力寶軒

營業中

休息中

星期日坐巴士係正力寶軒門口落車，見佢無人擺酒，所以決定係到食晚飯。7點左右到，得幾張枱有人，所以環境好靜，好舒服。 其實佢枱與枱之間唔太密，所以唔會聽到隔離傾計，亦唔怕人地聽到你講野。四個人order咗：芋頭香酥鴨、香菇滑豆腐、蝦子柚皮、雲腿津白、福建炒飯。Overall黎講，樣樣餸都好好味。特別係芉頭香酥鴨，雖然係炸既，但一ｄ都唔覺得油膩。個芋泥好好味，好淋，好”creamy!”　而個鴨仲好脆。　至於香菇滑豆腐，個豆腐好似蒸水蛋咁，好滑，又好有豆味，會唔會係用豆漿整架呢？！豆腐上面有ｄ日本菇仔、東菇、金菇加埋個芡，小朋友勁鍾意食。蝦子柚皮，個柚皮做得好淋，不過ｄ蝦子唔係好食得出味。雲腿津白既雲腿粒實在太少，所以搞到個津白唔係好夠咸，不過個菜汁都唔錯。至於服務，都唔錯。

今日好想去'lee'度吃飯，因我十分喜歡吃糖醋麵......order1) 潮洲糖醋麵 - 同以前咁好食2) 潮洲四拚盤(有鹵水鵝片豆腐、炒螺片、炸蟹'祖' and 花枝卷) - 鵝片好'鞋', 螺片好食, 炸蟹'祖' 唔好食, 花枝卷o.k. but 份量少3) 例湯(腐竹煲豬肚)不錯4) 青瓜烙 - 咸佐D 5) 紅燒班腩煲 - 幾好.....東星班呢既

Had office Christmas Party here. The room was nicely decorated. Havent had banquet type Christmas Party for long.The chiuchow food here was very good. The entree, the Chiuchow four snacks were presented in a very beautiful serving tray, decorated with a plantlike scrupture with some birds made using craved carrots. Very lovely! The fried shrimps cakes and crab cakes were very nice. Also the sliced goose were also very tender and nice.Then we had a double dishes, it was a large deep fried p

搬好野, 一伙兒, 老細請落樓下食晚飯. 地方不是太大, 但顯得高貴. 安排了坐在窗邊. 老闆是潮州人, 由她去點一些潮洲美食.眾人嘩然的精美四拼盤, 好睇之餘, 又好食, 素鵝同油泡帶子是不錯的頭盤小食.另一個美食是明爐燒烏魚. 魚肉新鮮, 亦好肉, 湯帶出了魚的味道, 這條魚, 滿分.其他小菜如川椒雞, 油鴨煲都很有水準. 要說長一點, 只能說四拼盤, 四種小食, 各有不同, 素鵝用什麼腸衣包著, 味似, 是齋, 但不覺是素, 蝦丸吧, 內有馬蹄, 沒有加任何醬料都好食. 帶子, 加了炸蓮藕片, 夾著一起食. 說油泡, 但不覺肥. 鹵水鵝, 吃不到, 因為唔夠手快.其實老細請才會來, 不過, 日後應該很多機會.

