影片
更多
2018-03-05
54 瀏覽
居酒屋近年大熱，除了傳統風格，也有不同主題、不同玩法。香港人一向鍾意去居酒屋，貪其氣氛輕鬆，既有酒飲，又有美食。位於尖沙咀亞士厘道樓上鋪的「北海道爐端燒 Majimeya」，是來自日本大阪嘅居酒屋，走大眾化路線，帶濃厚居酒屋文化。餐廳地方頗大，佔地全層，店內環境非常整潔，座位甚多，估計同一時間可以容納大約六十人。入座後先細看四周，以木系裝潢為主調，牆身設有一列大酒櫃，放滿不同酒樽作裝飾，充滿地道日式居酒屋風味。廚房採開放式，而前面就係吧檯位，客人可以看到大廚即席爐端燒，讓人吃得放心。翻開餐牌，食物選擇甚豐，頭幾頁係酒類同飲品，之後就係前菜、沙律、刺身、小菜、特色意粉、炸物、稻草燒、爐端燒，另外亦有丼飯、拉麵和甜品等。既然餐廳以燒物作主打，就先以一客鹽燒味噌漬鮭魚腩 ($52) 打頭陣，三文魚腩很肥美，大大件，勁厚身，魚肉十分嫩滑，啖啖肉，魚油豐富，魚皮燒得很香脆，火候到家，食時灑上少許檸檬汁，可令鮮味更濃。接著是一客鹽燒魷魚鬚 ($48)，魷魚鬚非常粗壯，條條長度均等。一口咬下，質地爽彈，濕度剛好，醃得入味，而且不會咬極都唔斷，亦唔會韌到似擦紙膠，蘸點醬汁，惹味開胃。從沒吃過用稻草來
居酒屋近年大熱，除了傳統風格，也有不同主題、不同玩法。香港人一向鍾意去居酒屋，貪其氣氛輕鬆，既有酒飲，又有美食。位於尖沙咀亞士厘道樓上鋪的「北海道爐端燒 Majimeya」，是來自日本大阪嘅居酒屋，走大眾化路線，帶濃厚居酒屋文化。
餐廳地方頗大，佔地全層，店內環境非常整潔，座位甚多，估計同一時間可以容納大約六十人。入座後先細看四周，以木系裝潢為主調，牆身設有一列大酒櫃，放滿不同酒樽作裝飾，充滿地道日式居酒屋風味。廚房採開放式，而前面就係吧檯位，客人可以看到大廚即席爐端燒，讓人吃得放心。
翻開餐牌，食物選擇甚豐，頭幾頁係酒類同飲品，之後就係前菜、沙律、刺身、小菜、特色意粉、炸物、稻草燒、爐端燒，另外亦有丼飯、拉麵和甜品等。
既然餐廳以燒物作主打，就先以一客鹽燒味噌漬鮭魚腩 ($52) 打頭陣，三文魚腩很肥美，大大件，勁厚身，魚肉十分嫩滑，啖啖肉，魚油豐富，魚皮燒得很香脆，火候到家，食時灑上少許檸檬汁，可令鮮味更濃。
接著是一客鹽燒魷魚鬚 ($48)，魷魚鬚非常粗壯，條條長度均等。一口咬下，質地爽彈，濕度剛好，醃得入味，而且不會咬極都唔斷，亦唔會韌到似擦紙膠，蘸點醬汁，惹味開胃。
從沒吃過用稻草來烤煮的食物，據說是日本高知縣名物，原來店裡也有供應，而且仲有三款，包括稻草烤塩鰹刺身、稻草烤醬油三文魚刺身及稻草烤安格斯牛扒，既然一場嚟到，就一於揀兩款試試。先來的稻草烤塩鰹刺身 ($98)，一客有十片，用長碟盛上，面頭灑了蔥花和蒜片。挾起一看，魚皮漆黑，魚肉中央嫩紅，入口帶濃烈煙燻香味，外脆內鮮甜，配蒜片吃，雙重口感，再蘸醬油吊味，真係鮮香美味，好食到停唔到口。
接著的稻草烤安格斯牛扒 ($168)，亦做得非常出色，牛扒用稻草嚟燒，由於火候控制恰當，能鎖住肉汁，所以每片牛扒食落都好 juicy，加上肉質軟腍鬆化，牛味濃郁，肉嫩汁豐，沾點鹽及黑椒醬汁吃，超惹味。
壓軸來一客飽肚的叉燒拉麵煮雞蛋 ($88)，拉麵上桌時仍滾熱辣，湯身散發著濃郁香氣，未吃已教人垂涎。呷一口湯頭，質地雖然唔算好稠身，但亦能嘗到豬骨香味。
碗邊的紫菜，由於一拍過照後已即時享用，所以食落好脆身。挾起麵條，粗幼度適中，入口煙韌彈牙，而且掛湯力也不俗。叉燒雖然只得兩塊，不過切得勁厚身，食落鹹鹹地又帶豬肉香，加埋滑嫩的半熟蛋、爽口的木耳絲和筍片，分量十足，就算兩個女生一齊分享都夠食。記得友人早前在另一間分店吃過餐廳嘅串燒同鍋物，覺得整體味道都唔錯，頗有水準，搵日要再嚟試下。
張貼
