劉森記麵家 (褔榮街)

營業中

休息中

陪同事買完電腦,左望右望都唔知食乜野好,最後見到劉森記,又隱約記得幾好食.於是便入去食啦!由於我不喜歡撈麵,於是叫了牛腩牛筋麵($18).牛腩炆得幾淋,幾入味,湯有濃濃的牛味,只是麵實在有點失色.麵無乜蛋香,更加唔夠爽口,真是升昇打的話就認真失望得透切同事吃的是水餃撈麵,($26)水餃味道一般,唔係特別好食,蝦唔夠新鮮,肉又係無乜味道,皮又煮得唔夠透,有點兒硬腐乳通菜$10,腐乳味道怪怪的,菜又煮得太淋,無晒質感,又快變色,只是勝在夠平免費送的酸蘿蔔都唔算好好食,只是勝在少見哎,聽人講呢間店的食物都唔錯,只是自己吃過又覺得不外如是,唯一可以講的只是價錢唔算貴,講完,多謝收看

劉森記d 雲吞真係好正，雖然我唔食佢地d 蝦子，但係單單係佢d 雲吞都夠號招。先講佢個湯，聽人講過話好勁味精，講真我又唔多覺，味精一定有，但唔係太多。至少我飲幾啖佢地d 湯後都唔會太口乾。雲吞皮其實好滑，煮既時間都岩岩好，唔會因為煮耐左而爛皮。至於 D 蝦，真係好爽，蝦味亦好鮮 !!! 一句講晒 !! 正 !!!!

返學近深水步, 上網見雲吞面好似幾吸引原本係想搵總店架, 但行黎行去都搵唔到搞到就黎冇時間食野先....有分店都照殺啦睇都唔洗睇揀左黑牛栢葉蝦子撈面, 見食評d相真係好正咁男友就揀淨雲吞+淨面, 咁樣食會比叫雲吞面多d雲吞喎價錢又唔係貴好多, 偷下佢d雲吞食都好XD見個個人都食枱上既蘿白, 好奇下又食下d蘿白係生, 唔太鐘意個陣味不過少少酸都幾開胃既周圍既人個個都食好多睇黎幾受歡迎我個撈面係跟一碗湯上, d湯甜甜地都幾香呀d黑牛柏葉應該就冇調過味, 只係淋左d蔥油, 淡淡地食落勁爽口, 不過切到好幼, 點埋辣豉油食真係正蝦子撈面都幾爽口, d蝦子有d腥, 面林左少少, 同埋冇湯好快凍男友個雲吞好似正d, d雲吞粒粒皮薄, 餡又多食落d蝦好爽口, 入面加埋d肉又好香, 連埋d湯食超好味我而家諗返起都留口水佢分左少少面我食, 湯面個質感好似比較好咬下次我都係食湯面好了

維記太多人，先食呢間先不過都要等左陣叫左蝦子雲吞撈同蝦籽牛腩撈蝦子雲吞撈：雲吞普通，蝦籽偏少，最重要係竹昇麵，真係十分之失望，太軟無咬口，同佳記差太遠，點會咁出名ga蝦籽牛腩撈：一樣蝦籽偏少麵又唔得，牛腩反而OK，夠淋夠味唔係差ge，不過唔好lor

蝦子一向是自己所好，尤其在家中煮蝦子麵，定必走湯再狂加蝦子，還要吃數啖便加一次。今次來到「劉森記麵家」，絕對是滿載期望。雖然新舊店只有一街之隔，但在貪新忘舊下選擇了新店，時間雖然尚早，但店內已沒有空桌子，看來生意真的不錯。不用細想便向阿姐點了蝦子雲吞撈麵($28.00)，桌上已放了一大瓶酸辣蘿蔔，但未有碗筷，所以未能即時品嚐。雖然人客不算多，但也等了五分鐘左右才端上來，有餐具後先試一試開胃小食，味道酸中帶點辛辣，蘿蔔爽而多汁，味道比中環水記的優勝。再來便是主角出場，先呷一口湯，「唔？！」‥‥喉頭感到有點灼，心中不禁懷疑，撇開心中疑問，再呷多一口，雖然有濃郁的大地魚，但仍然是中環的麥奀記精彩一點。雲吞屬中型，皮薄透明，只是餡料不夠精彩，蝦與豬肉沒有鮮味，只算是中規中舉。撈麵上鋪滿蝦子，份量沒有欺場，當想撈勻蝦子與麵時，發覺麵條還未有煮散，亦有點乾，只能「一餅一餅」地上下擺動，頓時令我有點不知所措。在沒有選擇下，只能「一餅地」放進口裡，麵夠彈牙，鹼水味不重，可惜沒有麵香及蛋香，與及太乾身，要馬上為它添一點湯。蝦子雖多，卻吃不到很重的蝦子香味，最起碼比起家中的那樽蝦子比較下是這樣。新店地方光

