力寶軒

營業中

休息中

與朋友慶生聚會，選了力寶軒位置金鐘地鐵站步行1分鐘就到達，交通非常方便。力寶軒不時自創菜式和精美巧手粵式點心外，有見現今社會對健康飲食日益重視，在保留潮菜味道濃郁特色的同時，亦盡量用少油、少鹽、少甜及不採用味精的方式烹調🤩 服務員招呼周到。晚市主餐牌有8折優惠😀 前菜話梅花生，帶有梅味嘅花生酸酸地有驚喜😍 碧綠川椒雞 $180 香濃嫩滑的雞脾肉，帶點川椒麻香味。旁邊薄薄綠色炸得脆口嘅葉叫珍珠葉，入口脆卜卜，夾埋一起口感十足，非常惹味😋 山楂草莓咕魯肉 $188  一道甜甜酸酸嘅菜色送飯一流😋 咕嚕肉每條肥瘦均勻， 山楂汁可減少咕嚕肉嘅油膩感，加入士多啤梨，菠蘿，洋蔥增加甜酸層次😋 紅燒豆腐肉碎煲$168 嘩，個煲上枱仲係熱辣辣醬汁仍起泡，熱度十足👍豆腐外香內嫩，每一件肉碎同豆腐都包住醬汁很送飯😋 黃金煎伊麵$168 麵煎香兩面中間鬆軟，同時享受有脆有軟口感，點陳醋和砂糖進食，酸酸甜甜，開胃又飽肚😊 蟹肉燴伊麵$98 蟹肉份量都不少，每口伊麵都掛滿蟹肉蛋白燴汁，份量雖不算大，二人份量剛剛好😊 蛋黃壽桃$36 用煎籠盛載熱辣辣嘅美滿壽桃，包蒸得鬆軟可口，蓮蓉口感綿密，不太甜蛋黃香口😋壽桃是

餐廳：力寶軒地址：金鐘道89號力寶中心地舖 今晚朋友想食潮州菜，揀咗地點方便嘅力寶軒，試咗好多唔同嘅餸菜，款款有特色，分享少少啦😃❤️椒鹽九肚魚🐟🔥炸到金黃香脆，九肚魚肉質細嫩，椒鹽香氣十足，簡單但極惹味，食到停唔到口，秒殺系列！ ❤️香煎蠔餅🦪🥢煎得外脆內嫩，蠔肉夠哂鮮甜，蛋香濃郁，每啖都係幸福滋味！ ❤️金銀蛋涼菜 🍳鹹蛋黃同皮蛋味道交疊，配埋滑溜蛋白，口感層次豐富，好開胃！ ❤️五香牛展以嫩滑的牛肉搭配獨特嘅五香調味，經過低溫悶煮，口感極為軟嫩，相當唔錯❤️整體嚟講，呢度地點方便，食物質素高，係家常便飯同朋友聚會嘅好選擇，今餐食到好滿足！😋👍

🍽️力寶軒📍金鐘道89號力寶中心地舖 鍾意食呢度嘅蠔仔粥，其他食物水準又相當唔錯，所以今晚又來食，個人最喜歡食下面呢幾款：～涼拌黑木耳🍄、酸辣拍黃瓜🥒🌶️黑木耳爽口彈牙，涼拌嘅調味簡單但好突出，加咗Wasabi，清新解膩，開胃嘅選擇👍；黃瓜爽脆多汁，酸辣味適中，清爽開胃，食落好refreshing！ ～ 蠔仔肉碎粥蠔仔同肉碎都好多，足料之餘夠新鮮，食到蠔仔同肉嘅鮮味，加柴魚同芹菜，特別香口😁～五香牛展🐂牛展滷得夠淋，五香味道夠入味，香氣四溢，豐潤而不膩，入口香濃，咬落去有適量嘅嚼勁，正！

間中夜晚會想食有水準嘅中菜，力寶軒係方便穩定嘅選擇，一出站就到，坐得舒服。龍蝦伊麵非常有水準，龍蝦肉飽滿爽彈，童叟無欺。上湯清甜而濃郁，伊麵煮得啱啱好、好掛湯，完全有去食海鮮酒家嘅滿足感。碧綠川椒雞睇個樣都知惹味，雞肉煎得好香口又嫩滑，有少少令我諗起雞爽肉嘅幼嫩口感，連埋炸到好酥脆嘅珍珠葉一齊食，香上加香。滷水鵝片拼墨魚各有千秋，鵝片水潤嫩滑，少少鵝皮好甘香，墨魚厚肉得黎依然好滑，滷水夠香、入味但唔會鹹。

