北斗

營業中

休息中

從刺身到串燒，每一道菜都展現廚師的用心與食材的品質。 $398 青森大間鮪魚刺身盛合: 大拖羅、中拖羅與赤身的組合，油脂豐腴、入口即化，尤其是大拖羅的鮮甜與細膩。$88 螢光魷魚沖漬: 肉身嬌嫩，醃漬後帶出濃郁的鹹鮮，仲有微微爆漿😍$446 串揚特色料理: 其中幾項較為突出😛明太子豚肉卷和葡萄豚肉串選用日本國產豚肉，肉質嫩滑多汁，明太子的鹹香與葡萄的甜味平衡。煙燻鴨胸肉香氣濃郁，肉質柔軟。$138 令和の怪物: 肉質肥美鮮甜，必食！$108 「極上刺身杯」以三文魚、赤身、帶子等食材堆疊，層次豐富，搭配特製醬汁，清爽開胃。 $58 手打讚歧烏冬口感彈牙，湯頭較清淡。📍北斗 #九龍城 九龍城福佬村道59號地下B號舖

約咗好朋友傾嚟緊去日本嘅行程佢就揀咗一間好有新宿味嘅日式食店🏮位於九龍城，面積唔算好大但係真係好似坐喺新宿入邊嘅居酒屋咁廚師都係日本人特上刺身盛合（赤蝦..三文魚.鯛魚.日本海膽赤蝦超大隻，肉質爽甜彈牙，蝦頭仲有好多膏三文魚腩厚切，魚油香超濃鯛魚切得透薄，口感清爽北海道海膽金黃色，味道超鮮甜，完全冇腥味時令海鮮七品盛合（廚師發辦串揚炸得好輕身，完全唔油膩師傅每日揀最新鮮嘅海鮮，今次食到：子持昆布咬落去卜卜脆，帶淡淡海水味希靈魚子一粒粒爆開好過癮海膽魷魚卷海膽creamy配魷魚彈牙帶子好大粒，肉質結實，內裏粉嫩，好鮮甜沙嘴魚皮脆肉嫩磯煮鮑魚煮得剛剛好，唔會韌安康魚肝外皮香脆，內裏又香又滑鰻魚外脆內軟紫蘇雞胸肉用德島雞，肉質超嫩和牛柳係神戶牛，入口即溶葡萄豚肉串用日本國產豚，肉質爽口有淡淡果香三文魚籽海膽杯魚籽爆汁配海膽，雙重鮮味蕎麥麵鯛魚昆布湯清甜暖胃裏面仲有魚肉同金菇用茶壺同小杯飲湯，別有一番風味

北斗以精緻廚師發辦及優質日本食材聞名，如果鍾意試高質日本菜，呢度一定唔會令你失望。一入去裝修就好靚，好溫馨，同朋友過嚟食飯好舒服。今次嘗試左幾道招牌菜，全部都見到師傅既心思。紫海膽：賣相已經好搶眼，仲要係新鮮開出黎比我地，一食落去即時感受到鮮味同濃郁海水香，完全唔腥。地蛤清湯：用咗新鮮大地蛤，湯底超清甜，啖啖都飲得出鮮味，個蛤肉仲好肥美彈牙。八品盛北斗盛合：成個賣相真係充滿驚喜，鯛魚、和牛、豬柳、鮑魚等等，每一樣都好用心。鯛魚做左立鱗，皮卜卜脆肉又滑，和牛超級香嫩，鮑魚又夠鮮甜，全部都擺得好精緻，每啖都有新發現。赤海蝦：裹上薄薄日本麵包碎原隻炸，可以連頭食，蝦膏新鮮甘香，蝦身超彈牙。厚切牛舌：用咗宮城縣和牛，厚切又夠淋，牛脂香味帶曬出嚟，口感勁正。手打讚岐烏冬：麵條夠粗彈牙，配埋高湯飲落順口。舞純米酒：純米酒，口感豐富多層次，飲完唔會有強烈酒精感，反而愈飲愈順。總括而言，北斗啲食物真係有水準，啲菜式精緻又味道正宗，值得同朋友一齊嚟慢慢嘆。

