利寶閣 (已結業)

無事常相見，同朋友之間嘅關係正是如此，畢竟感情要靠時間士經營、維持。國慶連假過後，一行四人黎到大角咀用膳，選擇比較穩陣嘅中菜，利寶閣位於奧海城二期，位置方便我地，加上平日晚上經過都唔會見到好多人，所以無特別訂位。酒樓面積都幾大，平日晚市人流唔多，主要係住附近嘅街坊，同埋聽得出係遊客。變相用餐時間好鬆動，慢慢坐慢慢傾。餐牌其實都係以中菜為主，豐儉由人，海鮮、鮑魚，一般小菜都有。我地點左個四人套餐再加個谷飼豚肉叉燒配原盅佛跳牆，足夠有餘，人均消費約二百五蚊，都非常豐富。茶位 $15/位；酸菜 $20谷飼豚肉叉燒飯配原盅佛跳牆 $188晚市雙拼優惠嘅黯然銷魂飯，實質即是叉燒煎蛋飯，多得食神，將呢碗飯冠以一個咁深入民心嘅名字。叉燒飯上枱賣相吸引，叉燒好似梅頭咁免切上枱，肥瘦半半，口感嫩腍，邊位香口，加上少少蜜汁味，確實不俗，太陽蛋流心，撈飯一流，唯午市價錢更抵食。孖寶形式配佛跳牆，鐘意燉湯嘅朋友應該都會鐘意，裡面幾足料，除左雞腳，仲有花膠、海參、瑤柱、菇等，味道濃郁滋補。豐料燉湯海鮮餐 $688/4位 (星期一至五)點選四人套餐，包括：湯羹、海鮮、小菜三款，份量足夠，即使再額外加野都唔會好貴。

相信有好多人平日食晚飯好少會去酒樓 （雖然我都係 不過今日心血來潮想試下 所以就落左樓下商場既利寶閣）入到去經理就介紹下有乜抵食既餐咁傾完一輪之後 見佛跳牆做緊優惠 梗係試下啦！佢個佛跳牆係跟個豚肉叉燒飯 都係$188 個叉燒蛋飯黎到枱面 我係呆左下既因為太有驚喜啦 以為係普通一碗咁點知道成碗黯然銷魂飯咁 成舊叉燒係免切 淡淡肉 仲有d蜜味 蛋又黃又靚 同坤賣相係有心思既！佛跳牆鮑參翅肚齊哂之餘 有花菇 瑤柱 瘦肉等等 塞滿哂整個盅 仲要有2隻鮑魚！個湯底好甜 應該幾補下 無得輸呀呢個套餐！原隻上湯龍蝦伊麵今次揀選了上湯焗龍蝦伊麵，龍蝦大大隻而龍蝦肉質係實既而且新鮮，十分juicy多汁，伊麵麵質剛剛好，吸收哂上湯精華同龍蝦鮮味碧綠炒斑球 （$108）斑球都幾難整得好食 而呢到做出個水準來 肉質唔散 鮮味 岩岩好！用黎送飯一流！好快就清哂服務仲要好好 食一餐飯主動換左幾次碗同茶 呢一個絕對要讚總結，絕對係驚喜之作呀 呢一下心血來潮來得好呀！想唔到閒日晚餐去酒樓食 別有一番風味

難得今日放假陪媽媽去咗奧海城行商場，見到（利寶閣）做緊穀飼豚肉叉燒飯加例湯特價$68，便入去試吓，仲見到門口掛著個賣月餅的招牌，原來仲有大約一個月就到中秋節了，時間真是過得很快，最緊要係開心同揾到好嘢食，食完飯仲買咗盒月餅回家吃。穀飼豚肉叉燒飯連例湯$68，用了豚肉做叉燒，入口鬆化，美味金香，加埋厚切，啖啖肉。鮑魚燒賣皇$17飽魚鮮味，爽口彈牙，燒賣啖啖肉，這個價錢十分抵食脆皮燒腩仔$78$ 外皮燒得卜卜脆，一層瘦加一層肥，又夠味道 不會太鹹太肥膩，這個部分就是最好味。錦鹵雲吞$51 依家係好多酒樓都冇整錦鹵雲吞，好難食到，見到餐牌第一時間要叫，酸甜汁湯料份量十足，酸酸甜甜，非常開胃。燒汁木魚茄子$17蜜糖蜂巢糕$17 這個蜜糖蜂巢糕帶著煙煙靭靭的口感，真是不錯。

