北京酒樓 (已結業)

中秋節時同家人去圑圓, 一樣人多; 今次除左叫平時有水準既片皮鴨兩食之外, 賽磅蟹都係一樣出色~此外, 今次試左好幾味小菜, 炒排骨, 蒜頭炒露筍, 橙汁魚(唔記得個名), 小籠包....除左小籠包唔好食, 皮厚之外, 樣樣都幾出色!!老店, 常客, 開心的一晚...

上個星期日同屋企人食飯, 大約7:30上去, 都唔使等位就有位坐, 不過過多15分鐘左右就越黎越多人上黎. 但係成日都唔認得個門口, 次次都會行過龍.5個人叫左5個送:山東燒雞: 嘩, 好好味, 點埋個豉油真係美味好食唔停.餅皮:我地冇叫片皮鴨, 但係又好想食餅皮所以就散叫,再夾醬爆雞丁, 好味糖醋魚: 不過不失, 不過下次唔會再叫海蚻頭: 因為我唔鍾意食, 所以no comment, 不過屋企人都話ok北京水餃: 冇乜特別, 下次會叫鍋貼, 因為我見隔離台叫左好似好好食~高力豆沙: 呢個係送既, 冇想象中咁甜, 我個人幾鍾意~埋單$383, 都真係幾抵食. d侍應都幾好人幾好招呼, 係食到差唔多時就係咁收我地台上面既野, 似趕我地走咁, 但係門口又真係幾多人等緊既.

日我地4個女仔, 點左:1.半隻烤鴨–唔係咁好食, 隻鴨凍左, 同埋好多油, 但係好飽lor d 皮2.賽磅蟹–好好味, d 旦好香, 有d醋味, 平時去其他店我唔會叫, 因其他d好淡口, 呢間就好正ar!!3.咕嚕肉–聽人說過呢味送好難做得好味, 又見其他都有叫, 咪叫lor, 佢d 肉做得好鬆化, 唔太甜, 仲要熱辣辣, 好味4.砂鍋津白–都几好味, d 津白好腍, d 湯冇味精, 但好飽5.叫左2個叉子燒餅- 厡來係要夾其野食ge, 我地就淨食, 所以feel好硬!6.高力豆沙–我地d送食到一半佢\就送來. 所以都食時已經涷哂, 但都几好食, 唔太甜, ok la我feel d 侍應都唔係好寸, 佢地好快手, 我地走時問佢地拎咭片, 仲問佢下次食有冇八折, 佢話有, 食下午就有, 好攪笑!!

六個人叫了午市4人套餐加甜酸青魚及白灼生菜, 家庭式餐具上菜, 古老裝飾, 最得是賽螃蟹, 小籠飽不行, 其他算不俗, 個人不喜歡老式服務作風, 唔着 重人客感受, 不能與時俱進.

座位陳設, 餐牌侍應, 都好老舊, 但唔殘.賽螃蟹,好味大碟,d醋怪怪地唔酸,要試.片皮鴨,肉多過皮,包皮凍又厚,但瓜蔥夠多,唯一優點:飽肚.獅子頭,肉偏鬆,味剛好,配菜少,不吃無妨.抄拉麵,特別,好味而不滯,雖然賣相麻麻,要試.小籠包,碟上!無乜特別.免費高力豆沙,飽過龍食唔落...四人食$620.十點幾已趕人走.

三十年如一日，隔了十年再去，D亞叔已經無以前咁寸！但用另一種方式對客人，感受一樣，很無自由，只有賽螃蟹好食，招牌片皮鴨就不知所謂了。評語是此店不思進取，只知收錢，全無裝修門面，坐位迫，不紿你時間考慮点菜，...因旅遊書上有介紹過，希望此店快些改進，免使香港蒙醜！

有的可惜係因為本人健問題,有好多野唔食得,所以未能品嚐佢地一的招牌菜,但講下我食過既野丫,上星期六同朋友尼食lunch,叫左素我--裡面只係冬菇絲同甘旬絲用腐皮包住,食味係甜甜地,凍食架,特別適合夏天食,由其喜歡佢唔係炸無咁油嘛/賽螃蟹--呢個真係好正,的旦白好香,廚師可能落左少少醋尼炒,所以唔加醋食都唔覺'漏'但若果在用少的油炒就perfect喇/咕嚕魚塊--酸酸甜甜己經好味,再加上佢地的魚塊幾新鮮,所以食得更開心囉/餅皮(唔記得咩名,白色一圓片既)--新鮮熱辣辣,我同朋友通常用尼夾咕嚕魚或賽螃蟹(的呀叔次次都話:下,你地夾呢的呀??!!)/唔知咩豬肚--佢係少少炒既但食落唔會好油喎,好香味/咩旦炒飯--嘩,一上檯就嚇親,因為好大碟,食味普通,我地食左1/3已放棄/清炒西蘭花--份量同食味都正常/甜品今次係雜果杏仁豆腐--唔好食,以前送高力豆沙架,雖然唔係即做,但總好食過杏仁豆腐丫.而招呼方面,一時時啦,有時的呀叔都幾親切架,有時就木的囉,不過都okay既,只係煩忙時間去食既話招呼就真係差的的同會有比你趕既感覺囉.

