利苑酒家 (創紀之城五期(apm))

營業中

休息中

今日同屋企人去APM食午飯, 不過去到時已經係一點半有多, 各食肆仍然人山人海. 由於一早已決定飲茶, 所以在利苑同潮館之間選擇. 兩間都要排隊, 但潮館兩點有下午茶, 成一點九先輪到我地, 入去食午市好似唔係好抵, 所以最終去左利苑.先要一提的是那位知客, 好鬼唔醒目, 一般攞飛等位梗係有位先嗌你個號碼, 但果個知客嗌左我地號碼後仲要我地等左足足十分鐘先比到位我地! 好心你都未有位嗌乜鬼號碼, 已經等左一大輪, 嗌完號碼仲要等, 真係谷鬼氣...不過坐低後o的侍應o既服務都幾好, 有禮貌又有笑容, 仲介紹有乜野好食, 條氣先順番o的.講番食物, 我地一行五人叫左七至八碟點心, 包括腸粉, 飽, 燒腩肉, 鳳爪等, 全部都很有水準, 不論賣相或味道均見出色, 印象較深o既係流沙包同燒腩肉: 前者蛋黃金香, 後者皮脆肉嫩.另外叫左一窩斑片魚湯米線, 亦係出色之作, 魚湯底鮮味十足, 斑片肉嫩, 米線彈牙, 配合得很好.埋單$469, 比起一般酒樓貴了不少, 但加入環境及食物的質素, 又的確是物有所值.

今天有兩個同事放假，工作量大增．放工後到這裡飲茶，來到已經兩點半，門口仍擠滿等位的茶客，不過都好快有位．午市點心last order是三點三，我們一口氣叫了很多點心．叉燒包，蛋撻仔，奶黃千層糕．．．味道普通，份量較小．服務不錯，還是第一次飲茶會有人主動幫手換碟．環境很寬敞舒適，裝修和其他新派中菜館差不多．也許對食物的期待太高，覺得有點名不符實．

臨時接到通知有班內地客要接待一早就打去訂位又由於班客趕下場,staff好快咁fax了菜單給我負責招呼我地的侍應哥哥的普通話好標準,厲害!點心拼盤:一般雞絲翅-湯又濃又香,翅都好多,但係size好似,每條粗幼又差不多,有點假木耳炒龍躉球-魚幾滑煎牛柳-牛柳嫩滑,但無特色百合蜜豆炒帶子-一般燒乳鴨-本來想記乳鴿,但沒有,部長姐姐推介,果然唔錯,鴨肉唔肥,又入味湯麵-賣相平平無奇,但係好好食,推介楊枝甘露—夠凍,柚子和芒果都好多由於趕時間,所以我地對部長姐姐同標準普通話侍應哥哥有很多要求,佢地都快手快腳

二月四日公司開年飯, 老細點名利苑, 實好喇...貴嘢當然要食老細喇...話說本人好醒地過年前已訂枱, 否則唔使旨意有位. 座落老細要我發板, order 如下:蝦餃　／　太好味, 外皮晶瑩剔透絕無鬆散現象, 肯定係即叫即蒸, 細細粒一口食落去, 蝦脆但荀尖更脆, 那種滿足非筆墨所能形容燒賣　／　沒有一般燒賣的滯口, 皮薄料夠新鮮蘿蔔糕　／　好香蘿蔔味, 煎得剛剛好, 亦唔多油春捲　／　此點心已經再點, 但仍然風捲殘雲即時掃清, 無辦法, 皮脆肉香又少油, 好!!腸粉　／　叉燒腸牛肉腸各一, 兩碟都掃光, 我只有幸食到牛肉腸, 皮滑豉油汁香甜, 正!其他點心如叉燒飽粉果．．．都好好味, 不能一一盡錄, 總之一句: 比起同鈒的"鴻星", "東海堂", "利苑" 絕對係點心之皇餐飯重未食完, 以下幾樣都好正:錦滷雲吞　／　雲吞夠脆, 無鹼水味, 汁夠料有蝦有魚, 而且酸甜度剛好, 沒有一般汁料偏酸的問題荷葉飯　／　好香荷葉味, 飯炒得夠乾身, 粒粒分明, 料落得足．．．此之為真正嘅炒飯海鮮湯米線　／　湯底勁甜勁滑, 一個字"絕"!!!再來甜品一圈．．．滿足．．．我們的枱有一個姐姐服侍她服

前排有飯局, 主人家安排左黎呢度.菜係一早寫定既, 我都唔太記得, 淨係寫有印象既幾樣. 有個老火湯, 飲落幾夠火喉, 就算有師傅都唔多. 有個唔知咩魚兩味, 即係炒球同炸, 好多酒樓都係咁整, 但呢度做得好, 唔會太油膩同厚粉. 鹽焗雞個皮好香, 又有雞味, 唔係坊間酒樓果D就咁搽鹽既貨色.甜品亦令人滿意, 脆麻花好鬆化, 又係非平常酒樓食開果D可比. 腰果酥比較特別, 唔係好常見, 做得層次分明, 但自己覺得甜左D, 同埋好難夾起(會散開一層層). 杏仁露話係自家磨既, 都幾好.其他菜式大致都唔錯, 廚師響賣相方面花左唔少心機, 餐具亦都好靚, 令成餐飯既格調提升不少.睇番其他人COMMENTS, 原來都好極端. 可能主人家係熟客之故, 我地得到既招呼非常好, 食物亦都幾滿意, 唔通有特別待遇?

