利苑酒家 (創紀之城五期(apm))

營業中

休息中

正所謂食過返尋味, 師傅早幾日再次光顧呢間食店, 都係去食餐晏飲餐茶, 感覺仍然係正!預早訂定位, 一行五人準時到達, 知客帶位內進! 今次師傅被安排坐得比較入, 發覺呢間食店地方都頗大, 於是乎坐底開茶, 再慢慢柯打點心!由於友人極力推介師傅要試呢度豬肺湯, 於是便向侍應落單, 點知非常之唔好彩, 豬肺湯售罄, 師傅好失望唯有叫另一個雞腳燉響螺湯, 再叫其他點心, 有炸魷魚酥, 蟹粥, 炸兩, 灌湯餃, 蘿蔔絲酥餅, 蝦餃, 蝦腸, 蘿蔔糕, 小籠包, 珍珠雞, 鳳爪, 牛肉同埋煎餃子等等!先講下個雞腳燉響螺湯, 湯底好濃冇味精, 好正; 炸魷魚酥炸得好通好脆, 魷魚本身就好腍, 好正; 蟹粥粥底好綿, 而蟹肉就好鮮好甜, 一d都唔腥, 掂呀; 炸兩油炸鬼好香好脆, 而腸粉就好滑, 得; 灌湯餃湯底好清好甜, 個餃就好大隻, 仲有魚翅添, 份量以灌湯餃黎講真係唔算少, 好正; 蘿蔔絲酥餅一碟三小隻, 蘿蔔絲好嫩好甜, 一d都唔苦, 入面夠汁一d都唔乾身, 而酥餅夠鬆脆, 正呀; 蝦餃依然係皮薄餡靚, 蝦肉好爽口, 好味; 蝦腸蝦肉又係好爽口, 而腸粉好夠滑, 正呀; 蘿蔔糕煎得好香,

一直以來呢間食店都比師傅一種好好高尚好高貴感覺, 有種遙不可及, 但就成日心思思想去, 覺得點都要試一次, 早一排師傅終於豁出去, 所以就去左呢度飲餐茶仔!入到去感覺真係好高貴, 侍應安排入坐後, 師傅我當然係即刻晝野食! 兩個人叫左蝦餃, 蝦腸, 蘿蔔糕, 小籠包, 珍珠雞, 牛肉同埋煎餃子!先講蝦餃, 蝦餃真係皮薄餡靚, 蝦肉好爽口, 好味; 蝦腸蝦肉依然好爽口, 而腸粉好夠滑, 正呀; 蘿蔔糕煎得好香, 唔係太粉有蘿蔔味, 可以; 小籠包又係出色, 皮薄而裡面夠湯, 肉身夠鬆, 一夾又唔會穿, 掂呀; 珍珠雞普普通通, 冇咩特別; 牛肉真係幾牛肉下, 蒸左出黎都幾紅身下, 冇咩溝豬肉; 而煎餃子就比較油, 一般d啦!總括黎講呢度食物質素幾好, 環境舒服, 服務幾好, 係價錢貴d, 埋單二百幾, 都可以接受, 師傅始終覺得一分錢一分貨, 如果比多少少錢可以有咁質素, 師傅完全覺得物有所值, 有機會一定會再黎!

- expensive- bad service, old waitress with bad attitde

每次光顧的情況一次一次軟一之差. 一早致電七時就座,但郤要七時三十分才空枱. 入座後,侍應只特價餐牌,經再三要求才有正常餐牌,點了叉燒.拍青瓜及東山羊腩,味道不錯但一直沒有人加茶,要把茶壺蓋高擧才有人來...我們的侍應一人要照顧六桌客...又要傳菜,又要分湯...最後結帳也等了廿分鐘以上....二小時的晚飯用了一半時間去等了又等..

琴日同朋友食LUNCH，叫左個紅油抄手，嘩！正呀！喱D先似樣嗎。點心每樣好精緻，好可愛，唯獨最普通既點心燒賣同叉燒飽唔係好得。食TEA應該係平D嗎，但尖東既好記食個TEA竟然同喱度食LUNCH埋單一樣，唉！喱到雖然唔係食TEA，但條氣都順D啦！

