北京酒樓 (已結業)

同d朋友仔即慶去食，想食好耐架喇。訂20:30，去到都係要等，等0左幾個字。叫0左個六人餐，都幾多0野食，雞絲粉皮、北京片皮鴨、賽螃蟹、冬瓜鴨湯、酸甜炸大蝦、炒通菜、小籠包同高力豆沙，最好味係賽螃蟹，真係一流，其次係酸甜炸大蝦，又靚又大隻。北京片皮鴨就有d失望，全部都係肉，冇皮，味道又麻麻，小籠包又唔係好得，總括黎講有想像中咁好味，埋單一人$121，哩個價錢都ok 0既

之前聽朋友講,話呢度好好食,尋晚終於有機會親身一試.一行五人要左山東燒雞,其實係手撕雞咁.勁好食,好入味.跟雞個汁好好味,勁多蒜頭,岩我.不過食完有少少口乾.片皮鴨.叫之前都有少少擔心,內地停止輸入鴨鵝,會唔會冇得食呢.好彩都冇令我地失望.不過呢道菜比我預期差.一來唔係好熱,係凍凍地,而且唔係好多皮,肉就多d.而且個餅餅都比較厚.食左餅餅,都飽晒.蔥爆牛肉,好多蔥.我唔食蔥,對呢個冇咩comment.火腿扒津白,好味.個火腿好夠味,又唔會有d油益味.不過個份量就少左d.炒拉麵.朋友訓身推介,幾好.不過都幾多油,炒多碟應該唔成問題.糖醋魚,亦都係朋友推介,d魚肉好滑.個汁好夠味,好酸下,朋友食到嗆喉.小籠包.都幾大隻.但係唔係咁得.個皮比較厚,而且好乾,冇咩肉汁.全晚最失色就個包.朋友話拔絲香蕉好得,但係太飽啦.甜品係高力豆沙,我0既至愛.都ok.但同仿膳比,北京酒樓就失色左dd.不過唔知點解,侍應伯伯比多左一碟我地,我一個食左三大隻,飽到死.又唔好意思唔食.overall呢餐飯都唔錯,埋單七百多.都ok啦.之前聽聞呢度d伯伯都好inch,都領教左一兩個.不過招呼我地個伯伯都好nice,

星期四去食晚飯，呢間舖位的確幾特別。就算星期四都好多人黎食，好彩之前訂左位。用價廉物美來概括這間老店是最合適了。很久沒有這樣" 飽到想嘔"的感覺了>_<"

朋友既同事介紹我地食呢間北京菜...話好出名...可能我孤陋寡聞....佢唔講...我真係唔知喎....book 位之前睇過oprnrice 其他食家既食評....讚比彈既多好多.....於是抄低幾味既菜名....揀個良辰吉日去試佢一試....果日一行十一人...坐低既時候亞叔極力說服我地要個套餐...猛話抵食...但係因為有幾個想食既菜唔係套餐內...所以最終都係散叫.....order 左:山東燒雞---其實味道好香...只係擺得耐左涷左少少先失色左少少砂窩津菜---D菜好甜....清清地...用砂窩上....當個湯咁都唔錯蒜茸炒露荀---炒得好香好好味....一味咁簡單既菜都可以整到咁好味...師傅好野!糖醋里脊---肉夠淋夠入味....D汁撈飯都唔錯.....賽螃蟹---超好味...D蛋白炒到岩岩好....勁滑.....掂呀!!京燒肉絲配燒餅---要攝D肉絲入個燒餅一齊食架....我地order呢個菜既時候個亞叔即刻話"希...送埋燒餅比你喇"...幾豪呀.....北京填鴨---我唔食鴨...但個個朋友都話呢間D填鴨勁好味喎....小籠包---用碟上...一碟有成12隻....

