力奇四季火鍋 (已結業)

難得氣溫低過10度, 大人跟我一至認為今晚晚飯非火鍋莫屬. 正在猶疑要翻炒牛味濃的新明記還是海鮮拼盤新鮮抵食的金豪之際, 想想還是試試新店吧! 最後在眾多笑面下選了力奇而放棄靚煲皇及金湯鍋.為免等位, 差不多6時已到, 其實選坐什麼位基本上店主不會理會, 因只見1個阿姐忽忽離去後就久久未見露面. 所有碗筷杯及調味自己弄好後, 終於'抓'到阿姐落單. 不用10分鐘配料已全上, 只待豬骨煲出場:豬骨煲 ($160) : 遠遠看著阿姐捧著超巨型豬骨煲, 堆積如山的粟米蕃茄惟有先拿下部份才可騰出一點空位讓湯滾起灼食物, 豬手骨已煲至很腍才上桌, 試了一件還可, 但愈吃愈不對勁, 湯底甜得過份令灼的食物僅餘的一點點本來味也奪去, 而這種甜味並不是清甜, 比甜品糖水的甜還要甜, 甜得令人懷疑是人工化...試想想, 本身湯底已是如斯甜, 店主更加上大堆頭的粟米/蕃茄/南瓜/冬瓜/蘿蔔, 整個鍋根本已變成糖水底了...胡椒味不見, 鹹味失踪, 整個煲除了冬瓜較可取外, 其餘全部甜湯污染! 我倆亦從未試過吃剩哪麼多!手切本地牛($118) : 據阿姐解釋, 本地牛較有牛味, 所以選了這個而非雪花牛(

第二次來力奇, 最令我懷念就是那些海鮮, 確實很好很吸引。因為怕無位, 我一個人早早來到, 6:30已坐滿一半人。今次比上次好, 阿姐拿了辣椒絲、蒜蓉及豉油給我, 上次要自己取。朋友未到, 我先點了蕃茄薯仔湯底$68, 心想 “這個湯連牛肉粒都沒有, 竟要$68不平宜呀, 材料最多只有四至五件蕃茄, 兩三件薯仔.........” 來到嚇了一跳, 整個煲都塞滿蕃茄、薯仔、還有大量粟米, 超級足料呀!再點了炸魚皮, 堆得很高, 很脆還有蝦滑及墨魚滑雙拼朋友到了, 再叫其他, 我想食膏蟹及蟶子, 店員說沒有貨, 有點失望, 但激發起我們的鬥志, 不停叫, 不停叫..........海蝦 (例牌$78)生蠔 (細$98)肥牛 (細$118)脆肉鯇鱔片象拔蚌 (例牌$148)個湯滾到最後變成濃湯底, 好正呀!最初已叫了鮑魚, 吃到尾都沒有來, 但已經很飽, 唯有取消。又再失望...........今次叫得太多, 飽到不得了, 埋單$7xx整體都好好, 火鍋料頗大碟, 材料夠新鮮, 下次要拉大隊來吃啊

聽朋友講力奇打邊爐個個什麼蕃茄豬骨煲好正,又有什麼$50零蚊一隻鮑魚,所以係朋友仔生日就去踩吓場先.....OH!!MY GOD原來個位置咁鬼死僻,可能我地又唔識路,由旺角去,足足行咗成半個鐘,真係行到腳都軟埋呀...唔好理喇.去到就叫嘢食喇.....先嚟一個番茄豬骨煲先,再狂order肥牛,菜,丸.......成廿碟嘢,都唔知叫咗啲乜,淨係知道冇鮑魚,因為已經唔係$50零蚊一隻喇.....碟碟嘢都好鬼大,至於味道呢......我又唔覺得有乜咁好食喎,因為我真係諗唔係邊一碟嘢可以令我回味.講到服務...."頂"一個字形容哂...我地叫阿姐執嘢同埋畀調味,個阿姐居然話"你地第一次嚟架,一向都係自己整架喇!!!"我地即刻話"係呀,我地係第一次呀,仲唔會有下次添!"你地話哩啲叫做乜嘢服務呀!!!如果論價錢,一個人都要$150,都唔係什麼平呀,因為我地都係叫一啲好普通嘅嘢食.....下次我唔會再嚟.服務又唔好,又遠.又唔係什麼特別,去春夏秋冬打好過,起碼位置好...