一入到去就逼我o地揀套餐﹐o甘咪半就本讓o甘叫o左套餐囉。o的o野食好似整好晒o甘﹐話o甘快就上晒﹐好似想逼你快o的食完快o的走o甘。好大壓逼感﹗o的o野食一般本﹐好失望﹗

星期六,與老友們又有飯局~一行五人七點鐘黎到,訂了位還是要等,真係好旺~本來有個填鴨套餐幾抵食,但因為大家都唔係太肚餓,費事食唔晒,於是散叫左:山東燒雞: 大家一致話要叫的,招牌貨,仍然好食!賽螃蟹:炒得嫩滑,加埋醋一齊食,本身唔係太好呢味菜既我都覺得唔錯砂碢津白:另一心水之選,津菜十分清甜,雖然可能都落左少少師傅,但真係好味蒸素餃:曾經在這裏食過很好味又正宗的蒸素餃,皮偏厚但很煙韌,不過今次就唔係太得,餃皮薄而乾,一點也不軟熟,麻麻地加埋送既高力豆沙(只係暖暖地,好彩都幾好味),埋單都唔駛$300,經濟抵食!

同幾位好耐無見的朋友聚聚, 今次地點我揀呢度. 係因為我想試人人話掂的賽螃蟹.五個人, 五個菜北京填鴨: $280(中), $320(大), 要左中size, 大約有廿幾片, 肉唔"un", 但味道唔算突出, 點解要咁貴??賽螃蟹: 可以話為佢而來, 幸好無令我失望, 蛋白炒得好滑, 加了少少醋撈勻後, 味道好"鮮", 好快清碟~~山東燒雞: 上檯時已被撕成件, 味道一般, 點隨碟的醬料會好味D.豬管庭: 正確名字忘了. 用了菜心同中國芹菜一齊炒, 豬氣管爽口但本身無味, 加埋中國芹菜就有了種獨特的香味, 清清地, 幾好. 但若然用一些較惹味的方法泡製的話, 相信更可口!桂子魚: 賣相同平時有點唔同, 條魚起了"雙飛"再"伏"在碟上, 個汁酸甜剛剛好, 魚肉好滑, 但稍為多骨, 我都係鍾意個汁多D ^^高力豆沙: 差唔多食完時, 侍應伯伯拎來的, 但到食的時候已經凍左, 而且個皮幾厚身, 豆沙餡唔太甜, 熱食會吸引好多, 好彩係送的, 若是要俾錢的可不必試.拔絲香蕉: 呢樣就要俾錢的, 本來已食到好飽, 但我又真係好想試, 結果都係叫左. 本期待可以睇到將D香蕉拔絲的情景, 點知原來

昨晚約了朋友吃飯,由小子發板。身處油尖旺中心,小子我選了北京酒樓。帶他們去門口,眾人皆嘩然。朋友甲說:「我以前在附近上學,我竟不知道有這地方!」朋友乙說:「我在對面上中學,我也不知道!」朋友丙說:「我直情在附近住!我也沒見過…」我笑了。有例牌的六人餐\,沒有山東燒雞,老伙計主動說可以轉,正好朋友甲不喜歡炒蝦仁,就換山東燒雞,還可以減錢。朋友戌要遲來,老伙計說先忒上燒雞和雞絲粉皮。燒雞故然可以,可是我期望過高,總認為差一點點味道(另一方面說,味道耐吃)。但朋友們都滿意,很好。粉皮由老伙計親自混醬,即埸吃。粉皮很滑,配起青瓜,雞絲,出乎意料。朋友阿戌一直不到,伙計沒有追,沒有壓迫感,反而是我們等不了,叫伙計起菜。邊吃邊等,北京填鴨很粗獷,反而是真味。炒菜沒有特別。小籠包很大路貨,下次可以換了他。鴨湯煲得奶白,是冬瓜的功\勞。用鴨煲湯,先天不足,味不突出,但喝下去很舒服。值得一說是賽螃蟹。朋友戌說「很賽螃」,朋友們甚至懷疑有真蟹肉,老伙計解釋給朋友知,材料是魚肉,蛋白,瑤柱,當然沒有蟹肉。果然是招牌菜。甜品是高力豆沙,不馬虎,真才實料,不過我們已經飽了九成,吃下去,肚子脹了。老伙計竟然再送我