呢餐比下面食評果餐威士忌宴仲早食, 不過水準就無咁好, 始終要10道菜都係鮑魚, 難度會比較高, 但巳經唔錯, 都補番個食評啦.今次全靠Stephen邀請, 先有機會參加力寶軒呢個十全十美全鮑wine dinner. 係力寶軒一週年加酒經月刊十週年特別設計嘅宴會. 場面都幾墟冚.1) 滷水南非鮑 - 鮑水本身冇乜味. 但滷水味就好搶.2) 鴛鴦鮑魚棗 - 分別係芋頭同蝦膠兩款外皮, 蝦膠果個好似冇乜鮑魚, 芋頭果個好d, 有鮑魚味, 但我果塊鮑片好細.3) 西紅柿鮑魚 - 鮑魚個texture唔錯, 但配茄汁, 好怪.4) 青欖燉鮑魚 - 唔知點解要加粒青欖落去, 湯清甜, 但冇乜鮑魚味.5) 三十五頭吉品鮑扣鵝掌 - 兩樣都扣得好入味, 口感一流, 鮑魚溏心, 全晚呢個最正.6) 年年鮑有餘 - 中間果兩舊係用鮑片卷住d魚肉, 好鮮美, 下面果層係清蒸蛋白豆腐. 極滑, 1000個得!!!7) 鹽焗大連鮑 - 呢個最唔得, 太老了, 韌到飛起!8) 原隻鮑魚撈起麵 - 呢個又係好滿意, 鮑魚又嫩又溏心, 伊麵爽滑又夠味, 學ET話齋, 鮑魚都係傳統做法最好味!9) 咖喱鮑魚酥 - 鮑

說的是轉手後的力寶軒.上次於力寶軒吃過十全十美鮑魚宴, 對其廚房的水準大為改觀. 是次多得酒友邀請, 能以極超值價錢享用這個威士忌晚宴, 實在是可遇不可求.本身對酒沒有研究, 但對Single Malt Whisky也算略知一二, 因為以往在英國跟c黨們也喝過不少. 個人而言, 最愛的威士忌品牌是Glenfiddich, 其次是Macallan, 第三是Old Pulteney 及 Bowmore. Glenmorangie價值算比較貴, 卻最不受我們歡迎.回港後, 因為價錢不便宜, 身邊也沒太多朋友 喜喝Single Malt Whisky, 所以自己也良久沒嚐. 是次難得有以威士忌為主題的晚宴, 加上對力寶軒的食物也有信心, 當然樂於參與.當晚大會於怖置清幽典雅的偏廳延開三席, 在這種環境下享受美酒佳餚, 實在稱意. 1) 金蒜鮮果大蝦沙律 Fresh Shrimp & Fruit Salad大蝦爽甜, 炸蝦頭很多膏,十分酥香. 鮮果也清甜.2) 燒金箔石榴翅 Braised Shark's Fin with Crab Meat wrapped in Egg White Panc

太座是潮州人，來自一個傳統潮州家庭，有著潮州人所有特性包括對家鄉食物的堅持.....每周她們家庭晚飯聚會約有 40% 是潮式酒樓, 經年如是。現在就連我家成員亦感染到這種濃厚潮州氣息。潮式酒樓巳不知不覺地慢慢變成我家常到的食肆，各種各類的潮州美食對我家人亦巳不再陌生。潮州食品一般偏向清淡，追求是食物的鮮 - 清淡食物不是我的至愛但亦從不抗拒。一個"鮮"字就可足夠補回一切清淡的不足。家人喜歡到這裹喝茶....地方離家不遠, 環境尚算寬敞。以前是美心集團經營的, 現在是轉了手, 據說是一大羣伙記加上廚房師傅原班人馬合資經營, 理論上是水平應該如舊。按太座之見此處菜色不是道地潮州菜。 就如一般地方與本國美食一樣, 離開了發源地後，或多或少滲入了本地色彩, 為了迎合本地人口味 - 不再道地了！是否不道地就等如不好 - 這不好說......這裹蠔餅或蠔烙、黃金煎麵線及返沙芋頭都很道地。其他的菜色都是如以往一樣，吃不出特別來。也許"平淡如水"才是潮州菜的真正特色。價錢在金鐘地區亦算是合理。還是以前晚上在上環皇后街或新蒲崗路邊"打冷"那種潮州菜我才覺得有意思, 夠道地。不過又是想當年了，現在那些街頭

