北海道爐端燒 (已結業)

北海道爐端燒 •人均消費約$250-300•呢間爐端燒既價格唔會話好貴，但坦白講食物質素平平，以下會揀3樣我最鍾意既講下😋/·明石燒風雞蛋卷·$58雞蛋卷份量都幾多，蛋卷非常嫩滑🐣本身蛋卷偏甜，但配上旁邊既咸醬汁，一甜一咸中和得好好😋😋/·蟹蓋蟹肉蟹膏燒•$78滿滿既蟹膏加埋啖啖蟹肉😍蟹膏既甘香加上蟹肉既鮮甜，真係冇得彈🦀/·醬油燒青海苔鵪鶉蛋·$28好有炭燒香味既鵪鶉蛋🥚煙韌口感既鵪鶉蛋加上好香既海苔碎巧巧食💕/---overall: 7/10--- By I. (⁎˃ᴗ˂⁎)

有朋自遠方來，不亦樂乎！年輕時對這句說話感覺不大，可能因為那時就是年青，面對著花花世界，朋友間就只顧玩樂，沒有太多想過珍惜的真義。隨著歲月飄搖，尤其筆者經歷過移民潮的這一代，身邊人因著各種不同的際遇而各散東西，甚或離世，讓人深深體會到世事的無常，逐漸懂得至親友情的可貴，亦體會到有朋自遠方來那份發自心底的喜悅！最近筆者有朋友自澳洲回來探親旅遊，數數手指不知不覺大家相識已差不多20年了，難得碰頭，當然要出來聚聚舊互訴近況啦！筆者就選擇了一間位於尖沙咀亞士厘道，來自日本大阪的日式居酒屋作為落腳地點。餐廳位於一幢商廈內的3樓，地點旺中帶靜，一出電梯已能感受到那陣陣的東洋風。店內以木系設計為主調，一旁的裝飾櫃放滿了不同的清酒瓶，配上別緻的和風裝潢，簡潔舒適，滿有居酒屋的那忙裏偷閒的味道。當晚來到店內已差不多高朋滿座，店員為我們安排了一間榻榻米包廂內的座位，從頭到腳完全體現出傳統的日式風情，瞬間猶如置身於日本當地的居酒屋之內，感覺新奇特別，讓筆者和朋友享受了一頓坐著榻榻米的美味日式料理。(這裏的榻榻米座位設計帶有椅背，本應坐得尚算舒服，但礙於筆者的身形和腰患，當晚實在未能欣賞到當中的風味，但其實間

位於尖沙咀既北海道爐端燒聽好多朋友介紹過終於有機會去試當晚差唔多9點先去到估唔到都非常多人我估質素都應該有番咁上下煎餃子 $68餃子煎到非常脆熱辣辣食味道唔錯!魷魚鬚 $58味道好惹味串燒 - 雞皮 $22串燒 - 豚肉串 $28特上壽司盛盒 $198壽司盛盒款式都幾多都幾新鮮 喜歡食壽司既朋友可以order!浜燒牡蠣 2隻 $118店員介紹是使用日本蠔刺身食都冇問題 所以我地唔洗驚燒唔熟蠔都幾新鮮 但自己燒冇經驗唔知燒到幾時先熟三文魚刺身 $75三文魚刺身非常厚切但三文魚味欠奉 有少少失望

與友人相約到這家樓上居酒屋，格調精簡，餐桌用上傳統日式本紋設計，牆上清酒排列整齊。北海道蟹蓋蟹肉蟹膏燒 $78底部燒焦的蟹蓋內盛着燒得熱辣辣的蟹肉和蟹膏，把生鵪鶉蛋及蔥花攪勻ㄧ齊食又甜又滑。燒牛舌 $38ㄧ串三件牛舌，灑上檸檬汁， 調味不錯、 又爽口。鹽燒魷魚鬚 $48魷魚鬚很新鮮，肉質爽彈。豬骨拉麵煮雞蛋 $88豬骨拉麵加入木耳絲、竹筍、粟米，、紫菜及溏心雞蛋，麵又唔會太稔。喜歡其湯底濃郁，我也呷了好幾口。薑汁豬肉野菜 $58用野菜、甘筍、香菇等炒豬肉，菜蔬吸去油份，減少了油膩感，令豬肉入口更清爽。總括來說，食物精緻小巧，價錢算抵食，值得一試的選擇。

