27
15
17
| 餐廳: | 北京樓 (新城市廣場一期) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
開飯介紹
創立於1978年，北京樓是美心中菜歷史最悠久及最具口碑之外省菜食府，主打傳統京菜。品牌設店於中環、尖沙咀、金鐘、旺角、葵芳、太古城及元朗，最新開設的沙田分店為品牌第八間分店。其中中環分店更曾連續3年獲選為米芝蓮一星食府。廚師推介菜式包括：烤北京填鴨、北京宮爆明蝦球及北京醬爆雞丁等⋯⋯
繼續閱讀
營業時間
今日營業
08:00 - 16:00
17:30 - 22:30
星期一至五
08:00 - 16:00
18:00 - 22:30
星期六至日
08:00 - 16:00
17:30 - 22:30
公眾假期
08:00 - 16:00
17:30 - 22:30
以上資料只供參考, 請與餐廳確認詳情
【沙田區】【北京樓】為咗高力豆沙同埋杏仁茶，去返我喺 1am0810 嗰時已經講過嘅沙田北京樓。之前食過佢呢啲小菜麻麻哋，今次就食啲細份啲嘅，例如 $68 嘅「上海雞湯雲吞」呢類，只能夠講係不過不失。跟住食 $56 四隻嘅「無錫灌湯小籠包」，呢個水準就係可以嘅。之後食 $58 四隻嘅「南翔鮮肉生煎包」同 $56 四隻嘅「川揚鮮肉鍋貼」，我覺得更加普通，冇小籠包咁好食。到點心喇，叫咗三款 $53 嘅「特點」，係「晶瑩蝦餃皇」、「沙律明蝦角」同「韭黃鮮蝦腸」，還好，我中意 $47 嘅「龍蝦湯鮮竹卷」多啲。之後叫咗個 $72 嘅小食「紹興三里橋醉雞」，都唔少嘅份量，味道就一般。戲肉嚟喇，三位嘅「蛋白杏仁茶」，但係價錢就亂咁篤，侍應漏單後又話師傅已經唔做，味道幾好都冇用。食埋 $65 五粒嘅「高力豆沙香蕉」 ，埋單三位 $832.7，冇咩事唔再嚟。。。（地址：沙田沙田正街18號新城市廣場一期8樓801C號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am沙田區 #沙田 #北京樓 #上海雞湯雲吞 #無錫灌湯小籠包 #南翔鮮肉生煎包 #川揚鮮肉鍋貼 #晶瑩蝦餃皇 #沙律明蝦角 #韭黃鮮蝦腸 #龍蝦湯鮮竹卷 #紹興三里橋醉雞 #蛋白杏仁茶 #高力豆沙香蕉 #美心集團 #1am1653 #1ambackup
繼續閱讀
食尼間野，lunch坐低無人理你，要你三催四請先有人俾個code你落單，跟住上菜慢，好容易漏單，一共叫左3樣野，都可以漏一樣（鮮竹卷），仲有次買單俾左信用卡，佢地拎左入去之後唔記得還番張卡俾我，要我去問佢先如夢初醒，俾番我。態度一般，價錢同服務質素不成正比，相信好快執，大家唔駛再去。香港餐飲業咁既質素，真係唔怪得人唔幫襯佢地，d野食又唔平，服務態度又唔係好，簡直可以話係亂糟糟，每次去一定會有問題發生。
繼續閱讀
平時都有幫襯開呢間「北京樓」，有時都會漏單，漏一、兩樣咁，今日第一次體驗「全單漏單」，完全被激發要出第一篇負評。12:01手機落單，等到12:26一碟點心都未到，我哋只能食枱上一小碟價值不便宜$28的前菜，問侍應話已經等到差不多「半個鐘」，她的回覆係「我哋既點心係即叫即蒸」，然後絕塵而去。咁樣即係點呢？我哋仲要等幾耐？等半個鐘原來係「標準時間」？好明顯佢無幫我地跟，跟著要不停問好幾個侍應，起初「有禮貌」咁追，佢哋只會hea下你，直至要有開始用「投訴」既tone, 先有一個侍應「肯幫手」追，四樣點心終於嚟咗2樣。到食完2碟點心，12:46又要再追其餘2碟，跟著都只係嚟多一碟（蘿蔔糕係凍的，原來這是即叫即做的標準），又要再等，差唔多等到1點，隔離枱剛坐低點左唔夠5分鐘已經嚟咗我哋等左一個鐘既「煎釀三寶」，真係令人無名火起，同侍應講，佢終於意識到我哋「真係等左好耐」，先入廚房拎碟微暖既「煎釀三寶」出嚟。呢間北京樓「漏單」同唔夠伙記既情況已經好耐，由用點心紙到依家用手機落單，情況都係無改善過，究竟個管理點解可以咁差？其他北京樓分店、同集團嘅酒樓如八月花、圍方既美中鴨子同潮庭都無呢個問題。成日話港人北上影響香港飲食業，睇嚟因為位於新城市廣場、人流旺嘅關係，呢間北京樓既分店的確能夠「獨善其身」，存在於另一個平衡時空，可以繼續以咁既「依然故我」服務態度營業，實在令人嘖嘖稱奇。
繼續閱讀
屋企人慶祝 70 大壽，除咗嘢食好少少之外，其他嘢真係接受唔到。首先入 V1 房後發現大電視用唔到，問一問侍應先知電視壞咗好耐，仲好意思話電視及喇叭只係裝飾。然後上菜時發現枱上轉盤太細，要企起身先掂到轉盤，追問先知原來大轉盤都係壞嘅，有老人家嘅唔使諗 V1 房。食飯期間侍應都冇話好主動執嘢，久唔久入一入嚟睇睇就算。食物還算可以，正常水準囉 ...頭盤六小碟 : 正常質素，但係偏濃味乾燒大明蝦：肉質彈牙，但係配甜酸汁有啲奇怪，好食嘅炸蟹鉗：Size比較大，啖啖肉，食到蟹肉鮮味紅燒海皇燴燕窩：其實就係紅燒翅，不過冇翅，轉咗做食唔到嘅燕窩，好食嘅蠔皇原隻鮑魚海參：莫名其妙有滷水味糟溜深海鱸魚：甜口，好奇怪，但係肉質嫩滑四合蔬：清淡長壽麵：乾燒伊麵粗炒版核桃露：好香核桃味，唔甜，老人家啱食蟠桃包：食得出蒸咗好耐，個面硬哂總結，唔 book 房嘅都食得過
繼續閱讀
極度失望的一餐! 星期日與家人一起想食餐好的.其他菜式我都不多講了. 他們的招牌片皮鴨皮乾肉粗都算了, 上菜時居然是涼的.大失所望, 建議去其他北京樓分店都比這間好10萬倍!如果大家想試北京樓建議去歷山大廈或金鍾分店.沙田北京樓 = 垃圾!
繼續閱讀