劉森記麵家 (褔榮街)

營業中

休息中

先幾日去過, 食都谷氣, 因為幾多人, 等位等食物超耐 今次好好多, 唔使等男友揀左牛肉撈麵, 而我就食魚片撈河D麵真係好爽口, 份量都大碟

上次到來已是這店未經食家及報章泛濫的報導。這次重臨此處﹐已見到這裡所有餐廳經傳媒宣傳後的效果﹐就是質素以不如前。是日來到以見不到長長的人龍﹐店內亦不坐滿顧客。食物點了蝦子雲吞撈麵及蝦子柏葉撈麵。蝦子雲吞撈麵 - 雲吞一共三粒﹐是與麵分開上﹐因而蝦子不會被湯沖走到碟底而吃不到。蝦子當日已沒有之前那麼多﹐不知是老闆吩咐或是店員徐意地灑上少許了事。麵質亦不太爽口和整碟麵條黏在一起成一塊麵餅﹐要用筷子弄開才能吃。雲吞餡料內混了蝦子﹐因而味道還算較其他店鋪香。蝦子柏葉撈麵 - 麵質與蝦子份量與雲吞撈麵一樣﹐雖然已有薑蔥﹐但柏葉還帶有腥味﹐質素與之前退步很多。舊時想起蝦子撈麵總會想起這處的出品﹐但徐著傳媒泛濫報導下令質素下降﹐下次將會尋覓另一間﹐不會尊程到此再試。

昨晚8點終於同男友試到呢間出哂名既鋪頭,鋪頭坐滿人,要搭台,好迫下,但一般麵家都係咁,所以都無所謂,黎得都係食野,無預坐得舒服自己叫左蝦子撈麵($24)男友叫左雲吞麵($18),本來佢想要埋腐乳通菜同五花茶,但已經賣哂,8點已經賣哂,真係好誇張,建議補貨補密d等左8分鐘就上蝦子撈麵,.蝦子超多,有d香味,但有d咸,底層仲有芥蘭,麵又好多,無;木見'水味,好有咬口,附帶的湯無味精,幾清甜,唔錯男友就話雲吞算大粒,有蝦味,不過因為無通菜同五花茶,所以唔太開心,下次未必到,我覺得都可以試下既

昨晚8點終於同男友試到呢間出哂名既鋪頭,鋪頭坐滿人,要搭台,好迫下,但一般麵家都係咁,所以都無所謂,黎得都係食野,無預坐得舒服自己叫左蝦子撈麵($24)男友叫左雲吞麵($18),本來佢想要埋腐乳通菜同五花茶,但已經賣哂,8點已經賣哂,真係好誇張,建議補貨補密d等左8分鐘就上蝦子撈麵,.蝦子超多,有d香味,但有d咸,底層仲有芥蘭,麵又好多,無;木見'水味,好有咬口,附帶的湯無味精,幾清甜,唔錯男友就話雲吞算大粒,有蝦味,不過因為無通菜同五花茶,所以唔太開心,下次未必到,我覺得都可以試下既

因為之前已經先去長發食左弄豉油王撈麵但朋友說剛食唔飽,所以我就同佢來這食第二餐lunch來到時人不多,我和朋友找了位子坐下,我點了蝦子薑蔥黑柏葉撈麵,朋友點了蝦雲吞撈麵我還食了他們枱上的酸蘿蔔,這個酸蘿蔔很好食酸酸辣辣又爽脆"正"而他的蝦子薑蔥黑柏葉撈麵,黑柏葉剛剛好熟很好食,可惜....佢D麵可能因為我同朋友都係食完豉油王撈麵先再來食,完成食唔出佢D都有味同佢D麵都唔煙un彈牙

