影片
更多
2007-09-17
26 瀏覽
地方狹窄, 味道普通, 填鴨肉多皮少, 服務好差若果大家想嘗試一下香港地道既"趕客"文化, 一定要到此一食. "THEY MAKE A DIFFERENCE!!!"星期六晚同屋企人去食, 星期五打電話去book 枱 , 聽電話個阿姐話6:30 有唔好, 期間又同另一個人係到講野, 咁咪話ok la. 準時去到之後, 問果個waiter阿叔有冇位, 阿叔塊面好似有人得罪左佢咁, 唔笑不特至, 重質問我地話, 你book 左6:00呀嗎, 咁遲! 我唸住成家人係到, 去第二間都冇位, 咪忍佢一野, 同佢講話係個阿姐叫我6:30 到, 我揀都冇得揀! 佢就罵個阿姐, 又摷本大簿黎睇. 騰黎騰去, 先至比到張枱 我. 6:45 終於坐低左, 有個幾好笑容既阿叔黎招呼, 態度算唔錯, 又有介紹d套餐邊d抵食(但就猛咁叫我食翅), 佢推介左幾次之後又話"你鍾意la, 冇所謂"....云云點左個六至八人餐, 到起菜時, 效率認真快, 所有菜色二十多分鐘內便魚貫上枱 , 放唔落就問都唔問就拎走d未食完既餸 , 我地一家十多人, 有老有嫩, 食野速度梗有快慢, 點知重有人未食完, 果個滿口笑容既阿叔
若果大家想嘗試一下香港地道既"趕客"文化, 一定要到此一食. "THEY MAKE A DIFFERENCE!!!"
星期六晚同屋企人去食, 星期五打電話去book 枱 , 聽電話個阿姐話6:30 有唔好, 期間又同另一個人係到講野, 咁咪話ok la.
準時去到之後, 問果個waiter阿叔有冇位, 阿叔塊面好似有人得罪左佢咁, 唔笑不特至, 重質問我地話, 你book 左6:00呀嗎, 咁遲! 我唸住成家人係到, 去第二間都冇位, 咪忍佢一野, 同佢講話係個阿姐叫我6:30 到, 我揀都冇得揀! 佢就罵個阿姐, 又摷本大簿黎睇. 騰黎騰去, 先至比到張枱 我.
6:45 終於坐低左, 有個幾好笑容既阿叔黎招呼, 態度算唔錯, 又有介紹d套餐邊d抵食(但就猛咁叫我食翅), 佢推介左幾次之後又話"你鍾意la, 冇所謂"....云云
點左個六至八人餐, 到起菜時, 效率認真快, 所有菜色二十多分鐘內便魚貫上枱 , 放唔落就問都唔問就拎走d未食完既餸 , 我地一家十多人, 有老有嫩, 食野速度梗有快慢, 點知重有人未食完, 果個滿口笑容既阿叔就開始"趕客", 猛問我地: "食完未阿, 唔好意思, 有好多客等緊張枱 " ,我話等d老人家食完先啦, 唔理佢, 轉頭唔夠兩分鐘, 佢又走黎問, "食左成個鐘, 比足時間你喎, 有好多客等緊張枱 呀,你食唔晒果d我幚你地打包" (那時差不多是8:00), 咁我就扯火, 問佢重乜係咁趕我地走, 佢就話經理咋型, 我咪叫佢叫個經理出黎同我講, 佢又唔郁, 一味問我走得未, (我真係想問一句, 呢d係乜野服務態度呀!) 不過我多一分鐘都唔想留係果到....
到我走果陣我d屋企人話以後都去食, 點知比我聽到有個侍應阿叔細細聲講既"北京酒樓金句" :
"唔黎咪唔好黎囉, 大把其他人黎食七咁食!"
唉! 到左咁境況, 我都費事浪費口水同佢爭執. 為有"永冇下次"啦!
其實本人甚少寫食評, 因為我覺得口味既野好難衡量, 好食唔好食, 因人而異. 但服務水準就有個相對客觀既標準, 如果一個半個人既感覺都可能有參差, 但我現在參考其他人d食評, 都有同本人類似既經歷,有d後悔冇睇下先去!
我並不反對未去過北京酒樓的人去試, 因為雖然呢件事發生係我身上我覺得唔高興, 但可能未必人人都覺得有問題, 從那兒始終人丁暢旺可以得知, 有好多人係唔介意受此種委屈. 更重要既係: 你唔試過, 又點知貼錢買難受既滋味呢!!
張貼