今晚朋友約食晚飯， 來到這間奧海城商場的利寶閣食晚飯， 這是我第一次幫襯這間酒樓， 初時未食時以為價錢比較貴，但食完又覺得合理，低食。先嚟一個孖寶， 有豚肉叉燒飯拼佛跳牆， 都係188元，正。 叉燒飯造型就像傳說中的黯然銷魂飯， 煎蛋和叉燒賣相都好吸引。 味道方面，醬汁好正， 加上叉燒肉質軟身， 口感軟綿。 至於佛跳牆，亦非常多料， 食食下還有隻鮑魚添， 彈牙好食，而湯味道鮮甜， 燉得十分夠火候。再嚟脆皮燒汁雞， 不是雪藏雞， 雞肉肉質鮮嫩， 很有雞味， 確實是皮脆肉嫩，口感豐富。要有菜有魚，當然是碧綠炒斑球， 斑球肉質新鮮，入口鮮甜， 加上又有益的西芹，美味。最後美味欖角骨， 特別的一道菜 ，其實是用排骨 沾上麵粉炸成。 再加上大量欖汁炒起， 皮脆肉嫩 之外，加上欖汁嘅香味，佐飯一流。埋單加起來都唔使七百蚊，幾個人share又真低食，加上味道好食， 下次來奧海城都可以預早book位食。

上星期去奧海城行街shopping阿媽比阿So 張poster吸引住什麼20載芳華亮點係$20隻鮑魚既然咁抵食一於同阿爸阿媽去食餐好嘅室內裝修雍容華貴吊燈好有貴族豪華氣派最緊要就係座位坐得舒服員工服務都貼心嘅今晚嘅主角當然就係 $20隻鮑魚絕對冇令我地失望鮑魚貨真價實而且size仲幾大隻每人一份刀叉 食鮑魚更加有氣勢鮑魚肥大肉厚入口咬落勁彈牙有嚼勁燴鮑魚嗰醬汁更加係精華所在每位只限一隻優惠唔知做到幾時呢係我個人必食推介好啦係鮑魚個friend谷飼豚肉叉燒配原盅佛跳牆 $188係另一個心水推介首先其實係一碗叉燒飯江湖俾個名佢叫做暗然銷魂飯首先係厚切勁大件叉燒半肥瘦偏向瘦谷飼豚肉肉味特別香甜一啖咬落去實在太有口感啦叉燒撈埋蛋汁同飯一齊食滿足感爆燈佛跳牆更加係滋補養生一忠燉湯裏面 鮑魚、海參、魚翅、花膠齊備既名貴又好味親民嘅價錢但係有豪華嘅享受飲完碗湯都已經飽咗一半再食返兩個特別小菜美味欖角骨肉炸到鬆脆可口多肉汁面層嘅蜜糖 增加香甜未另一味涼瓜安格斯牛肉更加係高質素惹味之選最後仲送我哋一碗糖水爸爸媽媽都讚不絕口中菜果然適合父母口味絕對無介紹錯

有一段時間沒有和家出來食下飯了，今天便約了家人出來食下好野，家人的口味都是偏向中式餐廳，所以就悉心挑選了餐廳讓家人可以好好飽餐一頓。竹笙珍菌燴上素用料十分充足，珍菌用量十分多，竹笙的十分大件，每款食材都十分新鮮，食得出鮮甜的味道。廚師調味十分適當，不會太重口味，可以好好配合竹笙跟珍菌的鮮味。鮑魚荷葉飯用料有鮑魚，付荷葉飯升級了不少。整個荷葉飯的份量很大，加上其他豐富的配料，在味道的層次上增添了不少，最重要的是飯粒都吸收了其他食材的味道，可以說是吸收了全部精華。美味而濃郁的味道令人難以忘記。三色椒蒸龍躉頭腩龍躉頭腩的肉質有足夠的油脂，令你食落口已食到滿口的油香，加上三色椒除了賣相可觀之外，也將龍躉頭腩的味道有所提升，整體肉細膩而嫩滑，有入口即溶的感覺。

