勝香園

營業中

休息中

很久以前已想試, 今天放假終於來了. 行上去時已開始流汗, 到達時有十多人在排隊, 我們一行三人等了約10分鐘, 尚算ok.天時暑熱, 梗係叫凍飲啦~ 及先來個檸蜜脆脆. 名不虛傳, 果然非常鬆脆! 再來是麵食 - 茄牛腸蛋麵 & 茄牛腸蛋火腿麵. 真係有好多茄肉 (罐頭嗰種, 見到店內擺放了一罐一罐的), 鮮牛肉亦不少. 茄肉雖多, 但茄味不夠濃, 如果再"茄"啲仲正. 不過食得出冇乜味精, 麵亦軟硬適中, 不會腍"pat pat". 整體來說ok, 但冇驚喜. 最後來多客咖央脆脆, 包仍是很脆, 但咖央唔夠多. 個人比較 like 檸蜜脆脆.我地坐多士爐旁邊, 見阿姐不停做脆脆. 每烘一會, 取出麵包、用刀括走表面焦燶, 然後再烘. 反覆此動作, 可能就是脆的原因.

是日放假, 去左對面海, 順道去勝香園一試。聽就聽得多, 食就第一次, 終於可以食到茄牛通了。男友要了茄牛麵。加個檸蜜脆脆, 2杯咸檸七。茄牛麵黎先, 但係茄牛通就要等, 點解通粉要耐d, 充滿疑惑。茄牛通的通粉唔好食, 太淋了, 可以不用煮太久。茄底有點過酸, 比我期待的差。牛肉還可以, 總括下次可以食其他, 不吃茄牛了。等左一陣就有得食檸蜜脆脆, 好香啊。麵包烘得香脆, 再加上甜甜的蜜糖, 恰到好處的檸檬點綴, 好想再吃多一客呢這個值得再encore!咸檸七是已篤碎的, 十分方便。 一大支七喜, 可以分開飲到3 大杯。好抵飲啊!! 咸檸亦好入味, 正!**其中一個阿姐服務比較差, 態度較惡劣, 其他都無問題。

數年前曾經喜愛食肆之一, 但人老了, 天氣炎熱, 確實受不了這兒的環境以前weekdays 來, 長長人龍, 西裝令我汗流浹背今日重來, 人物依舊, 唯服務態度大為改善!~服務員竟收起火爆性格, 難道與我每句都加唔該有關?食物方面:點了蕃茄餐蛋通, 混醬脆脆, 及咸檸七通粉: 蕃茄味濃, 但檔內依舊一樽樽茄膏, 相映成趣.....但比星座好食...混醬: 本人較好味濃, 故混醬定比檸蜜脆吸引本人, 唯獨脆脆包轉了供應商? (比以前遜色)咸檸七: 夏日炎炎, 可改暑氣, 確實令精神一振

天氣非常之熱，到中環，想去歌賦街食牛腩，但未開，後來去對面呢間野坐低！叫左枝大可樂，一碗茄牛麵。o係咁炎熱既天氣之下飲番啖夠晒冰凍既可樂，good呀！個茄牛麵d牛肉居然幾有牛肉味同有牛肉汁呀，而個湯底就非常醒胃，如果佢d罐頭番茄少番d，新鮮番茄多番d就perfect喇！整體黎講食得過，可以再食，下次要試通粉！

I finally got to try 勝香園 this summer and have revisited it over over and over again since then! I even brought my Swiss friend here to let her experience a very local experience ... eating and sweating in the heat I got to say, they really deserve their place in Openrice. It's amazing how simple their food is, but also how well they make it. Really shows that places don't necessarily need creative, extensive, expensive menus. How great to find a place which can do small things and do it right. I

天氣悶熱. 人都冇咩胃口..想食d簡單小食. 黎到照舊人多多今次一個人..搵位都易d. 即刻有位 要左個令我朝思暮想的 檸蜜脆脆($9) 水準當然冇變. 仍然脆口又唔會濃.. 檸蜜味比例岩岩好..正當然唔少得消暑-咸檸七($12) 冰凍的汽水加上鹹鹹的檸檬味. 消暑又解渴.享受美好的一餐,簡直人間一大樂事也.

一間好既餐廳總有一啲地方令我留下好既印象，例如陳漢記既美味食物、fat angelos既大件夾抵食、銀杏館既情調。今次黎到好評如潮既勝香園，實在搵唔到一個令我比笑臉既理由。係上環行上去唔太遠，轉入歌賦街就見到排哂隊既九記，勝香園就未見排隊情況。去到剛有兩個空位，叫左檸蜜脆脆、鮮茄鮮牛肉通、鮮茄腿蛋面、咸檸七。先黎既係飲品，咸咸甜甜，幾得意，係三十幾度流哂汗既情形下都唔錯既。 之後就係通粉同面，兩碗既蕃茄量差天共地，而蕃茄既味道一啲特別都無，火腿、蛋、面、通粉全部係想像得到既味道，鮮牛肉差，食過廣成牛肉通就覺得完全唔夠鮮。最後輪到脆脆，算係全餐最好既食物，檸蜜幾香，面包脆脆地，不過有兩啖好鬼酸！雖然一早知果度係大排檔比較熱，但為左呢餐長途跋涉又捱熱就真係唔值啦！

