勝香園

營業中

休息中

去開中環必食店舖勝香園，茄牛通係呢間必食食物，每次去到必叫，濃郁的茄湯，有蕃茄蓉同蕃茄，每次都飲到底！今次特登冇食午餐來，試埋平時試唔到既檸蜜脆脆同咸擰七！檸蜜脆脆好特別，酸酸甜甜，好開胃，而且麵包味好重，焗得超脆！咸檸七~ 檸檬已經弄好，透心涼，咸酸甘好得意！食完呢個豐盛下午茶，晚餐都唔駛食lu

偶然想念勝香園的檸蜜脆脆。食慾既起，就停不下來。沒想到，今日一去，得啖笑。去過勝香園都知道，搵位難是必然。我和同事早有心理準備。置身這種人多擠迫的大排檔，我會要求自己：1、 盡快食完盡快走2、 不要要求多多3、 坐迫少少，予人方便勝香園是自由搵位機制，所謂眼明手快爭櫈仔。眼尾瞥見有一個吉位，二話不快我趕快一屁股坐下，同事基於風度，先讓我坐著，我們先下單，等上菜時應該有位坐吧。蕃茄牛肉通，每人一個檸蜜脆脆，我叫了杯凍鹹檸七。右手邊的女生快要吃完了，我們以為快有位子了。她舉手了！對！埋單吧！走吧！沒想到！「奶咖央多丫唔該」她居然再加單。她同行的朋友又再叫一碗茄麵。一樣吃完才叫另一樣，慢條斯理，完全沒有要走的樣子。對面坐著一對母女，更離譜。自攜食物，淨叫飲品，霸著椅子，自顧自吃，無視店家怒睥。這時我們叫的食物來了！同事的食物也來了，可是仍未有位子。「我借大脾你坐？」我講笑。「一係在我頭頂吃吧？」「立食？」哈哈「不然搬張櫈來坐住先吧？」我說。左手面是一對情侶，男人已經黑面，冷冷的對我同事說：「你不能霸佔我的位置！」沒有坐下，何來霸佔？這時，我對面的人剛好吃完了情侶的女生打算挪一個位，讓我同事可

中環返工，食勝香園真係近水樓台但係最好就係十一點幾去食，避開12-1最多人食飯嘅時間同埋一大堆lunch time先嚟嘅遊客嚟勝香園一定要食嘅就係檸蜜脆脆同埋蕃茄麵！我鍾意食蕃茄牛肉蛋麵篤爆隻蛋撈埋麵同蕃茄一齊食檸蜜脆脆熱食最好味，甜甜地又脆口無得頂！

又係食完一碗牛腩河唔夠飽, 一出鋪頭就見呢度坐無虛席行近睇先知佢係有名排檔茶記《勝香園》反正個肚仲有位, 飲杯野食個包都好等左大概五分鐘就有位, 周圍都有大風扇, 都幾冷爽吓叫左凍奶茶少奶走甜, 好快送到冇茶澀味, 不過本身茶底唔夠香, 不過不失同朋友share個豬扒脆脆, 個賣相得喎包身烘到好鬆脆 (朋友話近乎乾) 除左豬扒外仲有薄切既蕃茄片一啖咬落去, 都掉幾多"碎碎"架, 味道普通, 雖冇驚喜, 但夠穩陣見好多人都食蕃茄湯底既粉面, 等我下次黎都試下先

要左個茄鮮牛肉蛋通份量很多隻蛋煎得好靚蛋黃流心鮮牛肉份量吾少真材實料只是湯底比之前遜色感覺吾夠天然清新通粉吾會煮得好稔最終食吾晒⋯⋯另一名物檸蜜脆脆惟有下次再食喜歡這裡的人情味當日紅雨她們會叫我坐入啲免得淋濕亦會同我閒聊十分熱情所以我會繼續支持的

