利強記北角雞蛋仔

營業中

休息中

一年前食過雞蛋仔今日下午去食,排咗唔係好耐今次兩種都食雞蛋仔仍然粒粒好食格仔餅都好食,又香$20 2 件

在鰂魚涌辦完事,步回北角,路過此店,見肚餓又去排隊。六點幾,五六個人排隊,後排隊的人漸多。此時呀姐會叫:「有冇人要雞蛋仔?」此時總有幾人走上來,「我要我要」,因為雞蛋仔不用等。不過,對上幾次都是買雞蛋仔,今次非試格仔餅不可,寧願排隊等下。沒計過等了多久,一底新鮮熱辣的格仔餅到手,在這呼一口氣也出煙的寒雨日子帶點暖意,格仔餅做到外脆內軟,的確由頭食到尾都保持脆口,不過餡料似乎不足,無乜餡料的味道,蛋味同樣不足,整件食落味道淡。看來這裡的水準退步了。路過的可以買底來食,但卻沒有專程來食的必要。

今日係附近，見有少少肚餓，不過今晚有飯局，唔可以食得太飽，所以黎左呢度買底雞蛋仔($11)頂頂肚先。雞蛋仔:排緊隊果陣已經聞到好香，食落仲好脆。可惜咩味都無，連甜味都無，莫講話蛋味。餡料又太少。以前食過一次都覺得唔錯，而家竟然可以退步得禁快，賣成11蚊真係好唔底，街邊好多好食過佢，賣得仲平過佢。有少少名過於實。失望好食既雞蛋仔，個人推介係銅鑼灣道果位伯伯，全港島唯一一檔用炭爐的。只係賣10蚊，不過好食過呢間10賠。

早陣子吃過雞旦仔，餡係林的，不是軟的。旦味真係好香，但個人覺得唔好食。今次試埋格仔餅，俾其他店的格仔餅，佢算係大份好多，也厚好多。但料好少(牛油、花生醬、糖)，似吃粉團多過格仔餅。

一月五日- 星期六口痕痕好想食雞蛋仔，便專程由銅鑼灣搭小巴去北角試試勁出名既北角雞蛋仔。遠遠已經聞到好香既雞蛋仔味，知道就快到嘞，嘩！好長人龍，有二三十個人排緊隊。足足等咗幾個字先到我哋，十一蚊一底、二十蚊兩底既雞蛋仔，我哋買咗兩底，雞蛋仔用傳統啡色紙袋載住，中間開咗幾個小孔透氣，莫非真係好食d？？雞蛋仔的確新鮮熱辣，脆卜卜咁，但內餡略嫌唔夠煙靭，所以個人認為只是普通貨色，一試無妨，但唔值得長途跋涉花太多時間排隊等侯去買一件如此貴價既雞蛋仔。

以前在北角返工, 成日可以食格仔餅,宜家轉了地點上班, 依然念念不忘, 專誠來幫襯, 雖加價了, 但尚算合理; 排了5分鐘的隊,熱乎乎的接住, 還到7-11要一個新出品的薑味維他奶,慢慢嘆~~ 第一口吃下去, 感覺沒以前般脆,林林的, 希望是錯覺....再多吃幾口, 味道依舊, 可是外脆內軟的口感消失了,有些失望....還是不得不一試牛頭角的炭爐燒格仔餅了。附:薑味維他奶反而有驚喜, 薑與維他奶拼出火花,喝罷暖洋洋, 值得一試。

上次食完後覺得其實唔錯，食左好耐都仲好脆，而且好有蛋味，不過需就需在冇味揀，D格仔餅都好好味，但係好滯如果俾老闆整可能會好味D，依家俾D伙記整就大打折扣喇！

去完王記買粥,見近十點肚仍空,自然想起格仔餅,純粹買一件頂肚餓。兩、三人排隊,先掏出10蚊,排到頭位才驚見加價,便想起有人問過,「11蚊的雞蛋仔算不算貴?」,原來如此。格仔餅沽清,要雞蛋仔也好。即製的雞蛋仔,自然新鮮熱辣,食落脆口,但蛋香不足。至於餡,開頭食落感有些空虛,餡帶點濕,繼續食,越食越空,心想有點不對徑,於是咬開一粒來看,入面只有一層薄衣而無餡,差不多可說是空心。再咬開一粒來看,餡只佔三份一。但勝在全程食到尾雞蛋仔的殼都夠脆口。以這底雞蛋仔來說,11蚊是算貴的。

晌度買過唔少雞蛋仔, 今日心血來潮試格仔餅. $20兩底, $11一底都唔平, 但咩時間都好一定有人龍排隊, 咁多年都無變keep到人氣, 真係好利害.由於有好多個雞蛋仔爐, 而格仔餅得一個爐, 所以格仔餅係要等得比較耐. 試左之後有些少失望, 餅比平時o個o的鬆厚, 但佢d 醬同糖落得好少, 加上醬係用吱筒吱出黎, 比一般花生醬稀, 結果本來已經好少醬, 再漏走唔少之後, 根本完全無味, 感覺係淨食塊餅....