平安夜九點幾,啱啱第一輪食完,有位坐,不用等,先嚟個蕃茄薯仔湯煱,蕃茄有很多,湯底亦夠味,不錯;可惜,配料又貴又唔扺...蝦滑 -- 好鞋,無味.墨魚滑 -- 好膠,一樣無味.炸魚旦角 -- 啲皮好硬.魚腐 -- 稍為ok.脆肉鯇 -- 無魚鮮味,頗硬.豬柳片 -- 算淋,味道一般.鮮牛肉 -- 無牛味,無鮮味.仲有叫咗個三文魚刺身 -- 雪藏味大於一般,完全無鮮味.兩個人食咗成四百六十蚊,飽就非常飽,但唔好食,唔知係叫錯配料定係自己要求高,如果唔係點會有咁多人食.

記十一月中旬盡興火鍋夜自可遇不可求的「重皮蟹X奄仔蟹」宴後，粉絲會會長又有新搞作，七點訂位到力奇打邊爐！這間大角咀的人氣火鍋館，出名伙計有性格又難訂到檯，仗著會長的面子，一行十幾人前後腳來（火合）下（火合）。食友一早來到，可惜收工已近十點半，來到時還好能趕上尾班車，也懶得看餐牌，望望手寫牌有什麼好吃的，魚腸、豬心、豬版根、鮮蝦丸，一口氣叫下，可惜牛心頂、鮮毛肚遲來了售罄。甫坐下飢腸轆轆，師兄客氣地替送來滾熱辣魚腸，肥美又有恰當油甘，檯上打完風的殘餘物資中收集充足數量的菜蔬，唐生菜清爽，西洋菜味道霸道，美味～門口手掌般大的活鮑魚是晚叫漏了？不打緊，原隻鮮蝦打成的蝦丸夠紮實，食友話另一間火鍋館的蝦不比這裡差，也想一試，豬版根爽而有口感，最好當然是下醬油爆炒啦，但肉質佳用作打邊爐亦不錯，豬心夠新鮮，薄切的帶著軟韌口感，半點不羶，很好。因公務遲來的會長特別買來兩碗梅林牌火腿助興，食友無不盡興～這裡用料真的新鮮美味，埋單每人一百二十，認真抵吃，後生的第二代老闆招呼殷勤，會再來的～謝謝會長安排！

好耐之前已經好想黎, 不過係大角咀呢d咁奇怪既地方, 真係好難得會入去一次. 等左半年有多, 都係要專程為左佢入去. 七點幾去到, 門口已經有好多人係到等緊位喇. 等左一差唔多一個鐘終於到我哋喇. 我哋係門口等位既時候見到力奇出名既豬骨煲... 淨係d湯料都成座山咁高. 諗住我哋今晚得4個人應該唔會食得到嫁喇. 點知友人話佢會負責晒d豬骨, 所以我哋最後都點左. 因為負責點菜嗰兩個人都未黎過呢到. 佢哋點菜既時候我已經不停咁同佢哋講呢到d野好大碟唔駛點咁多. 但係佢哋仍然都係想像唔到佢哋既size有幾大碟, 點左超多野. 結果d料上齊既時候真係成張枱都唔夠放. 不過d野真係好好味喎. 個湯底真係好足料呀. 有幾大條豬骨. 我怕肥所以我只係揀左一條細既黎食. 其中兩個又一人食左一條之後淨番嗰d真係比另外嗰個食晒. 好味. 係個湯煲入面仲有超甜既粟米. 之後我哋都係叫左菜呀, 水餃呀, 牛肉咁啦. 牛肉我好耐都無見過咁大碟上喇... 不過呢個都係同價錢成正比... 水餃好足料呀, 大大隻好好味... 我自己食左一碟咁濟. 仲有嗰d咩丸乜丸咁. 同出面真係無得比~~~~ 不過就如同其他食家所

