劉森記麵家 (桂林街)

營業中

休息中

每一次經過也沒有進去嘗試，今日沒有選擇新派的小店決定試試這間老字號吧,原來它在這裏都屹立了60多年。.「劉森記」是老字號了，但它的人氣還不到需要大排長龍等候多時才能一償宿願的地步，不過店內倒是幾乎座無虛席，想要找到座位還是得眼明腳快，看有人吃完離席立刻自行見縫插針，我們這次來大概等了三分鐘就有座位啦.👉🏻蝦子雲吞薑蔥牛肉撈麵 $47一上枱蝦子鋪滿整個撈麵每一粒蝦子也十分明以看上去麵條顏色非常金黃食落有彈性及爽口配上薑蔥更加減少麵條的鹼水味另外牛肉不像外面的沙嗲牛肉一樣肉質偏腍身每一口也不用費勁去咀嚼,點上豉油更好吃。「劉森記」有個免費醃蘿蔔啊，蘿蔔很脆很爽口，酸酸甜甜讓人忍不住係咁食，你地記得試下啦到時。.比招牌必點的蝦子撈麵深得我心，至今都還記得它的味道呢！

去分店要排隊，行過隔離舊舖剛好有位， 雖然坐得好迫好難受，想到有美食搭救都算啦，食咗幾粒泡菜，不太脆，兩人要咗兩碗撈麵和油菜，菜先上又老又鞋，(真的不要叫菜,好難食，上面仲掛了幾條麵)再嚟上蝦子水餃麵，水餃得兩隻，蝦子麵一啲味道都冇，跟住黑栢葉蝦子撈麵也上了，黑栢葉完全唔係之前喺其他麵店食的那麼爽脆，得個名完全名不符實，感覺好伏。 真心不好食， 真係食碗車仔麵冇咁嬲😖

Even though I went on OpenRice to see what dishes were recommended, I struggled to choose what to try since everything was in Chinese 😅 The waitress was really nice though and explained what the some of the different dishes to me which was really nice of her and I ended up choosing 蝦子牛腩牛筋撈麵. She even told me that I can get some pickled carrots from the jar on the table. The dish consisted of beef, beef tendon, noodles, and Chinese broccoli. It also came with a bowl of soup. The beef was on the c

平時都好少機會過嚟深水埗, 呢晚知道唔使OT, 約咗個好耐冇見嘅朋友, 佢咁岩又話要過嚟深水埗買過年野, 所以就順便喺呢一帶搵食。 八點行完玩具街, 一街都係食店, 茶記糖水... 咩都有, 一眼望見呢間麵店, 朋友已經指住話呢間好多人排隊, 一於試試佢☝🏻 門口有幾張櫈俾人排隊坐, 呀姐叫我地坐低等, 大概等左5分鐘就有位✌🏻朋友讚呢度蝦子出名, 我叫左個蝦子牛筋牛腩撈麵, 朋友叫咗個蝦子魚蛋魚片撈麵, 一人一支豆漿😋🍜蝦子牛腩牛筋撈麵: 睇見d蝦子蓋過晒啲麵 🤩🤩 個麵係有水準嘅, 好味👍🏻 唔嫌地方逼夾, 坐得冇咁舒服的話, 絕對可以再嚟!

粉麵店在香港有很多，但做到好味而有特色的卻不多。今次來食的就是有其特色之處的美味粉麵。一坐下便陸陸續續聽很多人叫了不同款式的蝦子撈麵，相信一定是備受好評。於是我們選擇了一個蝦子薑蔥鵝腸撈麵和一個鮮蝦雲吞麵，充滿期待。每檯均放了一大罐醃蘿蔔，在等上菜的期間便夾了一碟試試。蘿蔔非常爽口，酸酸地好開胃。蝦子薑蔥鵝腸撈麵一見到就覺得賣相十分吸引，蝦子伴著撈麵令口感更加豐富，而店家自製的竹昇麵有爽脆的口感，只是食這兩樣已經覺得很好味。但最驚喜的是鵝腸，非常爽口嫩滑，點上辣椒豉油，很滿足。鮮蝦雲吞麵試了撈麵，湯麵更突出了麵的質感。而鮮蝦雲吞的餡料鮮美，真可謂是皮薄餡靚。總結蝦子，撈麵，雲吞，鵝腸，這些都是我心目中的必試食物。因為店舖人流轉得快，所以基本上都很快有位，大家不妨試下。

