十二味熱辣火鍋莊

營業中

休息中

十二味系列，我每一間都食過，一直好欣賞佢地係餐廳d句子slogan嘅創意。自己有鋪食辣癮，特別鍾意麻痺刺激嘅感覺，知道十二味開咗火鍋店，所以一定要黎試下。麻辣火鍋有好多，自己一定要搵夠麻夠辣又正宗的，重要配合食材夠新鮮。叫咗個重慶麻辣大紅鍋（加牛油）拼芫茜皮蛋豆腐湯。餐廳用咗太極鍋，鍋夠深，唔會兩個湯底滾成一個湯底，值得一讚。特級安格斯雪花肥牛，好靚d紋路好清，應該係用上等材料，浸一陣湯已經食得，好嫩口，又口感又好好味，推介！！鮮炸響鈴好食，就算唔點湯都好正！！牛拍葉又係我至愛，呢度嘅好大大塊，出面真係食唔到甘大塊爽脆。黃帝菜新鮮爽口，都好大盤。麻辣加新鮮食材係絕配，值得推介！！

陪好辣嘅朋友仔挑戰四川麻辣火鍋！餐廳嘅門口同內部都掛滿咗大紅燈籠，中國風味十足！就連服務員加湯底嘅時候都係用咗中國風嘅長嘴水壺。調味料方面就同普通火鍋店差唔多，都係香蒜、蔥粒、芫荽、豉油個啲，驚一陣唔夠辣嘅話，仲可以落多幾粒辣辣粒。係我嘅強調建議下，朋友同我就揀咗鴛鴦湯底，豬骨湯底同麻辣湯底，豬骨湯底仲有個好搞笑嘅名叫熬好久濃湯豬骨鍋，佢實質熬幾耐，我就唔知啦，但我就知佢材料好豐富，除咗有一大舊豬骨，仲有粟米、蘿蔔、紅棗、杞子，養生又健康。麻辣湯底個樣就普通啲，都係平時會見到嘅湯底材料，但聞落去就好香濃。但係可能協調咗香港人嘅口味，連唔係特別好辣嘅我都接受到！打邊爐又點少得肥牛呢？不過呢個美國雪花肥牛卷就令我有少少失望，牛肉味淡，食落仲有少少老，唔太鮮嫩。但係，呢度嘅鮮墨魚滑就完完全全彌補到我對肥牛卷嘅失望！墨魚滑鮮味十足，入面仲有少少嘅墨魚粒粒，好有口感，又彈牙！家鄉炸酥肉係一個比較少見嘅火鍋配料，係一係炸咗嘅豬肉粒，為咗唔好令炸咗嘅表皮過淋身，所以我只係會煮三到四分鐘左右。餐廳提供嘅茶，解渴得泥又可以減低火鍋嘅油膩味。

今日朋友帶我食麻辣火鍋！之前係深圳食完海底撈之後就迷上咗😍不過次次食完都好有罪惡感，因為好油膩😭🙈好彩有book位，如果walk-in嘅話基本上係無可能/要等好耐（至少個晚係）散叫火鍋，茶芥、醬料同紙巾都要分別收錢，仲有加一，要留意一下。長嘴水壺方便加湯，好得意😂我地叫咗鴛鴦湯底，麻辣同豬骨。兩邊都好足料，一邊勁多花椒八角，一邊大大舊豬骨。雖然個麻辣無得揀辣度，睇落好似好辣咁，其實就唔係，係麻多過辣，而油多過麻～配料無叫太多，最平嘅肥牛都上得枱，睇落靚，食落都唔差。肉質幾嫩，淥落麻辣湯到係一流。水晶粉好好食，好煙韌又彈牙！嚮鈴脆卜卜，一淥就食得，不過食個陣要小心唔好"續"親喉嚨🙈我仲叫咗我最愛嘅蟹籽丸，雖然佢個樣睇落去係海膽丸樣😂入面超多蟹籽！索埋啲汁一邊食，一方爆汁好過癮😍整體嚟講個麻辣湯底係值得一試！雖然價錢方面會較貴，但用料都唔錯～

