劉森記麵家 (桂林街)

營業中

休息中

劉森記係傳統老字號，出名自家制竹昇麵，黑柏葉，蝦子撈麵，醃酸蘿蔔，已經食過好多次，真係全部都好好食！🍴蝦子牛筋牛腩撈麵 $46蝦子，牛筋牛腩份量都算幾多，牛筋牛腩煮到好淋好入味，好香濃腩汁味，一咬就斷，唔會韌，麵撈埋蝦子超級香口，啲麵好爽口彈牙，手打嘅竹昇麵真係好唔同㗎，冇鹼水味！食完成個面都唔會好Heavy！嗰醃嘅酸蘿蔔真係好好食，爽口又唔會太酸，可以減輕牛腩嘅油膩感，同麵真係絕配呀！無論外賣定堂食都一定要試酸蘿蔔！個湯係好清香，略帶少少胡椒味，好濃大地魚味，食麵口乾就飲啖湯perfect match!推薦指數: 10/10真係我食過全香港最好食嘅牛腩撈麵，去深水埗一定要試呀！記得記得一定要食本店先好食，食過分店好似冇咁好食，冇咁正宗！

😋[]最近天氣開始變熱，收工既時候俾同事捉咗落去深水埗買風扇仔。天氣咁鬼熱，搞到個人都冇咩胃口，諗住食碗粉麵就算。同事話想食劉森記，反正有人諗食咩，我就當然卻之不恭跟住行😝請原諒我冇為個撈麵好好影番張相，開頭以為普通撈麵，冇諗過食完會想介紹俾大家🙈🙈🎈蝦子雲吞/水餃撈麵 $46🎈蝦子雲吞及水餃撈麵 $52嘩，阿姐放低碟撈麵，d蝦子多到好似唔洗錢咁，鋪滿左成碟麵😲😲 雲吞同水餃都大大粒，有水準之作。我個人就比較喜歡水餃，充滿一條條木耳絲，非常有口感👍🏻我另外叫咗碟蠔油生菜，我將少少蠔油撈埋落蝦子麵度食，非常惹味又唔會咁乾😋😋🎈蝦子京都炸醬撈麵 $46我試咗同事碟麵一啖，個炸醬撈麵都幾好味，不過就會冚左蝦子既味道。感覺上有d浪費咗d蝦子🙈ps. +$7 仲可以有細既支裝汽水👍🏻👍🏻

話說很久沒有吃蝦籽撈麵，所以就來到了深水埗馳名的劉森記。🙂喜歡到這小店的原因，是因為它的酸蘿蔔很好吃，酸酸甜甜很爽口，作為前菜很開胃，而且是任食唔嬲😚🍜雲吞蝦籽撈麵之後叫了一碗雲吞蝦籽撈麵，店員先遞上一碟撈麵，撈麵軟硬適中，配上蝦籽很惹味！而最值得稱讚是雲吞，皮薄餡靚，相當鮮味。而吃幾口蝦籽麵，如果太乾的話，可以淋上雲吞湯，而湯亦跟麵很夾！😜所以識食一定要吃雲吞蝦籽撈麵，絕對是快、靚、正之選！😋

深水埗美食真係多到吃唔完！好多餐廳都係米芝蓮星級推薦的！今次我地就去左劉森記麵家！劉森記麵家在深水埗共有兩間店，個人私心就緊係推介呢間啦！這麵家早於一九五六年開店。蝦籽、竹昇麵及未經漂白的黑牛栢葉是招牌菜。劉森記麵家現由第三代傳人劉發昌先生打理。早於四十年代初，外公和父親在廣州街邊賣麵，即以前的擔挑檔。經過歲月變遷，從街邊擔挑檔，到政府政策改變前的臨時麵攤，直至現在擁有三間麵店，真的得來不易。佢地既蝦子雲吞跟撈麵，相信係好多人必叫既美食，亦係好多人都唔可以錯過既美味！係食麵之前，我非常推薦佢地擺係檯面俾大家無限添續的醃蘿蔔，爽脆又清爽，同撈麵一齊食真係超級夾啊！

真係一間酸蘿蔔出名嘅麵店，酸蘿蔔係非常出色， 10分甜，酸味少，爽口，可口，用個碗仔裝，添兩次都不為過，嘻嘻反而麵係一般的，叫咗個蝦子雲吞撈幼，OK嘅，但係麵質比林生，加咗蝦子，香味都一般，雲吞可以啦再叫咗蝦子牛筋腩撈粗，反而粗麵仲好味，加左啲腩汁，反而軟硬啱啱好，牛筋就煮得出色，軟硬適中，反而牛腩有啲柴皮咁啱第一日開工，開頭想試下鵝腸同埋黑柏葉，好可惜兩樣都冇眼見隔離個豬手都唔錯，下次會叫試吓冬菇豬手

今日突然好掛住劉森記d面，於是點咗招牌水餃魚蛋面🍜！之前一直食開雲吞面，今日食吓水餃🥟，水餃好大隻，入面好多木耳絲，好爽口整體都唔錯！好中意佢d醃白蘿蔔，酸酸甜甜好開胃！跟餐或堂食都係免費送！

好好食咩又未係，但又唔算特別囉，蝦子麵加蝦子，其實食過兩三次，唔會特別覺得想回頭囉，未食過的朋友們可以一試，因為香港麵檔一般都無得加蝦子既，甘佢地算係比較特別，係深水埗區賣緊尖沙咀價位，不如考慮減份量同減價去迎合返街坊價位，當然呢啲都係個人意見，但兩個人埋單成百3蚊，唔係太值囉。個炸醬蝦子麵46蚊，嘩，貴唔貴就見人見智啦，我自己覺得一般啦。朋友就叫左個黑葉麵無加蝦子，佢就話6蚊蝦子不如叫個野飲算。完

