北京樓 (新城市廣場一期)

營業中

休息中

好耐都無幫襯這間食市 (以往家裡長者是常客)，見佢新裝修完成，又是連續3日假期，便去試試。食店門口有個片皮鴨套餐，價錢$488 (片皮鴨半隻+ 油浸筍殼魚），諗住氹吓啲長者開心啦，點知…好失望，鴨無鴨味，米紙無米味，好似食緊「一塊膠」咁，唉﹗北京樓(沙田)，點解會搞成咁。算吧﹗都係吃下點心好了

本身同家人想去沙田翠園飲下午茶，點知去到發現圍左板話裝修到11月下旬，所以轉去隔離食新裝修後嘅北京樓，睇下有無咩大分別。新裝修開揚過之前，間隔、餐具都靚左好多，環境算幾好 同家人叫左幾個點心同飯試下，有蝦餃、叉燒腸、菠蘿酥焗餐包、黑糖馬拉糕及瑤柱蛋白炒飯，叉燒腸，餐包都係普通味道，無乜特別，不過不失。蛋白炒飯份量同味道都係一般水準。其中蝦餃同馬拉糕落單後40分鐘都未有，所以追單，追單後有馬粒糕黎，份量係好細件，個籠已經唔係大，食落無黑糖味 唔係幾好食。由於蝦餃追極單都無，所以專登搵到左個黑衫經理級嘅男人追單，呢個時候已經係落單後50分鐘，但男經理話：「廚房依家好混亂，廚房有單就有單，無左單就無架啦，無就幫你取消囉」聽到後同家人都有啲驚訝，新裝修後硬件應該升級左，相信應該比之前更好，但竟然聽到經理呢個答覆 雖然蝦餃最後終於有得食，蝦餃內嘅蝦雖然大隻但整體味道好淡，而呢度點心價錢唔係話好平，一間集團式嘅酒樓竟然會咁答個客，覺得服務好差，加上經常無侍應幫手沖水，次次都要等好耐先有侍應幫手沖水，下午2點05分入座，3點15分已經問仲加唔加單，感覺好想摧你走，一定唔會再幫襯，貼錢買難受 臨走前去

我係二零二三年七月六日夜晩七點去沙田新城市廣場北京樓食。一早有booking 所以唔洗等位，門口講枱號叫我自己行入去，途中完全無人指示位置，搵左好耐先搵到張枱，原來係門口附近一個房到。 坐底左，等左超過15分鐘都未有人黎落單，中途自己出去截停過幾個侍應，個個都粗聲粗氣話：等下等下。去到最後原來係要大聲問左一句：落得單未，先有人會過黎serve。食物quality 無問題，但侍應服務態度衰過澳牛，連傳菜過姐姐態度都好過啲侍應好多。隔離張枱食完超過個半中都無人執枱，食左2個半中左右，走果時發現成間酒樓過半既都係枱剩飯剩骨無人執。

呢間北京樓從來冇嚟過佢係位於新城市廣場嘅美心層全層都係美心嘅餐廳唔知佢哋係咪用同一個廚房比起其他北京樓呢度裝修有少少舊但係乾淨企理感覺就係好似一間美心快餐有枱布的高級版如果想食裝修嘅朋友建議去金鐘嗰間員工服務態度ok上菜速度快有效率食物質素穩定本人覺得片皮鴨唔錯皮都鬆脆其他菜式都正常冇乜特別唔妥嘅地方

