29
35
31
食評 (122)
等級2 2019-05-13
270 瀏覽
Megabox食個lunch唔平,如果唔想食快餐店,原來十勝豚丼個價錢都算實惠,選擇豐富,除左午餐set之外,一般餐牌上既丼都可以配餐,仲可以將個飯升級做大盛,咁就唔驚會唔夠食十勝烤豬肩脥飯,連埋湯同小食都係四十幾蚊,碗飯幾大碗,仲有大大塊烤肉舖滿飯面,真係幾夠份量味道方面非常唔錯,豬肉本身偏瘦,食落都有少少韌,但上到檯係非常香既,佢輕輕烤到表面金黃色,已經好好食👌🏻不過個燒汁個人就覺得甜左少少,如果調味多返少少撈飯應該更加好食。整體黎講呢間都幾有質素,不過都有發生漏單既情況,同埋坐位安排有d混亂,希望下次可以有所改善💪🏻 繼續閱讀
(以上食評乃用戶個人意見 , 並不代表OpenRice之觀點。)
等級1 2019-03-14
391 瀏覽
自問咁大個仔劣食真係食唔少,阿媽教落好又一餐唔好又一餐,都冇話特別投訴。但今次真係遇到高手喇。比起小店更難食!我叫咗叉燒冷麵,咖哩雞石頭窩飯同薄豬扒小食。冷麵得個芝麻醬,冇其他汁,仲要生菜底,仲要有鹼水味。石頭窩飯,冇特別,算過關⋯⋯可能我鐘意多汁所以覺得佢個飯乾同超多飯焦。薄切豬扒⋯⋯煲湯瘦肉靚過佢⋯乾過腳皮,求其面頭淋啲汁⋯⋯今次出文其實同服務態度有關⋯⋯不停喺隔離掃地!我叫佢唔好掃態度仲衰,唔掃地就走去拖地⋯⋯講真,我未試過一間咁差嘅日式餐廳! 繼續閱讀
(以上食評乃用戶個人意見 , 並不代表OpenRice之觀點。)
等級2 2019-03-13
263 瀏覽
附贈飲品好足量 雖然係下午茶 整碗拉麵物美價廉 超抵食 係返工人必選之一嘅地方 環境又好 啲員工態度都好好 終於被我揾到食靚野嘅地方啦 地方靚野食正 就算係上餐前被你飲嘅小小一杯茶 都可以令人開胃又暖胃 下次可以再來試下啲飯 拉麵都咁好食 小小期待飯食啦 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-10
180 瀏覽
略嫌平時食開嘅午市套餐分量唔太足夠,所以今次就轉為嗌定食。十勝烤豬肩脥飯(大盛)大盛嘅份量果然係比平時大份好多,大碗加上飯幾乎裝滿,差啲食唔曬。推薦豬肩脥, 呢個部分嘅肉食落好細滑又有口感,加上烤得好香脆。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-03-03
161 瀏覽
同阿爸兩個大男人係九龍灣食飯,諗唔到食咩好。最後選左呢間又平又算幾好食。我地點左個烤薄豬扒飯,都係$48。豬扒有少少韌,但醬汁好味,加埋蔥絲,拌飯一流,阿爸都食得幾開心。 繼續閱讀
(以上食評乃用戶個人意見 , 並不代表OpenRice之觀點。)