其實已經係北京酒樓食飯，d 食物真係好有水準，絕對比北京樓好食兼抵食，大路食物好似北京填鴨同賽磅蟹好食唔再講。特別推介山東燒雞，上菜時d雞撕到碎晒，d雞肉好似煲完湯咁，實在有d其貌不揚，但d雞肉好鮮味又醃得好入味。d食物份量其實都幾大下，加上又一定有一人一個高麗豆沙送，所以真係唔好叫咁多，唔係實食唔晒。可以d伙計都係有番咁上下年紀，一係就唔理人，一係就係咁叫你叫某幾樣，你唔叫就黑口黑面....不過d野食好味又平就忍下啦....

一行四人上去食飯, 一推開門, 十台客人, 七台是鬼佬, 可見外國人都識呢一間老字號.北京填鴨-- 麻麻地, 因為好羶, 我好怕(但係我去過北京的全聚德食北京填鴨, 真正的北京填鴨係真係好羶) 可能北京酒樓整的填鴨係真正的北京填鴨......五柳魚塊-- 好好味, 魚塊好新鮮, "正"小籠包-- 幾好味, 因為唔係用蒸籠上菜, 是用碟上的, 感覺上好似唔係好熱, 但其實唔係, 係超級熱的.炒豬管(豬的氣管) -- 好好味, 好爽口, 加埋芹菜一齊整, 好香.由於個北京填鴨好大份的, 所以叫了唔係好多菜就已經好飽, 一共食了$570, 都算幾抵

老牌京菜館之一,名氣雖然不及鹿鳴春和松竹樓,但京菜館就是這樣,總有一些菜式會比其他做得好..而且午市價錢可以接受~

我兩年前食過,十幾個人食,有三個第日腸胃有事,當中有個係我------->腸胃炎>.<

我好細個就已經跟屋企人食,個度既野食真係一流!個度既水晶肉, 山東燒雞,涮羊肉等等,好多好多都好好食!每一次上去,都一定有D鬼鬼係度等位,可想而知佢地幾咁出名!雖然地方淺窄左D,侍應有D串,但係亦算係佢地既特色!

我試過打電話來訂位,他們說有位,沒問題,後來我來到這裡,竟然是全店爆滿,等了一個小時還沒有位,最後有2位剛剛上來的客人問有沒有位,d伙計竟對他們說今晚太多客人,所以今晚不做你們生意了,明晚請早,我知道d老伙計都是不想他們等,但表達方式可是有點怪怪?????不過d野幾好食

食左薰魚麵、炸醬麵同埋水餃。兩個麵無咩味道，水餃多肉汁但可惜ｄ皮勁厚囉．．．最衰係個甜品高力豆沙，凍既！雖然係送比人，都唔該比ｄ誠意好唔好？甘不如唔好送啦*~*

三年前食過他的高力豆沙, 好吃得馮人問我都叫他一定要試, 2月7號晚去再吃吃看, 只吃到一團實頂頂的粉團包着一點也不熱的豆沙, 隨便一間菜館都比他好, 其他食物水準也下降了, 有一樣子數是高了的, 就是那些阿叔比以前更有性格.

呢間食肆似乎已經開好耐, 應該是好字號吧. 雖然呢度d伯伯都好有性格, 不過態度都算ok. 價錢亦都抵食, 特別是套餐, 份量非常足夠. 山東燒雞, 砂窩津白或豆腐, 鹽爆管庭都很好吃(但加雙條就差了一點, 因肚尖比較硬), 甜品送的高力豆沙都唔錯,如果唔知去邊度食飯, 可以考慮.

清炒露荀好清甜,糖醋里脊酸中帶甜,好醒胃,玻璃蝦球,蝦球又大又爽。高力荳沙是免費贈送的,但因為太早送上...伯伯待應服務水準一流,態度誠懇。

訂位訂o左8位，星期六晚7:30pm。上到酒樓，見人頭湧湧，有排等先有位，便好聲好氣同D阿伯侍應講，因為我地有小朋友，可以坐迫D，若果有6人檯available我地都可以坐。點知佢以極不耐煩o既語氣話：「訂o左8位就8位，乜細路就唔使座o嫁咩，最唔鍾意D人咁樣~~」呢D乜o野態度o黎？！咁串，好食都係咁話，即走！