力寶軒高質數酒家， 平時都見好多律師， 行政人員幫襯， 職員招呼周到， 服務殷勤又坐得舒服就算平日lunch 入坐率都有8-9成今日同事聚餐黎到當然要食鹵水鵝片拼豆腐，好入味，唔多肥膏， 點心亦都有好多選擇我哋叫咗蝦餃，帶子餃，燒賣都係即叫即蒸熱辣辣仲有其他小食： 椒鹽九肚魚， 煎蠔餅，嫩雞煨麵都好好食， 最正係個糖水蛋白杏仁茶，杏仁味超香，同事話楊枝甘露都超足料一分錢一分貨，就算收既價錢係中價偏高，起碼佢哋真係真材實料， 對得起個收費

這頓佳餚令人印象深刻，首先是沙拉，搭配金黃的蟹肉脆絲，口感清新，讓人感受到春天的氣息。接下來的拼盤則展現了多樣化的滷水鵝肉，薄切的肉質鮮嫩，搭配咸香的醬料，十分美味。最後，魚翅湯的濃郁滋味令人回味無窮，湯頭醇厚，帶有海鮮的鮮香，讓整頓餐點的層次感更加豐富。整體而言，這是一頓精緻且具傳統風味的宴席，適合與家人朋友共享。

收工約咗同事係金鐘食晚飯，嚟咗呢間潮州菜中菜館。餐廳設計高貴典雅，餐桌間有足夠的空間感，坐得舒服。睇過網上食評大多數都係點心，所以我哋都係憑自己心水選擇菜式。店員服務態度不錯，入座後先比我哋揀茶，再送上一碟小食---話梅花生，酸酸甜甜，唔太喜歡花生嘅我都食完一粒又一粒🤣•碧綠川椒雞 $180係傳統潮州名菜之一，嫩滑嘅雞肉包裹住醬汁，再配上炸得又薄又脆既珍珠葉，兩者疊加，頗為特別😆•山楂草莓咕魯肉 $188以草莓和菠蘿兩款酸甜的水果入饌，加上山楂既味道，酸甜交織，果香四溢，肉質酥軟，係今晚我最喜歡既菜式😍•紅燒豆腐肉碎煲$168鮮嫩豆腐搭配香濃肉碎，醬汁香濃入味，口感豐富之餘，暖胃又下飯。•黃金煎伊麵 $168第一次品嘗呢道菜式，伊麵外層煎至金黃鬆脆，可蘸點陳醋或砂糖進去，各有風味，個人喜好甜食，所以較喜歡蘸砂糖，還咬到砂糖沙沙的口感☺️•蟹肉燴伊麵$98份量不算多，不過我哋4人各分小半碗而足夠，蟹肉微微鮮甜，伊麵吸附濃郁燴汁，醇厚滑順，配上草菇，飽而不膩。•蛋黃蓮蓉壽桃$36雖然不是生日宴，但突然想食包點，揀了2個壽桃。壽桃的蓮蓉餡綿密微甜，蛋黃香，外皮柔軟，作為飯後甜品也是不錯👍。最後

今日一家人剛去咗這間午膳，叫了一套8人套餐，頭幾道菜都好快上好，之後食左頭幾道菜後等咗好耐，連隨後加的菜都食完，直至到服務員執枱，打包，兼去埋單，返到屋企之後先記起，原來我們還未食糖水。結果，才發現這連最尾2道菜都未上過。至於食完頭幾道菜，執枱，打包，埋單，整個過程，都冇人通知我們還有菜未上，食了6個餸菜加其他東西埋單近$4000，這次完全是失敗套餐體驗。氣水也貴得嚇人，幾十蚊一罐而且仲要加一收費。值唔值得？