午飯時間，正當大家躊躇到那裡吃飯，大家也沒主意之際，大家都在等人出主意，最終我提議去吃雲吞麵。深水埗一帶，「劉森記」名氣手執牛耳（「劉森記」以竹昇麵掛帥，不過我既沒有吃過竹昇麵，也沒到過「劉森記」，因此很有興趣試試）各同事如釋重負，大家就向「劉森記」進發。我們一幫人走到福榮街分店，未到午飯的黃金時段，店內已擠滿了人。我們在店外約等了十分鐘左右，終於有位，不過因為我們人太多，始終要分兩張枱坐。坐定，稍為看過一下餐牌；不過第一次來，怎樣說也應該試試這裡的名物---雲吞麵，於是我叫了一個雲吞蝦子撈麵。醬料旁放了一瓶酸蘿蔔，其他幾位同事沒什興趣（其實我對酸菜之類也不太有興趣，可吃亦可不吃）不過既然來了，怎麼也夾數棵試試味道。酸蘿蔔小小的一罌，內裡裝滿了漬的白蘿蔔，還有幾块紅辣椒。因此能想像到蘿蔔會帶辣。先夾數棵（也不敢夾太多，生怕太辣，受不了，浪費就不太好了）吃起來很爽口，頗酸，帶微辣，的確越吃越來勁，越吃越想吃，不過小吃多滋味，吃了這幾棵，的確令人添了胃口（有說這是舊式雲吞麵店的傳統，於些酸蘿蔔，希望客人吃了，胃口大開，會多點些食物）蝦子撈麵蝦子撈麵及雲吞沒多久就送來了，撈麵及雲吞分上，撈麵

今日係SSP做完野要趕住去柴灣，但我又實在是非常肚餓，結果都係決定食左個lunch先。發現自己多次經過劉森記都係過門不入，所以今日特登入去試下。個時大概12:45到，入面都坐左不少人，好彩我係自己一個人，所以好快有位。想了一陣要了個蝦籽雲吞撈麵，索價$28，都唔算特別平。等了大概8分鐘到就黎到啦，一睇感覺份量唔算大，一個人絕對食得哂! 得 3 粒雲吞咋，我心諗如果多多一兩粒就好啦，而家感覺份量真係少左D。不過個麵的確唔錯既，有咬勁，夠哂煙UN，唔會太淋或者太硬。面頭有超多蝦籽，不過味道好似唔夠香濃，而家雖然夠多，但感覺淡左少少。個湯都好夠味，唔會覺得係味精既味道，撈埋一齊幾好食。最好食係個雲舌，入面隻蝦超大隻，又有蝦味，另一半既豬肉餡都好食呀。麵底有D菜心，可以調和下幾好。雖然份量唔大，但味道又的確唔錯，都會願意再來吃的。

是日溫習完畢大約六點左右便去食夜晚果餐其實都想去好耐啦,間野試過一次之後就忍唔住要係咁去呢次都係唔變啊餃子撈粗麵,加碟菜都係34咋,我覺得好抵食最緊要係d麵配合個湯撈完之後食完想叫多次;D但已經好飽,因為份量好適中,剛剛好果日滿載而歸回家去了=]

幾天前和女友到此一嚐蝦子撈麵系列。我叫了蝦子牛腩牛筋撈麵，她叫了蝦子魚蛋魚片撈麵。以$28的撈麵來說，分量可謂不少。麵和牛腩算多，當然還有聞名的蝦子鋪滿了麵，麵底又有數條菜心，女士未必可以吃光。分項評價如下:- 蝦子: 多，算香口- 麵: 正常，軟硬度可接受- 牛腩牛筋: 牛腩比牛筋多，入味，算「林」- 菜心: 一般灼菜味道，多- 魚蛋魚片: 無試，但女友無意見，應屬不過不失- 汽水: $6一罐算合理總括而言，無驚喜無失望，質素與價錢相乎。

星期六，吃午飯的時間比較充裕，有時大家也不介意走遠一點去找好東西食。有人提議吃麵食，在深水埗區身一時間會想起維記，不過顧及有些不吃內臟的同事，去劉森記會較為適合。來到這裡，就一定是吃蝦子麵，毫不猶豫要了蝦子牛筋腩撈麵，同事們每人也是要了蝦子麵，分別配雲吞同埋黑柏葉，另再加一碟菜心。吃麵前，當然就先要嚐泡蘿蔔，其實還有紅、青辣椒，不過本人則偏愛其蘿蔔，口感爽脆，甜酸味俱備，相當的醒胃，與灣仔永華麵家的泡蘿蔔同樣的有水準，每次來也起碼要吃一小碟。撈麵送上，舖面的蝦子好像沒以前的大堆頭，但份量仍屬很多。麵是比較乾身，吃起來是爽口又彈牙，配合咸香的蝦子一定是好吃，如果油可稍稍放多一些，效果會更出色。再吃旁邊的牛筋腩，腩位也不韌，又入味，牛筋更加是充滿膠質感覺，滿意。試了些少黑柏葉，爽而不韌；而無緣吃的雲吞，據報也是皮薄肉鮮，沒有失手；菜心是翠綠且很粗大的，卻沒有太硬，點上蠔油吃，很快可以清碟。是滿意的一餐！之後女的去買衣服，男的就逛鴨寮街，稍後再在糖水舖集合。