朋友在力寶軒擺酒，食物有水準，可是服務卻很差：一、唔幫人分食物，但又冇公筷。二、人地未食完就伸手過來想收人隻碗。三、人地夾左第一次，侍應就走過來想分晒碟內餘下的食物，係咁迫人要埋佢，等佢可以快d收碟。四、有人走開左，侍應就叫隔離位o個個幫佢遞人地隻碟埋o黎，等佢可以塞埋d食物俾人。五、散席客人都未走，就急不及待執野趕收工。我好懷疑究竟呢班侍應係咪外判工，如果係力寶軒本身的員工，就真係好有問題。我覺得力寶軒都算係比一般酒樓高檔的，所以對佢d食物同服務都有要求，就算食物有水準，如果服務差到咁，真係令人對佢評分大打折扣。

雖然又係黎力寶軒食飯,但係大家每次都試下新野,所以今次又有新嘗試。其中一樣,係什麼什麼炒五穀飯(唔記得個exact名稱),貪佢夠晒健康,上桌之後,發覺原來份量唔多,而且油份都好少,炒得乾身,果然係健康之選,但係紅米只有好少,大部分係普通白米,更加唔覺有五穀咁多,各菇粒就有,後來有個同事話,粟米都算係一穀,咁又係喎,因為粟米份量真係好多呢!呢個炒飯清清地,幾好!另一味大家都叫好既,就係素餃,係點心黎既,佢做得比出面一般素餃出色,餡夠多,多菜粒又多菇,皮唔算太厚,好味飽肚又唔滯。稍為要彈一彈係方魚肉碎粥,其實已經食過好多次,但係今次差左,方魚少晒,竟然有幾個人碗粥係完全無方魚,只得肉碎,唔通係因為方魚成本增加左?就算係,咁都唔係咁好囉…雖然仍然幾好味…仲有一味稍有特色,係唔知咩春卷,好新潮,長條幼身,用酒杯裝,只得四條,但係好脆,餡少,亦食唔出係乜,只係食個脆既口感,ok啦!

同同事黎力寶軒食lunch,食左一的第一次點既菜式,有一個真係值得推介,個名叫咸魚雞粒鍋咁上下,佢用一個黑色損底鍋上,賣相好似韓式石頭鍋飯,下面有木版乘住,唔知係咪會發熱,個鍋愈食愈熱,放耐左要小心親手。個飯好香,粒粒都係啡啡地色,肉粒細細,唔油,十分乾身,可能汁已經俾飯吸晒,所以相當入味,食到底果的,仲因為個鍋熱而變得比較硬身,有少少似飯焦,但係又唔會好,而且唔黏底,又係另一種美味!其次可試係甜品藍山咖啡糕,一客手件,啡白相間,無論外型同口感都好似喱,食到咖啡味,但係唔會太濃,啡色部分應該係咖啡喱,但係白色部分真係唔知係乜,可能係奶凍卦。呢個甜品好清,一口食晒,唔漏唔膩,所以食得好飽都可以吃一件。另外,奶皇馬拉卷又係一客四件,但比較普通,同卞面食肆果的差唔多,都ok,幾軟熟,奶皇份量剛剛好,所以唔會太漏,不過一定要趁熱食,放耐左差好遠。個”虫亳”仔粥都試過,又係清甜足料,似泡飯,比起食炒飯好啦!至於其他點心,如叉燒包,潮州粉果,春卷,鮮蝦菜曲餃,魚肉米紙卷,燒賣等等一般啦!呀!提一提,佢的前菜小食又真係唔錯喎!

話說7年前剛由潮江春改為力寶軒時,大人跟我就決定在此宴客,因情意結關係,差不多隨後數年也有在特別日子去慶祝及常來飲茶,更因去年結業裝修又趁機再在此慶祝.今次再裝修後已脫離美心,裝潢沒以前般清雅脫俗,變得跟一般的中式食肆沒啥分別,侍應的制服更擺脫不了一般紅彤彤的框框.一切只留待回憶吧了!說回最重要的食物質素,點心及小菜以前控制得較好,尤以魚湯非常濃郁,燒賣上的帶子鮮甜無比,肉蝦餡比例非常好及幼細.重開後水準不穩,多次試過後沒有帶子放面了,肉餡很大,有時有蝦有時沒有,更甚是肉沒有切細,肉粒有指甲咁大,你可想像一粒燒賣全為肉粒嗎?我惟有放棄燒賣,炸雲吞及魚湯仍好,其他點心則跟一般酒樓沒大分別,很難再找藉口再去試小菜,服務生又不夠兼明顯沒有足夠訓練.好歹地點也在金鐘及收費跟酒店貼近!真的很想很想你狀態回勇,立心改進吧!不要淪為名都般水準!