今日同屋企人去深水埗行街☺️見到呢間麵店好多人排隊😆咁受歡迎所以我地又排，見到好多Newspaper都有報導過佢地嘅麵，尤其係蝦子🦐撈麵。我就勁鍾意鵝腸！所以見到就決定食呢個薑蔥鵝腸蝦子撈麵😋😋😋😋😋😋😋我會比1000分呢個！！！鵝腸係我食過最好食嘅，鵝腸爽脆鮮甜，爽口彈牙，爽口口感一流，一食就知😭好難忘將鵝腸掂落佢個特製醬油，更好味😋必試個蝦子味好香好濃，成個麵配搭一百分麵底又係好食，聽聞係餐廳自己打，好有咬口，軟硬適中至於屋企人叫左冬菇湯麵，又係好味😚平民美食😳叫埋兩支可口可樂，爽啊！普普通通食餐午飯都好開心😋You must try this restaurant if you love eat noodles 🥰

經常去光顧的深水埗劉森記，每次例點蝦子撈麵。滿滿的蝦子鋪滿麵面，一點也不吝嗇，食落非常香口。雲吞裏的鮮蝦爽口彈牙，薑蔥牛肉用料新鮮但味道不太突出，點辣醬比較好食。男朋友表示牛腩入味不會柴口，牛筋炆得夠淋，腩汁夠味。麵底可以轉粗麵，口感更加彈牙。另外枱面有一大樽秘製醃蘿蔔，爽口好食。蝦子薑蔥牛肉雲吞撈麵（$52）蝦子牛腩牛筋撈麵（$46）跟餐加飲品只要$7，夏日炎炎飲兩杯自家製羅漢果茶，抵食又滿足。

呢度係SSP嘅美食名物，我諗大家都會略有所聞，由於依家仲係一枱2人，因為無咁迫狹所以坐得比以前舒服。👆蘿蔔每枱都有一樽，酸酸甜甜，好醒胃，任你食。👆菜單，基本上都嗰d麵檔嘢，價錢又唔係貴喎。👆我就叫咗牛筋腩蝦籽撈麵，呢度最好食嘅肯定係「麵」，其他自己覺得都係配角。呢個麵撈埋d蝦籽水乳交融般非常之夾，好味道。呢度辣醬，浙醋都幾好味，而兩者都係悦和醬園嘅出品，下次去開荃灣可以去搵搵買番枝返屋企看門口。

如果講到香港傳統麵家食蝦子麵， 劉森記絕對係三甲之一，雖然佢算出名，但水準冇因此大落，而且冇大幅加價👍🏽 到依家依然維持親民價錢，劉森記用上自家竹昇麵彈牙口感都強，而且蝦子撈麵，蝦子份量十分慷慨，滿滿鋪滿麵面😋 當然亦要試埋劉森記到今時今日依然堅持傳統， 每張餐枱上都放上一瓶酸蘿蔔，供客人隨意添加！其實以前七、八十年代，麵檔都會提供酸蘿蔔，而且酸蘿蔔有醒胃作用，所以尼瓶酸蘿蔔更是一些上年紀食客嘅回憶👍🏽

周不時都會買劉森記做宵夜，通常都會嗌蝦子淨水餃$40或者蝦子水餃撈麵$46。蝦子撈麵啲蝦子都幾多，都幾香口，不過個面就好乾，要倒啲湯落去撈撈佢。水餃皮薄餡料足，入面有豬肉同埋黑木耳，咬落好爽口。不過近年質素有少少下降，冇以前咁好食lu~

有一日呢我就專登去到深水埗度買嘢，順便呢就去下朋友介紹呢一間麵檔，聽聞係最出名嘅就係蝦子麵咁我梗係二話不說就去試吓啦，入到去都係普通茶餐廳咁樣嘅款冇乜特別，之後我就叫咗一碟牛柏葉牛筋蝦子麵咁佢哋會問我要唔要蝦子啊我就梗係要啦，落去牛筋好林好好味，牛柏葉亦都好爽口佢仲配備辣椒豉油可以俾你唔夠未嘅話就點落去，另外當然要試吓佢個蝦子麵配埋蝦子都真係幾香幾好味㗎大家不妨去試吓啦

深水埗出名的麵家有幾間這間卻是我的最愛當然是因為竹升麵的關係很多年沒有來了因為工作的關係已不在本區但是環境仍然是一樣呢正宗粵式雲吞細細粒蝦味爽麵當然不用多說說，保持很好的品質非常爽脆記憶中，蘿蔔是細樽一點及切得冇這麼細粒的味道仍是一樣，品質保持

幾日前咁岩在電視節目美食推介到見到這間餐廳，好似好唔錯咁，於是決定搵日黎試下，咁岩第二日係星期日於是就同老公一齊黎試下啦，入到去好簡單既麵店，大概四個圓檯到，然後我地選左最後一個座位，呢D老店肯定就唔會坐得舒服既喇，唯有期待係美食啦，叫左個蝦子雲吞河粉同蝦子鵝腸撈麵，雲吞河粉不過不失，但沒有節目介紹的那麼美味，個雲吞就唔錯既，有成隻蝦係入邊，都幾爽口。本人覺得個撈麵一D都唔好食，無味既，得D蝦子香味，個美食節目介紹既好有出入，鵝腸係爽，但一D味都無，直成係白煮咁，加少少耗油都有味D啦，不值得一試，總而言之，不會食第二次啦！個雲吞大家都可以試下既！算係好食既。