褔榮街成條食街咁多食肆....要諗食邊間都幾煩惱....見到劉森記..好似幾得..一於入去試試...淨雲吞:$18有8隻.....雲吞唔會話好大隻..size 適中....蝦同豬肉既比例亦恰到好處......不錯...蝦子撈麵:蝦子份量足.....好香..唔會話好腥 竹昇麵底果然名不虛傳....好彈牙..明顯比其他麵店更勝一籌.... 湯底清甜..有濃濃的大地魚香......讚!!!!下次一定要試黑柏葉蝦子撈麵

個個都話佢的竹昇面一流, 我完全唔覺wor. 食左水餃湯面, 個面細到.....仲要冇味, 係個水餃真係唔錯...同d 酸羅白好食. 我食左好多!!我見到好多人食蝦子撈, 可能佢地的focus 係蝦子撈度, 湯面就一般la, 其實要真正食得出d 面靚唔靚, 唔係應該食湯面咩...阿姐o既服務好好, 睇得出佢地敬業學業的精神..

How coincidental that I had to visit this area for work when I wanted to try 劉森記 again after a few years of absence. From memory, 劉森記麵家's specialties are its 兵乓 sized and slightly 'rough' Wontons and Dumplings.Ordered this time in the 分店, 雲吞蝦籽撈麵:雲吞 - As remembered, very good indeed and super big sized Prawns seemed a bit unnatural in taste and texture, but still good, bit of pork and lard. There's also 蝦籽 within the wonton, which gave it that extra dimension. The Wonton Skin was a bit over-coo

深水埗美食搜尋記最後一站係以竹昇麵聞名嘅「劉森記」，總店與分店只係隔幾條街。今次筆者就走咗去位於福榮街嘅分店。正值晚市，門外已有等候人士，幸好部分係外賣，經服務員安排下，筆者被安排到舖面一角。既然以竹昇麵馳名，筆者二話不說叫了蝦子撈麵加雲吞。等了大約十分鐘，撈麵與清湯以呈上。筆者首先試一試湯底，發覺味道清甜，証明豬骨湯火喉足夠。另外，筆者發現湯中有一股鮮味，相信除咗湯底落足豬骨料之外，大地魚亦唔少得。單憑湯底來說，實在冇甚麼地方可以彈。雲吞共有三粒，體積稍大於廣東傳統雲吞大細(標準者以一粒一口為準)。雲吞皮夠薄，裙腳畸少，餡料比例均稱，有河蝦嘅爽脆及肥豬肉嘅鮮甜。要吹毛求疵嘅話，河蝦肉嘅鮮味略為單薄了一點。以十分為滿分，整個雲吞連湯底起碼有八分。輪到蝦子撈麵，看外表竹昇麵滿佈蝦子，十分慷慨，只可惜入口蝦子味若有若無。麵條雖算彈牙有口感，但食落總係欠缺些甚麼似的。比起日前於澳門皇冠小館食過嘅蝦子撈麵，蝦子味濃郁，充滿整個口腔，麵條彈牙但又唔會難於消化，水準相差幾班。有比較，方知皇冠蝦子撈麵嘅出色。除咗食麵之外，千祈唔好錯過呢度自家製嘅酸瓜、蘿蔔。做法雖然簡單，但現今好少舖頭都肯做，而且係

呢度實在係超水準麵家, 難怪食極都唔厭!!淨水餃~ 大大隻, 足料到爆, 蝦又大又爽口, 應該名為"一級水餃"吧!! 淨雲吞~ 足料蝦子包雲吞, 仲要皮薄餡靚, 毎一口都食到好香蝦子味!!蝦子牛筋腩撈~ 勁多蝦子舖o係麵上, 一定要加埋低層腩汁一齊食, 牛筋煙煙韌韌入晒味, 牛腩入晒味之如又淋!!!食完仲要買兩盒生雲吞返屋企....

