北京樓 (新城市廣場一期)

營業中

休息中

838套餐超级好吃片皮鴨好吃大明蝦超值味道好味! 酒品太貴!人超級多! 可惜沒大閘蟹! 服務OK👌! 等位太久套餐包飲料完美! 套餐選擇少! 沒甜品送! 茶位太貴the same

❌北京樓❌📍:沙田新城市廣場一期8樓801C號舖⏰:8:00am-11:30pm💰:人均$300-$400 (設加一)⭕️: 現金、信用卡-烤北京填鴨(半隻)- 🦆💰168-一人套餐- 每位 💰328 (二位起)🌜無錫灌湯小籠包 🌜冷艷醉雞素鵝 🌜鵝掌配海參 🌜龍蝦蒸蒜蓉粉絲🌜花膠螺頭燉湯🌜杏汁燕窩❌首先講下點解我哋要去呢間食 因為嗰日係👦🏻正日生日 我哋又唔想出咁遠食 加上出邊啲貴價餐廳一早已經俾人訂滿咗位 咁我哋迫於無奈唯有近近地去沙田食片皮鴨(我都有早一日訂位)加上嗰日係星期五晚 仲好似做緊中秋節套餐咁 超級多人🥲-講下環境同服務方面 間餐廳係真係大間嘅 都容納到好多人 可惜6:30 已經坐滿晒人 如果冇訂枱基本上唔使嚟 因為根本就冇位俾你入去 每一枱張枱都幾大 我哋兩個人都可以坐到四人枱 都幾闊落👍🏻 但係員工明顯唔夠 我數到應該係7個以下 Menu冇人拎過嚟 冇人得閒幫我處理蛋糕嘅問題 連飲咩茶都要我叫員工過黎先肯幫下我 甚至我舉咗幾次手都無人理我 點餐方面我有問題想問 員工勁冇耐性答我 甚至覺得我好煩😀態度勁晦氣 所以基本上我哋乜都唔知就點左餐 我完全明白你哋忙碌嘅心情 但係

冇book位諗住walk in，5點40左右到門口，已經有一堆人排隊，門口部機冇得拎票。等到50分隔離庭X開始叫拎票，食北京樓既人都系同一個位拎票。營業時間6點前3分鐘左右北京樓門口先有人接待，好快就入到去坐低即刻開茶。茶樹菇上湯翡翠苗份量幾大，3-4個人食就差不多睇落味道幾濃郁，實在係冇乜味，清清地，夾埋個茶樹菇食就味道剛好。浙江高郵黃金蝦球粒粒都好大隻，包滿咸蛋黃，但唔會咸，食完唔會要飲啖水🤭蘇杭砂鍋東坡肉方呢舊東坡肉唔算肥，只係面頭一層小肥肉，軟熟，食完成舊都唔會覺得肥膩。狀元樓豆沙鍋餅第一次食圓形既豆沙鍋餅，原先以為好似menu咁一個半圓，會比較有趣。食落冇乜特別，雖然佢地痴埋，但有小小好似皮還皮，餡還餡咁。唯一系邊位有小小脆口，可以咬下。

今日去沙田北京樓係朋友建議既，所以點菜都由佢負責。我地八個人，分開咗兩張抬坐，如果叫套餐就只有4人套餐，咁我哋就叫咗兩個4人餐前菜有三小碟，算係正常冷盤，不過不失。跟住上花膠螺頭雞湯，係幾好味既，不過都幾鹹，飲完之後口渴咗成晚。再黎黃金蝦，唔覺得香口但又未至於難食。之後有蔥爆牛都係唔覺得好食，一pat野咁。仲有條又細又唔脆嘅松子魚。食到呢度，主角片皮鴨都仲未到。記得我講過我地分開咗兩張枱坐⋯隔黎枱d朋友已經食咗一半片皮鴨，咁我哋果隻又去咗邊呢？咁就要追單啦。我估佢哋請唔夠樓面，揾人過嚟已經難，搵到人問又話片皮鴨係要等耐d。佢真係hea我，我隔離枱d朋友都清咗八成鴨咁滯，我哋d仲未到！叫人沖茶，又冇攞返壺茶返黎。等咗好耐碟鴨終於到，不過個皮唔脆仲開始出油！終於明白今晚d餸有咩問題，就係煮完出嚟d餸冇人傳菜囉，攪到碟碟餸煮完都放咗好耐先攞過嚟，咁d野一定唔好食啦。埋單果陣問個waitress有咩咭埋單有折，佢話唔知要問第二個！之後經理埋黎話hsbc埋單會送$300 coupon。嘩咩咁多謝呀，但係你送比我都唔會再返黎幫襯囉，又冇service, d野又難食

