勝香園

營業中

休息中

勝香園係以蕃茄湯麵馳名既大排擋，即使係室外無冷氣，都無損蕃茄控黎食既決心蕃茄蛋通粉 $28蕃茄湯十分濃郁，有好多粒粒蕃茄蓉，入口酸酸甜甜好開胃，連埋通粉食可以飲哂成碗蕃茄湯。雞蛋煎到岩岩好流心，簡簡單單已經好好食牛油檸蜜汁蜜糖脆脆 $20豬仔包即叫即整，外層焗到金黃色，外脆內軟，有好香牛油味，加埋檸檬汁同蜜糖好match，酸酸甜甜，好好食凍咸檸七$22咸檸檬已預先整碎，唔洗篤，加入雪碧咸中帶甜，好解渴

每到中上環，都想尋回昔日好日子好時光以前讀書時，有day off就會去行下食下但人大了亦隨著自遊行之多，每次經過都大排長龍，若然需花上大半個鐘頭食個快餐，實在是不會考慮剛轉了工第三天，返返熟悉的港島區時間尚早就去視察下，喜料沒有人龍怎能不坐下做個席上客呢真係好耐無黎食喇，感覺價錢上沒太大改變記得必點的都是茄牛通，蜜糖脆脆，咸檸七老實說，中上環地區一個午餐閒閒地都六七十蚊，呢度算係平平地嘅選擇叫了一份蕃茄碎牛蛋通 $31蕃茄湯依然香濃濃郁，酸酸地開胃差唔多飲哂，好開心同公司咁近，我又有個開飯好地點了

中環平日過嚟食lunch都要排隊，好彩等一陣就有位👩‍👧‍👧我地三個少女好貼地，絕對會食大排擋💖 大家都知一定要叫茄牛通同埋檸檬脆脆🍋 好濃嘅蕃茄湯，真係會飲下飲下飲晒😆檸檬脆脆就係檸檬蜜糖嘅豬仔包，都好好味

#中環勝香園黎講，大家都識。——茄牛蛋麵麵質偏韌，有咬口，啱嗮我呢d唔鍾意食軟淋淋嘅麵嘅人👍🏻番茄湯，酸酸地，個人唔係好鍾意太酸嘅番茄湯，不過檯面上會有一大罐糖（應該係for熱飲但我加咗落碗麵度haha）牛肉，冇乜特別，普通滑牛，份量ok。蛋，夠流心😍蛋汁加麵一流。.凍奶茶值得一讚嘅港式風味，茶厚奶滑。.大牌檔黎講，係呢個年頭仲咁多人排隊，唔簡單。坐到呢個平過普通茶餐廳嘅價錢，唔簡單。.Overall: 7.4/10Value of money: 4.5/5——勝香園📍 中環美輪街2號排檔#foodblogger #food #goodwest #foodie #hungry #foodcritics #foodstagram #foodies #foodblog #foodfeeds #hkfood #hkfoodie #hkfoodblog #hkfoodlover #hkfoodblogger #foodlovers #foodaddict #fooddiscovery #hkfoodpic #foodagram #foodpicsdaily #foodiary #foodblo

天氣涼涼地最適合出戶外行下，今日同朋友plan左 由中環行上山頂，出發前順便去埋勝香園食蕃茄麵 去到已經好多人，要企喺旁邊排隊等一陣，好彩呢度人流去得好快，大家都食完就走，等左幾分鐘就入得！『碎牛炒蛋蕃茄麵 』望到成碗茄肉真心滿足☺️一開始以為碎牛同炒蛋係分開，原來唔係喎，係撈勻一齊炒，牛味好濃好突出，加埋呢個湯底愈食愈開胃！雖然質感無以前咁稠杰，但問題不大，依然係我心目中的No.1 ！！鐘意食蕃茄的人真係要黎食下！