一星期前就知道呢幾日都要出尖沙咀做嘢，我呢啲吃貨就當然一早搵定尖沙咀有咩好嘢食啦 ！大少話好耐無食過串燒，我就向呢個方向諗啦 ！一睇就搵到呢間北海道爐邊燒，見佢咩都有，好適合我哋呢啲成日三心兩意嘅人啦 ～我哋被安排坐喺吧枱前面，我最鍾意就係坐呢度，因為可以睇到廚師點樣為客人變魔術嘛！當晚大概八點左右去到，都已經坐無虛席，客人傾計嘅聲音此起彼落，好熱鬧呀～一早話想食串燒就叫兩串嘆下先啦 ～ 分別有我哋兩個都好鍾意嘅串燒，有豚肉蕃茄串同燒牛舌。豚肉蕃茄串個蕃茄甜到不得了，仲好JUICY，好味道啊！另外牛舌都燒得剛剛好，但就唔似係生燒啊～三心兩意嘅我哋又點會甘心只係食串燒呢？！叫咗兩個蟹膏蟹肉甲羅燒，加埋隻鵪𪂹蛋嚟燒，燒起撈勻嚟食啲膏好香啊！一人一個幾滿足 ！既然呢度咩都有，點少得叫我喜歡嘅刺身吖！見到佢海膽刺身$98，梗係叫返份先啦 ！初初諗住$98一份，都唔會多得去邊啦，點知嚟到係成板，味道鮮甜又creamy ，CP值超高！另外仲叫咗牡丹蝦，睇相可能唔夠真實，因為隻蝦係好大隻！！！！我成隻手掌咁長呀～ 又係新鮮到不得了，好正！見到好多客人都食緊佢嘅煙肉芝士奶油意大利麵，我哋見未飽就叫一份

近排上網看尖沙咀有乜正餐廳試下，發現亞士厘道原來變了食街一樣，開了很多樓上餐廳，今次找來北海道爐端燒，因為餐廳像日本居酒屋，所以一試。餐廳為於3樓，上來已經滿座，還留意到餐廳有榻榻米房間，好有和風居酒屋感覺。雜錦海鮮膾 $48把溫泉蛋撈一撈，蛋醬和三文魚溶為一體，很吸引的樣子，味道出奇地夾。明太子雞蛋卷 $68蛋香滑腍甜夠汁潤，口感軟滑，內塞滿了明太子，令整體味道口感更豐富，是必叫之選。鹽燒味噌漬鮭魚腩 $52三文魚腩魚油豐富，魚肉嫩滑，魚皮香脆，以味噌噌漬製作香味倍增，加點檸檬汁更可口。大蔥雞肉串 $24睇落好乾身，入口原來大蔥入面好汁潤，雞肉嫩滑。鰻魚壽司2ps $42鰻魚燒得惹味，鰻魚汁香甜醒胃。左口魚邊壽司2ps $48左口魚邊油鮨重，肉質好腍滑。豬軟骨醬油拉麵 $88湯底醬油味濃，配料相當豐富，有4件豬軟骨，還有粟米、木耳、竹筍、蔥還有半隻溏心蛋，麵幼身彈牙，在居酒屋食到這水平的拉麵實在有驚喜。特選柚子梅酒 $48

今日來到這間酒居屋，十分滿座，要等了一小時才有位。於是在等待期間看看餐牌選好食物。茄子柚子味噌田樂 $38茄子厚而腍，外皮薄脆，麻醬味香，柚子味淡，不油膩。鹽燒花魚 $88很少見有這種魚，燒魚來說都幾夠大條，足夠4人份量，魚肉質爽嫩但帶點腥，味道較為淡口，魚刺都幾多而且比較細。牛舌 $38燒得不錯不會韌，擠上少許檸檬汁更可去膩感。炸明太子雞翼兩支 $52雞翼去骨後再釀入明太子，雞翼外表脹卜卜，一咬之下雞皮香脆可口，帶微辣。海鮮丼 $128賣相漂亮的，但較為失望的是海鮮丼的刺身不夠新鮮，當中有甜蝦、三文魚、吞拿魚、油甘魚、鯖魚和三文魚籽，還有淮山蓉和酸薑。煙肉芝士奶油意大利麵~2人 $128這個芝士奶油意粉非常Creamy，有炒香了的煙肉十分惹味，蝦仁大大粒爽口彈牙，意大利寬條麵也煮得恰到好處，保持煙韌口感，味道比預期中淡所以不膩。味噌湯 $12

