北京樓 (星光行)

營業中

休息中

差不多有七、八年没有來這家北京樓了。今天有幸食神眷戀，重臨舊地飲早茶。這裏雖然樓底較矮，幸而有—列單邊大窗，景靚開揚之餘，又不覺嘈吵，—家人可以舒適安靜地享受午茶。海蜇頭爽口有嚼勁，有點沙薑粉味。少蔴油正是我喜愛的。年糕軟硬適中，入味而鹹淡剛剛好，也不覺油腻。豆腐外皮微脆，内裡很嫩滑，不覺熱氣，如加少許盬會更好吃。外層蛋白軟彈，稍嫌香蕉和荳沙不夠香甜。整體而言，這裡的食物與服務都有水凖。—家人很满意這頓午茶！

Paying a premium price compared to nearby restaurants for better view, better presentation of food and quality. Quite worth the money.A little bit too dry for my taste. Chicken was a little bit disappointing. But it has a great concept. Love the corriander.Decent wonton in soup. Great size for our group.Maybe the best dish of the meal. strong flavour with good balance. Honorable mentions are their Siu Lung Bao and Man Tou!Other than a mistake with one order, very pleasant experience. A view to d

第一次食，食物及環境都唔錯。但服務就太一般了，冇人招呼，叫幾次先有人來，不是滿坐但竟安排門口位的枱⋯⋯作為一間小有名氣的食府，本聽人講話唔錯，但今次有點跌眼鏡的感覺。

本來一家人開開心心為我媽慶祝生日，誰知竟然中伏了。北京填鴨味道很淡，mo mo 完全是室温，宮保雞丁也只是暖，花生不新鮮、雞丁有雪味、 松子黃魚已經算是比較暖的、東坡肉雖然口感好，但依然只是暖。唯一熱的菜式是菜胆雲吞雞。然後，上菜超級緩慢、催促很久也是要等很久很久。跟幾年前的質量差太遠，我們應該不會再光顧這家食店～

每次聚舊傾計，姊妹都係選擇在北京樓。每次叫的菜式都係例牌菜，前菜有燻素鵝，海蜇爽脆好食。主菜少不了片皮鴨！主角片皮鴨烤鴨都要需時，所以都等左一陣。烤好後每次服務員都會原隻送上比你睇，之後就去片皮。食既時候用一塊薄餅包加塊肉，加醬汁，再加蔥或青瓜包好就食得，鴨肉唔算肥，都幾腍幾多汁，不油膩，好正北京宮爆明蝦，蝦球略為炸過，蝦肉好大隻，肉質好嫩，加左京爆醬，酸酸甜甜帶少少辣，好好味。松子貴花，酸甜味啱啱好，D汁都好開胃。竹笙雞湯非常足料，有瑤柱、花膠、仲有竹笙、雞肉等，味道好夠濃。每次服務員的服務都不錯，可能都算高級食府及旅遊地點，水準一定有番咁上下不過等候時間超級誇張, 大概係本人呢世等最耐的一餐.

每當想起北京填鴨，腦海裡自然不過地就出現北京樓的名字。適逢與回港短聚的老友見面，他說想吃填鴨，相約在此飯敍一番。原隻北京填鴨端出來後，只見店員手地刀落，純熟地敏捷地瞬間已片出一塊塊的鴨肉，環形鋪在碟上。啖啖肉的片皮鴨，連皮吃潤滑多汁，鴨肉入味得很，巧妙之處就是少了份肥膩感。連同又爽又香的蔥絲、青瓜、填鴨醬一起吃，滿口的食物好吃得說不出話來! 反而無味的夾餅對於小人而言只是附加之物，方便夾著各種東西一併放入口而已，皆因填填鴨本身調味已經是恰到好處，無須強要弄成一卷才食呢。二人飯局，吃的不會多到那兒去，當肚子已被填鴨塞滿大半之後，我們選擇了個簡單清淡一點的蝦籽鍋貼豆腐。雖然一堆上的豆腐賣相鬆散；幸好煎過的豆腐外層有點脆，內層嫩滑；吸收了蝦籽的香，令滋味程度倍增。老友甚是開懷，已約定下次回來安哥!