呢間利園啲食評真係幾差，今日終於去試咗食晏。一行7個人，坐低部長就介紹龍蝦推介，當然無理佢啦，因為食餐晏唔使食得咁豪，點心就要叫先有。叫咗15個點心，無樣都好細碟，但係就真係幾好味。最後叫咗個瑤柱參菇炆伊麵，不過不失無乜特別。最係埋單531蚊，每位8蚊茶錢，可以再來既。

無樣好, 都唔知點寫, 服務態度很白鴿眼,食物一般但又貴, 只招呼相熟的客人, 但係佢又係apm中兩間酒樓其中一間, 另一間已經多人到嘔, 呢一間又咁唔爭氣,照咁睇, 想點心飲茶, 都係唔好去apm.

下午兩點後入座談！兩人食了三個小，兩個大，一碟腸粉，特價麵；都要２００埋單; so bad!!!!!!!!我唔會再嚟食

七大三細晚飯, 六菜一湯一楊枝金露.小菜不值一提, 唔係難食, 但竟然全部有剩, 可想而知唔算好食囉.個湯幾足料, 叫幾好味.楊枝金露okay啦.坐得都幾舒服, 唔迫唔嘈, 可以傾到計. 服務都唔差.如此食物水準, 價錢屬偏高.有得揀我應該唔會再去.

午膳時他們想做兩場，所以未坐下已再三提我一時前要"交枱"，我便說：都要睇你們出菜的快慢！搞到我食到匆匆亡亡。午市套餐認真麻麻，不太新鮮。

前日有間廠的老闆請我地去apm的利苑食lunch,一行十八人, 包括兩個美國客,經理設計了一個符合外個人口味的菜單,四季豆炒牛柳, 好味, 牛柳好腍,雜箘餃,精緻, 味道唔錯!荷蘭豆炒帶子, 帶子夠大隻, 但味道一般!菜味道普通!條魚, 冇魚味, 唔似海鮮, 似雪藏, 得個滑字..阿拉斯加蟹配拉麵, 要芝士龍蝦e麵好過~甜品係渣jar或查仁茶, 味道唔錯!!生果盤好精緻, 唔怪之得值百二蚊!!!!

公司附近無嘜好酒樓，APM 利苑開，老闆話要帶我地試下新。我3日前已訂了12:30PM貴賓房，裝修不錯。叫了以下點心:蝦餃、燒賣、鮮蝦腸粉、叉燒包、奶黃千層糕、煎腐皮卷、蘿蔔絲酥餅、粉果、雷沙湯丸，楊枝甘露、杏仁茶...等等，水準高，味道不俗。上湯莧菜，瑤柱蛋白炒飯，五指毛頭湯，宮庭醬燒骨，燒味併和不知名稱的麵，除個脆脆地既麵之外，質素好。WAITER 服務有禮，頻換碟和添茶，非常殷勤。一句講晒，掂!

我上兩星期訂左檯食飯..野食水平只係普普通通..不個"惡"魚肉幾好味..四個人食叫左5個菜...本來都覺得d 態度好好的...但後來黎左碟咩"蜜燒無骨鱔"一食...嘩..好咸...點食都係唔到係蜜燒lor~叫個經理黎試..點知佢唔試..只係夾左少少走左去..過左一陣佢話個師傅食過冇事wor...跟住就走左..冇理我地...頂..勁差lor...d service...咩叫蜜燒呀?一d 都食唔到有蜜汁味lor..冇蜜汁味都由佢啦..但都冇理由係咁咸lor...仲有呀..家下係d 客食..定你師傅食呀...真係不知所謂...我以後一定唔會再去lor~

1/5 到利園(APM)食飯, 要求開電視睇大長今結局, 侍應話要包房先可以開...., 嘩!食四千元菜無電視睇,到大堂city super食四十元反而有得睇,點樣招待客人?

上兩個星期去食, 一早就book 定位, 仲order 埋個杏汁豬肺湯.結果呢? 檯就有啦, 但個湯就無佐. 其實一心去食都係為左個湯, 無都無計, 因為一大半人去, 好難搵位. 不過連道歉都唔識就真係唔多掂. 菜式無乜特別, 樣樣都好細碟, 價錢唔算平.論服務同野食, 建議去返旺角個間. 我就唔會再去呢一間啦.