬骨鍋

自從上年去完四川旅行之後，就愛上咗四川嘅麻辣火鍋啦，返到香港就一直念念不忘，所以今次就同朋友去食麻辣火鍋，重拾旅行風味！為咗顧及唔係好食得辣嘅朋友仔，決定要一個招牌鴛鴦鍋系列，重慶麻辣大紅鍋同熬好久濃湯豬骨鍋，咁就辣又得，唔辣都得！豬骨湯底都真係對得住佢個名嫁，有一大舊豬骨，配合埋粟米、紅棗、杞子同蘿蔔一齊煲，飲落都幾清甜；而麻辣大紅鍋都鍋如其名，紅卜卜，細細嘅小辣椒再配合不同嘅麻辣配料，香味十足！家鄉炸酥肉係呢度嘅招牌菜，第一次聽，覺得好特別，所以就叫咗一個泥試下，外表睇佢好似一碟小食炸物，但其實係火鍋配料泥嫁！因為佢係炸過嘅，所以唔建議大家滾太耐，如果唔係，就會好淋，冇咁好味。美國雪花牛肉卷就不過不失，份量適中，配合麻辣湯底，牛肉充滿麻辣味，惹味濃郁。唔夠飽就叫咗一個水晶薯粉，呢款係粗薯粉，睇落白雪雪，掉落個煱到就好快變咗色，變咗透明色。薯粉煙銀有滑身，一唔小心就成條吞左落去。另外，火鍋嘅蔬菜配料都好新鮮，用泥中和火鍋嘅油膩度就啱啱好！

呢排天氣又凍咗，為咗就HKU嘅朋友，就揀咗近HKU嘅餐廳。一入到去紅色嘅裝修，掛住唔少紅色嘅燈籠，覺得有中國特色。餐杯同碟係一set既圖案，睇落似係熊貓樣。首先，揀咗個湯底，今次揀咗鴛鴦鍋。重慶麻辣大紅煱同熬好久豬骨湯底。Wow,一上黎就俾個麻辣鍋吓親，好多辣椒，每粒辣椒都好大。隔離嘅豬骨湯就有啲紅棗同杞子，個豬骨勁大舊， 不一匙羹飲覺得清清地，唔錯。家鄉炸酥肉原來呢個酥肉係豬肉黎架，呢碟分量夠多，覺得好抵食。兩邊湯底都放咗好多入去煮。覺得呢個酥肉放入麻辣湯底比較好，酥肉浸左麻辣湯底，索晒啲味，顯得個湯底除咗有辣嘅味道之外，仲有一啲香料嘅味道，食落好香，同埋唔係好辣。對於我呢啲唔係好食得辣既都覺得ok。放入豬骨湯既酥肉，就比較普通，肉質嫩口。鮮墨魚滑呢個墨魚滑食落好彈牙，覺得係新鮮打造，放入豬骨湯底會食到墨魚既鮮甜，麻辣湯底就會搶味。值得一試美國雪花牛肉卷呢個牛肉卷既色澤唔錯，幾新鮮。而肉脂比例合適，唔會覺得食到舊肥肉。響玲卷打邊爐梗係要叫響玲啦，煮一陣，就好快變軟，就食得啦。而且勝在多卷，比較抵食。湯底建議麻辣湯底值得一試，但係唔好煲太耐。我同朋友一開始食，覺得呢個湯底唔錯，香辣味足

知道十二味係西灣開咗火鍋店，約咗朋友一齊happy friday，放咗工即刻去止下打邊爐同食辣嘅心癮。坐位有卡位又有間開大房，見到有外國人都黎食，無諗過佢地會啱麻辣。一上鍋對鍾意食辣喜歡嘅人不能自拔，又可以有鴛鴦鍋，有d材料唔想蓋過食材嘅鮮味，可以用清湯。呢度d牛肉有好多選擇，好新味，食到勁濃嘅牛味，質素好，可以用肥美形容，輕輕一灼已好食到不得了！！鮮蝦滑同d丸好彈牙，甲血好滑，萵筍好爽口。好正宗麻辣火鍋，食物高質素。