著數貼士：二人晚飯以美國運通卡結賬可享半價優惠香港北京樓始於1978年，是美心集團旗下的高檔京菜館，現已有6間分店分佈港九。餐館以皮脆肉嫩的北京填鴨聞名海外，屢獲殊榮。除了傳統的北京填鴨叫人回味無窮外，正宗的北京樓富貴雞亦別具風味。而富貴雞的破土儀式、填鴨即席片皮及拉麵表演，往往為在座食客掀起高潮，成為用膳的必備節目，熱鬧非常！這家北京樓位於尖沙咀星光行三樓，乘電動扶梯或乘升降機都可直達，但接待處設在電梯那邊，如果乘升降機到達，感覺好像走入後門。餐廳裝修高雅而整潔，甚有格調，只是樓底較矮一點，如坐近窗邊位置，更可近看鐘樓和文化中心，遠眺是維多利亞港的兩岸繁華景致，若天朗氣清，日夜景色都十分優美。這裡的確是間很旺的食肆，每晚都座無虛席，外國食客也不少。席間設有拉麵表演，幾好氣氛呀！北京樓的餐點價錢不算平，不過二人晚飯使用美國運通卡結賬可享半價優惠，都好低! (可惜我們一枱4人都冇AE咭!)餐廳裝修高雅而整潔，甚有格調，只是樓底較矮一點，如坐近窗邊位置，更可近看鐘樓和文化中心，遠眺是維多利亞港的兩岸繁華景致，若天朗氣清，日夜景色都十分優美填鴨只可叫全隻，無半隻出售。填鴨烤好後服務員會送上原

與三位友人食飯，本身想試大都烤鴨但訂唔到位，朋友話北京樓卜到所以就黎左呢到對上一次食北京樓已經係十幾年前既金鐘分店，仲記得當時北京樓係高檔野黎架！今日在場所見似乎遊客比較多。星光行既北京樓鋪位非常大，有的舊但待應都充足勤快。但今次既經歷就唔多愉快先講野食 海蜇頭有汁另上，開頭試左一舊冇汁，係冇味既，點知點左汁都係冇味墊底既青瓜就幾爽脆 京蔥牛肉，蔥好多但牛份量相對較少，兼且個底有油浸，的牛肉幾稔既，出奇地的蔥幾好食 北京填鴨即場片，片出黎都有兩大碟，鴨方面就不過不失，佢勝在隻鴨唔肥，但就唔夠香，皮都唔夠脆 敗筆係的皮，好多時出面食肆都以蒸籠上，熱辣辣又軟熟，但呢到上碟時已經凍左，唔知係本身冇蒸熱定已經凍左，所以塊皮唔軟 小籠包又係失敗，我應該未食過皮咁厚既小籠包個餡就正正常常就係等待甜品之際，友人突然驚呆咁望住廚房個邊，原來佢見到有老鼠由廚房跑左出黎經理聽到我地大叫有老鼠都問我地係邊，隻老鼠隨即又跑返入廚房！我地已經嚇死，接受唔到食肆見到老鼠！ 甜品食左拔絲蘋果，講真嚇到食咩都冇味啦先唔講食物質素如何，食肆有老鼠已經係不可接受

因為AE card有discount先食,點知真係好唔掂!不過睇我地幾張枱ar姐就非常好,成餐飯得佢係我地最滿意地方,ar姐可能新黎, 有野唔知就幫我地問,好有禮貌,值得一贊但係個黑杉女人黑曬面, 態度勁差, d 碗同spoon都癡曬d硬左ge食物,我地叫佢換一換,已經俾面色我地睇我地已經無該前唔該後啦wor=="蟹粉小籠包冇影,不過同普通小籠包冇分別,完全無蟹粉

食咗個6人套餐，都算份量足先黎個小籠包，都OK，雖然皮唔算薄，但味道唔差。哩個雞幾好食，唔記得叫咩名^^""浸時蔬，我地每人一條已經無晒主角黎啦，片皮鴨，不過好乾，無汁，個皮又無用蒸籠蒸住上枱，一陣就凍晒，而且個皮好厚。唉~主角變閒角。北京樓呀，北京樓，點解您個片皮鴨攪成咁.......中式魚柳，魚柳無味而且一食就食到佢有雪藏味，只係靠個酸酸地0既汁去蓋住，真係好麻麻。其實哩種雪藏味有無辦法攪0既呢?? 無理由無得攪架~窩貼，都係普普通通。好多地方整得好食過佢。例如﹕ 金牌小龍。哩個官保蝦仁就好食，唔好比佢D辣椒呃到你，其實得少少辣。不過想食勁辣0既朋友應該會覺得唔夠辣。雞絲粉皮，都係普通。真係無乜特別。兩個前菜，份量少，因為係前菜

去文化中心聽歌劇就梗係之前係附近搵食啦... 揀咗北京樓就真係... 嗚呼哀哉時間關係無點片皮鴨... 叫咗呢啲：素鵝，都OK，薰味剛剛好手撕雞，可以啦，無咩雞味噩耗就由呢到開始：不知什麼魚羹：稀、魚非常鞋口榨菜肉末叉子燒餅：榨菜肉末居然無味乾燒明蝦：其實好食，不過低能部長4個人幫我地落咗3隻炒拉麵：無味、麵易斷... 真係應該拖出去打總結：落去下面潮x、樓上翠x試下算啦，雖然都係美x集團...