要在深水埗「駐守」兩個月，向好方面看... 便是大有口福了。深水埗的食物除左平，仲係夠「地道」。所以，現在滿腦子都是食肆。在第二天進駐深水埗後，湊巧便見到「劉森記」。好，那我便定了深水埗美食大計的第一擊 -- 便是「劉森記」了。叫左個雲吞蝦子撈: 雲吞唔係全蝦，有豬肉饀的 ~ 但都叫做彈牙，水準屬中上。而個湯都係用大地魚餚的，都頗鮮甜但唔夠麥文記的了。而個蝦子撈呢，雖然係 OP 睇到 D 相，但真係好 Surprise 佢有咁多蝦子係面囉。如果喜歡蝦子的話，咁一定要去試。不過，佢 d 蝦子比較多，可能係多左少少，所以都有少少腥。唔受得蝦子的食家要留意了﹗而 d 麵既鹼水味唔重，同埋唔會太硬 ~ 麵條下面有很多菜舖底，所以唔洗再叫多碟油菜了。埋單 $28，深水埗第一擊就此完結。

黑柏葉蝦子撈麵$28、腩汁撈麵$15，麵質很好，夠爽夠幼，可是蝦子不能與澳門比較，但是麵質就很好，煙煙靭靭，可能是竹昇麵關係，真係是水準很高，黑柏葉很爽口林身，但味道偏淡，沒有太多的味度，而用來撈麵的湯充滿了大地魚的味度，很好，雖然有一點咸，黑拍頁。腩汁撈麵也是一樣，麵質水準很高，不錯。值帶一提是這裏的酸蘿蔔醃得十分出色，而且也符合了魚蛋粉店要有醃蘿蔔的傳統，現時絕大部份的粉麵店，因為成本關係都忘記了這個規舉，除了傳統外，醃蘿蔔也醃得很出色，有蘿蔔、青椒、紅椒，不太辣也不太酸，很好食，更而且是免費，正！http://icuteee.mysinablog.com/index.php?op=ViewArticle&articleId=1606840

蝦籽炸醬撈麵：炸醬好好味呀～勁多蝦籽，難怪一個劣評都冇*0* $28@水餃蝦籽撈麵：同事推介～果然係好好味呀ｄ水餃，不過得２大隻>< $28@芬達橙汁6蚊~檯頭仲有樽醃蘿白任食, 又幾好味喎~唔太酸~就咁食唔錯~ ^^下次試下鵝腸先~ 同檯有個男人走黎嗌"蟹"籽撈麵, 落單阿姐又跟佢話蟹籽撈麵喎XD 後尾睇住餐牌先讀返蝦籽XD 個男人又好唔慣咁跟佢讀返蝦籽XD

行開深水埗睇完公仔,係食野嘅時侯啦!女友話劉森記啦!上網睇過話掂呀!咁咪試下囉...一去到就有位,叫個黑柏葉鵝腸啦!(黑柏葉賣哂)咁淨腸囉= = 再黎水餃虾子撈,好似唔係好夠食,咁叫多個薑蔥撈.淨鵝腸-------->我覺得都應該係鵝腸黎嘅,雖然唔係好肥大.鵝腸只要新鮮都冇話難食嘅, 不過佢似係冰鮮,因為係白卓,所以d豉油ok,咁就ok架啦.水餃虾子撈-->水餃得兩隻,真係估佢唔倒,不過都好大隻,食落同十蚊兜嗰d唔係相差好遠.個湯可以飲佢.d麵就真係爽口彈牙,正!加左虾子比較乾身,如果張枱有樽蚝油就好啦薑蔥撈麵----->呢碟野先食倒佢d麵有幾好食,不過我覺得如果有得比我自己加蚝油,可能會仲好食.總結:其實價錢都唔係平,但佢d醃羅白好好食,食多幾粒補數

想起呢間好多人讚的麵店未幫襯過，呢日特登行來呢邊試試，唔記得舊舖的地址，只記得有一間福榮街，原來新舖就人氣豬膶麵店附近，行到埋去，原來呢間都要排隊等位，好彩都咁使等太耐。見過有地方介紹過呢度d水餃，即叫一個水餃蝦子撈麵試試。一端上來，水餃係放在上湯上的，賣相對辦，係有條長尾嘅傳統水餃，不過只得兩隻，似乎少咗d。個麵就鋪滿蝦子，看上去似乎乾了點。食落呢，d水餃幾爽口，個麵就真係太乾喇，要倒湯上去先冇咁乾。蝦子冇錯係多，不過可能自己唔係好喜歡食蝦子，所以覺得冇乜特別。試過一次就夠啦。如果下次再來，希望試吓呢度d鵝腸同黑柏葉啦。