北京酒樓 (已結業)

去到差不多7 點半, 好多人在等, 其中一個侍應哥哥叫我們8 點半再來, 我們就去外面走走, 再回來又是好多人再等, 也不記得幾點才有位, 好像等了20 多分鐘. 4 個人點了北京填鴨, 山東燒雞, 蒜茸炒菜, 糖醋魚塊, 份量好多, 幸好有多一個朋友加入, 不然又要浪費.本人對北京填鴨的興趣真的不太大, 感覺有些油膩, 山東燒雞好棒, 第一口有些麻辣, 味道好香, 雞肉干得來又滑, 又入味, 個汁配飯也好好. 本來是想點糖醋魚, 不是魚塊, 來到才知點錯了, 這款的味道也不錯, 好香口好脆, 不會太多油. 蒜茸炒菜就沒有什麼特別. 吃完後他們送了個甜品高力豆沙給我們, 有5 件, 可以每人一件. 可能是舊式酒樓, 差不多10 點多就要打烊, 侍應也會自動過來叫埋單. 來之前記得先訂位, 可以的話, 最好在星期一至三, 等候的時間可能不用太長.

星期日中午打算響晚上去食飯(兩個人), 然後打電話去訂檯, 職員話兩人唔可以訂檯, 只可以響六時前或者八點後嘗試親臨入座(唔肯定可以有位), 所以唯有叫個兩個人朋友去, 最後再打電話訂檯, 八點鐘有位.八點鐘準時到達現場, 已經有人等緊位, 門口哥哥同我地confirm後, 就叫我地響門口等, 八點三入位, 由於我另外兩個朋友突然有時唔黎得, 唔緊要照食, 坐底後, 立即叫左以下食物:山東燒雞(味道幾好, 雖然賣相普通, 但係都算夠地道)涼伴海蜇(海蜇口感彈牙, 但我覺得味道較淡)賽螃蟹(味道一流, 雖然賣相普通, 但味道已然可以完全贏晒)砂鍋津菜(同砂鍋雲吞雞有少少似, 但當然冇咁濃味)小籠飽(味道唔錯, 但如果用蒸籠上菜效果更好)高力豆沙(贈物, 但係屬水準菜色)由於每個菜既份量都唔細, 所以除左賽螃蟹食晒外, 其它全部都要打包拎走.至於好多人都話, 服務員態度差, 但本人唔係太認同, 職員平均都係有善, 有講有笑.最後埋單$337

之前睇過食評好好~今次行過就上左黎食~叫左個set~雞絲粉皮★★★★★★★★☆☆夠凍~好味~賽螃蟹★★★★★★★★☆☆waiter 攞上枱時好快手咁加蛋加醋撈好~ 好味~酸甜大蝦★★★★★★☆☆☆☆這個比較普通~清炒蔬菜★★★★★★☆☆☆☆一般~沒特別~鴨骨湯★★★★★★☆☆☆☆普通~北京填鴨★★★★★★★★☆☆d皮幾香, 肉又唔肥正~ 但唔夠熱~小籠包★★★★★★★☆☆☆幾好~都幾多湯~高力豆沙★★★★★☆☆☆☆☆普通~ 唔夠熱~服務都幾好~同d waiter有講有笑~

平時我做人都唔會咁絕~不過佢地既服務態度真係超級有問題~如果你地係打算俾錢受氣既話~就即管去啦~食得唔安樂~吹點"食送"~吹食飯~吹埋單~吹吹吹~吹命乎~七點入~八點吹埋單~八點四幫你埋單趕你走~<重點係你無叫埋單~門口無人等位~>問題係仲食緊~不停同你講我幫你打包~大佬呀~你睇唔到我食緊咩~我地係食飯~唔係打開個"肚"塞d野入去~唔該~你話呢d咁既態度值唔值得再去呢?

第一次出糧，要請食飯，順道替老人家慶生。叫了一個1480的套餐，加一隻山東燒雞。頭盤是素鵝、鴨腎和熏蹄。連同燒雞一齊上枱。兩個都很夠味，又大碟！瞬間被一眾蝗蟲掃清。問侍應燒雞其實幾錢隻，他說$65。又大碟，又要起骨，淨係功夫錢都值，encore了一隻。套餐裡最正係個翅湯，13個人分，人人都分到足一碗，仲啖啖翅，而且湯底是濃郁鮮香，不停食到金華火腿、雞和筍好味到暈！片皮鴨雖然不是即席片給你看，但不肥不膩，也不錯。水餃咬落仲有汁，朋友仔連吞數隻。在座人士中有飯桶，所以叫了一個雜錦炒飯。又是一正斗之作。飯炒得乾身，料也多，雖然有點鹹。高力豆沙，軟棉棉的，豆沙餡又不太甜膩，我連吞了三個。最後叫了一個細的拔絲蘋果。外層脆卜卜，內裡熱辣辣，正！