琴日同屋企人去咗飲茶，今次試咗幾味新嘢。翡翠帶子餃真係驚喜！個餃皮靚綠色，用上新鮮菜苗打成餃皮，夠晒健康。入面嘅帶子新鮮彈牙，個size都唔細，配埋啲蝦膠，正。蘿蔔糕外皮煎到金黃香脆，而蟹粉小籠包一啖入口湯汁四溢！個餡料有夠多蟹粉，香濃鮮甜，皮薄但唔會好易爛。蒸蝦餃皇都係水準之作，皮夠薄透明，裡面隻蝦夠爽彈，肉質結實新鮮。沙律明蝦角外皮酥脆，裡面嘅蝦餡夠新鮮，配埋個沙律醬。壓軸嘅鵝片撈麵都值得一讚，啲麵彈牙爽滑。鵝片肥瘦適中。呢度食物質素真係唔錯，啲嘢全部新鮮熱辣辣，賣相靚仲要夠晒誠意。難得見到啲傳統點心整得咁出色，真係值得推介畀啲鍾意飲茶嘅朋友！

🔹️開心聚餐選來金鐘 “力寶軒” 潮州菜館午饍🥢🫖 環境舒適寧靜🎶 食物新鮮高質👍 服務周到🧑‍💼👩🏻‍💼食得開心👭👫👭💞💫我們點了📝🥢😋🔸️鹵水鵝拼盤🥘🔸️碧綠川椒雞🐔🔸️金湯焗開邊龍蝦🦞🔸️紅燒豆腐肉碎煲🍲🔸️黃金花姿卷🧆🔸️椒鹽九肚魚🐟🔸️欖菜肉碎四季豆🥘🔸️紅棗千層糕🧆🔸️馬蹄銀杏綠豆爽🍵🔸️蛋白杏仁茶🍵🔸️功夫茶🤸‍♀️🫖

去咗呢間潮州酒家飲茶🫖，午市人頭湧湧。朋友介紹話佢哋啲嘢食好正宗，用料又足料，所以就專登去試吓。果然無令我失望！每道菜都做得好好，真係感受到佢哋嘅用心。首先，我哋叫咗個鵝片撈麵$98，好有驚喜。呢個係潮州菜嘅招牌菜之一。佢哋嘅鵝片，肥瘦適中，鵝肉滑嫩，唔會太韌，鵝味香濃。撈麵有鵝汁，仲配埋上湯，真係一流！我哋叫咗個翡翠帶子餃$78。個賣相已經好吸引，啲餃皮薄薄透透，帶子鮮嫩。蟹粉小籠包$38/位，就係另一個亮點！皮薄、蟹粉嘅味道好濃郁，而且仲食到絲絲蟹肉，真係好正！我哋每人一隻唔夠喉！跟住蒸蝦餃皇$80， 晶瑩通透，個皮夠薄但係又唔會爛，蝦肉爽口彈牙，食落好滿足！最後煎蘿蔔糕$48，煎得金黃香脆，外層脆卜卜，內裡軟糯，配埋辣椒醬好正！沙律明蝦角$68，炸皮夠薄夠香脆，點埋沙律醬，唔會太油膩。除咗食物好食之外，呢間酒家嘅環境都幾舒服，乾淨企理，服務態度都唔錯。

跟同事到金鐘開會，完成會議後做到附近的【力寶軒】飲茶，酒樓裝修寬敞，樓式極高，空間感十足，加上店員服務態度有禮，用餐禮驗舒適潮洲炒麵 $168潮洲炒麵用上粗麵，麵條滑順，搭配蝦仁、火腿、芽菜和紅蘿蔔絲，口感層次豐富沙嗲蒸土魷 $68土魷肉質鮮嫩彈牙，搭配濃郁的沙嗲醬，味道香辣適中，加上有薯仔粒墊底，吸收沙嗲和土魷鮮香，非常惹味什菌紫薯粿 $48這道什菌紫薯粿外皮柔軟，內餡菇香十足，紫薯的天然甜味與粒粒菇菌非常配合，口感極具層次鴛鴦水晶包 $48這道是我喜歡的潮式點心之一，水晶包外皮晶瑩剔透，餡料分別是蓮蓉及豆沙，甜度適中，入口煙煙韌韌蘿蔔絲酥餅 $60蘿蔔絲酥餅外脆內軟，層次分明，內裡一條條蘿蔔絲的鮮甜味道和酥脆的口感令人非常滿足紅棗千層糕 $36紅棗糕層次分明，清楚看到分層，紅棗味道甘甜，口感煙韌滑順，適合飯後享用。