姐姐喺沙田學完車一齊去食飯 佢話好想食呢度嘅桂花拉糕 原來其他嘢都唔錯酸菜石斑魚片真係好有驚喜 唔會好辣 魚片好滑 而且都仲有啲薯粉係底索晒啲湯汁XO醬蝦球腸粉煲 雖然佢有少少似平時飲茶嘅XO醬炒腸粉 但係佢值得一嘅係比起平時飲茶更加重手嘅XO醬同埋好大粒嘅蝦北京填鴨就不過不失 略嫌肥咗少少 不過包住啲面皮同埋青瓜食都好解膩 。火腿津白-正 唔係叫你食個火腿 一定係食啲菜 好濃烈嘅火腿味 而且好淋 唔使用力已經可以咬斷 最後就係我第一次食姐姐話好好食嘅桂花拉糕 係幾得意嘅 好似食咗一啖湯圓皮再食咗一啖桂花糖咁

北京樓算是一個不錯品牌的中菜館，不說中環有少少過份賣弄中式文化，金鐘PP、旺角moko、尖沙咀、元朗等去過的都應該同意它是一家幾骨子的餐廳。怎麼比也比得上小南國、不順色與利園。但它開到沙田就變成了屋村茶樓，亦少了份街坊人情味？入得北京樓開餐，也預左有些斯斯文文的服務，結果是打打殺殺的態度。等了半個鐘，菜還未來，只叫你等等，不願幫你查。姐姐推住架鐵車橫衝直撞，只看著她的終點，不顧傍人。上完菜把拖盤上的剩水直接潑在地毯上，我猶如4D親歷大牌檔的感覺。再好的食物也不會好吃的。生氣也是浪費時間。

冇諗過一間大連鎖店，成班人服務態度都咁差😑😑。啲嘢食係唔錯，甚至會再回頭。但係服務態度真係諗唔明，可以咁差嘅。漏單仲要俾個阿姐大聲吆喝，真係打個突，一句唔好意思都冇，簡直不值一提。

因疫情，自農歷年後無見姊妹，相約沙田聚餐，揀美心北京樓（以前位是川淮居），3人叫13碟點心美食，一個纪錄，有剩要包起回家，去到只可2人枱，因員工犯禁，要罸，不可4人，無晚市，真曳曳。 大部份都合格，除糖醋骨，不夠酸甜，只得咸味，肉質靭，用肉排，不昰一字排。 葱油餅，每次去北京樓，又一棧，紫玉蘭，都一定叫，今次失色，外皮實，不夠脆，葱尚可不太熟，保持臭臭。 蛋白杏仁茶，以＄32價，抵食香滑。 隔住塊板，跟姊妹，掛住雞啄唔斷，忽略有些味道。

週末與兄嫂茶聚在「北京樓」，選擇10:30輕鬆時段。香脆魷魚鬚~~薄薄的脆粉漿是可取，魷魚鬚肉質夠鮮和彈牙。珍珠雞~~小小一片，味道尚算不錯。山竹牛肉~~軟滑可口，正常味道。腐皮卷~~薄脆般的腐皮包裹很多鮮蝦肉，頗美味的！叉燒腸~~叉燒饀尚可的，腸粉的幼滑度尚有進步的空間。迷你煎伊麵~~是單面黃，迷你版非常可取，免多吃產生油膩感，大家淺嘗更滋味！楊枝金露~~我沒有嘗試，看來不錯。茗茶每位$17~~水仙茶湯色橙黃、清香。

疫情關係很久沒有食過北京填鴨懷念極致， 見到 北京樓推出這個特價套餐，唔食就笨， 包裝貼心份量足，連鴨殼都比齊，正。好味就一定啦。打電話訂又得，用whatsapp 又得，十分方便，要食鴨就要等45分鐘，今日閒日6點訂6點45到取，見到有10多份外賣就知好生意。

今日係專程嚟食北京填鴨，突然間諗起好耐冇食過片皮鴨🤣咁啱見到有北京填鴨六折，叫半隻都有折，兩個人share啱啱好。另外仲叫咗啲小食、麵。一坐低有一碟鹹菜，呢個要讚，好好食好開胃。呢度係半隻填鴨，有個籠裝住啲皮，底下面有發熱包，不過我哋個角落頭位冷氣好大，好快將食物吹凍☹️北京填鴨好食，塊鴨皮夠脆，冇咩肥膏，有質素保證。黑糖馬拉糕馬拉糕好鬆軟，唔算好甜，幾好食！小籠包四隻新鮮熱辣辣出爐，小籠包好多湯汁👍🏻口水雞口水雞個醬汁略嫌太傑身，有花生醬味，佢嘅份量都幾多。擔擔麵朋友唔食花生，餐廳分開咗花生醬俾我哋，都幾貼心。