上個月頭天氣剛開始轉涼,於是又係我火煱狂熱者搵食時候啦,同事見上網呢間多人讚,於是就決定試試~點知唔試由自可,一試把鬼火!首先間野可能太旺場既緣故啦,入左去勁耐都冇人serve果隻....又話呢張枱唔坐得,果張枱唔坐得,但等極又冇人話邊張坐得喎...結果我地惟有求其坐低搭檯先啦....想睇餐牌時又係遲遲未有人拎....拎左黎睇d價錢眼都凸埋囉....有冇搞錯呀!?普通到唔普通既野成四十幾蚊碟??睇到後勁想走囉~但心諗話唔定佢選料上乘呢!!於是試左先算...我地order左墨魚滑,牛丸,生根,同埋最貴既蠔等火煱料,由入黎開始計至d野食黎為止...我諗真係接近成一個鐘囉!!!坐係同枱對面的兩夫妻都話:呢間野好似唔憂冇生意咁~最失望係佢d野食味道同任食果d完全冇分別~我夠膽講德X任食火煱仲有質素過佢....點解會有咁多人棒場呢??諗極都唔明.......惟一解釋可能係佢D牛同埋豬骨煲靚~因為見其他枱D牛係勁大碟,個豬骨煲係勁大煲囉~~但我地得兩個人又點叫呢D食喎.....埋單結果成五百蚊....完全唔明點解食5-6碟普通野要咁既價錢.....我諗呢間野可能for一大班人食會抵d掛唔係話唔捨得

因小學和中學都在大角咀渡過, 可以說是見証大角咀由一個人口老化的舊區到今天外圍全由填海而建的所謂豪宅包圍. 從暑期工年代的黃毛少子到今天少說也幫襯了力奇有 20 年. 力奇哥也變為力奇叔了. 力奇可說是一個異數, 躲在角祥街 20 多年, 在我黃毛少子的年代力奇也旺到飛起, 假日總是爆場, 20 年前在力奇吃一碟西冷牛也要 $100, 以當年來說力奇絕對是地茂鋪頭高級收費.就算今時今日火煱店開到成行成市, 力奇還是晚晚爆場, 收費也唯持他的高水準, 但質數 ~~ 今晚一行 5 人往力奇宵夜, 9 時多還很爆, 需等一陣才有枱, 來力奇一定是半自助, 阿姐們都忙到踢哂腳, 跟本沒空作招呼, 不過大家也習以為常了. 鴛鴦湯 - 清湯那邊很甜, 甜到過份, 真不知下了多少味精 沙爹則很咸, 唔加湯加清水也由頭咸到尾, 攞胆大西冷牛 - 這碟西冷要 $198, 好老實說 $198 不是吃手切肥牛 而是西冷牛是很貴的, 好在都叫做大碟 和所選的西冷級數也不差, 尚算滑口, 但當然沒鮮牛肉味. 水餃 - 吃下去不錯,

天氣轉冷，同事提議去力奇打邊爐，雖然我經常食火鍋，但貪食既我也沒有say no，於是兩條麻甩佬就坐地鐵往力奇方向去。因為好早來到，大把坐位，自行揀張二人檯坐低。要一個海底椰鍋底，這鍋底固然有海底椰，亦有粟米和木瓜。湯底偏甜，粟米也是鮮甜爽口的，合我個人口胃。打邊爐，牛肉一定唔少得，要一份細既美國肥牛。肥牛完全沒有牛肉味，幸好都幾嫩滑，冇渣，不過不失咁。同時，叫了兩款丸，是手打三寶丸以及魚旦。先講三寶丸，一吃便知是機打而不是手打的，不過鯪魚和墨魚的成份也甚多，都收貨了。魚旦算不上彈牙，同埋我覺得有些少腥，麻麻地。同事就一粒魚旦都唔食。水餃，端上來仍全是冰，咁都放得上檯?!也點了海蔘，尚且有膠質的口感，同事話海蔘腥味好重，我反而唔覺得，還吃了好多件。竹笙好渣，烚兩烚就變晒形。最差係那碟北寄貝刺身，好似擦字膠咁，咬都咬唔開，即使放落湯浸，也無濟於事。食火鍋當然也要有菜，我們要既係生菜。D菜大到好誇張，基本上兩個人淨係食菜唔食其他餸都已經夠飽。不過生菜都幾爽，還可以。埋單五百五十，食物也沒以前出色，唔抵食。但係，門口仲好多人排隊喎！

我們只有三個人, 大概7點去度,仲有D空枱, 七點幾已經坐滿人.今次試左海底椰煲,味道好甜,叫了好多海鮮:鮮鮑魚 : $56 一只, 真係超級好食嫁, 十分好, 必食之選蟶子王: $38 一只,確實好好味小蠔 - $90 有8只, 肉厚好肥美, 滾完唔會縮水. 推介象拔蚌: 很新鮮,好彈牙小肥牛 - 118好似唔抵. 夠肥,發覺OK,,唔錯.蝦滑拼墨魚滑. 蝦滑比較有鮮味,蝦滑係用原隻鮮蝦打成,彈牙,超正必食推介豬肝：很新鮮, 份量很大竹笙,魚肚: 吸晒D湯,好食到暈!食埋湯底既超甜粟米三個人,加埋野飲(一渣酸梅湯+3鑵可樂) 埋單都係$988, 雖然覺得貴,份量卻足！總結：好飽,足料, D野好食, 價錢ok喎，唔介意冇人招呼的服務,自助型式,下次一定再嚟!

