勝香園

營業中

休息中

久別再訪，這馳名的小店依舊有一定人氣又十分懷舊，乎合來上環探我班、想試地道特色美食的男友。星期一的辦公日的中午到場，毋須等位，任搭枱坐。心急想醫肚，沒注意檔口座落的那斜坡，選了個位置向左傾地坐著😂 唔理啦~ 打工仔的午飯時間巧珍貴的。蕃茄主題，自選米麵通，及其他牛豬雞蛋類配菜。食完回辦公室有同事話我知那店的鮮牛肉是出名的，我剛好有點到，lucky~ 我點的是蕃茄鮮牛肉餐肉蛋麵。鮮牛肉的確有自然的牛肉鮮味和軟度，不像一些茶記的沙爹牛肉一樣，用鬆肉粉”乸”過有鹼味而肉質亦軟得不自然。餐肉泡了好久，冧趴趴的。蛋是半生熟的，好！男友點的是蕃茄豬扒雞翼腸麵，他的豬扒和雞冀也是泡了好久的，煎了再煮的效果，啱哂怕熱氣既人😂 雖然配菜有點過冧，麵還好沒有煮過頭。再上牛油檸檬汁蜜糖脆脆，咬左一口，依家仍有當年食到的滋味同滿足🤤 包非常香脆，有非常清新的檸檬酸甜，係真檸！如果有多小小蜜糖令個檸汁更出就好了。飲品正常。偶然胃口欠佳，個日唔知食乜好，牙又唔想費勁𡁻野，天氣唔太熱唔怕行上斜坡坐室外，呢度係一個幾好既選擇。

今日同朋友去中環，唔想食貴野又唔想fine dining，見到勝香園，好耐冇食即刻排隊食。叫左茄蛋通，茄餐肉通，涷檸蜜同出晒名出到全香港甚至外地遊客都知嘅脆豬！好快就到，等唔切即刻食咗先，茄蛋通好有番茄味，但又煎得香，成碗食晒！ ！ ！朋友嘅茄餐肉通都好正，一樣食晒。凍檸蜜正路啦。脆豬就梗係至正，係將相到大家都可以睇到係外脆內軟，個皮有金黃色，聞落香味十足又足餡。大大推薦各位專登嚟食呢樣。行多幾步都唔緊要，當預先消耗左卡路里可以大大口咬落去。

坐係街邊，一碗茄牛通，再加個檸蜜脆脆，配一杯奶茶，就係勝香園既特色。麵有非常多嘅蕃茄，一碗香濃既麵就此誕生，再加上鮮味嘅牛肉，唔係用粉腌鬆變到無味。就係我係中環豐富既午餐。

之前好多時都會過黎食，但一到夏天就真係要諗過先🌞🌞到左食飯時間人多，排隊時間會再長d 🌞🌞天氣真係太熱la, 排隊個時出晒汗💦💦💦ha 但有我🐮😋最愛既茄牛通🍅😍同脆豬👍🏻👍🏻正💯食幾多次都吾會厭🤣🤣仲有杯港式奶茶☕️

一個晏晝嘅三點，難得來到勝香園唔使排隊就可以即刻坐到入面。好舒服嘅感覺，三點三下午茶時間，係應該悠悠閒閒咖嘛。今次唔系要喺勝香園度食，我系買咗一樣平時買唔到嘅嘢就系面包嘅外賣。我嗌咗咖央多士，姐姐用牛皮紙袋裝住就咁樣羅走翻屋企。十分鐘左右翻到屋企，多士都仲熱嘅。只不過系有少少硬硬地嘅感覺，係脆脆嘅感覺，就冇咗面包嘅軟熟，但系勝香園嘅咖央，一樣系好好味。而家佢哋冇乜生意下佢就得面包外賣都係一種福利來嘅。

我去勝香園多數係星期六下午，乎日我唔喺中環區，星期日佢係休息，以前一般都等45分鐘，今次唔駛等就有得坐叫咗我嘅最愛，蕃茄牛肉腸仔麵同鹹檸七，佢哋蕃茄湯底，係我食過其他食肆中最好食嘅，佢用罐頭茄醬，再煮新鮮蕃茄，好濃嘅蕃茄味，萫茄鋪滿成個碗，茄紅素係好有益，又抗癌又養顏，所以食多多都唔怕牛肉都好新鮮，肉質淋得嚟有肉味，蕃茄湯底係靈魂，如果冇咗佢，同普通茶餐廳公仔麵，就冇分別鹹檸七，佢哋預先將鹹檸檬整碎，我唔使花工夫慢慢篤，佢哋又慳返D食材，真係一舉兩得

又來到熟悉嘅勝香園，自從換咗工作之後就好耐冇來中環，今次坐巴士翻來食lunch，每次來都喺好多人，好彩等咗唔系幾耐就有位坐。仲喺叫咗以前整天食嘅茄牛面，奶油脆脆同埋茶走。茄牛面仲喺咁好食，好多番茄，酸酸哋好開胃，牛肉仲喺咁滑，食一啖面飲一啖湯，滿足。奶油脆脆上邊全喺煉奶同埋牛油，焗得脆脆嘚超好味。好懷念。