自從食完呢度晚市優惠孖寶，仲念念不忘個種味道，正所謂食過返尋味真係要搵番日再來食過，又可以滿足一下食慾，就今似咁行開呢度睇戲順便係附近食埋先入場夠方便，而且仲有好多食肆係度俾你慢慢選擇，不過俾我冇意間見到有分店係度當然望一望睇吓仲有冇做優惠先，好彩仲有咁食先至夠精明，唔駛諗就同好友入咗去，先點咗呢個人氣晚市孖寶再點埋其他精美小菜一同品嚐，先來有孖寶之一谷飼豚肉叉燒飯，眼見厚厚嘅肥美叉燒真係未食先興奮，再配隻荷包蛋同醬汁雖然望落簡單但其實咁食先最正，我都食番件叉燒先，話晒都係谷飼豚肉食落口感確係唔同D，入口香軟又帶點脂肪食得特別滋味連埋蛋漿一齊食更香濃，接住有孖寶另一款原盅佛跳牆如果飲過呢盅湯你就會知道佢用料十足，記得要趁熱飲唔係就嘥咗，飲落啖啖清甜又唔油膩夠晒滋潤補身，又可以食埋豐富食材真係一舉兩得當然唔止咁少啦，再來有粟米石斑塊，仲係分開上夠細心睇見斑塊件件都炸得金黃就知夠香脆，熱辣辣就咁先食番件，咬落外層鬆脆內裏斑塊肉質夠香嫩再落埋粟米汁食又會有一番滋味，依家凡惠顧晩市每人俾多$20，就可以品嚐埋鮑魚一隻，我當然唔會錯過呢個機會咁抵食，咪睇佢咁平就以為普通食落你就知好好味，輕輕切開

補返父親👨🏽節 就帶爸爸食利寶閣晚飯叫左二人餐 用匯豐信用卡 有8折每樣菜式都有兩碟 一人一碟唔洗爭 呢隻芝士蝦 芝士味一般 唔濃 蝦身有d乾 但勝在夠大隻 肉質一般 唔算彈牙爽口有海參鮑魚 正 隻鮑魚糖心架 好入味好腍 岩爸爸食 無乜牙都咬倒有豆苗腐竹湯 清清地 味道淡淡的 但配魚湯底 算唔錯 （兩人份量 得一碟 都夠）有個雞飯 兩人份量 事關食前菜都飽 呢個飯好彩得一碟 唔係實食唔晒 個荷葉味唔重 但個飯底好軟好食 雞就冰鮮雞 無咩雞味 但差不多唔差既每人一盅湯 雞湯 幾清幾好飲 幾鮮 好似有螺頭味每人一碗杏仁茶 好味夠濃郁 兩人分一碟蛋散 食食下 原來都幾飽 初初仲驚份量細少唔飽要再叫多幾碟 好彩 折完般水$600幾蚊 都算抵啦 有鮑魚喎 仲要父親節 幾好幾好👍🏻

行開奧海城搵野食，俾我發現左呢個中菜館！晚市就算7點幾都唔洗等位就可以入座～入都去緊係第一時間「裝」下其他人食緊咩😂俾我見到好多人都嗌豚肉叉燒飯，外賣好吸引，應該係招牌餐吧～睇menu好多選擇，我都簡左10分鐘先決定好😂首先要讚既係呢到個餐具好令，完全係我個飯❤️花花控，忍唔住要影低佢。🐽豚肉叉燒飯配原盅極品佛跳牆呢個配搭完全係食神入面既畫面😂黯然銷魂飯！不過唔係講笑叉燒真係肥瘦均勻，大大件夾抵食！佛跳牆d料多到。。有鮑魚、花膠、魚翅、豬腱等，湯水吸收曬d精華，真係好好飲！🐽碧綠炒斑球斑球好有鮮味，咬落肉質唔會好散🐽燒汁脆皮雞雞肉好肥美，正！🐽美味欖角骨呢碟略咸，但配飯應該一流如果再去都一定要再食黯然銷魂飯🤤🤤🤤

