利強記北角雞蛋仔

營業中

休息中

雞蛋仔 ~ 唔知點解會有好大陣香蕉味道 , 幸好我唔抗拒食香蕉味既食物 , 雖然唔係話好食到嘩嘩聲 , 不過我欣賞佢既雞蛋仔入面有餡 , 唔會好似出面個d咁空心 , 而且蛋漿都溝得幾好 , 唔會食多幾粒就好膩。 格仔餅 ~ 同雞蛋仔用一樣既蛋漿 , 所以整出黎都係有香蕉味道既 , 加埋份量岩岩好既花生醬﹑砂糖同煉奶 , 一啖咬落去感覺 ~ 正!!!我認為仲好食過雞仔蛋添呀。 燒賣﹑魚蛋+腸粉 ~ 食過兩樣最出名既野之後 , 再試埋呢度d小食 , 估唔到wor , 連小食都整得幾好 , 唯一係山竹牛肉就唔掂。其實所有野都係新鮮熱辣辣個陣食既話 , 就一定會好味道d , 不過如果行開北角呢頭 , 都可以排隊買黎試下 , 至少唔會令人失望。

我是剛搬去北角住的 路過見到多人排隊就去試下 買了 雞蛋仔 & 格仔餅吃吃了一口之後真的覺得不太好吃，也不多再吃，唔明為什麼有這麼多人排，我覺得新光戲院的好吃得多!! 吃他不如吃新光戲院旁邊的

新工響北角返，基本上日日都會經過，好彩我覺得佢味道一般，同我食開牛頭角下村果ｄ根本無得比，如果唔係日日一底都幾甘！除左即叫即整之外，我真係唔覺有咩特別，係個皮幾脆，但裡面唔軟，亦無蛋香。十一蚊一底幾貴下！仲要排長龍喎...

唔係講笑.食過咁多唔同地方既雞蛋仔.我始終係中意以前小販既雞蛋仔!我唔係話佢難食.只係佢真係唔可以俾到我回味無窮既感覺有一樣野我唔中意既係佢既原味雞蛋仔.唔知點解係有香蕉味的.呢樣係令我唔中意佢d雞蛋仔既原因另外講下格仔餅,佢個格仔餅脆就夠脆.但係涵太少.又叫我唔好掉轉拎,d涵會漏晒,漏鬼咩,都冇咩涵,我平時食第度果d一拎就漏到成手係,漏穿紙袋,呢個我特登打直拎都冇野漏我寧願食藍田的漏涵格仔餅

來 北 角 的 其 中 一 個 目 標 是 一 嘗 雞 蛋 仔 、 遠 遠 便 看 到 有 人 在 排 隊 、 肯 定 是 這 裏 了 。不 用 等 多 久 、 熱 辣 辣 的 雞 蛋 仔 便 送 到 我 手 上 ( $ 1 1) 。 當 然 要 立 即 趁 熱 嘗 嘗 , , , , , 脆 是 很 脆 、 不 過 沒 甚 麼 甜 味 也 沒 有 丁 點 蛋 香 。 十 一 元 的 雞 蛋仔 . . . . 讓 人 失 望 、 只 能 給 個 O K

雞蛋仔係即叫即做,但係我唔覺得有乜咁特別值得排半個鐘囉. 蛋味好淡,一1d甜味都無. 格仔餅好似食緊面粉咁,因為餅好厚但係料好少.中環間超羣麵包個d雞蛋仔好食過佢多多聲!

之前看食評，基本上每個人對此店的雞蛋仔都讚不絕口，難得去到，當然要試一試，兩個人一次試了雞蛋仔和夾餅，要夾餅的話要個別同阿姐講，否則只需同阿姐講幾多底雞蛋仔便可。即做即吃雞蛋仔，一吃，除了熱之外(這是基本要求)便無特別，不夠蛋味和不夠香味，失望。夾餅就普通，煉奶、糖、牛油和花生醬分量適中，但味道一般。其實十蚊底可以做得好一些，此質素與其他街邊檔無異。論質素沙田第一城的那店比較出色。p.s. 在等候時，我見阿姐將爐下的盤上多餘的蛋漿倒在一個桶內，希望她不是循環再用吧！

昨天,收工後,由鰂魚涌行去北角買格仔餅,去過呢間買格仔餅嘅人都知道,買格仔餅要出聲叫佢做,嗰個阿姐一邊講電話一邊做,我第一次叫完之後,原來前面有人又等緊,阿姐做好後,呢底當然係此前面嗰個啦,之後我再叫第二次,呢個時候阿姐啱啱講完電話,態度極差地說:"你頭先有冇叫呀,落咗嫁喇" 佢噤冇禮貌，我當然唔會比錢去受氣啦,之後我要去佐敦,所以順便去佐敦嗰間買,點知呢間嗰個阿姐（賣魚蛋嗰個)重衰,好似當人傻嘅噉，比件格仔餅我嗰陣叫我放平件格仔餅攞，我心唸,放平件格仔餅攞點食呀?之後呢個阿姐重細細聲鬧人"痴線",我唸佢就嚟要教埋人哋點食嫁喇,人哋點攞關佢咩事呢.其實，之前我去灣仔嗰間買格仔餅,啲阿姐都係噤冇禮貌,啲阿姐大聲話"買格仔餅嗰啲行埋一邊呀". 可能呢間舖啲阿姐以為全香港得佢有格仔餅賣.呢間啲格仔餅都幾OK,但態度極差,衛生嘛嘛,又等得耐,我以後唔會再去買.