勝香園作為老牌名店,早已經相當聞名,今日趁住放工同同事黎左食野夜晚無想像中咁多人,所以好易搵到位食左個檸檬脆撻,一出爐即食好好味,又脆,酸酸甜甜味道好得意蕃茄河粉係我最鍾意既味道,蕃茄味做湯底,個湯一定唔可以太求其,依度正正做到依個味道河粉好爽,牛肉都幾好味,整體感覺唔錯之後已經人多,所以好快咁食完就走人LU

本人吃過好幾次勝香園，偶爾蕃茄癮起便要來吃一碗茄牛通。上次來的時候通粉賣完了，只有麵，我還是認為通粉跟開胃酸甜蕃茄湯底才是天生一對！另外來到勝香園一定一定一定要品賞咸檸七及檸蜜脆脆！！！咸檸七已經篤好，七喜另上，大大枝且冰凍十分抵飲！檸蜜脆脆一上桌十分吸睛，可看到一份金黃色米奇奇頭！由於即叫即做，十分香脆而且真的可分別吃到檸味及蜜味的層次！每次吃完也想多叫一份！相反當日也叫了一份咖央多士，跟檸蜜脆脆相比下超級普通，很淋，味道也不突出，不試也罷。

今次食終於吾洗排隊啦！！！喜歡番薯的人一定要食。湯底濃香。做持水準。咸檸七亦都係必點飲品。唯獨美中不足，七喜由支裝變成罐裝，有點失望。其他地方都無咩改變。室外地外，如果熱天食真係要環境比較焗

真係人都癲，話說係水記食完牛腩米，信步行上荷里活道當減肥，豈料經過勝香園，竟然未收檔，而且仲有位無須等候。多年來不是吃多士就是食麵，滿是油積的餐牌都不用睇。點了餐用麵蕃茄湯底，可能是客人漸少，今次麵底總算淥得夠稔，沾上了蕃茄湯底，實在惹味，可能太耐無幫趁，食得津津有味。飲品是凍檸檬茶少甜，不過依然是近似糖水，但茶底幾香，幾十年的功力果然有水準。走時依然有遊客造訪，老實講，攪咁多大龍鳳，遊客要睇既反而係本地文化，一味只懂靠向地產利益，失去方向，仲有人想黎睇D刻意堆砌出黎既假野?

每次經過必定大排長龍是真的有原因的!馳名的茄牛通不用多說,茄牛通在這裡是非常馳名的!蕃茄味道很濃郁,份量很多, 吃到最後連湯都會想全渴下~如果不喜歡很牛, 還有很多其他選擇,任意配搭.(奶油脆脆新鮮熱辣辣脆豬, 鬆脆無比!都是必點的!另一款香檸脆脆也很特別~酸酸甜甜, 味道很夾!咸檸7, 用醃製多年的咸檸咸檸味道很濃!真的跟平常渴的不同! 雖然人龍非常多,但大家都會很合作,吃完便會快快離開讓出枱給其他人~

午飯時段，第二次與同事來到中環的勝香園。平日食客可在大排檔旁排隊等位，但在繁忙時段，卻要人釘人，在正在享受午餐的食客旁等候，待一有位置便坐下，猶如爭櫈仔一樣。阿姐會等你同行的朋友全部坐下，想好吃什麼，才會一次過落單，少一個也會有被罵的風險～ 我這次點了蕃茄鮮牛肉炒碎蛋公仔麵。鮮牛肉嫩滑，應該有用胡椒等調味粉醃過，但沒有用太多生粉蕃茄湯底加上啖啖蕃茄肉，濃郁但味道清爽。雖然炒蛋變了煎蛋，仍無損這碗麵的美味。另外，我們一行五人都試了牛油檸檬汁脆脆和奶油脆脆，兩款都是$14檸檬味脆脆清爽開胃， 奶油味經典。麵包脆但一點也不焦，奶油甜而不膩，男生女生都喜歡食～ 勝香園無論環境和食物都十分地道，體驗到香港草根文化，價錢在中環區亦相宜，相信推薦給外國友人或香港打工仔朋友都會擄獲他們的歡心！