小妹今天和母親去奧海城逛街，奧海城是港鐵奧運站一出的大型商場，地點非常方便。午餐選了位於奧海城二期的利寶閣，我和母親都喜歡食中菜，今次第一次試這間酒樓。午市餐牌款式選擇多，有點心，優惠炒粉麵和小菜。我一眼就看到點心紙上有我喜歡的錦鹵雲吞，不是每間酒樓都有做的，見到當然必食。錦鹵雲吞是最快上枱的，一大碗好多料的甜酸汁，配上六大隻炸脆雲吞。甜酸汁內有叉燒，蝦，象拔蚌片，菠蘿等好足料，要讚一讚三色椒，煮得好爽脆又甜。六隻炸雲吞好大件，上枱時還熱的，剛炸起好脆，$58抵食。另外媽媽要食飯，就點了孖寶套餐$68（叉燒蛋太陽飯，配足料老火湯）老火湯是椰子雞腳豬肉湯，雞腳煲到好稔，雞腳骨入口即溶，雞湯味重加上椰子味好甜，夠曬滋潤叉燒太陽蛋飯，太陽蛋個底煎得脆，蛋黃甘香。叉燒肥瘦適中，肉質軟滑，咬落去有肉汁滲出。白飯軟硬適中，有米香。整體而言，利寶閣的叉燒太陽蛋飯非常推薦。翡翠蝦黃腸粉（$42）好欣賞上枱的時候腸粉仲好熱，熱辣辣的腸粉好軟綿綿，粉皮好細滑。蝦好大隻，蝦肉爽囗彈牙葡撻有三件（$36）牛油酥皮鬆化，有牛油香，蛋醬表層焗到少少脆，中間的蛋好滑飯後食碗凍楊枝甘露（$28）芒果好甜，柚子清新，一

朋友新居入伙，剛好今天到那區辦事，約了在樓下商場飲茶。地方算寛敞， 燈飾富麗有氣派， 趕時間坐落便開始點餐豚肉叉燒飯配例湯叉燒無切上枱，size 約有四吋長，還有隻半生熟蛋，增加了外觀美感而且又入口香滑要勞煩服務員幫我們 cut 開味道適中不會太甜， 厚身啖啖肉，68元還有個椰子鳳爪湯， 簡直是 平靚正點心有咖哩土魷、脆皮蝦餃、 鮮蝦香芒沙律卷、欖仁上素粉果、 翡翠蝦皇腸粉蝦餃炸完之後變了脆皮，入口煙煙靭靭，連同粉皮上的蒜蓉碎一齊食，比蒸蝦餃無咁油膩，改良夏天食法，又可以逐隻叫，不會浪費 欖仁上素粉果， 餡料全部是蔬菜，入口清爽味道和環境都不俗，可惜下午要繼續開工，有機會再去食過。

同一大班人出去食飯，成日都走去食樓上Cafe，今次諗住試吓新野去食啲中式嘅酒家。奧海城有間利寶閣，之前有朋友喺附近返工話同同事去食幾好食。今次就一於試啦。真係估唔到佢咁好食，呢間酒家嘅價位都叫做中上，但係原來其中一道最出名嘅菜竟然係叉燒飯？咁有趣我哋就要試吓啦。點知真係好好食！真心係我食過最好食嘅叉燒，肉質好林，而且好香叉燒味蜜汁都好夠，我哋全部人食完個叉燒飯都唔夠喉再叫多碟叉燒。另外佛跳牆亦都係另一個招牌菜，湯料十足，有鮑魚又有魚翅又有花膠又有瘦肉等等，實在係大滿足其他餸菜亦都非常印象深刻，例如個魚腐同一般嘅非常唔同，入口即溶，而且非常香滑，煲入面仲有好多白菜仔，非常健康。因為我地太多人，所以仲叫咗好多菜，例如雞、魚紅燒豆腐等等。整體而言對所有食物嘅質素都非常滿意。最後經理仲請我哋食甜品同果盤，服務非常滿意