同朋友傾開計, 西環開左間叫做十二味熱辣火鍋莊既邊爐, 聽落好正, 所以就去試試佢啦。聽到西環會覺得好遠, 但其實一出地鐘站行五分鐘左右就到啦!打邊爐當然要揀返個湯底先, 呢度D湯底好多選擇, 我地就揀左大紅鍋同魚湯鍋既清油配搭。一邊睇落都好辣, 一般就睇落好鮮, 媽呀好大落差。呢度既煲係用鐵煲,受熱就更好更平均啦~之後佢俾左杯好似茶既野我地, 點解咁講, 因為飲落唔係好似茶, 仲有少少菊花既味道, 原來係四川的地道茶, 用黎解膩就一流啦。其實我地四個人都叫左好多野, 呢個牛魔王三層塔就幾吸引眼球。頂層至下分別係肥牛粒、牛舌同埋肥牛,份量好多, 我至愛就係牛舌啦, 薄薄地一塊, 淥兩淥就可以食, 薄薄地既口感好比厚切好, 配埋紅油鍋既麻辣, 正!打邊爐除左肥牛又點少得海鮮? 所以又叫左蠔同埋桂花蚌。兩個都好新鮮,D蠔好大隻, 淥完都唔係縮好多水, D桂花蚌都幾爽, 價錢唔係好貴, 可以叫埋。仲有凍豆腐, 打邊爐用黎吸收湯底入面既精華, 配苟魚湯就好正, 但配紅油就唔好啦....好辣呀...仲有一個出面比較少見既土鴨血, 講真我就唔係幾鐘意食, 因為個質感我唔係好LIKE, 但我個鐘意食

和儿子兴冲冲去吃这个离家不远的火锅，去到那里以后发现人很少，坐下以后点了两个人六七盆食物，我儿子看到出前一丁要25元已经喊贵，我让他稍安勿躁，希望食物价钱贵但是味道可以，但是最后令我失望，我不知道重庆火锅是否这样，但是调料和国内常吃的根本不一样，就是酱油加点葱香菜类的，应该是港式调料，汤底和国内的火锅都不能比，肥牛也一点不香，其他的食物也很一般，折扣以后两人672块，儿子还没吃饱，一点都不抵，下次不会再去了

今日經過西環依個地方，聞到一陣陣嘅麻辣香味，當堂成個人都醒晒，急不及待即刻入去試吓！嘩啲熊貓杯碟好得意，有心思！一坐低我梗係叫佢最出名嘅麻辣火鍋啦！但由於我親愛的不能食太辣，所以叫咗招牌鴛鴦鍋系列之重慶麻辣大紅鍋拼熬好久濃湯豬骨鍋(牛油）麻辣味出，但豬骨鍋淡左d！我地依d食肉獸，牛肉是火鍋必須的食物之一，所以我地叫左大碟的手切本地肥牛。當碟牛黎到，我已經被那外觀深深吸引著，竟然用上木盤來放牛，未開始食已經加左分，一食更加令我回味無窮，牛味濃郁，有口感，一個字「掂」手打四寶丸也是我地每次火鍋必食的丸類之一，因為d食物質素新鮮與否，除咗海鮮之外，手打丸一試便知道。每粒手打丸都好好食，特別喜歡手打墨魚丸和鮮蝦丸而其他的菜式都好新鮮，最後我哋用烏冬來畫上完美句號。好飽

最近發現這間新開的十二味重慶麻辣火煱！咁吸引，當然要去試吓啦！入到去，仿如返到大陸一樣，所有侍應都是內地人，全操普通話！食物質素，極為普通，尤其香辣羊肉串，全不似羊肉，係好入味，但……真不敢講是否瘦肉，冇羊的味道，亦唔係那種羊騷的感覺！麻辣湯底真是一般！👎👎👎態度差，服務員極之冇質素👎👎👎……我問湯底有清油，牛油有什麼分別？(因為價格亦有分別)，他們答"咪香D同無咁香lo." 個個都叫牛油啦！ 再問什麼牛油？ 答！咪牛的油lo, 算了！我再問什麼叫十二味串串，係什麼呢？他又答，咩都有 lo. 雞，豬，大腸嗰D lo..試下咪知lo! 不值一試！

