十三少 (已結業)

有時就係特別想食酸野，酸菜魚岩哂我啦📍十三少酸菜魚🐟呢度嘅湯底係自家熬製，魚片同酸菜份量都好足料，係送飯一流。📍十三少蒜香荷葉蟹飯兩隻蟹賣相吸精，而且蟹鉗蟹腳都已經拆好，方便易食。蟹蓋裝滿了蒜蓉，金黃色嘅蟹膏無苦澀味，正😋📍蒜泥青瓜爽口新鮮，可以中和酸菜魚嘅酸同辣，夠哂開胃📍乾煸四季豆炒到咁乾身冇渣，不會太油膩，又食送飯開胃好味嘅前菜😚🔹🔹🔹🔹🔹🔹🔹🔹🔹🔹十三少 (九龍城)九龍城啟德沐寧街10號OASIS Place商場1G號舖🔸🔸🔸🔸🔸🔸🔸🔸🔸🔸#啟德好食 #啟德食好西

啟德呢間十三少雖然開左唔係好內，但已經唔知食左幾多次，因為真係好好味早兩日又去食，酸菜魚，水煮魚，乾煸四季豆，糖醋骨，菊花茶⋯⋯全部都想點，不過兩個人又唔可以太浪費哈哈哈！最後就點左個酸菜魚二人餐，都幾乎有齊想食嘅嘢～酸菜魚酸辣味道啱啱好，就算唔食辣都要少辣呀（試過冇辣的酸菜魚真係完全唔同樣嘢）🐟肉好滑，係完全冇食到有骨，師傅真係處理得好好，食得安心！乾煸四季豆都係次次都點，因為呢個走油動作係屋企真係唔會做，而且味道係好正好正！其他按個人口味點，個人覺得每樣菜都唔錯嘅

一向我都係酸菜魚嘅超級fans❤️所以我點可以唔試吓最近新開睇啟德嘅13少呢？原來呢度嘅環境係超級靚好開陽🥰😍首先店員推介我食蒜蓉蒸蟹飯係佢哋今個月嘅新品，真係估唔到個蒜香味係可以做得咁出色😍而且份量超級大呀真係三個人都可以夠食到，每一粒米香都充滿着蒜蓉味仲有新鮮蟹肉嘅香味再叫多一碟酸菜魚同埋口水雞，酸菜魚一定係主角啦佢呢度嘅酸菜魚都係超大份而且魚肉都夠晒多唔會偷工減料😚一啲骨都冇👍🏻非常新鮮滑口👍🏻👍🏻

屯馬綫開通咗之後，黎啟德好方便，依到都開咗好多餐廳！今次想食中式野所以揀左依間。最驚喜係有得預訂蟹同椰皇！於是試咗個十三少蒜香荷葉蟹飯，好足料，成兩隻蟹係到。蟹蓋好多膏，蟹肉都幾夠甜，配埋充滿蒜蓉同埋蔥嘅飯，極滿足！黎親呢間必叫酸菜魚，保持高質素，湯底夠酸好開胃，送飯定就咁飲都正！魚肉無腥味之餘，好滑同唔易散，口感好好。椒麻皮蛋，賣相睇落有啲辣，但其實係唔辣的，入口涼浸浸配埋香麻嘅醬汁，夏天食更為開胃。另外仲叫咗麻婆豆腐，除咗有肉碎、豆瓣醬、花椒調味之外，仲加入左孜然嘅味道，好好食！最後亦都叫埋紅糖糍粑，外皮酥脆內裏煙韌。十三少真係試咗幾間分店質素都非常有保證