地方狹窄, 味道普通, 填鴨肉多皮少, 服務好差若果大家想嘗試一下香港地道既"趕客"文化, 一定要到此一食. "THEY MAKE A DIFFERENCE!!!"星期六晚同屋企人去食, 星期五打電話去book 枱 , 聽電話個阿姐話6:30 有唔好, 期間又同另一個人係到講野, 咁咪話ok la. 準時去到之後, 問果個waiter阿叔有冇位, 阿叔塊面好似有人得罪左佢咁, 唔笑不特至, 重質問我地話, 你book 左6:00呀嗎, 咁遲! 我唸住成家人係到, 去第二間都冇位, 咪忍佢一野, 同佢講話係個阿姐叫我6:30 到, 我揀都冇得揀! 佢就罵個阿姐, 又摷本大簿黎睇. 騰黎騰去, 先至比到張枱 我. 6:45 終於坐低左, 有個幾好笑容既阿叔黎招呼, 態度算唔錯, 又有介紹d套餐邊d抵食(但就猛咁叫我食翅), 佢推介左幾次之後又話"你鍾意la, 冇所謂"....云云點左個六至八人餐, 到起菜時, 效率認真快, 所有菜色二十多分鐘內便魚貫上枱 , 放唔落就問都唔問就拎走d未食完既餸 , 我地一家十多人, 有老有嫩, 食野速度梗有快慢, 點知重有人未食完, 果個滿口笑容既阿叔

尋日同公司同事食.叫左個8-10人套餐..我覺得都OK.有幾樣幾好食.好似:賽磅蟹: 蛋白夠晒滑.好好味..片皮鴨: 我鐘意佢冇嘜肥膏.夠瘦.幾好~不過我同事話唔同出面果D.呢度D皮唔夠脆!!!雞包翅: 冇嘜評價.個包幾得意.有D似漫頭.個皮脆脆地.但係又唔會好乾好硬..但係有D菜色.咸得滯..其實都好睇岩唔岩自己口味嫁姐!!!至於服務都幾好.幾好禮貌.笑笑口咁~D人又會介紹野俾你食..

原本打算尋晚(8-9-2007 Sat)再到鹿鳴春食我上次無緣食o既叫化雞,但攪手o係6-9-2007打去book枱話full晒,於是改book呢o度食餐為眾多九月份生日o既朋友們食o既飯局,當中包括我自己.11個人叫o左個8-10人餐加叫化雞.個餐有正確名稱唔係好記得)1.薰蹄醉雞唔錯,幾好味o既.2.海蜤頭有啲木耳同西蘭花伴住,幾爽,都唔錯.3.片皮鴨唔同鹿鳴春咁o係客人面前表演,而係o係裡面片好晒上枱.試吓先,個人覺得啲鴨唔太油,o岩o岩好.4.賽螃蟹上枱好靚,亞叔問我o地加唔加醋攪,不過冇人答,佢好快手就加o左同撈好晒,朋友都未o黎得切影相.佢調味都o岩o岩好喎,果然係有經驗.5.糖醋魚.上到枱,重以為係齋舖o既芋頭魚,因為賣相極似,但原來真係魚o黎.食落,炸得夠脆,不過好似冇乜魚味.6.唔知咩蝦球好大隻o既蝦球,好夠爽,不過冇咩蝦味.伴底o既腰果都夠脆,7.叫化雞唔會畀客人自己破開佢,只畀人望一望又拎入去廚房開,上枱lu.第一次食叫化雞,唔知裡面係咩o黎,問侍應叔叔,佢答係大菜,打開o左隻雞,香氣撲鼻,女性朋友C1話似裹蒸糉味.好,我要試喇,雞肉依然夠滑,味道適中.見其他人食

我最鍾意出呢間食北京o野!每次都要食手撕雞和拔絲香蕉! 簡直係回味再回味!

August 28, 2008 ~ 北京酒樓男友正日生日特意請了假和他慶祝，下午為他安排了一起上整餅班，上堂前和他來了北京酒樓懷舊一番。我倆都十分喜歡吃砂窩雲吞雞，即使侍應說份量一定多到食唔哂，我們都要叫，仲要叫多一碟水晶肉作前菜。先論砂窩雲吞雞的湯底，很清甜，味道很像媽媽的老火白菜湯。雲吞起碼有20隻，啲皮又薄又滑，只略嚴鮮肉餡油了少許；雞肉出奇不鞋身，也差不多被我倆吃清光。水晶肉有別於上海店，很明顯吃得出絲絲豬肉，沒丁點肥膩，絕對是水準之作。Service我倆認為幾好，老氣橫揪得來也不失幽點。