2020年12月2日之前見到有個四人套餐都好似幾吸引，於是今晚決定黎食。由於政府實施限聚令，每張枱只能坐兩個人，唯有分兩張枱坐。呢個四人套餐價錢係$888 ，有頭盤 - 醬燒BB乳豬 拼 素鵝丶海蜇。有湯 - 原窩花膠螺頭雞湯 。仲有三個主菜，翡翠蝦球桂花蚌丶北京片皮鴨一隻丶蟲草花蒸沙巴班。當晚仲加多左個口水雞，最值得一讚係呢條魚，非常滑，好好味，肉質鮮嫩。而花膠螺頭雞湯好足料，好多螺肉，花膠一般。片皮鴨今次有d失準，有輕微生，紅紅地。翡翠蝦球桂花蚌整得幾好，蝦夠大隻丶新鮮。桂花蚌份量多。但係頭盤份量比較細份，我覺得份量不足以四人食，分量多d就更加好。乳豬整得幾好，皮脆肉嫩。不過整體上都好滿意，服務態度好好。

2020年11月25日北京樓在十月推出【京淮蟹粉美饌】，全部都係時令蟹粉菜式，總共有十二款菜式選擇，包括蟹粉豆腐鮮肉蒸餃、蟹粉小籠包丶蟹粉百葉包丶蟹粉上素丶花膠香菇蟹粉羹丶玉環生拆蝦蟹粉丶蟹粉豆腐丶蟹粉煮干絲丶蟹粉蝦球丶清炒蟹粉 (配法式多士)丶蟹粉炒飯丶蔥油蟹粉撈麵。全部都好吸引😋丶美味。推廣期由10月5日至12月6日，有興趣的朋友就要把握機會。當晚叫左每人一碗花膠香菇蟹粉羮丶蟹粉豆腐鮮肉蒸餃(五隻）丶蟹粉炒飯丶青蔥麻香雞丶鳳梨咕嚕肉。全部都保持到應有嘅水準，同埋份量十足。蟹粉非常多，見到都流口水，物超所值！當晚呢個蟹粉盛宴真係食得好滿足，唔洗自己拆就可以食到咁好味的蟹粉。所有店員都好有禮貌，服務態度好好。

我之前有講過好鐘意食北京填鴨，其實我家人都鐘意架，咁為咗方便家人一同慶祝而且佢又做緊半價北京鴨，咁就去食啦，我地都叫咗三隻都幾誇張，今次因為主角係蝦迷，我就發辦蝦蝦蝦，雖然我地分開枱係附近，但食物都係要分開比他們，我就做傳菜分餸我初時睇圖以為蝦得6隻，點知佢唻到有8隻我地可以夠分非常好，佢都幾大隻同彈牙係入味方面可以再好啲浙江高郵黃金蝦球 – 係好鐘意食嘅菜式之一自從上網睇過要咁多粒咸蛋黃後我就唔試整喇，咁邪惡都係出街食好D，佢嘅咸蛋黃都佈滿蝦球味道唔會太咸北京宮爆蝦球 – 呢個菜式佢唔夠惹味，蝦變相無咩味道XO醬腸粉魚香蝦煲 – 呢個好好食，每條腸粉都吸哂XO醬味，蝦亦相對惹味青蔥麻香雞 – 佈滿蔥係面，不過蔥唔夠香，如果新鮮又靚嘅蔥會有辛辣感，或者佢唔係用紅蔥，麻味還可以，但唔夠嫩滑，如果以正價$9X 嘅涼伴佢就差D蟲草花銀芽炒翡翠絲 – 抄得每條都夠味，叫呢個菜嘅原因係我上次已經食過津白咁已經唔係好多可以揀到

每星期早上☀️如常去新城市北京樓飲茶☕，但今次好嬲😤，係咪因為疫情好番啲就服務態度即轉差呢……😒。當時早上外面沒有人在等位，而且又好多枱剩。正想行去一張窗邊4人枱坐下時，有樓面問一位短髮疑似女部長，問💬“比唔比我哋坐呢張枱”？呢位短髮女部長話“唔坐得”(我問點解😳？？)，但我當時見到前面兩張枱，一張只得一位老人，另一張只有兩人，仲有成行我👀都係坐咗一至二人(見杯碟已確定人數)。我問佢點解唔坐得💬，而其他人就坐得而仲係坐緊，佢竟然唔答我，而要我一定坐其他枱😡，我相信佢可能留比佢想比嘅客人，成間酒樓佢話哂事，而要佢批先坐得呢。咁嘅情況我情願唔食走人啦(成肚氣😤)，唔係只得佢一間酒樓有茶飲啫。作為今時今日嘅食肆，仲有呢種咁嘅態度嘅服務人員，真係影響集團嘅形象並因此降格。我唸集團管理層都明白優質食肆除咗食品外，服務質素都好重要 !真可惜🙄!