153
65
17
開飯介紹
蝦子、竹昇麵及未經漂白的黑牛栢葉是招牌，餐桌上的醃蘿蔔同樣受歡迎，爽、脆、香，不可不試。
繼續閱讀
營業時間
今日營業
12:30 - 22:00
星期一至日
12:30 - 22:00
以上資料只供參考, 請與餐廳確認詳情
食家推介
相關文章
今日就去到深水埗區搵食，決定食呢一間好出名嘅劉森記麵家，地址位於深水埗福榮街80號地下呢一間舖頭有60年歷史，係米芝蓮雲吞麵嘅老店 都唔使排好耐隊都入到去，大概5分鐘到由於一早已經睇定個餐牌嘅關係，我今日就叫咗牛腩牛筋鵝腸蝦子撈麵 決定咩都試吓幼麵食落口非常彈牙，配埋滿滿嘅蝦子，配搭簡直一流，蝦子鹹香而不漏！個面亦都唔會有嘅鹼水味，值得一讚牛腩同牛筋都炆得好入味，非常腍，醬汁嘅味道配搭上亦都做得好好 配埋蝦子麵食，非常match!鵝腸，我就覺得不過不失，冇乜太大驚喜
繼續閱讀
依間老店已經有好多人推介 喺深水埗有好多間傳統老店，佢係其中一間必食的。車仔麵檔咁樣自選唔同嘅配搭，佢比較出名係蝦子撈麵。有好多出邊食唔到嘅餸菜，例如鵝腸，蠔油冬菇， 黑柏葉等等。蠔油冬菇超入味，相信佢用心煲咗好耐成舊冬菇都好濃味。 份量都非常之足，蝦子好似唔駛錢咁樣，落左好多。 每一個餸都會比足夠嘅份量，如果女士們比較細食，建議同佢哋講要少麵。枱上面仲有免費嘅酸菜蘿蔔，酸酸甜甜好開胃，就算要俾錢我都覺得值得。 總結來講，平靚正
繼續閱讀
唔知係咪我要求太多, 水餃撈麵, 免剪, 唔要蠔油腩汁, 淨要熟油。 5分鐘後碟麵上檯(見圖好似幾好, 相機問題), 一睇啲麵已經較平時脹身, 咬落軟冧冧, 摷開仲見有幾條唔知係上幾多手响淥面水留低嘅粗麵, 似乎係無跟柯打, 搞錯再將啲麵翻淥, 徹底洗淨後撈渣上碟(唔怪得幼中有粗🙈), 不過阿姐話無搞錯, 我又見唔到痕跡, 結果係咁意食兩啖就放棄, 假若真係竹昇麵, 咁搞法, 不如丟咗那碌昇算了, 免得浪費功夫。同樣情況, 一個月前响中環某老牌粥麵專門店遇過, 不過由於無洗乾淨啲蠔油, 加上翻淥嘅麵必冧無疑, 反映之下阿姐二話不說重新淥過另一碟麵, 我覺得呢啲先係麵店應有嘅負責態度。
繼續閱讀
基本上過完去電子特賣城，都會心思思過嚟食完蝦籽撈麵，你話佢係咪最好食，我諗都未必，但至少每一次見到個麵上面鋪滿曬蝦籽，個人都即刻心花怒放坐低見到menu就咩都好想食，好彩下午唔係好多人，唔洗等位，咁就叫個牛柏葉蝦籽撈麵，唔夠再食雲吞啦落單食幾粒酸蘿蔔開胃先，一如既往咁脆咁酸咁好食。兩三分鐘之後即刻有得食，一上枱依舊驚艷我，到底啲蝦籽係咪唔係錢？🤣牛柏葉唔會灼得太耐，麵爽口，略顯鹼水味多咗少少，食完牙仔感覺唔係咁好(唔知有冇人明果種感覺😂雲吞就唔落，唯有下次再嚟啦
繼續閱讀
想必在深水埗待過的人都會認識劉森記麵家，一家非常傳統的港式麵店，主打是蝦子撈麵，今天就讓辣椒紙🌶📝試一試。-___________🏖餐廳環境🏖___________今次於晚餐時段光顧，雖然門口很多人，但不用等位，直接就可以坐下了。店鋪坐位不多，基本上是圓枱，需要跟其他顧客一齊搭枱，疫情下會有透明板隔住，衛生情況尚算可以。-_____________🍽食物🍽_____________🍜蝦子雲吞薑蔥牛肉撈麵 $60推介指數 ■■□□□等了約五分鐘，食物便陸續上枱了，上枱時給滿滿的蝦子震懾了眼睛，薑蔥牛肉看似分量也不少，3粒雲吞另外用湯盛住。但吃了兩啖便徹底失望了，牛肉肉質非常韌，有一塊基本上是咬不開，牙齒與牙齒之間佈滿了肉碎，影響進食心情。雲吞質素正常，細細粒的，不算太大驚喜，雖然生麵是有著蝦子的香味，但在深水埗要價60元，沒想到是吃了一碗這樣普通的麵。-🥬白灼芥蘭(全走) $20推介指數 ■■■□□因為叫了全走的關係，芥蘭顏色黃黃暗暗是正常的，莖比較粗，要讚它的是連油份都走得很徹底！-___________🥂醬料🥂____________因為是次辣椒紙沒有叫任何飲品，而通常舊式粉麵舖都有自家製的辣椒油或辣菜脯等等，所以不如就談談他的醬料吧！-辣醬推介指數 ■■□□□完全不是桂林辣椒油的風味，是普通到最普通的豆瓣醬，有點失望。-辣椒豉油推介指數 ■□□□□用來點薑蔥牛肉之用，一個字”咸”，就是很普通的將指天椒和生抽混合，一般人在家都能做到。-_______🌶辣椒紙總結📝__________整體：🌶🌶環境：🌶🌶員工：🌶🌶食物：🌶🌶(滿分為五隻🌶)-總結， 可能辣椒紙🌶📝抱的期望實在太大了，在深水埗收這個價位，實在是用他的名氣和品牌堆砌出來，並不是用食物去取勝，所以就今次的用餐體驗上，我不太會推介給大家。如果真的是未試過但對劉森記很有興趣的朋友，可以一試無妨，也許今次只是個別例子，試試其他餸可能有不錯的味道。-______________________________📍劉森記麵家(褔榮街)深水埗褔榮街80號地舖人均消費：~$80-______________________________#港式粉麵 #蝦子撈麵 #雲吞 #薑蔥牛肉 #852 #hkfoodlover #hkfoodie #foodiehk #foodie #hkblogger #hk #hkig #hkeat #hkgirl #mschillipaper #為食辣椒紙
繼續閱讀