今日全家人訂咗兩圍枱食冬至飯,每圍10人, $4888. 6個主菜再加單尾及甜品:1.滷水拼盤:有鹅,豆腐,蛋,腎,膶;全部都幾好,特別係豆腐,切得夠厚,好滑2.潮州翅:好足翅,湯底好味3.西蘭花带子:带子又大又新鮮4.倉魚片5.蒜片雞:香口6.魚湯浸時蔬:菜好嫰7.黃金煎伊麵:加糖食超香口,好味8.欖菜炒飯:飯炒得幾好,一粒粒,但唔係太夠味9.奶皇馬拉糕K,不過可以多d奶皇10.合桃露湯丸:應該唔係開粉,但好稀,唔夠香滑除咗甜品(之前食過楊枝甘露,亦令人好失望),所有嘢都幾有水準,碟頭夠大,上菜又快,地方環境又靜,係家庭聚會嘅不錯選擇!

這裏商務客多，價錢當然不便宜，午市點心起碼$30始有交易，還要選擇不多。雖然質素不弱，不過仍是覺得有點不值。反而小菜及麵飯價錢比較合理，蠔烙一大碟$60-70，內裏蠔仔相當多，而且煎得不算油。另外有個簡單的砂窩飯，飯焦香脆得很，食完也不覺熱氣，而且分量不小，也是飽肚之選。不要一般的炒麵飯，轉轉口味來試砂窩飯也不錯。

前幾天到重新開張的力寶軒吃晚飯。一入去，就受到侍應的慇勤招待。堂內已重新裝修，桌椅也不是太密，沒有給人局促的感覺。食物也使人很開胃，適合各種人的口味，味道適中，尤其那些肉類也不是太肥。服務方面，各服務員也很專業，餸菜的推介也很恰當。有一點很同意的是力寶軒由經理到侍應，由侍應到琴師也很年輕、漂亮，望著她們，胃口都好d。給我最大驚喜的是中樂二重奏，他們彈奏的樂曲種類多元化、大眾化，音量恰到好處。在放工後，有音樂調劑一下，舒緩壓力，都幾好呀。樂師也很有笑容，演奏的水平也有專業的水準。雖然就近的洞x樓都有中樂演奏，但洞x樓那些樂師質素好像比較參差喎! 有時我想點歌，都不能有求必應。此外，彈奏的樂曲也千篇一律，乏善可陳...too boring! 力寶軒的中樂演奏的確唔錯，人又年青；洞x樓有d樂師都幾老餅，食咗d飯都想嘔出嚟...

力寶軒脫離美心之後, 專誠入去試菜。四人食, 用hsbc簽有折, 埋單六百幾, 都合理重新鋪過了地毯, 新桌布和顏色, ok. 我去的是星期日, 有現場中樂二重奏喎! 食了魚蛋粉, 粉就味道一般, 魚蛋就幾好食及彈牙. 滷鵝也不差, 唔肥膩. 仲有條茄汁魚, 呢條魚最好食. 我最concern的不是食物味道, 而是泊車. 門口有代客泊車, 代泊入力寶中心, $25 / 半小時.我選擇了自己泊在力寶中心停車場門口出面, 同secure哥哥講聲去力寶軒食飯, 泊兩粒鐘唔駛錢!! 食飯冇車位泊或冇discount的地方, 幾好食我都唔會去啦!