想食高質日料唔一定要去港島區嘅！九龍城北斗質素都唔錯，廚師好用心，服務都好好～宋王臺地鐵站行5至10分鐘就到😗❥ 時令活蠔配有馬山椒係岩手縣令和之怪物！生蠔好新鮮好鮮甜😍肉質係偏爽身～配上醋汁同生椒更加清新！❥青森大間鮪魚盛盒一共有三個部位：赤身、中拖、大拖羅又瘦身食到肥美吞拿魚好新鮮，好有油脂大拖羅更加係入口即溶🫰🏻💕❥日本沙椎魚外層炸得好脆魚肉柔軟細膩，好滑嫩配檸檬汁好清爽🍋❥子持昆布配櫻花蝦極力推薦！幾特別嘅菜式！其實就係昆布夾住希靈魚籽特別嘅位係❣️希靈魚本身就喺昆布上面產卵，並唔係額外添加🤩成個口感好豐富，好彈好爽，有種魚籽喺口腔爆開嘅感覺😝❥北海道活帆立貝配三文魚籽❥赤海蝦兩款海鮮串燒都好食！經典嘅配搭永遠都唔會出錯😚❥肉盛六品盛盒六款串燒分別係：煙燻日本鴨胸肉、明太子豚肉卷、葡萄豚肉串、厚切牛舌、梅醬雞胸肉、沖繩阿吉豬柳好多種類，食完超滿足！🤰🏻❥松葉蟹肉蟹膏海膽杯作為收尾嚟講幾完美！蟹肉+蟹膏+海膽係相輔相成，鮮上加鮮👅感覺就係每啖都好鮮甜！❥手打讚岐烏冬食到最後食返碗暖笠笠嘅烏冬😍

探索宋王臺這個地方，發現了間出色的日本料理和串揚餐廳。🌸鰹魚肝酒盗芝士醬油漬的鰹魚內臟配上忌廉芝士，用脆口的紫菜包著一齊食，味道濃郁，送酒一流。唔飲酒，叫咗Gintonic和Lemonsour，都一樣正。🌸紫海膽紫海膽顏色呈橙黃，口感幼滑，味道甘甜，三文魚籽微鹹味。🌸三色刺身盛（三文魚、帆立貝、深海池魚）✨三文魚厚身肥美；✨帆立貝味道清甜；✨深海池魚經炙燒過，油香十足。🌸三文魚籽杯三文魚籽喺口中爆開，味道鹹香，和帶甜的米飯很夾。🌸北斗八品盛合(廚師發辦)✨甘鯛立鱗，魚鱗立起，囗感脆卜卜，有魚油的甘香;✨中拖羅，味帶有吞拿魚的酸味；✨紋甲魷魚，魷魚軟腍；✨明太子，味道較鹹；✨北海道帶子配三文魚籽，帶子口感結實，味道鮮甜；✨子持昆布，口感爽脆；✨沖繩阿古豬豬柳，肉質有嚼勁，肉味較濃；✨磯煮鮑魚配黑魚子，鮑魚質地綿嫩帶鹹香。🌸岩國蓮藕由山口縣直送，質地爽脆，帶有水果的甜味。🌸千兩茄子由奈良縣直送，質地軟腍，唔會油笠笠。🌸青椒仔由高知縣直送，青椒仔味道濃烈。👍🏻串揚做得好出色，每串炸至金黃色，炸漿平均分佈，唔會太多或太厚，食咗咁多串都唔覺油膩。🌸茶漬飯（三文魚/明太子/南高梅）茶漬飯有三款味道

自從有了宋皇臺站後，去九龍城都方便得多了，而且那邊有眾多食肆，去那邊吃飯的次數也有增無減。除了出名是泰國菜天地之外，還有很多其他國家的菜式值得到訪。這家就是位於九龍城的日本菜，古色古香的傳統日式門口設計，店舖內裏面積較小，客人坐在吧檯，面向著廚師方向，食材新鮮上乘，很有日式風味。蟹膏蟹肉魷魚卷炸過的魷魚包裹蟹肉及蟹膏，份量不多，不會太滯膩。日本青椒本身不太吃青椒的，不過朋友極力游說下就試試啦，怎知有驚喜，薄薄的炸粉包着小青椒，味道爽口青嫩，不錯！北海道帶子配三文魚子 帶子微炸過，上面加幾粒魚子點綴，口感豐富。北斗八品盛合很精緻的排場，不同食材，輕輕炸過，層次豐富。特上刺身盛上盛的刺身，拖羅、海膽、大蝦、三文魚腩等，刺身厚片，新鮮。日本直送喜之次日本的高級深海魚，出名色澤鮮紅，油脂豐腴。連魚皮吃，脆口油香，肉質爽彈。