深水埗一向大家都知有好多食店，無錯，確係有好多食店，但我從來都覺得無乜邊間特別好食，就算係出名既食店好多間去完都覺得普通甚至係麻麻地。唔知大家認唔認同我既見解呢？今次有事去到深水埗，所以決定去食呢間好出名既劉森記，而2019年既米芝蓮指南更加重新入選推介類別，究竟好唔好食？呢間重獲米芝蓮推介既麵店，我覺得無其他人講得咁好食， 佢地既名物係蝦籽撈麵，圖中就係蝦籽牛腩牛筋撈麵 ， 蝦籽最重要係咩？要夠香，但呢間既蝦籽食落係冇味，麵條亦都好淡味，有點乾身，未算特別爽口，牛腩水準一般，食落帶點韌，有點失望哦！劉森記最近聽聞灣仔開分店，唔知質素會係點呢？

老字號麵店，聞名不如見面，想不到假日非繁忙時段仍全場滿座，不用等到打卡時候先多人，咁就叫做有實力。份量多，味道好，夠哂誠意。醃蘿蔔 免費 向來都不太喜歡這些醃蘿蔔或蕎頭，但同行姊妹再三強調正，就試試，一試真係停唔到，味道酸酸地，但無時常食到個種酸帶苦澀味道，非常開胃清新又爽口，必食。牛腩牛筋撈麵 $38個人偏向喜歡撈麵，就點了撈麵，竹昇麵因加鴨蛋變得又香又夠彈牙爽口，份量多，中間剪了麵更方便食。腩汁牛味濃，牛腩唔乾唔肥，牛筋彈口。

八點幾去到已經冇曬酸蘿蔔， 鍾意食嘅千祈唔好夜晚去。主菜蝦籽牛筋腩撈麵， 居然比啲頭頭尾尾你， 又硬又難食 ，成碟食淨一半。 畀錢嗰陣時我同收銀講你哋好趕住收工咩？比d咁野客人食， 雖然我知唔關收銀事！但真係不吐不快。就好似叫燒味飯食咁樣 ，如果個廚房全部斬啲雞背脊同頭頭尾尾畀你 ， 畀著你都火滾啦！ 劉森記好多人捧場 ，好多遊客慕名而來 ，但水準每況愈下。我明白你哋每日出幾百碗麵好難每一碗都保持水準，但對於個客人黎講就係佢面前果一碗，如果仲係用呢d方法去賺錢就遲早做到個招牌臭曬。

前天下班要去深水步，當然去吃劉森記啦。.還是愛老樣子點這個，十年如一❤️蝦子筋腩撈麵，蝦子很香，筋腩也炆得肉很軟很入味，但.. 麵底好像沒以前彈口的感覺，好像差了那麼一點點.還有就是來這當然還要吃酸蘿蔔～不知道是不是每個人來都這樣想，酸蘿蔔被吃太快，好像醃得還不夠入味，不夠酸耶👉🏻👈🏻希望下次來會吃到夠酸的醃蘿蔔，這可是我平常想來這家店的一大 原因😂.#hongkong #poyeefoodie

去親深水埗都一定會食劉森記，指定動作！但真係無奈，好味嘅只剩下醃酸蘿蔔！而指定食嘅牛筋牛腩河，一次比一次差！每一次都同自己講：「佢今次失手啫」！點知近呢4次，次次都失手！我同店員講牛筋仲硬嘅、牛腩又係未林，店員回應：可能係未煮夠。（係咯，未煮夠仲出俾人食？未煮夠係換俾我定點呢？）答案係：小姐你食唔到？咁仲要唔要？轉頭同3位等位女士講，3位呢邊坐！店其他枱都仲有位，而行剛行入嘅3位女士又唔係無其他位選擇，劉森記，你搞咩呀？你咁做生意同趕客無分別咯！

