影片
更多
2012-04-07
392 瀏覽
好多人長輩的生日飯可能會係夜晚攪, 但我們這一家好特別, 喜歡在中午時候食飯, 不過我地除左食數款點心, 也一樣會食小菜. 所以其實餸菜的份量, 款式, 跟晚飯是無咩分別. 仲可以避開晚市的人潮, 又唔駛限時限刻, 所以近年我地家族的生日飯, 聖誕節, 團年飯等等等等的飯局都變晒午飯時間食啦. 言歸正傳, 今日揀左觀塘APM利苑, 平時我地好少會幫襯佢飲茶, 但公公生日, 撞岩今年龍年, 加埋又係屬龍既公公, 當然當然要繼續食餐好嫁啦, 而之前試過利苑, 又試過九龍城, 又試過大角咀等等不同酒樓, 雖然利苑比其他地方貴一點, 但就最得老人家歡心. 紅噹噹的枱布, 我們一行十八人, 訂左房, 成家人坐埋一張大枱食飯, 老人家就最開心啦. 開飯了, 先上是四款點心, 每款點心都熱辣辣咁用蒸籠上, 值得一讚(好多圍菜叫點心都係用碟上). 蝦蛟大大粒, 新鮮有咬口的蝦仁, 素餃入面似是各款的菇菌類, 清清淡淡的菇味, 岩晒我這個"菇"怪. 小籠包雖沒有鼎泰豐咁一百分, 但個片都做得不錯, 大家都無夾散, 只係肉汁仲差一點. 燒賣入面是有質感的豬肉, 唔似其他酒樓咁鬆散, 好味.
言歸正傳, 今日揀左觀塘APM利苑, 平時我地好少會幫襯佢飲茶, 但公公生日, 撞岩今年龍年, 加埋又係屬龍既公公, 當然當然要繼續食餐好嫁啦, 而之前試過利苑, 又試過九龍城, 又試過大角咀等等不同酒樓, 雖然利苑比其他地方貴一點, 但就最得老人家歡心.
紅噹噹的枱布, 我們一行十八人, 訂左房, 成家人坐埋一張大枱食飯, 老人家就最開心啦.
開飯了, 先上是四款點心, 每款點心都熱辣辣咁用蒸籠上, 值得一讚(好多圍菜叫點心都係用碟上). 蝦蛟大大粒, 新鮮有咬口的蝦仁, 素餃入面似是各款的菇菌類, 清清淡淡的菇味, 岩晒我這個"菇"怪. 小籠包雖沒有鼎泰豐咁一百分, 但個片都做得不錯, 大家都無夾散, 只係肉汁仲差一點. 燒賣入面是有質感的豬肉, 唔似其他酒樓咁鬆散, 好味. 而後是乳豬, 皮脆肉嫰, 唔會得個肥字, 有脆的皮, 也有juicy的肉, 夾埋長方型的飽飽片, 點少少甜醬, 好味. 湯是西洋菜煲豬肉, 雖然簡單, 但入口有很香的西洋菜味, 唔會好油, 家常得黎真係算好飲, 仲無咩味精味添. 之後有圍菜必有的西芹蝦球, 蝦球大大粒, 彈牙, 不過蝦味不算豐富, 但入面有我鐘意的菇, 仲有食到碟底都不會話有太多油, 私人加分比佢. 杞子蒸班片, 魚肉味淡, 是否叫左少豉油的關係呢??? 魚肉新鮮, 但又食唔出佢真係很鮮味, 正正常常.
之後有個叫紅綿吐艷的菜式, 唸左好耐都估唔到係咩, 到上菜時發現原來是蝦膠, 再用紅紅地的蟹肉打一個獻汁, 個名比個菜更為得意, 味道就真係普通左少少. 之後是炸子雞, 皮脆脆的, 肉不算太"梅". 當然只是冰鮮貨, 但可以做成這樣, 已收貨了. 之後就上左一個疑似東坡肉的宫廷骨, 侍應們見我每一道菜都有影相, 上這味餸時特登將未切開的骨送到我面前先給我拍照, 之後先再拎走切開, 很細心. 這個骨成個味道是似無鍚骨, 淋淋的骨, 軟軟的骨, 酸甜的汁, 是公公的至愛之一. 跟住就是有很多不同的菜組成的素燴, 這個是比較差, 差在油太多, 破壞了整個素燴的清淡口味, 下次可以唔駛叫了. 最後一道主食是龍蝦湯泡飯, 我見電視之前已經有介紹過, 在我們面前先滾起, 食前在將脆米倒入湯飯中, "炸"一聲, 視覺聽覺都feel得到, 到味覺啦, 當然是讚啦, 香香的濃蝦湯, 不似西式的過鹹的龍蝦湯, 加埋米, 脆米, 白菜粒的爽甜, 多重口感都在這個泡飯, 明明都飽了, 但成家人都可以KO晒成個泡飯.
最後是甜品時間, 都係我最鐘意的時間, 誰說中菜午飯無甜品時間, 有小朋友甜品芒果布甸, 雖然我唔係小朋友, 但我都有食到, 哈哈. 不過這個布甸是用鮮芒果汁, 沒有芒果肉, 但也很香甜好味, 有大人甜品燉紅棗糖水, 這個我也有食到, 雖然大人們話甜, 因為食完布甸先食, 我又覺得OK, 好香紅棗味, 好潤, 果然這兒的紅棗甜點是出名. (新年的紅棗糕, 好味到呢!!!) 還有甜甜的脆麻花, 佢唔似食馬仔, 似食粥跟的薄脆的味道及口感, 加埋糖漿, 係飽到彈起的情況下, 我都仲可以連夾兩件, 女人果然是有個甜品胃. 唔少得我們自備的生日蛋糕, 侍應們送上蛋糕, 還連同一首中式的生日歌一同送上, 笑到個個呢......哈哈. 祝公公好似蛋糕上的題字一樣, 生日快樂, 龍馬精神.題外話: 食到第三味餸左右, 侍應拿了兩杯似果汁, 又似賓治的東西, 話比小朋友飲. 所以席上最細的小表弟小表妹一人有一杯飲品, 問小表弟可否請人飲一啖, 佢這個得意仔既回應是我有些咳, 之後極速乾左這杯飲品, 這杯東西應該幾好飲的. 真令我這個大表姐非常羨慕, 到走時出去大堂, 見到有小朋友的食客桌上都有杯果汁啊, 是兒童節禮物, 定係復活節禮物呢??? 我都想要啊!!!
張貼