朋友想食烤鴨、本來話去試isquare嗰間新D嘅烤鴨, 不過佢地有時限, 衹可以坐2小時 (唔係五六日、唔係大時大節、更唔係任食! 都有時限!!!) 所以寧願去北京樓都唔趕喉趕命咁食!北京樓本身唔算平, 不過佢有D set 有信用咭優惠, 都好低! (可惜一枱3人都冇呢張咭!)3人食四人餐 ($15××) 勁食好開心!片皮鴨! 冇得輸! (散叫$440)宮保蝦! 隻蝦大大隻啖啖肉! 餐跟2個小碟! 仲有小龍包, 雞絲翅, 上湯浸絲瓜,果盤! 3人食超飽, 4人食會剛剛好! 實實在在冇厄人! 北京樓無論請客、朋友食飯都好好! 地方唔迫, 質數保証! 仲有拉麵表演! 而家邊度揾!

領隊話因為獅子銀行信用卡做Promo，有一個四人套餐做六折，又話生日食豪D都唔怕，試得過。領隊幫手提早BOOK位，頭圍原來要八點交枱，我地咁耐無見要傾計，當然要八點先入場，傾到打烊先夠本。北京樓二小拼 (杭州芳香素腐方、七里莊酒糟醉雞)。前菜有兩小碟凍盆，素腐方即係腐皮素雞咁，用上魯汁，甜甜地幾入味。醉雞都幾滑，酒香唔錯。金湯瑤柱花膠海皇羹非常好味，勁足料，有瑤柱、花膠粒、仲有蝦、魚肉等。湯本身味道好夠濃，仲啖啖有餸，可惜無得飲多碗。京爆明蝦球。蝦球沾左炸粉略為炸過，幸好粉漿唔算厚，炸左仲脆脆地。蝦味就無乜架啦，但質地好彈牙爽口，加左京爆醬，似係咕嚕醬，酸酸甜甜少少辣，醋味都幾濃，真係俾佢「俗」親添。烤北京填鴨。烤呢隻鴨要預四十五分鐘，所以都等左一陣。烤好後服務員會送上原隻全相俾你睇，之後就拎到櫃台再分屍，送到上枱已經變成一塊塊。雖然只係一食，鴨殼嘅肉唔關我地事，但淨係食皮肉份量都唔少。食嘅時候用一塊薄餅包住，加兩塊肉，加醬汁，再加蔥或者青瓜包好就食得。幾欣賞佢薄餅同鴨都仲係熱辣辣，鴨肉唔算肥，都幾腍幾多汁，唔錯。事後發覺，呢份野實在太大，隔離枱八個人都係食一客，我地四丁友食唔晒好正常

這間老字號的北京樓一直是我家庭日御用的食堂，每次提及北京樓，大家祇會想到北京填鴨外，每星期日有幾道点心也成為我家中摯愛，第一樣當然是最入味的酸辣湯，酸辣湯的湯很辣很入味，亦人胃口大開,亦很地道!另一味是我媽媽最愛的海哲頭，在北京樓一定要點這個爽口彈牙，粗粗的海哲頭，除了味道好外，賣相也十分漂亮的晶瑩通透，更有2個好味的點心葱油餅，熱辣辣的葱和麵粉真的是絕配，黃橋燒餅也很棒!爸爸最愛的是羊肉燴麵，羊肉香口配上自己製的麵料，加上秘製湯調配，真是一絕!每個星期日也心癢癢地要到北京樓看看風景和喝新鮮的波籮蘋果汁，真的成為我週末的例牌節目!

團年飯，老媽想食填鴨，BOOK左老牌星光行既北京樓，結果除左拉面表演如舊，其他完全唔系個回事。填鴨肉無肉味，面皮大大片，發軟發霉，完全無韌性，青瓜好大條，大蔥好少。蝦球好厚面皮包住炸，咩京菜啊？最搞笑系拔絲野，點左拔絲蘋果，等好耐上到，已經凍左，阿姐用羹都掹唔開，結果搞到糖皮同蘋果分開曬，睇到好惱，叫返做唔該。結果又等一輪，再上，部長快手分落冰水，但都系唔可以及時分開，又系糖皮同蘋果分開，算啦，唔等啦。糖皮好厚，完全失敗既出品。拔絲系京菜基本要求，所以美心集團要保留，但力不從心，煮到太肉酸，不如取消算啦。又系完全走樣既一間老牌飯館。