天氣凍少不免梗係要打邊爐啦！太太鍾意食四川嘅麻辣，於是乎就帶佢返細個住嘅地方！食呢一間正宗麻辣火鍋。 血紅色嘅麻辣湯底個樣都已經嚇親我！因為本身唔係特別鍾意食辣，所以我揀咗鴛鴦湯底，太太食辣，我食清湯。但係聽到太太話呢一個麻辣湯底好正宗好香口好好食，都不枉我帶咗佢來呢一度打邊爐。 手打4寶丸好彈牙，有別於一般係凍肉店買嘅雪藏肉丸。 珊瑚蚌一向係打邊爐必食嘅，佢可以吸晒湯底嘅精華，食落又爽口，新鮮！ 值得一提嘅係黑糖糍粑，因為一般系出邊好難食得到，入口煙煙銀銀，糯米糍粑嘅面頭鋪左黑豆粉，所以特別香口，沾滿黑糖漿，入口煙銀有香口又甜甜地！確係唔錯嘅甜品。

和朋友一桌，點的鴛鴦鍋。紅油鍋是標準精細的熱辣口感，牛油底上桌，聞著就香氣滿滿，等不及上菜。🌺自選調料非常貼心。香油不能少！加蒜加蔥，感動哭。雖然因為鍋底調味太好，涮出來的食物很夠味，用量不多。但是第一口牛肉佔滿香油，入口肉的口感加油的醇香，想好了下次去也要這麼搭配。🌺香辣羊肉串，點一份不夠！太好吃！本身醃製過，十分入味，在紅湯裡涮滋味不錯，酸湯裡更是意想不到。愛吃酸的，這個搭配不能少。🌺黑毛肚不錯，新鮮現切，夠大塊。🌺驚喜是，炸蕃薯，超甜。另點了土豆，被這款趕超。🌺本來還想吃甜品，可惜太飽....太飽.....下次再去。

美食哥倫布今次去咗西環搵野食!有乜咁好食?一齊睇下啦!西環一間由外紅到內嘅火鍋店,究竟入面有啲乜呢!一入門口就見到有啲圍裙仔放晒喺到俾你扮龍豬美少女！著好圍裙仔之後就可以正式坐底。之後發現：哇，啲碗碗碟碟有熊貓樣，好QQ呀！食野之前就會有碟酸羅白俾我地濕下個口等開餐唔講咁多，直接同大家講下個湯底！重慶麻辣大紅鍋、滇園野菌鮮魚湯鍋，價值$118麻辣湯夠辣，其實我唔太食得辣，所以辣到飛起滇園野菌鮮魚湯鍋，咁樣對比下就緊係淡味好多，辣到咁上下過下冷河再食過，啱曬。嗱！唔係水你！不過黃立倉刺身依個名係佢寫嘅，價值 $168不過黃立倉做刺身，鬼鬼地喎!好彩問一問，原來佢意思係活魚即時切片用嚟打邊爐嘅！味道幾好，不過睇到佢個樣成盤活魚刺生咁，真係有啲衝動想整塊生嘅試下（其實已經試咗，食落韌韌地，其實都鮮甜㗎，到呢刻我都仲在生，應該無生蟲掛）打邊爐牛肉一定要食，手切牛頸脊，價值$248份量不過不失，食落都幾有肉香，如果你重口味想食油香重啲，咁就可能叫番肥牛好啲喇炸響鈴，價值$38有啲可怕喺點解唔係即炸！好想食啲又熱又鬆化嘅邪惡響鈴！無得即食，唯有掉落湯浸下佢先食啦。不過浸落個大紅鍋到真係要三思，事關