今日同兩個朋友去左九龍城食Omakase,三個人叫左幾個特別吸引菜式，順便叫左杯嘆下chill住傾計❤️🫶🏻千德美人復活酒酒香氣十分迷人，帶有淡淡果香+花香。口感柔和，適合搭配各種料理🤪🫶🏻北海道原隻紫海膽-紫海膽新鮮得令人驚豔，入口即化，海味十足🤩海甘甜與綿密，搭配少許醬油，讓味道更為出色👍🏻🫶🏻Omakase牡丹蝦串揚串揚外酥內嫩，蝦肉鮮美，口感極佳。酥脆既外皮，讓人回味無窮🤤🫶🏻 明太子茶漬飯茶漬飯味道十分獨特，明太子鹹香與茶清香相得益彰。呢個非常適合用來收尾，讓人感到滿足🥰今次美食之旅讓我們對日本料理有左更深理解+體會。每道菜都有其獨特之處，完美展現左食材鮮美與廚師的用心。

北斗餐廳的Omakase套餐充滿驚喜，三人份量的菜式既精緻又飽足。**火炙深海池魚**和**火炙黑魚**展現了師傅的功力——魚肉油脂豐腴，經恰到好處的炙燒後，表面微焦香脆，內裡卻保持鮮嫩，入口即化。 **松葉蟹甲羅**是亮點之一，蟹膏濃郁甘甜，搭配蟹肉的鮮美，讓人回味無窮。而**日本直送半熟帆立貝**作為燒物登場，外層微微焦香，內裡保持著刺身級的嫩滑口感，鮮甜多汁，足見食材的新鮮度。 最後以**芒果雪糕**作結，清新的果香平衡了整餐的濃郁，為這頓日式盛宴畫上完美句號。北斗餐廳的Omakase注重食材品質與火候掌控，三人分享份量剛好，是值得推薦的高質日料體驗！

北斗海鮮的食材新鮮程度讓人驚喜💓七味魚翅每一口都能感受到濃郁的海味，魚翅質地滑嫩，十分美味搭配的💓千德原酒1.8L，酒香撲鼻，與海鮮的鮮味相得益彰，讓整個用餐體驗更加升華。💓時令活蠔配馬山椒的組合更是令人驚艷，蠔新鮮，而馬山椒的微辣則為這道菜增添了獨特的風味💓梅水晶鯊魚軟骨則是另一亮點，軟骨的口感滑潤，讓人感受到海鮮的精華。——————————-北斗 (九龍城)九龍城福佬村道59號地下B號舖

今日有幸同個fd去食阿媽家姐～ 食物日本馬糞海膽配炸紫菜真係超好食！勁鮮甜嘅海膽，配上脆卜卜嘅紫菜，簡直係口感上嘅互補呀！三色刺身勁新鮮，真係入口即融，仲要係厚砌，食到個質感！𩽾鱇魚肝配柚子啫喱呢個真係對我嚟講好新奇！口感柔嫩滑順，再加上柚子啫喱嘅清爽，真係一啲都唔膩松葉蟹蓋Omakasa重頭戲係松葉蟹蓋！真係好正，視覺效果一流😂廚師同我講話action，佢就會幫我哋打開～～然然啲煙飄岀黎好有高級感😆😆個蟹蓋好鮮甜，同海膽嘅味道唔撞，各有各嘅鮮味！呢個仲會齒䶝留香～～靜岡縣蜜瓜同蜜桃雪糕最後有甜品點睛～呢2樣都係日本特產！啲水果味係唔同啲～但又唔會死甜👍🏻

北斗這間店食物不錯，可以試下！以下幾樣野食推介！磯煮鮑魚煮得入味，煙燻鴨胸帶微香，唔會過火；厚切牛舌爽彈，有咬口但唔韌。沙嘴魚處理得乾淨，皮脆肉嫩，係驚喜之一。明太子豚肉串鹹香惹味，啱晒下酒。鰹魚肝配酒盗芝士，重口味但唔膩。蒜頭木魚漬同手蒡醬油漬就係嗰種「細細件但加分」嘅小碟平衡左其他嘢嘅濃味。壓軸火炙大拖羅，油脂香濃，炙得啱啱好。整體食材選得好，處理得穩陣，味道自然。約埋屋企人或者朋友聚會都非常適合！