久聞利苑大名，近月來先後光顧旺角洗衣街和觀塘APM分店，發現水準有分別。我先光顧旺角店，可能我們人太少(得3丁)同無聽佢介紹叫貴野既關係，d招呼認真麻麻，食物還可以(計有網網千斤、五香牛展、藕餅、甚麼排骨、豆腐，甜品有蛋散和楊枝金露)。當時我只係覺得咁既水準同價錢，我未必會再幫襯。上星期因地區關係要在觀塘覓食，想decent d 於是俾呢間利苑一個機會。今次我地有四個人，招呼十分好，雖然佢地都不忘介紹貴價野，但態度較誠懇，令人覺得舒服一d。當晚我地點左例湯霸王花煲尾骨、冰燒肉、網網千斤、龍蝦二食〈肉蒸蛋白、腳拆肉跟臘味同焗煲仔飯〉、蒜子白菜仔，份量同味道都好好。例湯絕不欺場，算是真材實料，冰燒肉化皮好味但實在太細碟，網網千斤是永恆的招牌菜，好食到要再加碼，龍蝦二食食味理想，不過$4xx價錢偏貴，白菜仔蒜味濃，唔好蒜頭千祈唔好叫。另外提提大家，我地當晚叫既羅漢果茶非常唔掂，唔夠熱仲無mud味，佢雖然幫我地叮番，不過我下次都係唔會叫。

家人為我慶祝生日，選擇了利苑，一行５人，點左好多餸，而我記得既只有宮廷烤醬骨同千葉豆腐，其他冇特別留下深印象。宮廷烤醬骨好多肥膏，不過我唔太介意，係要膏連肉食先最好，個汁甜多過酸，用黎撈飯或用饅頭點黎食都好正。千葉豆腐賣相一流，刀功十足，個豆腐好滑，不過冇咩豆香，中間有冬菇，馬蹄等配料，但味道未見突出。以呢個價錢，應該可以食得更好。

尋晚同d 同事去apm 利苑食晚飯, 已經係第2次去喇, 去得第2次, 當然因為好食啦!!尋晚我地4個人, 叫左霸王花煲瘦肉湯, 飲落都幾好味, 起碼飲完無口乾既感覺! 千葉豆腐, 呢個餸其實係賣刀法, 因為d豆腐片片都厚度一樣, 而且仲好滑, 好味道! 上湯豆苗, 味道一般, 沒什麼特別! 宮廷醬烤骨跟4個小曼頭, 其實有d似東坡肉, 好諗, 酸酸甜甜幾好味, 不過有d溜! 檸檬蝦, 一般啦! 最後甜品有楊枝金露(因為唔係我食,比唔到評價, 蛋白杏仁茶, 好正! 唔太甜, 好香杏仁味, 脆麻花, 好食呀, 好香蛋味又唔太甜, 侍應哥哥特別推介紅"早"榚, 好香紅"早"味, 食落有d 似年榚既煙煙un un, 唔太甜, 好食!! 總結, 我個人幾喜歡呢間利苑, 因為去兩次都幾滿意, 下次會再去!!

剛開張時飲過茶，為左多做一轉佢地成日都要客人個半小時交檯，但絕對不會體諒現場情況，服務質素和利苑的品牌絕對不相符。所以那次後就把APM利苑列入黑明單。經濟好左，間間食店都生意唔憂做，我想改善的機會不大。

星期日一行九人扶老攜幼去apm吃晚飯，遇到前所未見、態度極劣的惡知客……我們六時半到達時，知客要求我們八時還，我們說應該沒問題，她便帶我們入座。我們點了三個前菜八個小菜，老實說小菜味道能貫徹利苑一向的水準，可惜份量太少，每碟菜只夠四五人吃；而服務員態度冷漠，並無提醒我們將小菜加大，白飯要三催四請之下在七時許才送上，有無飯，到飯送上時又已無，唯有再加了四個小菜，最後一個小菜終在七點十左右送上。到八時左右，一半友人還在努力幹掉那些藕餅和炸牛肩時，一名服務員問我們是否需要甜品(！？) 我們知道要快要交，所以婉拒了；一會兒後，一名凶神惡煞的知客帶兩名服務員一行三人氣沖沖走到我們跟前，高聲喝道: "你們誰是留的x先生?" 跟說: "你話八時交，而家仲唔走，你咁態度，我好難做你生意!" 我被她嚇呆了，差點以為自己去了地，在普通晚飯平均要$150以上一位的酒樓來說，實在不能接受這尋仇似的質問，和接近恐嚇似的惡劣態度，更擔心嚇壞伯母和友人的BB。我們也想合作準時交，奈何上菜速度未能配合，經過一番理論，她不單沒有道歉，當我們要求其他人透露此惡知客的姓名時還被拒絕。奇怪利苑集團能容忍態度惡劣的員工破壞集

家姐從美國回來,同太太一行三人晚飯,order二人餐\\\,餐\\\牌寫每位$398,就Order三位,再加個班馬賴尿虾同炸生蠔四隻,三客生拆蟹皇翅,質素一路保持,好!再來燒味拼, 有問題,燒鴨得六件,叉燒又得六件,全都細細件再加小小海節,到條蒸魚到枱,一睇,約八兩重左右,以前同太太周不時都有食二人餐\\\,跟本這只是二人份量,我地Order三位嗎,同個部長反映,只是話可能廚房搞錯,完全無其他動作,不過下次會再光顧,希望有所改善.