我同朋友T 好鐘意黎深水埗食野, 次次都係食劉森記--> 公和--> 呠仔糕黎左咁多次終於今次忍得住係食之前影張相 蝦籽雲吞撈麵好好食呀真係超多超多蝦籽. 雲吞又足料又香又多肉汁. 個麵較一般的麵彈牙, 而且最重要係完全無鹼水味!! 個湯都不得不提好有肉味同蝦籽味. 鐘意食菜既我當然都好欣賞佢送既足料菜心

去黃金, 想醫下個肚本想食譚仔, 但因為之前一日食過米線於是試下劉森記雲吞蝦子撈麵$28檸檬茶$5雲吞3 粒, 好細, 豬肉蝦肉各半, 但蝦肉真係幾爽, 亦如其他食家所講, 唔重鹼水味蝦子幾香, 口感都不錯同好濃味麵條係竹昇麵, 門口有講製造方法, 大概真係咁樣好爽口, 又唔會撈埋一舊舊不過呢度既份量, 對於本人真是十分不足夠下午茶勉強可以, 但當午餐的話可能吃三個也不足夠

從店舖外面, 一間很普通的麵家. 走進去, 見到每張枱都放了一瓶酸瓜. 真是很特別. 好, 待一會話你知酸瓜味道如何.坐下, 我們點了以下食品:1. 冬菇雲吞麵2. 蝦子水餃撈麵3. 淨薑蔥鵝腸1. 冬菇雲吞麵 - 兩粒冬菇大大的, 吃了一口, 很厚的冬菇肉, 而且還有很多冬菇汁, 煮得很入味. 至於雲吞方面, 蝦很大隻, 吃起來也很爽口. 2. 蝦子水餃撈麵 - 整碟撈麵都鋪滿蝦子, 吃起來很香, 蝦子很彈口. 水餃就如雲吞一樣用上了大大隻的蝦仁, 口感非常.3. 淨薑蔥鵝腸 -雖然我們叫的是細碟, 但份量要兩個人去解決它實在有點吃力. 鵝腸煮得很爽口. 好了, 到了特別酸瓜了, 蘿蔔很夠酸, 而且配合辣椒的完美天作之合, 酸中帶微辣. 用來吃擄麵或湯麵也非常好.

今日同朋友來, 個個都要蝦子撈;我扮晒有性格, 齋食水餃撈.另當然唔少得食返半樽蘿蔔喇水餃有4 舊, 非常之正, 入口d 雲耳勁爽, 一流.麵方面, 蠔油過多, 太咸, 用清湯都沖唔晒, 老闆下次輕手d 呀~麵仍彈, 冇得頂.

陪同事買完電腦,左望右望都唔知食乜野好,最後見到劉森記,又隱約記得幾好食.於是便入去食啦!由於我不喜歡撈麵,於是叫了牛腩牛筋麵($18).牛腩炆得幾淋,幾入味,湯有濃濃的牛味,只是麵實在有點失色.麵無乜蛋香,更加唔夠爽口,真是升昇打的話就認真失望得透切同事吃的是水餃撈麵,($26)水餃味道一般,唔係特別好食,蝦唔夠新鮮,肉又係無乜味道,皮又煮得唔夠透,有點兒硬腐乳通菜$10,腐乳味道怪怪的,菜又煮得太淋,無晒質感,又快變色,只是勝在夠平免費送的酸蘿蔔都唔算好好食,只是勝在少見哎,聽人講呢間店的食物都唔錯,只是自己吃過又覺得不外如是,唯一可以講的只是價錢唔算貴,講完,多謝收看