九龍城嘅日本串揚專門店真係隱世小店嚟！師傅喺吧枱後面即炸串揚，睇住佢哋嘅手藝已經係一種享受。呢度嘅食材新鮮度同串揚技術堪稱一流，特別係佢哋嘅海鮮類，絕對係街坊至愛。📍北海道活紫海膽紫海膽真係新鮮到爆！🌊 濃濃嘅海洋氣息一入口就擴散開嚟，海膽肉飽滿鮮甜，入口即溶嘅質感令人回味無窮。個鮮味層次豐富，帶有獨特嘅甜中帶鹹，甘香濃郁但又唔會過腥，食完真係想拍枱大叫「正」！難怪要預早叫先食得到。📍雜錦串揚盛盒配蕎麥麵串揚盛盒嘅每一件都係精緻，外層金黃酥脆，啖啖清脆聲响，裡面嘅食材卻保持多汁鮮嫩。🍢 麵衣薄而均勻，完全冇油淋淋嘅感覺。配埋爽滑嘅蕎麥麵，清爽解膩，平衡咗油炸食物嘅重口感，一熱一凍嘅配搭絕妙，食得好過癮！📍長芋串，厚切牛舌，海脈魷魚卷長芋串外脆內軟，入口綿密又保留啲微微嚼勁。厚切牛舌就真係驚喜，肉質彈牙嫩滑，炸得恰到好處保留咗牛舌獨有嘅香甜。而海脈魷魚卷就更加係鮮味炸彈，魷魚冇一絲橡筋感，咬落去爽脆鮮甜，魚漿部分更係入口即溶！😋 三款串物各有特色，但都一致咁高水準！用料新鮮、技術精湛，價錢雖然唔算平，但絕對物有所值😋😋

The restaurant’s tempura was prepared perfectly, a light crispy texture that showcased skillful technique. However, the ingredients used seemed of standard or slightly lower quality, resulting in flavors that fell short of expectations. Higher-quality ingredients could significantly elevate the dish’s taste.The experience fell short of expectations. The restaurant seemed understaffed, leading to less attentive service that detracted from the dining experience. Additionally, we may have been unlu

一家人到九龍城的北斗以omakase作為生日晚飯。往常經常行過但從沒留意這食店，反而在靠近衙前圍道獅子石道交界的姊妹店渡邊屋壽司就買過幾次外賣。總體而言連加一約千五一位的omakase，有質也有量，性價比實在不低。店內不是很大，長條形的一列位子，方便店員與客人互動，但沒有四方枱，如果一伙人來就只能排排坐，比較難談天說地。近門口有一個放滿清酒的貯酒櫃，内在一樽與旁邊另一姊妹居酒屋「浜淹」同名，據店員指這大樽絕對足夠給與包場的客人盡酒興！當晚只有我一個有酒興，唯有點了一支細的淺嚐。點了的omakase，頭碟有海膽配日式豆腐、硯湯及日本蒜子，很可刺激食慾，蒜子味濃也與清酒相合。往後有合時的鯛魚。至於那火炙的忘了是什麼魚類但味道很好，尤其炙脆了的魚皮令整體味覺很不錯，反而比鯛魚的鮮吃更好。原隻的海膽分為兩份，既鮮甜也很有口感。新鮮的蠔也很鮮味，一口咬下去可以食出蠔不只鮮也很肥美！拖羅加了日本蒜子，減低了因充滿油脂帶來的肥膩口感。不只拖羅，還有海膽壽司呢！刺身、壽司外還有炸物，其中那將魚鱗放在上面炸至一枝枝豎起，既有特別的賣相也有更香口的味道。還有酥炸鮑魚！最後以茶漬飯及日本蜜瓜為終結。很是滿足

今日又去九龍城搵食九龍城除咗泰國嘢食之外，而家真係有好多日本餐廳好好食今日我同朋友就食左北斗，之前試過佢既質素好高，對刺身好講究我非常難忘以下兩個嘢食Omakase 刺身-深海池魚，肉質緊緻，細膩滑嫩，非常鮮甜，真係令人一試難忘，十分出色日本地蛤清湯: 湯頭清澈，鮮甜而不膩，蛤蜊的鮮美與湯頭配合得好好，每一口都有濃郁的海洋風味。整體來說，北斗的Omakase體驗無疑是味覺上的盛宴，推薦給所有熱愛日本料理的朋友