今日同朋友喺尖東一帶行街，不知不覺已經八點了，有啲肚餓。諗起有朋友推介過附近一間叫北海道爐端燒嘅日式餐廳， 見近近哋就上到去試試。雖然已經八點幾，但人都非常之多，好不容易終於有位了。呢度環境都算闊落，唔會太迫。原來除咗卡位之外，仲有獨立房添！裏面要除鞋入去好似去日本人屋企一樣。即刻叫下嘢食先！我哋叫咗特上壽司盛合，串燒五款，炸年糕同燒味噌鮭魚腩。首先講下呢個特上壽司盛合先， 除咗常見嘅三文魚，吞拿魚同甜蝦外， 更有秋刀魚壽司！最特別嘅係有蟹肉同蟹膏壽司， 零零舍舍用個細碗裝住 ，十分別緻。 係我第一次見到呢款壽司阿！ 味道同平時食到既蟹膏差不多濃味， 但今次係同壽司飯一齊食，感覺十分fresh！除此之外，五款串燒亦都十分推介。有雞翼，有番薯仔，仲有芝士免治雞肉！香濃嘅芝士喺雞肉嘅表面溶化，兩者溶為一體，諗起都流口水！仲有牛肉年糕添。佢係用牛肉片包住一塊塊年糕，再燒熟，呢個組合真係好有創意，味道也十分不錯。最後，仲有一隻有骨嘅腸仔，外相已經好吸引！味道更可媲美街邊十幾蚊才一條嘅熱狗腸，多汁且彈牙！食埋一舊舊肥美嘅燒鮭魚腩，已經七八成了。最後用甜絲絲嘅芝士年糕作為結尾，簡直是無懈可擊！埋單

居酒屋近年大熱，除了傳統風格，也有不同主題、不同玩法。香港人一向鍾意去居酒屋，貪其氣氛輕鬆，既有酒飲，又有美食。位於尖沙咀亞士厘道樓上鋪的「北海道爐端燒 Majimeya」，是來自日本大阪嘅居酒屋，走大眾化路線，帶濃厚居酒屋文化。餐廳地方頗大，佔地全層，店內環境非常整潔，座位甚多，估計同一時間可以容納大約六十人。入座後先細看四周，以木系裝潢為主調，牆身設有一列大酒櫃，放滿不同酒樽作裝飾，充滿地道日式居酒屋風味。廚房採開放式，而前面就係吧檯位，客人可以看到大廚即席爐端燒，讓人吃得放心。翻開餐牌，食物選擇甚豐，頭幾頁係酒類同飲品，之後就係前菜、沙律、刺身、小菜、特色意粉、炸物、稻草燒、爐端燒，另外亦有丼飯、拉麵和甜品等。既然餐廳以燒物作主打，就先以一客鹽燒味噌漬鮭魚腩 ($52)  打頭陣，三文魚腩很肥美，大大件，勁厚身，魚肉十分嫩滑，啖啖肉，魚油豐富，魚皮燒得很香脆，火候到家，食時灑上少許檸檬汁，可令鮮味更濃。接著是一客鹽燒魷魚鬚 ($48)，魷魚鬚非常粗壯，條條長度均等。一口咬下，質地爽彈，濕度剛好，醃得入味，而且不會咬極都唔斷，亦唔會韌到似擦紙膠，蘸點醬汁，惹味開胃。從沒吃過用稻草來

爐端燒@尖沙咀爐端燒之外仲有好多嘢食我哋先點咗刺身同壽司特上壽司盛盒嘅壽司種類繁多，仲好新鮮𠻹！🤤小碗嗰個係三文魚子蟹肉散壽司見海膽刺身價錢唔貴，以為得好少啦點知 $98 都有咁大板，真係好抵食～而且啲海膽係極道鮮甜！👍🏻一次過將蟹肉同蟹膏濃縮喺一個蟹蓋度燒再攪拌滑滑嘅生卵啲蟹膏好濃香，而且口感更加滑溜～連燒鱈場蟹都有，好正！見到燒到紅卜卜嘅蟹殼同雪白嘅蟹肉就流晒口水喇啲蟹殼已經仔細咁剪開晒成嚿爽甜嘅鱈場蟹肉隨手就剔到出嚟食 😌天婦羅盛合有三隻蝦天婦羅咁多！係名副其實嘅蝦蝦蝦 😂當然除咗份量之外，味道都好食啦蔬菜類嘅天婦羅都唔錯