天氣凍朋友帶左我去打邊爐,唔係一般打邊爐,而係紅到好恐怖嘅重慶麻辣大紅鍋!入到去有好多圍裙掛晒係到比人著都幾細心,而且d款好特別同得意,有龍珠又有super mand碗碗碟碟印左熊貓公仔,同食紅叮叮嘅四川菜好貼切!入到去會先俾碟酸羅白,酸酸甜甜好食又開胃我地叫咗重慶麻辣大紅鍋,不過因為怕太刺激,所以另一邊就要咗滇園野菌鮮魚湯鍋 麻辣大紅鍋差唔多成窩都係辣椒,上面有層紅油,食菜嘅話真係辣得過癮!叫左份家鄉炸酥肉做小食有啲似炸排朋食落脆脆地幾香口,係有啲硬囉 桂花蚌拼珊瑚蚌都幾大碟,桂花蚌好爽口,珊瑚蚌就腍啲,不過就好滑口,同埋無焦腥味個十二味串串香都幾得意,樣樣野都係用竹籤串住,主要有牛柏葉,牛柳粒,椰菜花,豬大腸食起上嚟都幾方便,又唔洗整污糟手個牛柳粒最好食 個鮮墨魚滑都整得幾好,白雪雪滑劣劣,食落都幾有口,好好咬~平日通常都係食一出前一丁結尾,依到有水晶薯粉,佢用粗身嗰隻,整完變透明,好滑好好食同埋無諗過咁快就入味,一變透明都已經食得 食完辣野叫番碗糖水食下,楊枝金露夠凍,不過就唔係幾多料食完飲幾啖好正,不過如果做糖水嘅話,有多啲芒果粒仲好

位於西環新開的十二味熱辣火鍋早有聽聞，朋友試過都說是好有風味的。我食過好多打邊爐，對邊爐都有一定要求，朋友力邀我去一嚐，說必有驚喜，所以便與他特意到來試試看。餐廳門面就已經非常有特色，深紅色的外牆令人好易就見到餐廳的存在。餐廳裡面光猛寬闊，有大大張的圓枱和卡位。有一個調味料bar枱，客人可以自選自己的口味。我們被領到一張二人枱，上面有個電子爐。忘了說餐廳是以熊貓作主題，餐具用上有熊貓圖案的。連牆上都放滿了許多熊貓的畫，好攪笑的呢。座位上放了清蘿蔔，我們邊看餐牌邊吃著，嘴就是沒有閒著呢。餐牌的食物好多，我們每款都想點，但由於得兩個人，點的時候要小心，以免太多吃不完浪費食物。酸梅茶$68我們都渴了，先點來一壺酸梅茶，酸酸甜甜的好開胃，正好作開胃茶。它的甜度是比較高的啦，所以飲著的感覺像氣水。熬好久豬骨湯鍋$88湯底點來這個熬好久豬骨湯鍋，因為朋友本身不太吃辣，本來想點個麻辣什麼的。這個湯底用上三大舊的豬骨煲成的，所以豬骨味好濃，湯都呈奶白色的呢，上有𣏌子，好補身的湯。加上裡面有好多蘿蔔，所以好重蘿蔔味。手切本地肥牛$188(小）打邊爐當然要食肥牛，順道點了這個手切肥牛，是不是本地我真的不太

吃香港本地的火鍋，一直以來都有個幽默。看到紅色湯底，那一定是超市賣的辣椒醬勾水；看到白色湯底，運氣好可以碰到高湯勾水，運氣差嘛，那其實就是水。最近幾年隨著川菜館慢慢變多，也是偶有機會可以吃到稍微可以的四川火鍋了，至於做法嘛，這裡可以透露下，相信行內也不是秘密，XX火鍋底料，再勾水。不過本地吃火鍋還是看重食材，湯底這麼個東西，一直以來在沒有太高期望下，也是越來越給我驚喜了。這次這家的重慶火鍋絕對是驚喜之一。湯底本身自不必太多說，絕對不是出家門右拐再右拐進去一家小雜貨店就能買到的正宗重慶火鍋底料所能媲美的。最重要的是，良心牛油！可能香港人少接觸牛油火鍋，吃清油的多點，但牛油火鍋的香欲濃烈對我來說，是沒有辦法抗拒的。鍋一上，大塊牛油浸在紅湯裏，聞到香味，還沒有嘗，就已經滿分好評了，當然，吃完還是滿分好評。湯底正，配菜裏面除了正常一般火鍋店可以吃到的，有些四川重慶那邊的特色這裡也稍微提下。黑毛肚，鵝腸，腰片，口感不錯；香辣羊肉串，味道很好，算是這裡一絕，價高；紅糖糍粑，這個其實是甜品，下不的湯的，但是特色，而且味道不錯。其實吃火鍋來來回回就那幾樣配菜，所以最終能抓住我胃的，還是湯湯湯湯湯！

