北海道十勝豚丼 (已結業)

星期六晚去左megabox睇首映~ 睇戲前梗係醫左肚先~!咁岩行過, 見到有呢間北海道十勝豚丼, 門口都好多人企o係度, 但入面又有好多位喎~ 唔理得咁多~ 問下先~ 同左侍應講左2位~ 佢又話有位喎~ 即刻可以入..入到去, 個經理又話出面派緊飛....其實都唔知點~ 但我地都巳經坐底左, 所以就唔理喇~!叫左一個佢話"必吃"既豬扒定食~ 味噌湯唔可以有要求~ 好明顯係即沖o個D~個飯好大碗, 男士食就岩~~ 飯唔似係日本米..同出面普通食既白飯差唔多~豬扒煎得太耐..有D "UN"..... 整個SET 都唔係太得~朋友叫左個吉列豬扒拉面~吉列豬扒太油, 而且太多粉~拉面唔出色~湯底太咸~另外仲叫左個煎餃子~ 幾好味~ 好香~ 不過都係咸左D~再加多一個北海道炒蜆, 一樣~都係太咸，　不過就香口～可以食到咸既朋友，可以一試～～但唔好抱太大期望～最後，整間餐廳得2個侍應..實在係太少喇..同埋枱與枱之間..真係完全冇空位...零私穩~

溜冰後留在Mega Box吃晚飯，原來有新餐廳，當然馬上試試喇！閒日的晚上八時多，人不算多，無需等位，兩個人坐在四人桌，很鬆動。我們吃了～北海道產昆布風味滑蛋煮吉列豬扒飯：這碗飯的名字真冗長，如我沒有拍下餐牌實在不會記得。賣相沒有餐牌般美觀，蛋的顏色偏啡，擺放方法較凌亂，但份量十足，有不少豬扒，每塊都又厚又軟，炸得頗脆，豬扒皮感覺不會很多粉。本人出名食量大，想不到這碗飯如此大，吃完達十成飽肚感，好！麵豉湯：味道不錯，令我喜出望外的是湯內有兩隻蜆，正！麻醬豆腐：體積偏小，椰菜絲比豆腐還多。朱古力芝士咖哩免治豚肉餅飯：完全吃不到朱古力味，只覺得咖哩很甜，個人很喜歡，非常適合拌飯，很開胃。所謂的芝士並不是在咖哩內，而是免治豚肉餅上有一小塊，令我有少許失望。十勝豚丼打正旗號賣豚肉，可惜這塊豚肉餅不好吃，與普通免治肉分別不大，肉味不夠，有點嚡口。總括而言，我只欣賞那些咖哩和白飯。飲品方面有兩款正在特價，每杯$9，抵飲！百香果梳打：冰凍可口，味道偏甜，正合我意。荔枝梳打：沒有果肉，卻有濃烈的荔枝味。結帳時每人只是$60，經濟、實惠地醫飽肚，下次會再去試試主打的十勝烤薄豬扒飯。