其實都已經食過北京樓好多次， 今次到沙田分店。 大約晚上八點到達， 店內已經坐滿客人。晚飯 ～ 咸菜$23、北京填鴨$340、醉雞$98、小籠包$78、炸銀絲卷$30、松子黃花魚柳$168、蔥爆牛肉$155、鍋塌二蝦豆腐$128、韭黃肉絲炒拉麵$128、青島$56。 ▫️咸菜 ～ 有少少麻辣味， 滿滿的一大碟。 ▫️北京填鴨 ～ 片皮鴨失準， 仲有食曬所有菜式佢先至到😅。     ▫️醉雞 ～ 酒味唔夠。 ▫️小籠包 ～ 湯汁豐富，幾飽滿。 ▫️炸銀絲卷 ～ 個皮炸得好硬。 ▫️松子黃花魚柳 ～ 甜酸可口， 魚柳外脆內嫩， 可惜炸米通好硬。 ▫️蔥爆牛肉 ～ 正常發揮。 ▫️鍋塌二蝦豆腐 ～ 味道一般吧！ ▫️韭黃肉絲炒拉麵 ～ 大大一碟，味道普通啦！ 感覺食物失準了😉， 我們7月1號去食，平時有的優惠全部原價， 再加上10點關門，片皮鴨九點幾先到食得好急。🏷️溫馨提示～ 整個用餐體驗均屬個人分享意見， 只作參考😊。

呢期🐤🐤好紅哦！根據《本草綱目》：「鴨肉主大補虛勞，最消毒熱，利小便，除水腫，消脹滿，利臟腑，退瘡腫，定驚癇。」中醫有認為，鴨肉有養胃、補腎的功效，能清熱、消腫，尤其適合體內熱氣引起，有大便乾結、水腫症狀者食用。所以我哋呢晚一家大細，決定同老爸嚟食片皮鴨啦！呢間位於新城市廣場8樓嘅北京樓，似乎喺沙田開業十多年，但我哋都係第一次幫襯。主要原因呢間走中高檔路線，價錢絕對唔算大眾化。但係難得老爸想食片皮鴨，所以就算貴都嚟幫襯吓啦！我哋6點半就到咗，嚟到後見有好多吉枱，侍應就送上兩壼茶水。未幾，開始人多，侍應已忙不過來。而我哋舉手想點餐亦都冇乜人理。等咗好耐，終於有人理吓我哋啦😂點餐冇幾耐，先嚟咗個瑤柱蛋白炒飯，都幾好食。米飯粒粒分明，咸淡適宜。唔住就嚟咗個金銀蛋莧菜，都係不過不失，同普通茶樓質素一樣。跟住就嚟咗個豉汁蒸白鱔，鱔球一共八舊，每一舊都索價$30幾，好貴哦！真係要嗒真啲了！鱔球冇泥味，肉質爽口彈牙，都幾新鮮嘅！跟住就係是晚嘅主角出場喇！薄餅皮下面有個小爐慶住，不過一陣就熄滅，要趁熱食喎！鴨皮充滿油潤光澤，包住京葱和青瓜絲，再加海鮮醬，一口一個，實在令人回味無窮呢！我哋每人都可以食到

星期日早上10:50見北京樓唔洗排隊，而同層另外兩間酒樓都排長龍，於是就入左北京樓飲茶。被安排坐於窗邊一枱，首先，一走到枱邊坐下先，椅子感覺很髒（但窩心位是：二人枱會放三張椅給客人放物資）；然後，牆身也很髒、枱布的繡字都甩掉線、杯碟也有點髒、筷子一用便斷了、二人的碗子也不一致，整體感覺真的很髒及殘舊。食物質素還可以，味道正常，牛肉球是好味的、煎蝦米腸沒有芝麻；但等候時間較長，10:59 下單，煎蝦米腸及蛋撻11:16到達、牛肉球和燒賣11:36 到。服務員的態度還好。整體，平衡 用餐環境、食物質素、服務態度，價格貴了一點。