馳名茄牛麵及奶油豬！勝香園的食物遠近馳名，無論是香港本地人或是外地旅客都想來一嘗香港地道茄牛麵！平日下午來到，當然要排隊等候位置，坐下來就立即點單，我和幾個朋友每人一碗蕃茄牛肉麵，點了奶油脆脆和牛油檸檬汁蜜糖脆脆一起分享。蕃茄牛肉麵湯有很多新鮮蕃茄蓉，難怪湯底會如此鮮甜，牛肉片比較薄，但也吃得出牛肉香味，加上我最喜歡的公仔麵，吃得開心、滿足。待一會兒，奶油脆脆和牛油檸檬汁蜜糖脆脆也做好了。兩個奶油豬仔包的份量很大，建議胃口小的人可以跟朋友一齊分享。兩種口味我都喜歡，牛油檸檬汁蜜糖脆脆口味較特別，比較少在其他餐廳吃到，檸檬汁令人感到開胃精神，牛油味很香！奶油脆脆則比較甜，煉奶的香味也很足夠，麵包烘得乾脆，裏面還很軟熟，推介！

今日去開中環，突然間想食返細個成日食嘅鋪頭，就係勝香園啦！中環啲路真係好難行，好多樓梯，行到好攰呀！不過因為平日嘅關係，餐廳唔使排隊就可以直接坐低啦，感覺非常好！食過嘅人都知道呢間餐廳係星期六一定會排長龍！所以見到唔使排隊即刻好開心因為純粹只係想過吓口癮，所以淨係叫咗一兜通粉食！蕃茄湯雞扒通粉($34)水準依然無變過，好濃郁嘅蕃茄味，仲有好多蕃茄粒添，雞扒亦都有五六舊！雞扒係有醃過嘅，肉質好嫩，好食！不過唔知係咪太好食，好快就食晒啦！抵讚嘅係味道同以前一樣！

恃住多人幫襯，啲阿嬸態度超差又無禮貌，尤其年紀大果個短髮阿毛。野食都係味道一般，普通味，大排檔還大排檔，都唔應該呼喝啲客人。一時又叫人自己揾位，一時又要排隊，問佢又唔答，加單又唔得，埋單起身再嗌又唔得，阿支阿左，對大肚婆都係差。poor attitude, poor service, poor environment.food is just normal, many people wait without order, not worry about losing customers, so you'd better help yourself and put up with their shouting and yelling at you. you deserve better even experiencing local style food culture, good luck!

自從無喺中環返工已經一段時間無嚟勝香園食佢哋嘅蕃茄公仔麵，今日咁啱嚟中環買嘢又想回味一下勝香園嘅蕃茄湯底所以買完嘢下午三點左右嚟到，開頭仲唸住下午茶時間嚟要排隊，點知嚟到又唔係好多人即刻有位坐底，坐底當然係點至愛嘅蕃茄湯公仔麵，加埋牛肉豬排，仲有杯凍咖啡，麵嚟到，賣相依然吸引，大大粒蕃茄肉，但個湯明顯無以前咁濃，淡左無乜蕃茄味，唔知係師傅改左蕃茄湯配方定係當日失準，有啲失望，牛肉同豬排就普通不過不失，唯獨凍咖啡仲ok夠香唔會太甜，希望下次如果再嚟可以食番以前個味道就好。

一直聽聞勝香園啲蕃茄通粉非常好味，但就一直冇機會黎食因為佢係大排擋所以夏天啊春天啊已經5會想黎～😂熱辣辣食住熱嘢真係滴汗～終於今個冬天我試到啦！！但我有d失望⋯我大約11點幾到已經排長龍（對面九記牛腩都超多人！）除左本地人都好多遊客尤其韓國人🇰🇷但等左10分鐘就到我地啦～坐底即刻叫嘢食！環境你要慢慢享受就5得啦但lee d地道風味真係值得體驗下！番茄蛋牛肉火腿腸通粉（$42）先講個湯！d番茄係酸番茄黎酸味味好開胃～但就5太甜因為好飲ge番茄湯其實加d魚仔煲出黎鮮甜好多食d番茄又5太甜所以係有d失望⋯而且佢隻通風好厚粉⋯完全冇口感可言⋯我麻麻牛油蜜糖檸檬脆脆（$20）當我為番茄通粉失望之際⋯佢帶來曙光！！好好味啊！！！！（大叫）即烘 脆卜卜熱辣辣！一咬落口！脆到四圍都係～🥰蜜糖檸檬味酸酸甜甜！正！一定要食！！

