利強記北角雞蛋仔

營業中

休息中

事源係咁既排左15分鐘既隊，到我啦終於同個女人講話要格仔餅。佢啤住我大大聲講格仔餅唔早啲出聲講？！吓 你又無寫話要早揚，心諗一定要食雞蛋仔嫁咩，事關見佢有四部雞蛋仔機，整完一餅即刻整第二餅。咁我唔出聲忍住度氣因為我個刻好肚餓，之後我就等左十分鐘佢有第二底雞仔完成，無啦啦隊比我叫我比錢！我話我要格仔餅喎！佢收完我張$50，再空手掂啲雞蛋仔omg ，之後問都唔問我後面個位先生要咩就隊左雞蛋仔比人😓都唔緊要，我諗住你個格仔餅好好食我忍住啖氣！點知一食🫠真心唔明點解仲咁多人排隊..食過最難食既格仔餅！又硬又無味🤦🏻‍♀️仲要$28！比乞丐都無咁嬲

經過幾次都排長龍冇食過今次排到咗10分鐘就有得食發現大部分都係本地人排隊證明口味都好正宗👍🏻👍🏻新鮮即整超級熱辣辣仲要好有蛋香味每一粒都外脆內軟，啱啱好一半空心但價錢$28一底😮‍💨如果唔使排長龍都可以一試

最近去咗一間人氣小店試咗佢哋嘅格仔餅，因為店家得一架機整餅，製作過程真係唔快。我哋點咗一份$28嘅格仔餅，等咗超過15分鐘，心裡滿懷期待，想試下呢款話咁出名嘅小食。可惜，拎到手時，除咗熱辣辣嘅溫度真係滿分，其他方面真係令人失望。餡料少得可憐，薄薄一層，咬落去完全唔夠滿足感。味道方面，因為餡料少，格仔餅本身嘅蛋香同酥脆都救唔返整體嘅平庸，食落只係一般嘅水準，無咩驚喜。以$28嘅價錢嚟講，性價比真係唔高。睇到網上咁多人推介，本來以為會係一試難忘嘅滋味，但實際體驗同人氣相比實在言過其實。有啲失望嘅係，等待嘅時間同最後嘅味道完全唔成正比。如果下次再有機會，可能會試其他款式，或者直接跳過。總括而言，呢款格仔餅熱度有餘，但內涵不足，未能達到期待。

我行埋去都未order，直接逼我要雞蛋仔冇人排隊嘅時候老實說，全部整定嘅！收到個格仔餅，係浪費食材嘅級數，超級難食！只係剛剛熟談不上外脆內軟這些對他們來說太高要求！ 我簡直覺得佢嘥咗啲煉奶同花生醬⋯ 好嬲！下一位顧客走埋去阿姐直接開鬧同佢講嘅嘢都唔應咁人哋問多你兩句都好正常啫….叔叔想先行order俾咗錢然後返轉頭拎完全冇人排隊，我唔明白有咩問題？…個雞蛋仔只能夠用剛剛熟嘅粉團嚟形容。 我以為等一陣佢會脆返少少完全冇..

平時行過太多人排隊所以冇食過，今日冇咩人排買左一排雞蛋仔試下等左5分鐘左右可以， 姐姐做嘢效率好快， 新鮮熱辣整起， 攞上手仲好熱，外皮好酥脆，但有D硬，甜度剛剛好，內餡也很乾，頭十粒還可以， 越食越口乾。整體好香脆😋 相信剛剛出爐係最好食嘅📍北角英皇道492號

每次都係食尖沙咀果間，第一次黎到北角試原店的北角雞蛋仔，味道都唔錯，唔太甜。雖然都要排長龍，今次排咗大約15分鐘分鐘，但本人都係鍾意尖沙咀店多啲，可能有遊客feel感覺好食啲😃

去到見到有好多個擺左好耐既雞蛋仔，啊姐唸住求其俾一個凍雞蛋仔我，要主動request先有新鮮雞蛋仔…仲要態度超差！好明顯就係出左名就冇心做生意，尖沙嘴嗰間好食勁多

