紅噹噹的枱布, 我們一行十八人, 訂左房, 成家人坐埋一張大枱食飯, 老人家就最開心啦.
開飯了, 先上是四款點心, 每款點心都熱辣辣咁用蒸籠上, 值得一讚(好多圍菜叫點心都係用碟上). 蝦蛟大大粒, 新鮮有咬口的蝦仁, 素餃入面似是各款的菇菌類, 清清淡淡的菇味, 岩晒我這個"菇"怪. 小籠包雖沒有鼎泰豐咁一百分, 但個片都做得不錯, 大家都無夾散, 只係肉汁仲差一點. 燒賣入面是有質感的豬肉, 唔似其他酒樓咁鬆散, 好味. 而後是乳豬, 皮脆肉嫰, 唔會得個肥字, 有脆的皮, 也有juicy的肉, 夾埋長方型的飽飽片, 點少少甜醬, 好味. 湯是西洋菜煲豬肉, 雖然簡單, 但入口有很香的西洋菜味, 唔會好油, 家常得黎真係算好飲, 仲無咩味精味添. 之後有圍菜必有的西芹蝦球, 蝦球大大粒, 彈牙, 不過蝦味不算豐富, 但入面有我鐘意的菇, 仲有食到碟底都不會話有太多油, 私人加分比佢. 杞子蒸班片, 魚肉味淡, 是否叫左少豉油的關係呢??? 魚肉新鮮, 但又食唔出佢真係很鮮味, 正正常常.
之後有個叫紅綿吐艷的菜式, 唸左好耐都估唔到係咩, 到上菜時發現原來是蝦膠, 再用紅紅地的蟹肉打一個獻汁, 個名比個菜更為得意, 味道就真係普通左少少. 之後是炸子雞, 皮脆脆的, 肉不算太"梅". 當然只是冰鮮貨, 但可以做成這樣, 已收貨了. 之後就上左一個疑似東坡肉的宫廷骨, 侍應們見我每一道菜都有影相, 上這味餸時特登將未切開的骨送到我面前先給我拍照, 之後先再拎走切開, 很細心. 這個骨成個味道是似無鍚骨, 淋淋的骨, 軟軟的骨, 酸甜的汁, 是公公的至愛之一. 跟住就是有很多不同的菜組成的素燴, 這個是比較差, 差在油太多, 破壞了整個素燴的清淡口味, 下次可以唔駛叫了. 最後一道主食是龍蝦湯泡飯, 我見電視之前已經有介紹過, 在我們面前先滾起, 食前在將脆米倒入湯飯中, "炸"一聲, 視覺聽覺都feel得到, 到味覺啦, 當然是讚啦, 香香的濃蝦湯, 不似西式的過鹹的龍蝦湯, 加埋米, 脆米, 白菜粒的爽甜, 多重口感都在這個泡飯, 明明都飽了, 但成家人都可以KO晒成個泡飯.
最後是甜品時間, 都係我最鐘意的時間, 誰說中菜午飯無甜品時間, 有小朋友甜品芒果布甸, 雖然我唔係小朋友, 但我都有食到, 哈哈. 不過這個布甸是用鮮芒果汁, 沒有芒果肉, 但也很香甜好味, 有大人甜品燉紅棗糖水, 這個我也有食到, 雖然大人們話甜, 因為食完布甸先食, 我又覺得OK, 好香紅棗味, 好潤, 果然這兒的紅棗甜點是出名. (新年的紅棗糕, 好味到呢!!!) 還有甜甜的脆麻花, 佢唔似食馬仔, 似食粥跟的薄脆的味道及口感, 加埋糖漿, 係飽到彈起的情況下, 我都仲可以連夾兩件, 女人果然是有個甜品胃. 唔少得我們自備的生日蛋糕, 侍應們送上蛋糕, 還連同一首中式的生日歌一同送上, 笑到個個呢......哈哈. 祝公公好似蛋糕上的題字一樣, 生日快樂, 龍馬精神.
原來佢地D棗皇糕可以一底底咁賣GA!!! 可惜一早已經賣斷貨!!
-陳醋海浙頭
-片皮鴨半只
-煎大元貝配脆脆圈 3客
-金姑竹筒蚌 1位送紅洒一杯
-炸軟殼蟹１位送紅洒一杯
-椒鹽富貴蝦兩隻,每隻6両
-龜靈羔２客
可惜點菜紙放在一個透明塑膠圓桶內，有低檔次的感覺，跟週圍環境不大配合，雖然是慳地方，但可以在外觀設計方面花點心思吧，本想點完菜後影番張相，誰知一點完菜就即時被侍應姐姐拿走了。
如意吉祥 ($88)，其實是銀杏露筍炒雜菌，點菜紙也有寫明，個賣相唔錯，不過睇落好似有好多露筍咁，但著咗一半以上是蒜芯嚟㗎，有點欺場之嫌，味道OK啦，普通酒樓貨色，毫無驚喜。
石窩燒龍躉腩 ($218)，個石鍋好大，龍躉腩分量就少得可憐，只得六塊，少都唔係問題，最緊要好食，但吃第一塊時，一啖咬落去，肉好嚡、乾身，好明顯是雪藏魚，仲要係雪咗好耐果隻，吃第二塊就好些，比較腍身、像魚腩肉，但比起在一般的海鮮酒家吃到的，還是差一大截，而且差不多價錢可吃到龍躉兩味了。
秘製海山骨 (六件) ($98)，算是比較像樣，其實原先不知道甚麼是海山骨，不過經驗所得，凡是秘製的東西，大都有一定的水準，所以點來試試，後來上網查究資料，得知原來海山骨即是猪排骨，而製作方法都是經醃料調味後，用滾油炸熟，至於用甚麼醃料就各施各法，但大多都包含蝦醬，這大概就是是晚吃到有點怪怪的味道了，不過我覺得還有點腐乳味呢，這就是秘製的醬料，混合不同的調味料吧，炸得外面少少脆，肉排夠腍，味道是可以的，都幾香口，但又不致於令人回味。
整體的食物質素都不大理想，本想給個喊臉，不過環境和服務方面，又沒有令我想喊的地方，還有小小值得讚賞之處，就是沒有花生、酸菜之類的餐前小吃，監人俾多十元廿塊，所以都係給個OK臉吧，希望食物質素日後會提升啦。
影片