位於佐敦最熱鬧的地點, 雖然服務不算周到(因太多人流)及環境不算高級, 菜式多整定(不算太熱), 但價錢不貴,份量大及菜式多取勝。值得一試

一行三人去北京酒樓試下因為唔想食填鴨, 所以無叫到套餐。山東燒雞- 賣相一般, 但食落味道都唔錯，ｄ醬汁好正，而且份量都幾多　，　三個人食都要打包。賽螃蟹-　味道一般，但值得一試。小籠包- $36 十隻, 都算抵食。火腿津白- 味道幾好, 但價錢略貴。環境略逼　，　但食物的份量都好多, 服務唔係想像中咁差。埋單總共＄２７９, 食得飽飽！

今晚約埋一班朋友吃飯, 原本已BOOK了枱 , 但去到卻沒有枱, 又說你人未到齊沒有枱, 但看隔離有張大枱 , 只有兩個人都有枱 , 分明是以人不齊為藉口來掩飾沒有枱.沒有問題, 知道他地方不多要等一下, 但他們沒有禮貌的態度實在難以忍耐. 一邊站著等的時候, 伺應就說你阻住條路.眼望望的, 而負責找枱 給我們的負責人,你看見他只是煩惱的樣子, 又沒有跟你說請等等, 只是讓你乾等, 不知等到何時.終於他們似乎叫走了一些已吃畢的客人而有枱 給我們, 然後好似很趕的叫我們點菜, 菜牌都沒有看清楚, 價錢也沒有看清楚, 他就建議了吃這吃那, 似乎每張都是吃那些菜.菜很快便上, 半個小時已把6碟菜上完, 都頗大碟,但味道一般,差不多1小時就把菜吃完, 侍應不停走過來幫你執野, 似乎想你快點走.其實有很多地方都比它好吃, 真不明白朋友為何說這裡好吃, 價錢又貴, 又不收信用咭, 服務態度又不好, 以後我都不會再去.

又同爸爸媽媽食飯, 星期二的晚上, 工作得夜了, 匆匆趕過來已經遲了半個鐘, 不好意思.係樓下已看見人山人海, 成條樓梯都係人. 真係好旺. 坐低覺得環境係好逼, 地方比較陳舊了.見好多人都係叫填鴨餐. $588六位用, 計落又比散叫抵, 最後都係要了個填鴨餐.拌雞絲粉皮: 7分, 粉皮幾滑, 雞絲不算老, 但係麻醬唔夠香濃, 青瓜極少, 近日青瓜貴? 多點青瓜應該會好一點, 現在口感有點寡.賽螃蟹: 8分, 蛋白幾滑, 簡簡單單, 但係不錯.北京填鴨: 6分, 吃了兩樣不錯的食物, 這裡的主角就出場了. 份量不少, 四個人分有點勉強. 皮烤得唔夠脆, 唔係幾香口, 切了幾多鴨肉, 偏瘦, 其實肥美一點更合適. 餅皮唔熱, 都無乜意欲加京蔥同青瓜了.單計這個填鴨, 跟鹿鳴春不能相比.宮保明蝦: 7分, 帶點辣, 好香口, 個宮保汁好惹味, 但係炸得太勁, 粉亦太厚, 蝦肉不算好新鮮.清炒時菜: 6分, 菜都算幾新鮮的, 但係非常油.鴨骨湯: 2分, 好大碗, 夠十二人分, 但係應該再多人分都得, 因為味道實在好差, 應該無乜人想飲. 太鹹了, 又無火候, 好像匆匆趕上場的. 媽媽用行動

上星期六同肥b,靚女c,f,i,食dinner,好彩我早幾日book,730勁多人,由我去到, 到我食完,d人都未停過,全部企晒樓梯口,而我5個人,叫個6人套餐.有:雞絲粉皮(我改手絲雞),個汁ok,但d雞絲唔滑,一般,宮寶蝦球,酸酸,趣趣,唔夠熱,靚女c話好似唔係全部都係蝦,好似有d魚味,但我唔係好食出,片皮鴨,好大碟,都係凍凍,d皮唔趣,d肉都ok,包片皮鴨d皮好厚,只可以話抵食,鴨骨湯(改雲吞雞+$100),個湯好甜.隻雞有半隻,我都食唔哂,雲吞都有10隻,炒通菜,我無食,佢話ok啦,小龍包,又係個皮d粉好厚.都全部起都穿底, 但夠熱,豆沙小包包,送!都ok, 但大家都好鬼飽食唔落,只係食少少.大家都覺得價錢算抵,咁多食(肥b話8個人都夠食),但坐就麻麻,迫d,同你一定唔會坐得耐,門口又咁多人等,d待應叔叔,不停扮收碟,又望下你,你都唔好意思坐咁耐啦!