當人人排隊等緊雞蛋仔出爐之際，我都係等，不過係等緊食格仔餅...不嬲都覺得呢度嘅格仔餅做得更出色....有蛋香，邊位微脆，又能飽肚...唯獨是醬下得不夠重手....但講水準，仍不及下邨嘅炭爐格仔餅...但聽講佢嘅水準差咗，揾日去求證一下先...

食過之後，應該都仲係雞蛋仔好d。平日的晚上十時五十分，路經此地，仍然見如常的有條約十人的小人龍。有理由相信，這裡大都是由朝排到晚的，而無論你喜不喜歡這裡也好，這也是一間非常成功的食肆。至少一向討厭排隊的我都排埋一份，皆因口痕，要了一底格仔餅。巧合地前面幾位排隊者都是要格仔餅，所以都要等了好一會。格仔餅烘起，因為想脆口一點及乾身一點，特地叫阿姐再放涼一會才塗醬料。見其熟手的塗上牛油、花生醬及練奶，再灑上砂糖，新鮮熱辣的格仔餅就已到手。吃一口，是幾脆口，亦有幾香的蛋味，完全沒有像西灣河某名店的喇口感覺，是這裡的蛋漿調得較出色了。如平常的夾餅般，吃起來當然是又香又甜。可惜吃起來是硬了一點，不夠鬆軟，就只差這一點點。當然又買多一底雞蛋仔，一邊行一邊吃。難得兩位阿姐的服務態度很好，與客人有講有笑，看得出敬業精神，以這間縮在路邊又由朝做到晚的小食店來說，很難得。格仔餅及雞蛋仔也是11蚊一底，廿蚊兩底，絕對不便宜。但做得有水準的，我當然不介意比多三、兩蚊。

一直知道北角雞蛋仔十分出名，但一直沒機會去試！無雞蛋仔不歡的我今天終於順路去到北角，又機緣巧合之下行到這裡。果然是大排長龍，難得到此，我一於照排隊，誓要吃到。我叫了底雞蛋仔、男友就要格仔餅；雞蛋仔果然好脆，但感覺同多位食家的意見一樣，少了蛋味及咬下去比較空洞；我反而覺得沙田第一城那檔雞蛋仔仲正，皮脆之餘內裡真是有小小蛋糕軟軟地的感覺，次次都忍不住手要食。至於格仔餅，特色是好大格，也十分脆；不過我們都覺得那些醬是『唧』上去而不像以前在街邊買的用小刀將醬『搽』上去的感覺咁正！不過總括來說都好味了，下次一定會再食。

見時時都排晒隊, 果日終於見一個人餓餓地走左去排隊試下, 不過好disappointed, 係就係熱辣辣喇, 勁脆tim, 但係真係冇味囉, 又唔煙un wor ... 重好勁制, 我食到最後4"lup"實在頂唔住食唔落要送比個垃圾桶, 我平時好有衣食唔side野ga,但真係食到頂住....其實我個人覺得銅鑼彎謝非道近sogo果度其中一間比較多人等嘅就真係好食好多.... 我一個人食一底重冇少少唔夠喉tim ....又脆, 又煙un, 甜味啱啱好...正呀!

同學介紹話呢度雞蛋仔好好食所以同佢黎食下排左一陣隊(都唔係好耐)一人一個雞蛋仔食落除左脆d之外都冇乜特別所以之後都冇再係度買雞蛋仔喇但係有一日,,行過見冇乜人排隊,,所以買左個格仔餅呢個真係唔講得笑又脆又厚又多醬食一個就飽到傻喇格仔餅真係好好味&好抵!!!

記得細細個讀幼稚園放學後, 不時會買返半底一底雞蛋仔.好味既雞蛋仔由當時$2一底到今時今日已經$11.碰巧搭完船返北角, 就行出來買一底.雖然排隊既人好多, 但手快快, 等左一陣就有新鮮整既雞蛋仔.今次的雞蛋仔蛋味少了些少, 不過仍是很香口, 比坊間做得好.是否the best 不重要, 不過已是one of the best in Hong Kong Island.下年有機會會俾d 外國朋友見識見識.