食了這麼多年，市區的雞蛋仔的確這裡是最好的了。脆而有適量的肉，有濃蛋香，又因人龍所以永遠新鮮；吃過景隆街特便宜的，便知道這裡為什麼賣十一元一底都可以大排長龍了。成功是有原因的。有些人說這裡雞蛋仔內是空的沒有肉，我卻覺得食雞蛋仔不是吃雞蛋糕，應算是各適其適吧。

識飲識食復活節(三)其實不是第一次吃，但由於這次是第一次在總店買雞旦仔，特此記下。記得尖沙咀分店那間的雞旦仔都好吃，但只是比普通的好一點。這次趁假期經過便來吃吃。並不需要排很久就有得吃，拿上手時還是熱辣辣的。拍了一輪照才吃，嗯，果然夠脆口！再吃，都是脆口，但其實蛋味不太濃，但始終很久未吃過有水準的雞旦仔了！而且首次吃到這麼脆口的雞旦仔，實在感動。有機會就來Encore啦。

很可惜地，要說水準真的下降了。這裡曾經是我最愛的雞蛋仔，每次來到北角也會來買來吃。但那老伯沒有再做的時候，感覺上沒有以往那麼美味。試多了幾次，真的不及以前。以往不管多少人在等，老伯都會堅持要把雞蛋仔吹涼後才擺入紙袋內。但這次他們並沒有這樣做，吃到最後有濕濕的感覺。以往的每粒內裡都是滿滿的，但這次卻是半滿的。以往的蛋香也淡了很多。唯一的好處便是這裡有很多人排隊來買，一定新鮮。始終失去了才會去懷愐著過去。

平心而論,雞蛋仔要好食,就係要夠脆口同香口,如果食落去苦既,擺耐少少就淋晒既,就算2蚊,都俾多....不過尋晚同女朋友去北角行街,見到雞蛋仔鋪頭,平日行過,放學時段都特別多人,見今次夜少少冇咩人...決定去試下...當然11蚊底當然係貴,我叫左一底,拎上手,仲有微暖,好明顯係一早整定...之後食落去,的確,佢既脆口仍然猶在,而且雞蛋粒之間既薄脆都非常脆口,但略嫌蛋味唔夠香濃,或者因為已經擺左一段時間,但就未至於食落係苦既,至少證明佢定期都會整走D蛋焦佢...而且個袋好用心,周圍都吉左D窿窿,放便下面既雞蛋仔可以透氣,冇咁快因為濕氣而令佢地變軟....雖然11蚊一底,不過我都覺得物有所值...

尋日本來想去北角食十三座牛什, 點知無開, 甘咪順便去食呢間雞蛋仔有乜甘好食, 去到一個人都無, 看價錢, 五係呀, 十一蚊甘貴, 好過去搶, 不過諗住甘貴好食都值既, 順便試埋個夾餅, 點知食左一口就覺得物不所值, 雞蛋仔無蛋味, 夾餅重好難食, 重有原來d椰絲如果五出聱五俾你架, 只係俾糖架咋, 甘都得? d 阿姐態度好差, 直情好似五憂做甘, 一定五會再食囉, 太安樓好食過佢多多聲, 人地都係賣7蚊咋! 招呼都好過佢多多聲, 呢間北角甘既鋪頭, 人又差, 野又差, 都五明d人甘鍾意比錢買氣受??? 重有d阿姐重一路傾計, 一路整架, 嘖哂d口水, 如果五係收左錢先, 一早五買~

講左咁多年, 終於有幾會試, 一食落口, 嘩, 好得呀,真係好好好好味, 佢一整完就放落個袋到, 但係都好脆, 真係受歡迎都有佢既道理. 而家諗起都想食, 有機會可以試下佢個夾餅, 應該都唔差, 太安樓完全無得揮囉~~~

這些日子犯懶一下子欠了很多食評，容我慢慢補吧，唔，從雞蛋仔開始寫起。香港的雞蛋仔很出名，之前都只是吃過宿舍附近一間小店的，其實也不錯，不過北角的就有明顯高出一班了（也貴三蚊呢！）質感抵贊，外皮酥脆如威化餅乾，內裏則鬆軟如紙包蛋糕。濃濃的蛋香，滲透著淡淡的甜，叫人回味無窮，真想買多一底呢。不過有點遺憾的是天氣太凍，我吃得又慢（好東西是要慢慢品嘗的，不是嗎~），結果好快就變冷了，可神奇的是，它沒有變軟塌塌，反而酥脆依舊！但終歸還是熱辣辣剛出爐的最美味呀。等天氣回暖些，就再返北角回味吧！