今日過海,,,特登中環站落車試下港島區第1位既食肆..出地鐵站問人10個有9個都唔識邊度係美輪街..大家有定心理準備中意問路既食家..幾經波折..終於搵到..係一個斜路中間望入去先見呢間係個條街唯一多人既地方..晏晝..地方比圖片所感覺為細..以為好似大排檔咁有幾廿檔既大地方..點知一望係10張台度..____________________________試左 茄牛餐肉蛋麵(因為通粉賣哂)..28$...黎度試左湯..無乜特別..茄係鮮茄..牛都係鮮牛..感覺同周圍都煮到既feel..好家常便飯..唔明咩特別..跟住 檸檬脆脆...脆就固之然係一定標準要做到先合格..無失望到...但味無預期咁特出..唔知有乜特別又係..9$最後咸檸7...最近人生第1次飲係一個月前mk 焗xxx專門店試左餐飲...呢度勝香優勝處係幫你篤碎埋..好入味..沖左一杯..支裝仲剩1/3支度..唔怕飲完再倒落去會淡..一定有味..係呢杯最無失望..

放假時經過勝香園,都見到長長既人龍...今日星期一下午,無咁多人,而且食客大部分係遊客....想試好耐既檸蜜脆脆....好香檸蜜味,對於唔好甜食既人會甜咗少少.....麵包烘得好脆但無燶味....檸蜜醬都足夠,唔會食到太口乾鹹檸七.....十分解渴....俾咗好多鹹檸朋友既咖央多......阿姐推介我地試吓提子厚多.....塊麵包真係好厚!!!提子乾配咖央醬係幾特別....不過略嫌咖央醬唔夠,可能塊多士比較厚...

七月下旬(悶熱)從來未試過有一樣食物像勝香園的脆脆般令我上癮：之前它休息十天，十天期間我去了不同地方吃早餐，卻沒有一處的多士能夠與之相比。朝思暮想，今天勝香園重開，就立時去了吃個脆脆止癮．這天點的是凍奶茶，咸檸七，加一份油檸蜜脆脆．奶茶是阿姐在露天水吧即叫即沖，雖然不算很醇滑香濃，但人情味搭救.咸檸七預先督好，’喳’一聲的喝得另人暢快又涼爽.最重要的是那脆脆，永遠都是烘得徹底的乾脆，吃的時候不禁卡察一聲脆碎滿枱，上面的牛油，檸汁和蜜糖互相輝映，甜酸香共冶一爐，味道充滿層次．這個脆脆我已吃過無數次，但每次來又情不自禁一點再點，為甚麼？其實脆脆並不是甚麼特別東西－豬仔飽是外面交來的，塗的不外是煉奶、花生醬，最特色的也不過是檬汁加蜂蜜，任何一間茶餐廳都可做到；但勝香園的脆脆始終有著種神奇魔力，令人久不久就想來一次，每次吃到的飽都令人感動，比城中任何一個複製仿製品都好吃。究竟脆脆好吃的秘訣在哪裡？相信這是不少勝香園的fans，或是它的同行競爭對手，致力想參透的問題。這個問題也許連一眾阿姐們都沒有確實的答案。總之，脆脆就是這樣烘，醬就是這樣塗，就是這樣，實實在在。也許，麵包本身的確沒有甚麼特別，

今日星期六放十一點半,早早哋去聞名已久嘅勝香園試下佢嘅茄牛麵, 鹹檸七同檸蜜脆脆,希望唔冼等位。去到真係唔冼等位,我仲可以一個人坐曬張枱,因為呢張係一張曬枱,哈哈垥! 啲阿姐又好態度,問我曬唔曬, 埋單個陣個好man嘅阿姐仲好溫柔咁叫我靚女四十三蚊呀。好!講番嘢食先:檸蜜脆脆 ($9): 好好味, 酸酸哋,最啱大熱天時食夠醒胃,雖然我滴住汗食又要潑住扇,都覺得佢好好味, 下次可以試其他脆脆,總之一百分。鹹檸七 ($12): 好飲, 啲鹹金柑佢整得好碎,唔似係篤,不過天氣太熱,飲到最後無曬冰,變咗飲熱雪碧,所以記得叫多啲冰。茄牛麵 ($22) :好多蕃茄,無乜牛肉,公仔麵應該無一個,我諗頂多得三份二個,而味道亦唔係傳聞中咁好食,可能通粉會好味啲,下次等我試下先。仲有唔好以為我好大食,一個人又食包又食麵, 佢啲份量唔係咁多。總括可以再去。如果你唔想等位,又想享受啲阿姐親切欣勤嘅服務,又唔介以滴住汗食,你可以選擇炎炎夏日去勝香園。PS.佢哋七月十七號開始致七月二十六號休息十日,記住唔好去啦!