工作日中午和同事一齊去買雞蛋仔，去到見到無人排隊。當時已有兩份放咗唔知幾耐嘅雞蛋仔。我和同事提出想要新鮮出爐嘅雞蛋仔，我認為是合情合理的請求。但係服務人員收錢後居然直接鬧我哋兩個。請問：1. 買雞蛋仔想即叫即做有什麼問題？2. 如果店員有意見為什麼不是收錢前講，而選擇收錢後辱罵顧客？明明可以先溝通清楚再收錢。非常不能接受的服務態度。其實一直很喜歡利強記雞蛋仔的味道，亦幫襯過唔少次，但係今次真的覺得不能接受，以後不會再去幫襯了。

每次經過都很長龍，大部份都是遊客慕名以來，好想食但又唔想排！今天回家路上，見冇人排隊，於是買了一底格仔餅，這是我人生食過最難食的格仔餅🧇！首先，這底格仔餅不是現製的，所以只有微溫，再者非常厚實及硬，很難咬開，內𥚃醬料只有薄薄一層，真心$28一啲都唔平😭，一路食一路想講粗口🤬！有被騙的感覺，不吐不快😑

路過附近又想食格仔餅，嚟到見到有十幾人嘅人龍，大部分遊客，我見唔趕時間就照排一陣。排咗半個鐘終於買到，但唔知點解硬得好緊要，一咬開，成個邊甩出嚟，成塊格仔餅硬得好緊要，一啲鬆軟嘅感覺都無，好失望。以前食過雞蛋仔質地好正常，唔知點解今次會咁硬。味道而言係ok嘅，略甜咗少少，而牛油煉奶砂糖都畀得足，過口癮嚟講還好。不過排咗咁耐隊真係好後悔，仲要$28，下次想食的話無人排隊先會考慮下。再唔係食天后臨記好過。

雞蛋仔嚟講呢一間都可以話係香港其中一間最出名。呢度嘅雞蛋仔係即叫即做，用傳統銅模具製作，保持住最原始嘅風味。每粒雞蛋仔都烘得外脆內軟，香脆可口，蛋香濃郁雞蛋仔咬落去有一種特別嘅蓬鬆感，唔會覺得只係啲空氣，內裡柔軟又唔會過甜，真係做到外脆內軟嘅完美口感。店鋪每日都有唔少人排隊，但係價錢稍貴

咁啱路過買咗一底雞蛋仔食，冇蛋味、冇甜味，係乜味都冇我見賣雞蛋仔阿姐刮咗幾次都甩唔到模已經心知不妙，果然有部份雞蛋仔只得一半食咗4粒已經頂唔順，掉咗落垃圾桶$28買個教訓，好彩唔使排隊啫！

雞蛋仔香港有很多間，但係唔係間間都好味。試過好多咬落都係空氣。呢間粒粒都好有口感，就算排長龍都值得。新鮮熱辣即整冇得頂😍👍就算將軍澳分店同呢間都唔同，識食一定要食北角呢間

我今日去試咗間滿有人氣嘅雞蛋仔店，一路行過去就聞到陣陣蛋香，實在抵死得意！原味雞蛋仔脆口得嚟又唔會太甜，啫喱啫喱嘅內餡同脆脆酥酥嘅邊，宜家想起都仲流哂口水🤤。雞蛋仔整得啱啱好，嗰種熱辣辣，啖啖都是幸福感，真係食得落去又唔使太心痛嗰種。講真，我真係見到可以唔洗等就買到呢啲級數嘅雞蛋仔，心情即刻爽晒😌。攞咗之後已經即刻食咗一粒，噢呀，簡直係究極滿足！啱啱好嘅半溫半熱嘅程度，真心話，舊式嘅雞蛋仔真係有種樸實嘅美味，足足嘅包餡係我尋味嘅重點之一嚟㗎！即使離開咗店舖，心情都似食咗糖咁嘅甜🥰。總之，依家想到都忍唔住要推介比朋友一試，咁正嘅雞蛋仔，實在係值得喎！👍🏻🎉🥳

呢間雞蛋仔店都幾出名，睇佢門口貼晒同明星既合照就知啦，不過價錢一啲都唔便宜，要差不多三十蚊先有一底雞蛋仔。味道方面係水準之上既，雞蛋味濃，質感都夠香脆，如果突然間有舖懷舊小食既癮都會走過嚟懷緬吓食既唔單之係雞蛋仔，仲有童年既回憶，成件事即刻升華晒