勝利牛丸

營業中

休息中

上兩個月同我男朋友D同事話帶我0地去食正0野,於是就老遠走入去試0下.雖然全店只得於牛丸同牛腩,但都見到好多人食,心諗都唔會差得去邊啦!別無選擇之下,我0地兩樣都有叫,先食牛丸,0下...好正咩?!只係普通過普通咋喎!男朋友D同事話牛腩好好食,點知一試個心即諗唔係嘛...咁好叫好食?!我同我男朋友同佢幾個同事,都覺得偏韌,唔香而且有陣怪味~當男朋友D同事食得津津有味0既時候(有D人食0左兩碗),我0地就已經停曬口,可能我0地覺得0個D怪味就係佢0地覺得0既香,亦都係呢間鋪頭0既賣點啦!

我最喜歡吃牛丸，為求一吃心愛的牛丸，不惜行遍港九新界。勝利牛丸頗有水準，入口彈牙，味道不錯。唯價錢比其他牛丸貴。店子清潔OK，店員的態度比較差。食品配科只有牛丸及牛腩，選擇太少。粉麵的質素一般。

一間店可以勁到剩係賣牛丸粉麵已經咁出名都唔講得笑。不過始終牛丸唔係一樣咁高深學問既食物，周圍都有，所以佢好食極都唔會有人次次都專程入元朗食。牛丸比一般既細粒，真係幾爽。河粉都幾好食，加埋冬菜夠懷舊。不過好細碗，食一碗做午餐唔會飽。又可能佢實在太出名，唔憂無生意，所以夜晚好早收，要食趁早。

牛丸雖比其他店細粒但真係好彈牙好有牛味牛丸麵係絕配好味其style同澳洲牛奶公司一樣又係十秒內把食物送上爽呀!

我都試過入元朗食佢個牛丸. 味道係唔錯, 不過又唔覺係驚為天人, 唔worth特登搭車黎食...反而入開黎去"韜韜"度飲茶食馬拉糕,就可以去買半磅牛丸返屋企o既...p.s. o係元朗,感覺上每個街口都有間"勝利"...真係全部都係佢嫁?駛唔駛咁多分店呀?

佢既牛丸真係好好食~ 不過呢幾年真係開始差左... 唔知係大個左"咀刁"左定係點... 以前D牛腩好鬼好食~ 而家好似無以前甘好.次次去都整返兩碗丸腩麵, 加色, 多冬菜. 加多支細支裝玻璃樽可樂, 四十蚊有找~ 正!

勝利真係由細食到大啦, 雖然而家已經無舊時咁正,但係腩汁同彈牙牛丸就真係無得頂啦,牛丸係好彈,同平日個d好唔同,有d人會覺得佢無質感, 過檔去嘉麗園,但係鐘意的人好似我咁,食過之後唔會再去其他地方食牛丸,清湯又好味,唔......諗起都想食啊

可能元朗人多,佢又冇乜對手,所以開分店都咁旺.老實講佢d牛丸其實一般,得個爽字.冇鮮肉味又咸到死.麵又唔好食,d湯味精重到....我食過一間牛丸好食過佢好多,遲d講.

個人認為，去勝利牛丸食野，應該叫丸腩米／河／麵加色，因為齋丸會有少少悶，而佢o既牛腩又真係幾好味。加色即係加牛腩汁，會有味ｄ～

元朗勝利早十年就好食,家下完全唔掂啦.自從我食過佢碗牛腩麵有勁重雪藏味之後我都冇幫襯啦!

成日聽班元朗朋友話到好正咁, 話唔食過唔得, 於是果日趁入開去元朗食下... 點知...唔, 係就係比大家晌街市或者其他舖頭食到既牛丸彈牙, 但係味道較淡口, 而且講彈性亦比唔上旺角樂園咁精彩。當日唔知係咪人多, 員工亦相當冷淡(難聽d講仲有少少寸添)。唔食唔算損失。

唔食牛的話，來勝利又真係無咩好食，因為呢度除左牛丸同牛腩之外，餘下的就只有油菜。星期五下午三點來到，亦其門如市，兼仲有幾間舖咁多，可見在區內係幾受歡迎的。<br />叫了牛丸麵同牛腩河各一碗，牛丸都算是鮮牛丸，幾布有肉味，都算彈牙，但就不太特別，又唔覺特別好食，加上亦幾細粒，若以牛丸專家自居就比樂園差。牛腩是柱侯汁，炆得唔夠林，牛腩幾硬，感覺有點兒「散收收」，可能唔夠新鮮都唔定。麵是粗油麵，撈麵就好，湯麵就麻麻地。<br />14蚊一碗雖然唔係太貴，但唔算抵[ 當然你將佢地化做老麥軟雪糕會是天文數字]。

我地六個人一齊去食,但無人覺得有乜特別....我仲灰...唔鍾意食牛...無得揀...

牛丸又彈牙又爽口，食多幾粒，牙會有d 軟吵, 配粉麵就寡左d，所以粉麵最好配有牛腩或牛根，牛腩同牛根都好"諗"，湯都ok，令粉麵有味d。

特登入元郎試下，眼見真係幾旺喎！入去之前重睇下d牛腩~~~好似幾好味咁，就坐低啦，叫左淨牛丸同牛腩河，先試d牛丸~真係比一般細同淺色！望真d粒牛丸發覺有好多火山~~食落好爽口~味道就都幾淡~〝失望〞唉！到腩河d腩汁好濃！點知一食~~~~~唉！好似冇味咁~淡而無味~~~重有好大陣罐頭回窩肉味~〝失望中失失望〞環境~~~ok啦~~味道~~以後唔會再去~~~服務~~~差