見耐無去呢度, 又想打邊爐, 所以尋晚一行5條友仔又返離試吓.七點半到, 唔駛等位(可能係星期四, 所以唔太多人), 坐低照舊自己去執位兼拎豉油, 然後叫個豬骨煲. 仍然係鬼死咁大個煲同鬼咁多野.齊人就叫生料, 慢慢食住等, 點知一食...嘩嘩嘩...成個湯底甜到完全無奶油...味精到你驚呀...再夾兩件野食,點吓d豉油...嘩嘩嘩...又係甜到無可能, 竟然連豉油都落重料, 由呢刻開始, 我地全部人都唔點豉油, 而且亦唔加湯只加滾水. 食吓食吓, 都成十點喇, 發覺仲有4碟野都未到, 而我老友前前後後由八點半左右開始追, 追到而家都反應, 老友A就出去發脾氣喇, 結果比佢鬧兩鬧D野唔駛3分鐘到左, 求其食完走人.呢次食完一定無下次喇, 淨係果堆味精都已經令到我地口都爛呀!

本人上星期同屋企人去呢度食，足足等左兩個幾鐘，等唔係問題，但唔公平地方係佢會比ｄ臺佢ｄ朋友先，佢地係無ｂｏｏｋ　臺嫁，咁派飛有咩用，問佢幾時有，佢一定話無臺，因為要比ｄ朋友ａｒ佢ｄ朋友等兩分鐘，街客等兩個鐘，即使有幾好食，都唔會再去

由於呢間舖頭喺一條極唔起眼既街度，所以我地都花咗一段時間先搵到。大概6點去度，仲有好多空枱，不過到咗6點半已經差唔多坐滿晒，人氣果然好犀利。我地叫咗招牌菜豬骨煲，成160蚊都唔平，不過都覺得物有所值，淨係食個煲都有排食，入面有粟米、蕃茄、大豬骨、雞腳、蘿蔔等等，用料全部都係靚貨，煮得好入味，個豬骨湯底好濃好creamy好味！之後我地叫咗脆魚鯇 (新鮮脆口)、鮑魚 (ok鮮甜)、墨魚滑同蝦滑 (蝦滑係用原隻鮮蝦打成，超正必食！)、黑栢葉 (佢地話好食)、唐生菜 (超甜超新鮮)、手切牛肉 (不過不失)、手切羊肉 (佢地話好食)、魚麵 ( 有魚味唔腥)、炸魚皮 (好脆又唔腥)、貴花蚌 (冇味，全晚至唔好食)。最可惜係蟶子王同北寄貝都冇，冇得試，有啲失望！六個人埋單10xx，價錢ok喎，下次一定再嚟！

力奇嘅象拔蚌、鮮鮑魚、蟶子王確實好好味，但奇怪嘅係佢嘅沙爹湯底都超好味，點解無人提及到？係咪大家都選擇左豬骨煲、元茜皮蛋湯底又或者蕃茄薯仔湯呢？下次都試下沙爹湯底啦！真係超級好食嫁！

與同事一行五人, 點菜如下豬骨煲 - 好多蘿蔔又瓜又粟米咁, 豬骨都有差唔多十件, 湯底濃, 應該有加雞湯同奶之類...有一堆南瓜o係底個湯愈煲愈甜小牛肉 - 一開始見到118好似唔多抵咁但之後泥到之後發覺物有所值, 五個人泥講點個細好夠. 牛肉好軟夠肥夠香,唔錯.小蠔 - 有8隻左右, 半隻手掌咁大(唔計手指喎). 肉厚, 滾完唔會縮水. 推介鮑魚 - 兩隻有8片左右, 唔太抵食.蝦滑拼墨魚滑. 蝦滑比較有鮮味, 都推介.另點了腐竹竹笙三文魚腩豬腰公仔麵烏冬炸魚皮金菇. 都新鮮不過不失.加埋野飲埋單都係160. 抵.7點鐘前入場比較好,叫野唔洗點等一過7點真係好鬼多人.....!