更多
2009-04-11
22 瀏覽
在北角區經常有兩條人龍,一條係位於書局街王記糖水門外,另一條係一街之隔,位於琴行街北角雞蛋仔門外。此店嘅雞蛋仔做到街知巷聞,不少城中名人都有幫襯過,還拍照留念。筆者與太座食過唔少街邊嘅雞蛋仔,發覺此店嘅出品果然與眾不同。一般嘅雞蛋仔有幾個弊病,第一係以雞蛋粉充之,焗出嚟嘅雞蛋仔只布雞蛋嘅顏色而冇雞蛋嘅味;第二係火路控制唔純熟,令整個雞蛋仔好硬,兼且會界口;第三係材料唔足,焗完之後,冇錯外皮係香脆,至弊內裡亦空空如也,好似紙一般穿腸過肚,食完好似冇食過一樣。呢度出品嘅雞蛋仔冇犯以上毛病,外表焗得金黃香脆,有蛋香味。裡面還有一層軟綿綿嘅餅底,幾乎佔據內部空間嘅一半。紙袋布滿小孔,幫助水氣散發,防止雞蛋仔變淋。一底十二蚊(兩份廿二蚊),如果唔係太肚餓嘅話,呢一底絕對可以充饑。
一般嘅雞蛋仔有幾個弊病,第一係以雞蛋粉充之,焗出嚟嘅雞蛋仔只布雞蛋嘅顏色而冇雞蛋嘅味;第二係火路控制唔純熟,令整個雞蛋仔好硬,兼且會界口;第三係材料唔足,焗完之後,冇錯外皮係香脆,至弊內裡亦空空如也,好似紙一般穿腸過肚,食完好似冇食過一樣。
呢度出品嘅雞蛋仔冇犯以上毛病,外表焗得金黃香脆,有蛋香味。裡面還有一層軟綿綿嘅餅底,幾乎佔據內部空間嘅一半。紙袋布滿小孔,幫助水氣散發,防止雞蛋仔變淋。
一底十二蚊(兩份廿二蚊),如果唔係太肚餓嘅話,呢一底絕對可以充饑。
張貼