係金鐘做完野，同事推介話力寶軒環境舒適，點心又夠出色，就帶我地黎試一試。每位店員都好友善好客，換碟同加水都好自動自覺，完全唔會有搵唔到人幫忙情況，十分抵讚。潮洲炒麵 $168大大一碟，粗麵配上火腿絲、冬菇絲、芽菜同蝦仁，咸度適中，配埋黑醋一齊食，酸味味好開胃，蝦仁爽口無雪味，一齊食口感豐富。沙嗲蒸土魷 $68土魷唔會韌，一咬就開，都幾爽口，沙嗲香味濃郁，底部薯仔先係精華，索哂沙嗲汁同土魷鮮味，食到停唔到口。鴛鴦水晶包 $48分別係蓮蓉同紅豆餡，唔會過甜，煙煙韌韌外皮趁熱食更香甜軟糯。蘿蔔絲酥餅 $60酥皮層次好分明，底部仲有芝麻，更加香口，完全唔油膩，內層蘿蔔清甜，外層夠哂酥脆。什菌紫薯粿 $48紫色外皮包住菇菌，外表精緻，又夠飽滿，外皮煙韌，咸甜配合得岩岩好。紅棗千層糕 $36紅棗味香濃，真材實料，清香綿甜，口感細膩。📌力寶軒地址：金鐘金鐘道89號力寶中心地鋪🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨

十一月是我和朋友的大月份，除了是我的生日月之外，也是朋友的生日月，第一場慶祝會我們就選在力寶軒，因為朋友想替我慶祝農曆生日，故建議吃中菜，過一個「傳統」的生日飯宴。荷香蒸滑雞真的好吃到不行，滑雞蒸煮的火候拿捏不錯，一咬下去整個肉質有彈性，完全不柴口，連雞胸的部位也是嫩嫩的，骨肉間還有肉汁緩緩流出，蒸滑雞充滿荷葉的清香，紅棗、冬菇、荷葉更能帶出雞肉的甜味。咸菜胡椒豬肚湯香氣以胡椒為主，胡椒不會辣到讓人上火，濃醇的豬肚精髓都熬進湯頭裡，咸菜鹹味恰如其分，豬肚大小切得好入口，咬起來軟彈不費勁，咸菜胡椒豬肚湯好喝到明明吃得很飽，仍要連喝三碗，連平時少喝湯的朋友也說讚。秋涼的時候就想來個蟹肉燴伊麵，蟹肉燴伊麵沒有過多的調味，留下蟹肉最原本的海味，整盤伊麵幾乎被蟹肉、什菌蓋住，光是看畫面就讓我垂涎三尺，伊麵吸飽自然鮮甜的蟹汁精華，越吃越涮嘴，加上麵條彈牙，真是一道人間極品。鮮什菌滑豆腐看似樸實，貌不驚人，但口味真心一級棒，鮮什菌、滑豆腐一起煮得入味，濃濃的醬汁全都緊緊吸附在嫩滑的豆腐上，鮮什菌給得大方，菇香逼人，滑豆腐吃起來鮮香嫩口。一顆顆蛋黃蓮蓉壽桃由手工揉製，至繁複的工序再放到蒸籠蒸熟，整個外

呢間中餐酒樓以潮州嘢為主，今次晚餐兩個人食咗三個餸再加個白飯，覺得都幾好食。呢個潮州泡菜好開胃，啲茶都好香紅燒豆腐肉碎煲好足料，勁多豆腐，送飯一流！單食可能有啲咸，但啲肉碎好新鮮咁，唔似普通急凍個啲以濃味醬汁遮蓋着佢嘅味道。玉蘭炒雞球，啲雞都係啖啖肉，好滋味，呢個就唔算咸，擺碟好靚。凍烏魚呢一味應該係比較有潮州特色嘅菜，我都係第一次食，估唔到個口感係清新而細膩。我覺得個精髓在於魚肉要鮮美，凍制嘅時間都要掌握得好好。相比頭先兩個餸，呢個外觀睇落就一般啲。原來魚肉經過冷凍處理後質地都仲可以好緊實，保留天然嘅鮮甜。輕輕夾左第一啖，已經感受到佢滑嫩嘅口感，搭配埋個特製醬，更加激發到魚肉嘅鮮味！最開心嘅係冇碎骨！總的來說，呢間餐廳都值得一試，無論食物味道定環境、外觀都好好