利苑，是一家有名的酒家，生拆蟹皇翅和鮑魚都很有名氣。我第一次吃利苑的翅和鮑魚是四年前在沙田吃的。後來，利苑在APM開了分店，就比較多去。利苑的菜價不算貴，以其服務和食品質素而言，算是很化算的。利苑有道名菜，就是生炒翅，把蟹肉拆殼配以翅來炒，可以直接品嚐魚翅的風味。碟上可以看到一條一條翅，翅身爽口，夾雜鮮味的蟹肉，吃上一口，有一種說不出的快感。配以火腿精制的湯水，一口翅一口湯，令人回味。相對而言，蟹皇翅便相對失色了，蟹皇翅只用蟹肉和翅在用湯上餚成羮，本來己不錯，入口滑而引起味覺快感，但總覺吃不出翅的味道，所以不及生炒翅。但如用翅來撈飯，就要用蟹皇翅，以羮配飯，最好下口，生炒翅便沒有這種享受。利苑的禾麻鮑也很好吃，鮑魚的味道香濃，配以蠔油和鵝掌，炆為一碟，蠔油之鮮味沒有蓋過鮑魚，兩種味道互相配合，十分可口。和麻鮑質硬，其心帶甜，口角留香，吃極不厭。花雕煮阿拉斯加皇帝蟹不是常有，但很可口，用花雕酒和蟹一同焗，蟹味流入蛋白，花雕酒的酒香滲入蟹肉，入口清甜，香味濃郁。每次在利苑吃完飯，總要吃兩三天清菜淡飯，常常警惕自己，好吃的東西，固然可口，但不能天天如此，就算能力許可，也不應如此，嚐過了已心足

尋晚又去食飯,今次終於有奄仔蟹喇,姐姐極力推介,"油鹽焗奄仔蟹" 正正正, 原來好多膏ga!我地又叫左老火湯,真係無得頂,個貴妃雞好滑,連雞胸都好滑,正呀!三層肉(即燒腩仔"好脆,好好味,咕嚕肉雖然唔脆,但係個汁好味,仲有個唔知咩浸白菜仔,又係好好味,最後呢個冬菜排骨臘味煲仔飯,簡直係呢飯完美總結,家姐話個飯仲好味過西苑!

尋晚約左媽媽食飯,見出左雙糧,便請媽媽食好d啦.都知利苑出名貴ga喇,但係應該好食gei,所以去試,我地叫左2隻干邑美極煎蝦,蓮藕餅,上湯生菜同姜蔥海參, 見無肉而侍應又極力推介呢個宮廷醬烤骨.又話酸酸地清清地,咁就叫左!蝦- 新鮮煎得好好味,可以連殼都食埋!個菜就清清地,幾好! 海參都係正,唔係比埋d cheap!個蓮藕餅其實都好好食,不過原來$48得4舊就太貴啦,個2片蓮藕加小小肉碎,佢真係夠謄收你$12舊,勁!0個個宮廷醬烤骨唔係烤又無骨,都唔知點解叫烤骨,其實好似東波肉不過d汁係酸汁,又話清清地,勁多肥膏,我兩個人跟本就無可能食哂!不過整體上d食物都好味gei!

我上星期日(22 Oct 2006)中午去了APM利宛飲茶，之前我己去過幾次吃晚飯（小菜是不行的，碟碟餸也很多油），點心算是不錯，但服務卻真的大大有改善的空間。坦白說，那裡的收費和侍應的質數絕對不成正比，他們會在你坐下約大半小時左右便不停的催促客人交檯，因酒樓想做兩round lunch，而且侍應普遍也很不禮貌。有一次叫侍應給我一杯溫水（因要服藥），他竟說：「酒樓沒有多餘的杯和溫水」，他不禮貌的回覆令我非常反感。HK$300 (for 4 people and we only ordered 6 dim sum, just very ordinary dim sum).