妹妹話好耐無好好放鬆下，見佢考完試就帶佢去食最愛嘅酸菜魚！今次去咗啟德嘅十三少酸菜魚，位置好近地鐵站，幾方便，一入去就見到落地大玻璃，光猛寬敞，仲有長沙發卡位，整體感覺好舒服！每枱都會有花生前菜，仲用咗有殼花生🥜做筷子架，好有創意！涼菜我哋選擇咗蒜泥青瓜，新鮮爽口青瓜加上手切蒜泥，辣度好夠幾開胃。另外叫咗麻辣鹵豬手，份量好大，豐富蛋白質、膠質，香辣惹味，口感軟腍。十三少酸菜魚，可以揀辣度，餐廳主打每日新鮮送到嘅鱸魚，魚肉滑嫩無骨，酸菜湯底惹味，加上蘿蔔、萵荀、菇送飯一流！十三少蒜香荷葉蟹飯，見到出咗個新菜式，忍唔住叫咗！一上枱蟹味同荷葉味都好香，兩隻蟹都幾新鮮又切好，方便食用，飯底係油米白飯，再加上邪惡新鮮蒜油同蔥，真係一啖接一啖！紅糖糍粑係將糯米切成條再炸，外脆內軟，表面灑咗黃豆粉，食前蘸黑糖，口感煙韌唔會太油膩，係完美嘅飯後甜品，記得趁熱食！店員們全部都幾友善，除咗一開始推薦菜式，又會主動幫客人換碟，放喺枱上面嘅水樽同水杯都一定常滿，服務一流！

某天晚上黎左啟德揾餐廳食野，見到間餐廳係食酸菜魚既十三少就揀左呢間，餐廳環境光猛，座位闊落岩晒一大班人傾計食飯，菜式主打係酸菜魚同水煮魚，我地叫左酸菜魚，有辣同唔辣可選，少少酸辣湯底。我地散叫左椒麻皮蛋，金黃色加蒜泥辣椒都幾惹味另外叫左一碟麻辣鹵豬手，豬手好軟淋另外招牌菜酸菜魚大大碗，加埋好多配料有萵笋，蘿蔔等等同埋魚肉份量真係好大碗，酸菜魚配飯幾唔錯，小篇最愛紅糖糍粑，炸到香脆既年糕加埋黑糖醬好好味。

一大班人一齊去食最開心😃因為可以叫好多嘢食 樣樣都試我地八個人（包括兩個小朋友）叫咗十幾樣嘢 最後食唔晒要包走間餐廳個入口係怪怪地嘅好似人哋啲後門咁一出𨋢見到個靚靚招牌先知冇搵錯八個人只可坐長檯因為冇咁大張圓檯涼拌土豆絲有少少辣味 酸酸地咁尖椒皮蛋好似人人都叫又真係幾好食雞絲粉皮麻醬味好香 好味涼拌窩筍都係酸酸地如果重麻油味少啲酸可能更正椒鹽九肚魚外脆內軟主菜係酸菜魚 叫咗個大嘅原來普通已經好大 所以冇咩事叫普通就得寛粉再加錢 order咗但師傅忘記咗加最後減返錢 但變咗唔夠完美水煮魚配料比較少 只有芽菜同寛粉如果有其他配料如窩筍 菇 之類會更好四季豆為咗小朋友叫咗唔辣 味道OK上海粗炒非常受小朋友歡迎蒜蓉海鮮炒飯因為太飽食唔落包走咗第二日食乾鍋自己揀配料（最少五款）好好味😋 如果水煮魚同乾鍋二選一我會揀乾鍋

同朋友去咗呢間食四川菜嘅食肆，店舖裝修好簡潔舒服，坐得好舒服。坐低左叫咗個2人餐。餐前小食是酥炸黃豆，好特別既小食，非常酥脆，好食水煮魚單看賣相就已經好吸引，佢用嘅係盧魚，配菜有大豆芽菜，香芹，大蒜，所以好惹味，朋友話辣得好爽😄好有正宗四宗菜既辣😍麻辣豬手麻辣汁配豬手一絕，清爽不油膩，豬手好入味，份量好多涼拌土豆絲好清爽嘅一道菜，適合夏天，土豆絲切得好幼，吸哂啲汁既精華紅糖糍粑甜品好正，紅糖漿另上，非常貼心，不喜歡甜的我，非常滿意，外脆內軟好滿足