今早同太太去沙田新城市廣場北京樓，老實講，樓面真係唔夠人，只得一兩個。初時入去，無人帶位，仲要張枱無枱號，我哋兜咗兩個圈，才搵到個樓面問，邊一張冇枱號嘅枱係屬於我哋。其後，用二維碼點咗6樣嘢，等左半小時只來了兩樣，我太太趕返工，我又腳傷行得慢，更想預早少少離開，同某個樓面阿姐講，並話我太太趕上班，那位阿姐真係值得一讚，她很快幫我們跟進，我們很短時間就有得食，我連聲道謝許多次。但之後，始終人手唔夠係一個最大問題，我見其他枱也有追單，但那個阿姐還要鋪枱和做其他嘢，而應接不暇其他追單。值得一讚，用二維碼落單，初時覺得好冷冰冰，不夠人性化。但自從在另一間酒樓試過俾樓面經理特登落遲單，將他們的所謂熟客提早落單，我們也沒有時間證據話她落遲單。但二維碼落單，清清楚楚有時間記錄，我們可以和樓面，真真正正講出等了幾耐。我沒有留意這位好好的阿姐叫什麼名字，但希望食店能夠請到足夠人手去招呼客人，否則，好好的員工都會俾人鬧。另外，這一碟紅油炒手，我個人覺得很好味，因為我不能不太辣，但他的味道很甜美，值得一讚和推介👍🏻👍🏻👍🏻

服務態度非常非常極差，重衰過出面快餐店叫執枱面食完碟或蒸籠要等好耐，都冇人執，要自己執加水又係，重要D語氣非常差（比錢買難受）食物普通過普通，又等得耐沒有下次，請我食都唔會再去

約咗朋友lunch來呢度飲茶，用網上平台攞飛好快有位，人手都可以，服務又唔係咁差喎，環境又乾淨。點心水準都ok，燒賣、牛肉、腸粉唔錯。👍今次叫咗雪菜炒年糕，真心係好味嘅😋！

最好食就係佢個北京填鴨，個皮好脆又唔肥膩，塊蒸餅又夠薄，係配搭得好好😋😋另外叫咗個茄子豆腐，就普普通通冇咩特色，四川蝦球都好好，成只蝦勁大只（1只蝦有半隻拳頭咁大），可以在encore嘅一間餐廳😋😋

都好耐冇食北京填鴨，人多可以食多D🤩✅烤北京填鴨一隻份量ok, 餅皮有d唔足夠。填鴨個皮可以更加脆，鴨肉油脂不夠香，肉質ok唔韌️✅小籠包初初以為係蟹粉小籠包，食落去似係瑤柱蛋黃。入面嘅汁唔係太熱，皮唔算厚。有強烈嘅黃油味係個口度浪下浪下，呢個幾好食。️✅素鵝外層腐皮有煙燻味道，裡面有紅蘿蔔和西芹，味道不錯️✅️新疆戈壁風沙雞冇睇菜名果時食以為係避風塘雞，冇乜孜然味所以食唔到新疆味。雞嘅肉質都幾嫩，唔算太鹹，可以一試想講下呢度係嚴重缺staff, 成間餐廳好大晚市係full house, 落order 叫菜都揮動咗唔少嘅bye bye肉，知道飲食業難做嘅。少少意見，可以考慮下掃QR code落單，會更加smooth#youtuberlife #foodieyoutuber #hkfoodie #hkfood #foodie#treasureeverycomment#thanksforsupport#yesahwilltv#係阿係阿Will_TV

約了姊妹團拜，近近地搵間沙田嘅酒樓於是就去咗北京樓，冇諗過食物一般，價錢亦不便宜。點了一個上海粗炒及雪菜年糕，上菜嘅時候已經唔太熱，其他點心都只是一般，不是特別好吃。

早茶時段人手嚴重不足，想找個服務員都冇，好難得有一個經過就叫你等陣先，唔係就話佢食緊飯，要親身去捉人幫手，食物又漏單，30分鐘都唔黎，超差，千萬唔好幫襯，費事激親自己！

樓面服務員態度有待改善，整餐飯不能說是有服務到！只聽到服務大姐她們很吵🫠🫠服務質素跟尖沙咀星光行的真的差太遠！！！清炒蝦仁是冷冰冰的，我是剛剛在微波爐剛剛出來微微解凍的榨菜肉末好鹹！冷盤三拼好難食！擔擔麵湯無味高力豆沙又硬又凍，對面舊香蕉係「苦」ga😑😑😑救命🆘都唔知發生咩事！食物質素真的很差很差很差，很多茶餐廳的小菜還比他好食多了！真的好期望北京樓的美心集團高層能夠好好品嚐一下沙田的菜色