炎熱的下午，當大家決定待在有空調的地方享受一個午餐，我們卻決定走斜路丶到一個沒有任何空調的地方來個午餐。到外國留學最懷念的是香港最地道的食物，勝香園這名字聽了很多次，可是卻一直也沒有機會一試，所以離開香港前怎也要來一次。到達時排隊的食客已多至Wine Bar by Paul's Kitchen，不過排隊大概花了二十分鐘，便可以坐下了。這兒的位子在排隊的時候已一覽無遺，我們被安排坐至麵包製作旁邊的位子坐下，可算是味覺視覺上的享受了。坐下時家人們已大汗淋漓，他們都各點了汽水，可是到勝香園怎能不一試它的飲品呢？凍鹹檸七($12)送上時已代為篤好檸檬，只要把雪碧倒進杯內便可以享用了。雪碧冰感十足，喝一口為這炎熱的午餐降溫不少。鹹檸檬加上雪碧，消暑清爽，檸檬的味道更是令人越喝越開胃呢！喝了冰涼的飲品後，我們便不若而同地把目光放到旁邊的麵包區。由豬仔包從多士爐跳出來，塗醬再把豬仔包放成米奇老鼠的樣子，一碟又一碟出爐的脆脆也不是送到我們的面前，急不及待的心情也越來越強。差不多十份脆脆出爐之後，第十一份的牛油檸蜜汁蜜糖脆脆($9)終於送到我們面前了。豬仔包旁邊的部份烘得帶點焦香，中心部份的表面香脆可口

七月中旬（天陰）勝香園從來都充滿性格：星期日是例假，公共假期必定休息，還有大大小小的突發休業，也只是在牆上貼張小告示就算．和大牌檔同樣有性格的阿姐們，也不會主動提醒客人．今次勝香園會由七月十七日起休息十日至廿七日，聽說是因為老闆一家人要到新加坡旅行!一聽到這個消息，算算日子，就是不久之後，就在今天早上立刻去吃個脆脆止癮，以防它休業時心癮起卻無處解決，落得痛苦難耐的悲慘局面！早上走到這熟悉的大牌檔，和阿姐打個招呼後，就找個位置坐下－也許是天有點陰晴不定，大家都不敢光顧，所以雖然時間不早，但空位超過一半！這天彭彭媽想吃通粉，但我只是想吃件脆脆就算，所以就叫了一碗齌菜三寶通粉，加一件油檸蜜脆脆，和兩杯凍鴛鴦．齌菜三寶通粉通是我第一次吃的，不要看它是素菜就會很寡，但其實材料有芥蘭，芹菜和葱條，一大堆的在份量不少的湯通粉上面，很豐富．阿姐幫我們要了特多芹菜，所以吃來特別有芹菜香，切得大片的芥蘭也煮得剛熟，爽口非常，也好吃．湯底沒有蕃茄味，但是雞湯底真的幾甜，雖然味精少不了，但和著煮得彈牙的粗通粉一起吃，令人停不了口！上次的脆脆太硬了，這次的油檸蜜脆脆就剛剛好，烘得又乾又脆，金黃色的賣相漂亮極．味

天文台已發出酷熱天氣警告，走在街上如同進了烤爐一樣！不過難得我家相公今天（不是星期六、日）放假，這少有的倆人世界機會我可不放過（稍後孩子們放暑假，爸媽就要全天候服待他們了），於是我們無視火辣的太陽，於是我們無懼曬焦的危險，於是我們來到了「勝香園」！綠色的鐵皮檔，夾在兩棟房子間的空位處，地上嵌著長長的石磚，多台牛角扇賣力地運作，鋪前堆滿了汽水箱，遠處還有又斜又長的石梯，仿佛時間在此停頓下來，這一切和附近賣時尚摩登潮流家品的店子成了鮮明的對比。也許是平日裡，又是較早時段，還有兩三張桌子空著，我們挑了個靠牆的大圓桌坐下，不用搭檯，很不錯了，一張過了膠的餐牌列明這家店的所有出品，不過我早已心裡有數，點了這裡最受歡迎的鹹檸七和檸蜜脆脆，再來份公司三文治。杯子裡裝著被阿姐搗碎的鹹檸檬和新鮮檸檬片，再將雪碧汽水倒進去（為什麼不是七喜汽水呢？），這就構成了鹹檸七了，碎了的鹹檸檬浮在冰面上，—絲絲一片片，味道全部釋放出來，鹹味很明顯，但又不會覺得很鹹，同時感受到少少的酸味，加上冰凍的瓶裝汽水，喝進嘴在食道徐徐沖下，噢！滑極了；潤極了；整個五臟六腑好像給洗滌過似的，份外清新，這才是真正的凍檸（汽）水！（以

吃過九記再走過來, 只是為了他們的脆脆點了鹹檸七, 鹹酸鹹酸的味道很解渴, 很喜歡他們會把檸檬鹹檸檬預先搗好很喜歡吃這裡的檸蜜脆脆, 豬仔包烘得很脆口, 相信是他們的爐都調到很高溫吃到奶油的香氣, 加了奶油才不會令這脆脆太乾檸檬跟蜜糖份量落得剛好, 兩者都是很天然的味道, 也很搭但稍嫌檸檬汁灑得不太均勻, 有些位置會特別酸等待天氣沒有那麼熱的時候再來吃他們番茄底的麵食吧