之前食過幾次，蝦籽雲吞湯麵都好食 ，不過湯麵嘅話d蝦籽只會浸晒落啲湯度，就會食唔到d蝦籽味，不過佢哋嘅雲吞都幾足料蝦肉好彈牙👍🏿👍🏿個人比較鍾意撈麵，而且仲可以轉粗面，粗面總比幼麵更加彈牙有口感。下面呢一碗係牛腩牛筋撈粗麵，蝦子嘅份量真係好多，大家都可以見到，而且撈麵嘅調味啱啱好，唔會太咸亦都唔會太稠，唔會漿住個口😂😂😂不過牛腩就比較碎， 好彩嘅係炆得好琳好入味，牛筋都好琳，同埋其實份量都好多。另外值得一提嘅係，餐廳枱面會有醃蘿蔔無限供應，酸味味好開胃。

突然間想去深水埗買芝麻糕，於是順便在附近食埋午餐。呢間店12點度仲冇乜人，見評價唔錯，决心一試。坐低就即刻有侍應上來問點咩，效率高😅⋯⋯叫咗招牌蝦籽撈麵，加7蚊有支五花茶，幾抵👍🏻蝦籽麵份量唔算多，分三层。第一层係蝦籽，鋪滿成碟，可見好評並非浪得虛名；第二层係竹昇麵；第三层係灼菜心。另配一碗麵湯。蝦籽豐富，拌入麵中，與麵身結合，每一啖麵食落去都令成個口腔都充滿粒粒蝦籽，幾正👍🏻不過似乎味道略淡。菜心可能因為當造，也十分清甜。支五花茶就冇乜味，不過7蚊而已，當水飲都ok。整體感覺不過不失。

有時想食簡單啲，就諗起深水埗呢一間老店，佢有幾間分店，咁今日我哋經過呢間，見到唔係太多人排隊喎，於是就入去食啦。叫咗最普通嘅雲吞麵，係等碗麵黎之前當然要食下鋪頭秘製嘅醃蘿蔔，醃蘿蔔酸酸甜甜，好開胃，每次黎我都會食一碗！雲吞麵嚟啦，先試一試個湯，湯底非常清甜，唔會有鹼水味。雲吞麵係竹升麵嚟嘅，麵條煮得啱啱好，好彈牙。雲吞細細隻，一啖一粒，仲食到有少少胡椒粉做調味，幾好食。不過份量來講唔係太多，如果好肚餓或者大食嘅你可能要叫多碗！

同成班同事去食，要等大枱，如果唔係咁多人，其實好快有得入既，TURNOVER都快。坐底其實就已經有野食因為每張枱都有一樽酸蘿蔔任食唔嬲，哈哈！好開胃，酸味味，係傳統鋪頭先會有既野，正！落左單無耐，Ｄ野食都好快上枱嚕！！嗌左至有名既蝦子！蝦子牛腩牛筋撈粗（＄４４）食蝦子就梗係要食撈，其實如果食湯既，咪唔見唒Ｄ蝦子囉？？！蝦子係好香好味既，牛腩牛筋個味都好，不過唔知點解佢切到好薄片，碎濕濕咁。。之前都食過佢Ｄ雲吞嫁喇！好足料嫁！一隻雲吞入面有２－３隻蝦！！真係心心眼另外，發現撈面好似大碗過湯面，其實價錢都貴Ｄ既。不過食湯面既同事好似唔係好夠飽，我個碟撈粗同同事SHARE，２個都已經FULL唒了～～

說來慚愧，成日約朋友食飯都係諗有咩新餐廳，好少會想起香港地道老店，作為土生土長的香港人，反而忽略同忘記左由細食到大嘅道。講起蝦子撈麵都唔知幾耐冇食，今次有親戚黎香港先記起可以帶佢地試試香港老店美食。過左食飯時間去劉森記一樣坐滿人，今次點左雲吞以及牛腩牛筋兩款蝦子撈麵。師傅落蝦子真係完全唔手軟，舖到滿一滿！雖然唔知係咪仲以竹昇手擀方式製麵，但麵入口夠爽而且冇鹼水味，撈埋蝦子食好甘香，老字號招牌果然係名不虛傳！雲吞餡好味，鮮蝦爽口豬肉唔肥膩，食完都仲有少少意猶未盡；牛腩同牛筋煮到好軟滑好入味，不過我稍為覺得咸左少少，但配埋蝦子麵食都可以接受。香港老字號買少見少，有時呢D地道嘅香港人口味，真係幾多間過江龍食店都比唔上！