秋風起🍂，涼涼地🌬，又係阿叔👨🏻去食最鍾意蕃茄麵🍅嘅好時候。雖然宜家好多冰室茶餐廳都有推出特濃蕃茄麵🍜，但食過咁多間，阿叔都係覺得呢個大排檔嘅蕃茄麵最好食，最有特色。😚😚😚.一如既往，叫咗碗 #蕃茄餐肉雞翼麵 ($34)，蕃茄蓉🍅嘅湯底依然咁濃郁，味道太點酸，配上午餐肉🐷同雞翼🐔呢啲咁濃味嘅嘢食就最夾。再嚟多杯鹹檸七($22)🥤，咸中帶甜，幫你下下火，咁就一餐豐富嘅早餐，大滿足。！🥳🥳🥳

在五時前趕到這排檔名店, 這家不如蘭香園般遍地開花, 就是默默地做自己的生意. 十年如一月的茄牛系列, 以及脆豬包, 已夠一餐的胃口. 茄牛的牛肉片鮮嫩, 沒有蘇打粉的澀味, 加上蕃茄的天然酸味, 可惜是沒有通粉, 用上即食麵口感就是差了一點. 胞豬包配上檸檬蜂蜜, 外和內都十分香脆, 醬汁的配搭令其更清爽, 也添加了軟糯的口感. 能夠”獨估一味”地永續經營, 也許就是一眾食客們, 簡單的願望就是.

勝香園，一間舊式鐵皮茶記，基本上只有3️⃣款食物，番茄乜乜麵、乜乜豬仔包，和乜乜多士。今次我都係叫眾人之首選：番茄牛麵與檸檬脆脆。📍番茄牛麵🐮🍅（$31），超多番茄🍅番茄味道酸甜中帶平衡，既香又滑，牛肉無添加。本來平平無奇的麵條🍝，沾上茄醬之後，也變得好美味😋！.📍檸檬脆脆（$20），外表與米奇老鼠有點相似，香脆的外層入口清脆利落，檸檬酸香與蜜糖甜味好夾。雖然不算是甚麼天上有地下無的美味，但是作為一個Comfort Food的角色，是相當稱職。

今日有事做去左中環附近，上網搵搵睇睇有咩好食，就見到好多人推薦勝香園。自己未試過呢種舊式開放大排檔feel既餐廳，再加上見到佢蕃茄好出名，於是一見到就決定試下。過左lunch hour黎到所以唔洗等位就有得坐，睇睇menu有唔同麵既款式，自己叫左蕃茄雞味通粉，男朋友叫左蕃茄牛麵。湯底紅卜卜有好多番茄蓉，酸酸甜甜味道好開胃，佢應該係用新鮮蕃茄所以怕酸既朋友可能會覺得唔係好喜歡。雞肉就正正常常都幾多舊，通粉亦都唔錯，如果份量大碗d就更加好🤤另外叫左個牛油檸檬汁蜜糖脆脆，但唔記得左影相，個麵包好鬆脆配蜜糖好香好夾，不過價錢就唔算特別平。建議一上菜食左個包先如果唔係凍左無咁好食🙆‍♀️整體黎講食物質素都唔錯，環境係傳統大排檔式，想體會下香港地道野食同氣氛都可以黎試下。

Much to boyfriend's shock, he realized I have never had a lemon honey butter crispy bun ($20) at 勝香園 (English name: Sing Heung Yuen). Located on Gough Street, it's a dai pai dong type restaurant that is only open in the day time. Serving their famous tomato soup based noodles with pretty much any combination of ingredients, they also serve cha chan teng classics. As there are now less tourists, there wasn't any queue but they were still very busy with locals eating there.Menu is in English and C