今日星期五難得考完試去完玩見有啲肚餓就同屋企人去咗十三少度食嘢。我屋企人就嗌咗水煮魚， 佢嘅配菜都有幾多下㗎，例如: 青瓜、寬粉、芽菜等等。佢嘅魚肉都有幾多下， 啲魚肉彈牙得呢又幾挺身唔會話一夾就散曬，魚肉裏面嘅骨亦都唔多通常係啲好細好細條嘅骨，淡淡魚肉真係令人食到舐舐脷😋😋😋。湯底辣得嚟又夠味唔會話好鹹，鹹到好頸渴好想飲水，佢嘅辣係想令人食完一啖又接一啖! 真係諗起都想食😅。而我就食咗酸菜魚，呢個酸菜魚有得揀辣同埋唔辣， 大人細路都啱食。酸菜魚嘅配菜都有好多㗎，例如有: 萵筍、白蘿蔔、雞髀菇等，佢仲有好多好夠味嘅酸菜㖭! 無辣不歡嘅朋友不妨試下啦， 佢嘅湯底鹹得嚟又夠辣， 真係值得推介呀!如果嗌午市套餐嘅話，佢仲會送菊花蜜同埋涼拌土豆絲。 好似而家夏天咁食下涼拌土豆絲都幾清爽㗎!佢有少少辣，土豆絲好細條好容易入口仲好爽添。而佢嘅菊花蜜都好出色!食完啲辣嘢梗係想飲番啲潤喉解辣嘅嘢飲啦，咁菊花蜜就可以畀你解下辣，佢同酸菜魚同埋水煮魚真係一個好好嘅拍檔! 真心推介大家嚟食下🤗🥰

📍 十三少 Master 13🌍 九龍城啟德沐寧街10號OASIS Place商場1G號舖Shop G, 1/F, OASIS Place, 10 Muk Ning Street, Kai Tak, Kowloon City📝 整體評分：8／10啟德分店最舒服，一黎新淨，二黎空間感大D，三黎係行清新風格。🥢涼拌皮蛋🥢辣椒尖皮粒、蒜蓉、醬油、辣油及陳醋調製成拌黃金皮蛋，皮蛋Q彈但唔太掛味，要拌埋配料一齊食。🥢十三少水煮魚🥢寬粉！寬粉！寬粉！寬粉仲好食過魚肉呀！寬粉要最尾先食，等佢吸脹下湯汁既麻香。魚肉真係好滑嫩又無骨，咁辣既湯汁煮都仲食到鮮味。🥢麻辣豬手🥢炆到勁軟稔既豬手，肥而不膩，辣唔算好辣但好入味。🥢紅糖糍粑🥢今次個糍粑有小小失水準。糯米整得唔夠軟身，有D痴牙。 紅糖不甜不膩，好溫和，唔好甜既人都會鍾意。

講起食酸菜魚即刻諗起十三少原來啟德開咗間新分店一出地鐵站行2分鐘就到好方便樓底夠高同光，坐得好舒服同朋友食飯傾計就岩晒蒜泥青瓜青瓜微酸清爽仲好多蒜泥夾埋一齊食夠晒開胃十三少酸菜魚一定要叫酸菜魚落單個時要求咗辣度高D飲左碗湯先，果然夠酸夠辣辣度岩岩好，魚片無骨啖啖肉搭配埋夠酸夠辣既湯底加一啖飯真係好正呢個酸菜魚除左有魚肉，仲有幾款配菜有我最愛既萵筍、酸蘿蔔、酸菜同埋菇川式口水雞雞肉嫩滑唔會太鞋口口水汁夠辣同香用黎送飯真係一流😋紅棗雪耳糖水食完辣嘢飲返碗微暖嘅糖水雪耳夠淋紅棗出味夠晒滋潤👍🏻