每次黎到勝香園都係人頭湧湧，lunch 時間唔長，大家都好努力咁攝位，好彩今日等左一陣就有枱 遠近馳名蕃茄麵，搭配選擇超多...次次都令我揀好耐 蕃茄煎蛋鮮牛通～其實本身全枱都of叫炒蛋，但上到黎所有都變唒煎...可能真係太忙太多人味道方面，蕃茄溶份量好足，甜酸適中，好開胃。煎蛋剛偏老，牛肉嫩滑但有明顯嘅雞粉味... 除左麵食，今次都同同事夾份叫左兩個脆脆一齊食，奶油脆脆味道普通，不過係烤得好香。必食推介係牛油檸檬汁蜜糖脆脆，滿酸嘅檸檬配上香甜蜜糖，真係令人食指大動，想食多幾嚿

今日同老公去完上環，就行左去勝香園朝聖。之前一值都俾個檸檬脆脆豬吸引，但一值冇時間。雖然要排大約20分鐘，但我地冇放棄既念頭。首先，我地叫左一個檸檬脆脆豬，鮮蕃茄濃湯雞翼麵，咸檸七同凍檸茶。個檸檬脆脆不但有香濃的檸檬味，而且包烤得合時，鬆脆無比，與一般鋪頭食落格言不同。之後，那碗濃湯蕃茄麵更加不得了，除了用上大量新鮮蕃茄外，還用上茄膏煮製，令每一條麵都包含了蕃茄的甜酸味，我更將整碗湯喝掉。至於，咸檸七更不用多說，用上過十年得咸檸醃製，加上7汽，更值係將兩者融合，創造出新的飲料。最意想不到的是，那杯凍檸茶，因為會用一枝木捧把檸檬弄爛，再加上香濃的紅茶，令檸檬一早可將酸味滲入紅茶當中。總括來說，為食好東西，當然要等，但價錢真係十分合理，絕對係假日一去的好地方。

去到條隊半條街咁長，唔係專登撘車嚟食真係想打退堂鼓 ... 最後等咗 35分鐘比想像中快~麵就叫咗番茄碎牛炒蛋麵同蕃茄鮮牛煎蛋麵。番茄湯底算係ok, 起碼唔係一味茄膏，而且茄蓉裏面仲有一舊舊嘅蕃茄；鮮牛唔韌唔鞋有啲鮮味，唔係俾嘢"乸"到林晒嗰隻；碎牛炒蛋都幾香；麵就差啲，係好鞋嗰啲(小弟稱之為工業用) 公仔麵，如果可以加錢轉出丁就好好多 ...檸蜜脆脆係幾好食，香脆而淡淡檸味剛剛好後記：見到啲熱飲膠杯起晒漬感覺認真麻麻，而整體食物質素只算係中等，要排咁長龍原因只不過係家下喺香港哩個價錢已經食唔到正常味道嘅食物，可悲

最地道既港式食物點少得係中環遠近馳名既勝香園呀！每次去都大排長龍架！雖然環境一定及不上普通茶餐廳，不過就係係街邊食先有一種另類風味。首選就梗係要叫佢地既番茄通同埋我最愛既檸蜜脆啦！唔好睇佢個樣好似平平無奇咁，其實湯底非常濃郁！仲有大量既番茄蓉係底架！我叫左餐肉煎蛋通，煎蛋裏面仲保持住流心，好正！而亮點就係個檸蜜脆啦 麵包烤到非常香脆，加上滿滿既蜜糖，略帶微微既檸檬酸味，真係可以一個人食兩份呀哈哈！食完重口味既番茄通同檸蜜脆點少得飲個凍冰冰既鹹檸七呀！可以見到佢分量好多,鹹味都好重，非常開胃。超水準既食物而且價錢非常相宜，難怪每日都大排長龍啦！