勝香園 係中環裏面非常人氣嘅經典老店大排檔， 喺呢個名氣之下我被吸引咗嚟呢度試食咗一次， 個人覺得味道同價錢都正常，可以黎一試。可惜嘅係其他評價太過誇張，本身以為非試不可，但其實只是一般普普通通嘅大排檔，所以令我有少少落差。 我叫咗佢最為出名嘅番茄牛肉通粉同埋檸蜜脆脆，茄通味道正常， 蕃茄湯底都幾濃郁，價錢都合理。 而個檸蜜脆脆我個人就覺得唔係特別好食， 尤其我自己一個人食，初頭都ok，但係到後尾就唔想再食， 真係要叫嘅話最好找兩個人以上分，試下味道即可。另外個人覺得 勝香園嘅環境其實幾惡劣， 坐位附近嘅地方其實並唔係好乾淨，令到我有少少擔憂衛生嘅問題。加上當時天氣炎熱 ，又冇冷氣，人又好多好擠迫，令到我稍微食得有啲狼狽。

他們永遠是全世界煮得最好食的番茄麵👍。我是一個非常不喜歡食番茄湯的人，不過食咗之後愛上佢。另外，這杯咸零七也是全世界最好飲，但是飲一杯就夠。.當天去不用排隊。是好是壞由自己判斷。不過，這麼現在令我覺得更加似家嘅感覺。.This is possibly the best tomato noodles in the world. Please note that I hate tomato soup or noodles my whole life until now.

一直都好鐘意番茄湯底的粉麵，自從嚟過呢度之後，只要有機會過中環都會嚟食番茄麵😝番茄碎牛炒蛋鮮牛肉麵係最愛，每次嚟必食檸檬脆脆同奶醬多都好好味，今日食左檸檬脆，依舊好味飲品配鹹檸七或凍鴛鴦實在無得頂

之前有次為咗幫襯勝香園而特登入上環，好可惜個次無開鋪。第二次11點幾左右去上環，終於有開啦！不過真係好受歡迎，當時已經有一條長龍排緊。餐廳係大牌檔形式經營，自己比較少機會幫襯大牌檔，所以都幾期待。地方比較淺窄，搭枱都預咗，但對我而言食物質素比較重要。-蕃茄碎牛炒蛋通粉湯底呈蕃茄鮮紅色，睇得出用料幾足，入口鮮甜。炒蛋幾有住家感覺，厚身帶點彈性，平凡但顯功架。碎牛都唔錯，牛味唔會完全被湯底嘅蕃茄味掩蓋，依然食到牛肉香。-牛油檸檬汁蜜糖脆脆口感真係好脆，不過同我想像中會外脆內軟嘅口感有少少分別。包身整體係偏硬，牛油味唔算好突出，主要被檸檬同蜜糖味蓋過。檸檬汁配蜜糖嘅調味的確幾特別，酸酸甜甜夠醒胃，值得一試。

早餐要係要食茄牛通🤞🏼一講茄牛通唔可以唔提中環嘅老字號勝香園🙌🏻好多街坊同遊客都會去試，所以一到繁忙時間都排長龍🙈🍴蕃茄蛋通 $28番茄湯底一眼睇得出用新鮮蕃茄煮，會上埋煮得軟爛嘅蕃茄肉，而湯底亦帶蕃茄天然酸味😝感覺冇咩味精同加糖，不過我覺得太酸，唔算好合我口味🙈因為唔太想食肉，所以叫左蛋通，雞蛋煎得流心，蛋汁撈埋番茄湯底食都幾正🤞🏼通粉煮得剛剛好好，唔會話太發漲，仲有少少咬口，覺得整體高過普通茶餐廳質素🙌🏻🌟牛油檸檬汁蜜糖脆脆 $20比起蕃茄通粉，其實我更期待呢個，果然冇令我失望😍個包烤得香脆，加上酸酸甜甜嘅檸蜜汁同牛油香味，好快就食完一碟👍🏻整體質素幾好，不過如果要特登黎同排隊就未必會再黎😝尤其夏天，因為佢係鐵皮檔坐室外🙈

落筆之際，勝香園已經有994個好評，諗起當年第1次食的時候已經係7年前，今日再食，佢嘅味道仍然不變!茄牛蛋餐肉麵我自己出街其實好少叫茄湯底，但每次黎到都忍唔住！而且佢基本上可以俾你搭幾味餸，我明知肥就要加多塊餐肉檸檬脆脆哩個係同事叫嘅，酸酸地好開胃，而且又唔會太硬，下次黎都可以再翻兜！咸檸７哩個就更加唔洗講啦，幫你吉埋檸檬，重想點？其實野食都唔洗點講，之前已經有好多師兄師姐講過。係食完之際有樣野要提提姐，見到佢地有張紙寫住8月下旬會休業半個月，如果到時有遊客黎，睇怕要摸門釘了...

如果我係堂食就好喇 個檸檬汁蜜糖脆脆拎到返公司食都仲係脆㗎 如果堂食熱辣辣食嘅話應該真係超好食 要睇下你鍾唔鍾意食酸酸甜甜嘅味 因為會食到少少檸檬嘅酸味帶有蜜糖嘅甜 平時喺街好少會食到檸檬汁再加蜜糖嘅脆豬 如果有機會嘅話就要試下 蕃茄湯通粉就有原粒蕃茄喺入面 係真材實料不過唔算太特別 正正常常 姐姐嘅服務態度好好 仲特登提我 佢哋由聽日開始放假放到8月29先開返 大家小心唔好摸門釘 環境方面 係冇冷氣嘅 夏天食都要忍受下 但係因為佢仲留住以前嘅裝修 個人幾鍾意呢種懷舊嘅感覺

去到好多人，但系仲有位。阿姨仲同我讲普通话，好多游客都会光顾的店。因为一天都系到食野饮野所以某叫招牌的番茄通粉，叫左烟肉多士烘底，烘底好似系加一蚊。烘底真系好食好多，正。仲叫左杯柠乐，非常非常正。劲有柠檬味，好好饮。