香港受日本的文化影響，不少上班族都喜歡放工後到居酒屋聊天飲酒。居酒屋以酒菜及刺熱氣氛吸客，因此居酒屋菜式多以燒烤及炸物可下酒的菜色為主。北海道爐端燒經友人介紹謂氣氛不錯，要預早訂位，不然會撲空。平日晚上全場滿座，人聲鼎沸。坐位有小部分榻榻米位，坐榻榻米感覺上人與人之間的距離拉近，氣氛更融和。北海道爐端燒以小食為主，份量較為小巧。如果當作晚餐，需要多點幾款。蟹蓋蟹肉味噌燒日本浜燒水產調味簡單，以炭爐即燒即食風味最佳，今晚沒有炭爐上枱即燒風味略遜。蟹蓋蟹肉味噌燒於蟹蓋上放了豐滿綠色蟹膏、蟹肉及生鵪鶉蛋，自行攪拌供食。蟹膏拌上生鵪鶉蛋後入口軟滑，蟹肉條條分明，鮮甜嫩滑。日本番薯日本番薯入口粉甜軟糯，碟邊放上一小片牛油，不過日本番薯粉甜度高，其實無需以牛油調味已經很好吃。芥末山芋燒山芋帶有黏液，但入口又出奇地爽脆，加上芥末同燒，食味帶有少少辛辣刺激感。辛辣蓮藕蓮藕片以泰式甜辣醬調味，辛辣味道不高，以食蓮藕片爽脆度為主。炸明太子雞翼雞翼去骨後再釀入明太子，雞翼外表脹卜卜，一咬之下雞皮香脆可口，入面明太子比雞肉還多，少少辛辣，伴酒一流。稻草烤塩鰹刺身鰹魚多用來製作木魚絲，日本高湯不可或缺的原材料。

Japanese food is always the best. This Japanese restaurant is located at a quiet street in TST. I could not believe how busy this restaurant is, if we didn’t book a table we will probably got rejected as the place was super busy. Cold salad noodles: The cold salad noodles was in a big proportion. It was fresh and delicious. The noodles were stretchy and eggy. The cucumber and tomatoes were so yummy! The salad dressing was sour but very tasty. There were also some small cubes of salmon, they were

終於BOOK到黎食LEE間北海道爐端燒，餐廳係捷利商業大廈三樓，位置有D隱世但係人氣依然十分旺盛安排左我地坐榻榻米位置，好有日本風情餐牌圖文並茂，仲有日文提供，我地果晚去都見到有日本客人光顧先黎一板海膽刺身，非常新鮮肥美，絕對係味蕾一大享受放上脆卜卜紫菜到包住一啖食落去，滿口都是海膽GE鮮甜味道串燒五款係由師傅發辦，神秘得黎又帶點驚喜串燒小甜薯圓滾滾小巧精緻，食落香甜軟糯三文魚及三文魚籽丼飯三文魚夠晒肥美，三文魚籽鹹香十足餐廳叫北海道爐端燒當然要試下燒物，點左一客香味醬油燒鱈場蟹，真係燒得好正好惹味香味醬油將味道提升，蟹味超濃郁！細心開左殼好方便就拆到啖啖蟹肉黎食食物質素真係幾好，難怪咁旺場！

星期五同朋友食飯傾下計，搵左呢間上樓居酒屋放鬆下～黎居酒屋必叫串燒～串燒5款$118呢度串燒非常出色，火候夠，又好香燒烤味。5款串燒包括：雞翼、煙肉年糕、芝士雞肉棒、燒三文魚腩、番薯醬油拉麵$88朋友想食拉麵，估唔到居酒屋都會有拉麵叫。湯底杰杰地，醬油味香，非常濃厚但唔會過咸，配料相當豐富，有4件豬軟骨，粟米、木耳、竹筍、蔥、半隻溏心蛋，麵係幼麵，好彈牙～比一般拉麵店拉麵更有驚喜。柚子味噌芝士燒牡蠣磨菇$68以錫紙包住牡蠣、磨菇再加芝士焗，芝士面焗至金黃色，牡蠣入口juicy日式酒蒸大蜆帶子稚貝$68用清酒蒸嘅大蜆帶子稚貝，特別鮮甜，日本稚貝唔係好多地方有，我去親日本都會食呢，呢度都有得食，太好了鹽燒味噌漬鮭魚腩$52三文魚腩魚油豐富，魚肉嫩滑，魚皮香脆，以味噌漬醃香味倍增，啖啖肉帶子烏賊燒$48呢個類似大阪燒，有大量木魚同紫菜，好惹味

6:30黎到 一個戴眼鏡既職員態度好差咁話一無訂枱要坐吧枱同7:30交枱 媽咪話想坐4人枱 佢好串咁話邊有得你揀 有人坐後面張枱 個職員又喝媽咪叫佢讓開 我地心諗洗唔洗咁惡 到7:20既時候都無叫埋單 佢就俾張單黎 我地話仲有10分鐘 佢話我收數都要時間 之後媽咪話態度咁惡 唔好俾貼士 個職員係我簽卡既時候鬧我話 你個尾數寫錯左 成餐飯都受氣 問個職員叫咩名 佢話點解要話你知 食飯食到咁受氣 好食到飛起都無用啦 仲要唔係有咩特別 今時今日咁既服務態度唔得家啦！