啟德越來越多新樓入伙，連帶餐廳都增加不少，其中有出名酸菜魚既十三少。餐廳位置佳，於地鐵站旁。環境又闊落，最吸引是落地玻璃，可以一路食一路欣賞日落。入座先送上小食。十三少酸菜魚酸菜魚絕對對得住招牌，鱸魚骨湯用心熬製，充滿鮮味。酸菜都講究，用上四川老壇酸菜和潮汕酸菜，所以建議可以先嚐湯再嚐酸菜魚。酸菜魚則用上新鮮鱸魚，鮮嫩好食。椒麻皮蛋皮蛋金黃，晶瑩滑溜，特調醬汁，酸辣開胃，蒜香十足，炎夏一吃透心涼。川式口水雞兩層口水雞件數甚多，海量芝麻加上醬汁，非常惹味。紅糖糍粑糍粑口感煙韌，外層少許黃豆粉再沾上粘稠的紅糖汁，甜而不膩，令人食唔停口。

今晚喺啟德見完客，順便食埋飯先返屋企，天氣好熱特別想食辣，離遠見到「十三少」招牌，就揀食川菜😘😘十三少酸菜魚第一眼望到個大碟已經好有feel，店員介紹十三少酸菜魚，每日以新鮮魚熬製湯底，食之前先飲啖湯，飲到湯底好鮮甜，酸辣適中，鱸魚魚片滑身、大片、無骨，分量十足，酸菜，萵筍，雞油菌一齊食，好滋味，適合一班人share 果然係招牌菜👍👍麻辣滷豬手大大碟豬手，炆得夠腍滑又入味，少少麻辣好惹味😋😋椒麻皮蛋最愛涼拌小食，皮蛋黃呈深黃金色，略帶凝心，少少椒麻，開胃美味😋😋紅糖糍粑川菜好出名嘅紅糖糍粑～每次都會吃的甜品，質感好黏糯 外脆內軟夠熱，但係黃豆粉稍嫌唔夠，多點會更好味😋

惹味香辣水煮魚ꕀꕀ⇢ఌ 十三少ꔐ 水煮魚($248)超級大盤的水煮魚ꕀ氣勢十足雖然舖滿辣椒ꕀ但整體不會太辣反而好惹味香辣是有層次不會太單調ꕀ還帶陣陣麻辣魚肉嫩滑無骨ꕀ每塊大大塊不易散開(•̀ᴗ• )重點是完全無腥味千萬別遺忘底部的寬粉ꕀ吸盡精華而Q嫩到令我瘋狂ꔐ 椒麻皮蛋（$42）賣相超級吸晴ꕀ擺盤很有誠意晶凝通透的皮蛋ꕀ蛋黃綿密外皮Q彈✩•‿•椒麻味不會嗆口ꕀ而且惹味非常是會不自覺的一口接一口ꔐ麻辣滷豬手（$88）豬手炆得軟腍ꕀ是滿滿的骨膠原(•͈⌔•͈⑅)最愛根位部位ꕀ那種煙韌感超喜歡而豬手滷得很入味ꕀ咸香中帶點麻辣麻辣大大減低豬手的油膩感ꕀ是邪惡但誘人系列°o‧° °o‧° °o‧° °o‧° °o‧° °o‧° °o‧°餐廳一排落地玻璃ꕀ裝修簡潔明亮空間感十足ꕀ 完全無侷促感而且店員服務很好ꕀ滿足了我這個問題少女(ෆ˙ᵕ˙ෆ)

自從地鐵開通咗去啟德真係好方便，朋友搬咗去都未參觀過今日收工去參觀下順便當然食餐飯吹下水啦，佢知我喜歡食酸菜魚話帶我去佢屋企樓下十三少試下，唔使慢慢諗叫二人套餐最啱😅十三少招牌酸菜魚~大大盆酸菜魚到店員叫我地可以先飲湯，因為係純魚湯配上鱸魚,蘿蔔,萵筍,兩種酸菜菇菌類…味道惹味清甜~加個白飯撈湯一流👍😋涼拌土豆絲~味道清淡啲如果味道再濃少少會更好😀川式口水雞~辣中帶香.香中帶少少麻,雞件入口又好嫩滑入味👍紅糖糍粑~入口外脆內軟糯煙煙韌韌真係好好食，真係好飽都食唔停口😂之後再有紅棗雪耳糖水送~正👍