唔係話佢唔好食, 但食... 唔係只講味道...如果是一間只管吹你盡快食完埋單, 而唔理你感受, 是否侮辱緊你?特單令天去試試, 果然同倫敦臭名遠播之旺記齊名. 有名,味道ok,但服務九流．我是個喜於試驗之人，專程帶同外國食家朋友前往，亦用了我們不錯的社交技巧對待各人，得到了一臉不好意思的表情，但是還需暗示你應快埋單．　我們不會怪他，只是不同之公司文化．古色古香之簡單設計，傳統之北京菜．．．　可以試（因為香港已不多）．．．　但不用多試．．．我們全檯也差不多曾去倫敦旺記．．．一次．．．只是見識．．．．哈哈！　不用怪伙計，經過我們之社交技巧，非常清楚他們．．．有心無力．．．另外．．．５－６佰元之套餐加數枝啤酒汽水便接近仟元，證明他們只希望你們吃一個Standard Dinner，　不要久留．奈何!我們訂７時，半被迫８時埋單，但已全門口都是人．．．在排隊．

同爹哋來慶祝父親節, 一早我已經訂好位, 五個人佢俾了一張四人的圓枱, 但係都好過冇, 因為我一坐低, 成村人同一時間來, 結果好多人都要等位, 叫了好多食物, 差d食唔晒:-- 山東燒雞, 我屋企人個個叫好, 但都真係幾好食- 金華火腿扒津白, 金華好鬼咸, 所以搞到個汁都好咸, 但係咁都好, 因為d津白冇味。- 沙碢雲吞雞, 個湯底好好全部飲晒, 因為屋企人太鐘意山東燒雞個汁, 因此雲吞雞內的雞都俾佢地放了去山東燒雞裏, 搞到我冇得食原味的雞, 食到沙碢雲吞雞時, 戰鬥力開始下降, 但係忽然有一個肥叔叔待應走埋來話我地:「你地要快d食了雲吞先, 因為雲吞脹了唔好食。」之後肥叔叔二話不說地分了碢內的雲吞給我們。- 鹽炒豬管庭(即係喉嚨) 好得意, 加埋芹菜一齊食, 好好味。- 五柳黃花魚, 好味, 個五柳汁內除了好多青紅椒之外, 仲有好多蝦仁, 好好味- 小籠包, 麻麻地, 可能之前食得太飽了好附近有一枱十幾人的日本客, 由一個肥叔叔侍應去招呼他們, 個個好食得好開心, 臨走前, 個個日本人都會搵一下肥叔叔, 同佢握下手, 講一大堆日文先走, 個肥叔叔同個個日本人都有講有笑, 肥叔叔

呢間鋪我好由細個已經成日食, 我之前份工又係附近, 所以又食密左, 每次都食到好飽, 因為佢d份量實在太足, 好抵又好味!!!我最鍾意係食鎮江骨, 酸酸地, 但又甜甜地, 冇配菜'濺'底, 有肉又有骨, 真材實料, 必叫!!午市食套餐就至抵, 但未必有你想食果d喇! 最近果次食係上星期, 8個人叫1set 6-8人餐+ 鎮江骨(細)都食唔晒, 要打包, 另外會送甜品, 多數會送高力豆沙, 但我就要求拔絲香蕉, 太好味啦!^@^

幫襯左唔多, 兩次. 兩次都覺得d叔叔服務好好, 唔似之前d人講到咁差jar, d叔叔同我o地仲有講有笑.佢o地d賽螃蟹, 我最欣賞, 好滑, 好好味.松子魚, 可能我自己怕腥, 覺得有些少腥lor.兩次去都有食到蝦, 本人覺得蝦唔係咁好食, if compare with 其他野食.火腿津白, 煮得好"lum", 未必人人會鐘意, 但我自己好buy. 味會比較濃, 因為d 係金華火腿.都食左好多野架, 不過係我冇乜記性, 唔係好記得.特別一提, 雖然間野格局係舊d, 不過d木台椅都ok 新, 最緊要係佢o地女廁乾淨, 我最憎d餐廳廁所污糟, 呢樣要讚呀.