勝利牛丸

營業中

休息中

腩同筋唔錯, 丸一般之前返大陸食果d 就真係正相比之下, 牛丸唔鮮, 普通彈總之就一般喇

朋友真有心，知我喜歡飲飲食食，又知我甚少入元朗。佢今次去元朗就刻意走去勝利買了一袋牛丸給我試試，認真唔話得。有了勝利牛丸，今朝就冇出街食早餐，而是自己弄牛丸通粉吃。一食就食了幾粒，唔係話佢唔好味，而是唔覺得有咩特別。咁樣質素的牛丸，街外不少車仔麵檔都食到，或許是自己弄得不好啦！

今日同朋友係元朗打完波之後黎呢度食野,叫左丸腩米,一睇d湯既色水..深啡色,唔知咩湯底,總之唔鍾意,牛丸一般,唔係特別好食,腩同筋就幾淋,總括而言,普通啦~

平時食開康樂路分店,但近日因就腳去左裕景坊呢間幫襯,我平時買外賣次數都幾頻密,近月亦同女友堂食過幾次,都覺得呢間分店腩汁太鹹,尤其叫或粉麵,溝埋落碗內腩汁真係鹹得太犀利,對健康真係好大影響。後期我改左去谷亭街分店幫襯,發覺呢道牛腩淡好多好多,唔知係企檔果位落得少腩汁,所以冇咁鹹丫...定係呢間分店真係本身牛腩較味淡呢?

勝利牛丸係元朗好出名，但係成日去附近都真係冇試過有幾好味，上星期日終於有機會試下。叫左一個丸腩米，鋪面既有冬菜，不過似牛丸牛根米多過似丸腩米囉，因為我成碗只係搵到有2-3小舊牛腩，而牛根佔既percentage有80之多。牛丸真係ok既，有牛味都ok彈牙，但係d牛根牛腩好鹹丫......同埋都ok多味精，因為食完之後我飲左一大支水。服務可能因為係老鋪，差唔多啦，and可能我星期日先去食，所以其實都滿哂。有事行開呢頭既，一試無妨，山長水遠黎試，no way~

當初是慕名而來一試，但食完又唔覺得有乜特別，或者牛丸咁普通唔應該抱有太大要求。

嘩,牛丸好彈牙,用左一流既味精,一d都食唔出有牛肉味,勁,牛腩又軟又淋,味道又過鹹,又冇五香味,d汁煮到起膠,好明顯比左心機煮,可以睇得出以前係一間好舖,可惜........

未搬入元朗,巳知勝利牛丸是元朗名牌老店, 住在元朗巳五年幾,其實也只幫親過三幾次,昨晚一個人食飯,随便吃點算了,進入店內只有四五個客,自己可獨佔一張枱.order一碗牛丸牛根米. 個碗比較細,但裝得很滿.其實我想食麵,但他只供應油麵,只能選米粉比較健康些,牛丸細細粒,好爽好彈牙,但無乜牛味,牛根過淋,有Ｄ"梅", $15.00蚊,OK啦!但唔覺好好味.汽水支裝要七蚊,貴咗Ｄ.其實如果多些生麵,魚蛋,雲吞等可選擇會健康些,現在店內只有油麵,河粉(兩樣都好油)和米粉,餸亦只有牛丸牛根牛腩三樣. 完全唔進取..

Particularly come here to try. 牛丸就係幾彈牙，但係就冇咩肉味。牛腩just soso, 韌! 麵是油麵, not my favourite. Not worth to try anyway. Just wonder if 好到底or 彪記is better. Maybe I will try them next time la.

牛丸都幾彈牙，但都冇肉味。牛腩麻麻地。麵底只係油麵, not my favourite. Not necessary to particularly come here to try, very soso. Easily get a similar quality for 牛丸/牛腩in Mongkok. Better try 彪記next time.

我由細細個已經幫襯佢到而家,果時係由女家(胡姓)白手興家創業,當時係鐵皮木屋區同益市場商住形式經營,之後現在裕景坊(麗韻美容店現址)大樹蔭下開檔,後又搬至金輝徑(教育路中旅社後巷)作商住形式經營,到近代先由大太子及兩個女婿接手做,並進佔地鋪經營。當年同益市場時,事頭婆(胡老太,現在因健康問題要坐輪椅,在此希望她早日康復)只係有牛丸牛什選擇。搬遷至大樹蔭下時後期至有牛腩呢個選擇,並且取消左牛什。到搬左去康樂路第一間地鋪時,就凈番牛丸同牛腩兩種選擇啦。之後谷亭街開第二分店,由胡姓細太子仔打理。第三間分店先至係呢個食評裕景坊地址,最初由大女婿四眼佬打理,但因為大女婿負責淥麵企檔,佢受唔住冇落單情況下靠死記壓力下,終於頂唔順成日發皮四,早年已經自動退出移民外國咯!所以裕景坊及康樂路兩間鋪,都係由大太子及細女及女婿負責,太子近十年都係工場內負責製作牛丸,佢數年前不幸0係工場工作時發生工業意外,製造牛丸時手不慎被製作牛丸機切斷幾隻手指。論味道我自己好鍾意幫襯,雖然係覺得細碗左,但係唔知點解食開有癮咁,成日都諗住要食佢咁。單及雙併都係十五蚊一碗唔算太貴,但樽裝汽水一支要七蚊就太貴囉!希望汽水呢幾年內

呢間係我小學已經食咖na* 個陣仲特登入去食!佢個間既湯底係好好飲...係冇落味精咖!真係淆出黎...好穠!but依家大個左都仲有食~ d牛腩依然係甘"林"~but湯底冇以前甘好味...牛丸都仲係甘彈牙!

4月16日, 入開元朗食大榮華, 但要等位到晚上7:30左右, 於是我們一行8人到附近出名的勝利牛丸食碗牛腩牛丸麵醫肚, 味道ok, 值得一試。

今次入到元朗梗係要試下出晒名既勝利牛丸, 裝修同普通粉麵舖無乜分別, 我一坐低就即刻叫左個牛丸河加腩汁, 再留心睇下先知呢道得牛丸同牛腩粉麵& 三文治食, 心唸得咁少選擇都咁出名一定好好味；唔洗五分鐘河粉巳經黎到, 都幾細碗喎, 湯底因為加左腩汁味道都幾香, 牛丸一樣係咁細粒, 肉質好實無乜牛肉味, 河粉係用幼身但又唔係特別好味。

一句講晒貴夾唔飽的垃圾！... 分分鐘去食十蚊一碗仲好食過佢... 服務其差... 味精其多...