加洲餐廳 (已結業)

今日元朗附近工作... 隨便選左一間元朗茶記解決, 加洲餐廳就係大橋街巿斜對面, 人多要搭枱... 速食打算都係叫碟頭飯解決二人行揀左A同B餐各一，有湯送....香茅豬扒雞翼飯 $46豬扒大大塊, 飯大大碟 , 扒同雞翼都煎得香同醃得夠味.... 不過不失, 有幾條菜覺得算幾有良心魚滑蒸豆腐飯 $44 ...豆腐雖淡口但有豉汁幾好送飯午餐來說茶記價錢又唔算特別貴, 食物質素尚算可以, 不過環境較亂及嘈雜 , 無什特别食完就閃 ...

又到下午茶時間，每一日都食下午茶，想唔肥都幾難，但是我又忍唔到口🤣由朗屏站一出直行到壽富街見到有好多不同嘅食肆，最想飲一杯凍檸茶下午茶都有好多選擇沙嗲牛肉紅腸福面，沙嗲味非常濃郁，沒有辣的感覺，只有香噴噴的沙嗲味，上面配搭了少許蔥花和兩條生菜，紅腸是經過炸之后才放上湯麵🤣湯底味道都足夠，沙嗲醬混在一起更好味👍🏻再加多杯凍檸茶，茶味足夠，而且檸檬也有2 片因為我飲凍飲所以加咗兩蚊😁咁熱嘅天氣呢兩蚊一定要比😂

幾年前已經來過一次今日又再回到元朗附近再次回來此茶記 點回同一下午茶炸雞脾配薯條+凍檸茶一杯凍檸茶少甜一杯凍檸茶正常甜少冰一杯凍檸茶走甜走冰一杯凍檸茶走甜少冰落單姐姐好好招呼我地四人點四杯唔同檸茶同姐姐講唔好意思 佢話唔緊要....你地係客黎架嘛....有得做點會唔好意思呀....等左五分鐘...四杯唔同既檸茶送上....全部無錯😂👍🏻再等唔洗十分鐘...熱騰騰既雞脾同脆脆粗薯條送上....先講檸茶...茶味足夠...很多時去到下午時份...好多個茶味已很淡的...這個仍然很夠味雞脾雖然有少許雪味....但外脆內滑可以加回分👌🏻粗粗脆薯條...炸得夠脆及乾身...仲要加埋片蕃茄同青瓜比你消下油膩....掂呀！

2015年11月29日晚上九點同知己共進晚餐 叫左二個黑椒牛扒餐，一個跟飯，一個跟薯菜上菜才知，原來本身已有薯條伴碟，所以跟薯菜果碟，薯條份量多一陪 早知就跟意粉啦～份量好多，碟都好大，估計碟的直徑有16-18吋。黑椒味偏甜，唔辣牛扒好大塊，有醃製過，好港式西餐的味道及質素，冇幾多成熟，不會入口即溶，又唔會過硬及鞋囉 唔識形容，總之，一食就知道係港式茶記出品啦 薯條剛炸起，脆卜卜 炒飯冇味道，又凍，已放乾好耐 講返碗羅宋湯，味道小酸，偏甜，味道唔錯，煲湯煲左成日，羅宋湯已煲到杰撻撻，已變成羅宋汁 同埋"湯渣"多過啲汁 知己就話忌廉湯好味道

最近因經常到元朗睇醫生，故多了在元朗揾早餐食，通常都好趕時間，終於揾到間較近醫務所的茶餐廳，先後試過兩次。早餐選擇也不少，價錢一般。早餐B改通粉，火腿煎蛋，凍茶$29(6.5/10)雪菜肉絲比較咸，通粉較淋，睇歺牌以為煎蛋是分開上，故上餐時以為上錯，煎蛋冇特別，相對這個早餐感覺較貴!雞扒煙肉煎蛋早餐$31+$2凍茶(7/10)因上次見有人食好似幾底，故今次試試，凍茶OK，多士夠熱夠脆夠牛油，煙肉也是熱辣辣煎起，雞扒可能細件，故有兩件，醃得入味，故其實不要汁也可以，加埋汁太咸了，伴碟的蕃茄及青瓜也很新鮮。$31價錢算底吃。

今日下午就黎到呢間餐廳度食野一入到去都見裡面幾多人，心諗應該唔錯。望一望餐牌，發現呢間野都幾貴。 咁我就叫左個焗芝士海鮮飯餐。落完單先黎左個餐湯，餐湯一般所以唔特別講。終於黎到主角焗芝士海鮮飯出場。賣相其實都唔錯，我食左一啖先知自己中伏。飯入面多數都系飯焦，即使我系食中間位都啖啖飯焦。而佢d蝦仁有雪藏味，令我食慾大減。我食左一半已經唔想再食落去，呢餐真系貴又唔值。

某一日早上同個朋友吃早餐，大家都係食有煎蛋既早餐。唔該你無蛋就出聲，我買比你有乜所謂。有乜理由將一隻煎蛋(已發勻，所以全黃色)切開一半。一人半隻咁肉酸架!最搞笑係，我係將超開2邊既蛋起朋友面前拼埋，話:拿...一隻蛋黎架!算，呢間野唔會再去。

呢間野不嬲俾我0既印象,如上次所講係廚房野好食。雖然裝修左之後環境好左,但我唔覺得比以前舒服,同埋好多侍應都係徒另一分店調黎幫手,而另一分店價格又比呢間貴少少,所以落單寫價錢時, 往往都寫多一蚊幾蚊,唔係成日幫襯開係唔會覺0既。呢度早餐要廿蚊起,但要腿蛋或餐蛋就冇餐飽,碗通粉又淋又鹹又細碗,真係早餐呢方面冇下次。

間野睇落雖然係陰暗d ,同埋裝修差d 求其d , 但估唔到碟頭飯炒得勁有水準及好食,茨汁唔多唔太鹹,飯同菜分開放0係碟上,呢樣我至喜歡,因為我好怕一大埋茨汁係咁倒落白飯上面。水吧茶水都ok 好飲,價格又唔算貴。

我覺得d 餐湯跟本係味精湯...雖然好似好多料咁...不過我今日食的豬扒雞翅飯好正...真係好香...都總有返小小交代...