講起麻辣火鍋，真係好多年無同朋友食過，對上個次應該係返大陸打邊爐，香港就真係比較少。今日同朋友仔們黎到西環，見到呢間新開既麻辣火鍋店，又唔使等位，咁就入去試下喇。好得意既熊貓餐具，令到成個氣氛可愛左，唔似食緊中式野。呢度打邊爐係逐碟計錢，唔係任食，價錢同份量相比之下都係合理，不過就梗係愈多人愈試得多啦。我地一行四人瘋狂咁叫野食，最後食左$2500，飽到完全行唔郁，如果唔係大食之人，應該每人$400都夠埋單。先黎左個鴛鴦湯底，左邊係火辣辣既麻辣鍋，不過個人認為佢變左香港人口味，唔夠麻又唔夠辣，如果下次黎食應該要叫佢加麻辣，咁食落會更貼近大陸風味；右邊既魚湯清清地，可能食完麻辣再食就覺得無味，如果全部人都食辣的話，不妨直接單點麻辣鍋。之後叫個牛魔王，三層擺位於下午茶SET。下層牛肉雪花分佈平均，入口軟身；中間牛舌有咬感，少少彈牙；最上層牛肉粒粒好濃味。個人最愛的冰豆腐，吸哂麻辣湯汁好好味，而後面既鴨血係驚喜之作，入口唔腥唔臭，口感軟硬適中，就連唔食鴨血既朋友都食左兩件。好新鮮既田雞，上檯已經見到好有光澤，入口爽脆彈牙，肉質結實得黎又嫩滑。值得推薦既仲有大隻蠔及桂花蚌，前者飽滿多肉夠鮮味，後

今天心血來潮跟朋友來到西環打邊爐，就是聽聞有間挺專門的麻辣火鍋店，未入餐廳已經聞到好重麻辣味。在外面見到裝橫都好有川味的風格。餐廳內以紅白色為主，有大量座位，最特別之處是周圍都掛了同熊貓相關的畫，好有趣。感覺都好乾淨，是氣味重了一點。我們先點了一個湯底，因為朋友唔食辣，所以叫了個熬好久濃湯豬鍋。鍋落足料，有三大舊豬骨，湯是奶白色白的，好重白蘿蔔味。打邊爐一定會叫牛，呢個手切肥牛口感唔錯，牛味幾重，如果可以份量多點更好，因為一碟$188，所以希望份量會多點。牛栢葉好爽口，透明白葉身，煮熟之後仲好彈口。都幾推薦食這個牛栢葉的啦。魷魚幾新鮮，條條都好大條的，份量可以再多點，建議唔洗煮太熟。南非鮑非用來打邊爐是第一次，感覺好豪氣，$68一隻。鮑片切到薄薄的，不用煮太熟，滾一滾就可以食，口感有韌勁，入口滑嫩，味道鮮甜。食到咁上下叫了個日本烏冬，麵質唔錯，不會因為煮太耐而爛掉。不過一個麵就唔太夠兩個人食，所以兩人的話就要叫兩個。最好連湯飲，麵吸收了湯最好食。墨魚滑爽口彈牙，上有少量蟹籽，味道鮮甜，份量最好可以多點。酸梅湯解渴，梅味重，甜度多了點，飲落似果汁，清涼解渇。打邊爐都一定要食蔬菜新，我們叫