搵到一間好適合家庭係平日黎既中菜館,一黎唔洗點等位,二黎環境比起一般酒樓靜,適合一家人慢慢嘆茶傾計.菜式方面試左一個馳名既黯然燒魂飯，當然無周星馳戲入面形容得咁誇張，但係原塊叉燒上既叉燒飯真係好少地方有得食，而且叉燒肥美又夠厚，的確唔錯。至於隨餐附上既佛跳牆味道就淡左點，適合年紀大D既人食，入面都算幾足料。另外我地叫左一個雞翅，相比之下呢個翅濃味好多，而且有足份量既翅係入面，以咁既價錢算十分抵食。最後食左個雞就算係普通D，但係就新鮮熱辣，岩曬一路傾計一路食。惟一不足既就係人手少左D，服務都尚算OK

自從搬了出去住後跟老媽子撐枱腳的機會小了很多， 適逢老媽子今晚無煮飯於是跟她到奧海城吃晚飯。先來一碟魚湯雲耳泡菜苗清清味蕾，魚湯鮮甜菜苗亦好嫩，是頭盤的好選擇。跟着一客適合夏天開胃脆皮香芒蝦球，蝦球外層好香脆，裡面亦啖啖蝦肉，配合調得剛剛好的香芒汁不太甜亦不酸。突然來一客黯然銷魂飯，起初媽子覺得 L 一場來到酒樓吃飯為什麼要吃煎蛋叉燒飯。她說在家煮給我吃便可中。 L 則解釋這是採用穀飼豚肉所製的叉燒， 醃製入味而且肉質夠腍。真是老媽子無牙都食到。 值得一讚時那個甜豉油有畫龍點睛的作用。 菜心亦嫩綠， 跟又紅又黃的叉燒及煎蛋互相輝映。飯亦夠乾身，粒粒都軟硬度適中，媽子吃過後亦沒有再囉嗦! 唯一 L 覺得可惜的就是沒有混入洋蔥碎。至於荷包蛋的蛋白邊如果再略為煎香一點就更好，有脆口的感覺。戳穿蛋黃後將蛋黃汁流出跟熱飯混和不期然回想小時候老媽子煮的餐蛋飯一樣。正所謂「壇啟葷香飄四鄰，佛聞棄禪跳牆來」， 一盅佛跳牆裡面經已有鮑魚、海參、魚翅、魚肚、花菇、鮑魚、雞腳，瘦肉等材料，當然不可缺少用雞熬的高湯。高湯鮮甜，材料亦很多， 鮑魚經慢火烹調後亦變得好腍。魚翅亦多得像銀針粉的粗。原名為「福壽全」，

老媽子話好耐冇食中菜，就帶佢黎利寶閣試下～今日我地都叫左幾多野食。前菜有小炒豆角，好惹味😋佛跳牆由細到大聽就多，之前係另一間利寶閣食過，今日就推介媽咪試下。我媽話好足料，大讚個湯入口夠膠。一個Set 連埋叉燒飯，真係一絕。我媽欣賞呢個豚肉叉燒飯，睇落平平無其，但外面有小小脆口，初初有d擔心會靱，但食落鬆化、靱度岩岩好，好易可以切開，大大咁啖食😏跟住上左蝦籽柚皮，細細個好中意食，婆婆成日整，好有家鄉feel😍媽子叫的宮保炒帶子，炒得好入品，送飯食一流。跟住上左今日我覺得最好食的一味菜，薑蔥花膠滑雞煲，好食到停唔到口，薑蔥味夠，雞入味不再講，花膠大大舊，外軟內爽口彈牙，必食推介👍🏻👍🏻真心大大件，正到呢！最後賣單仲送蛋散同糖水，糖水唔甜度剛剛好，好好味～真係飽到冇朋友，其實今餐的份量我諗3-4人加多2個飯都夠食，但我地2個飽住食都可以食清光，可想而之幾好味🤣