利寶閣 (已結業)

夜晚去奧海城利寶閣食飯，碰巧這晚不很多人，無需等位，可以直接入座，非常方便。餐廳提供不少套餐選擇，更加經濟實惠；但散叫更切合個人口味，所以點了以下幾味：豚肉叉燒飯配佛跳牆竟然在酒樓找到傳說中的黯然銷魂飯！叉燒肥瘦適中，恰到好處，食落特別滋味。太陽蛋賣相一流，令人食指大動。豉油分開上，可按個人口味添加到飯中。   佛跳牆材料十足，有冬菇有魚翅等等，感覺就是豪華。上湯焗波士頓龍蝦配伊麵底傳統就是美味，全因為傳統是需要時日經營出一身好功夫。上湯焗波士頓龍蝦配伊麵底就是要好好發揮廚師功力的一道菜，焗波士頓龍蝦就是考驗掌握烤焗時間。這菜可以說時間控制恰到好處，伊麵不太軟不太硬，龍蝦肉質豐厚新鮮彈牙，絕對值得推介。竹笙珍菌燴上素每次用餐總要叫一點蔬菜， 這款集合各式蔬菜及菇菌，每人總會找到自己喜愛的類型。素食朋友不二選擇。楊枝金露楊枝金露有別於一般的楊枝金露，以粉圓取代了西米露，更大更圓，口感更強烈，是一個不錯的配搭。各式各樣，包羅萬有。老幼佳宜，很適合一家大小用餐的好地方。

家人生日，偏好外出享用中菜；這次走到比較少出沒的奧海城，在>>>利寶閣<<<品嚐美味菜餚。 曾在這兒吃過午飯，午間茶市旺場到不得了；然而是晚未有爆滿，大概午市捧場客是附近上班族吧，下班後均往別處用膳矣。 在人流暢旺的午市，食物質素平穩；這次晚膳，整體食物水平甚佳喲。當中特別喜歡以下幾款：豚肉叉燒飯配原盅極品佛跳牆(HKD188)：叉燒原件上碟，肥瘦均勻，蜜汁充足，味道甜美；配上幾近完美的太陽蛋，拌以豉油，是那些年街邊小檔的風味。佛跳牆非常足料，有鮑參翅肚的氣勢，與平民化的叉燒蛋飯配搭相映成趣。 香芒名門大蝦球(HKD148) ：用粉漿炸香原隻大蝦，香芒經輕微煮後，形成少許芒果醬，沾在炸香的大蝦上，吃的時候每口都非常滿足；加上使用炸成鍋狀的食材作為盛載器皿，可以說是「連碟都食埋」。 肉絲煎兩面黃(HKD118) ：肉絲煎兩面黃就是要好好發揮廚師功力的一道菜，特別是時間控制，如何煮到一個鬆脆但不韌的麵底，這就是真功夫。肉絲肉味香口，也顯示廚師功架。為照顧家人獨特口味，「走青」了，所以這碟菜只得肉絲和麵。加上咸淡得宜的湯汁，既能為麵食添加滋味

黎到奧海城逛商場，行到攰就在「利寶閣」食埋晚飯才回家。先黎冷盤葱花青瓜海蜇$78，粗身又爽脆的海蜇很可口。千葉豆腐$118，滑滑豆腐配三色椒、叉燒、冬菇、菜圃粒粒和白果，簡單又清爽的一道菜餚！豚肉叉燒飯配原盅極品佛跳牆$188，當我看到用雞公大飯碗的叉燒飯，真係帶我到時光隧道回到那些年，三毫子一碗叉燒飯也是用上雞公大飯碗！眼前的紅噹噹叉燒，中間黃澄澄荷包蛋和蛋下綠悠悠的菜心，腦海浮游現起紅黃綠交通燈的畫面........那小小時候，123！ 紅綠燈 ！有誰冇玩過？？？我把時間扯到太遠古了.......回到近代，香港人對一碗叉燒煎蛋飯，竟然產生一份淒美浪漫的情感，別稱....黯然銷魂飯！回想、幻想到欣賞，現在我和朋友開始細味眼前的黯然銷魂飯，叉燒是一大件，瘦肉多肥肉少是理想叉燒的選材，豚肉軟腍肉味濃，蜜汁帶來香甜美味，荷包蛋煎至蛋邊香脆，蛋黃流心有蛋香，再佐少許大廚豉油，我倆吃到舐舐脷！足料的原盅極品佛跳牆，材料有海參、鮑魚仔、魚翅、瘦肉、魚唇、干貝、冬菇......燉湯清香撲鼻，味道清甜！很滿足的晚飯！

好耐冇食過中菜，呢間利寶閣長期爆滿👨‍👩‍👧‍👦，今次好好彩walk in都有位🤭！佢個佛跳牆好出名😍，一來足料二來又抵，連埋個谷飼豚肉飯(即係叉燒飯)，有名貴湯又有名貴飯，最緊要係好味!! 🤤🤤佛跳牆細細份勁足料👍🏻👍🏻， 花膠、雞腳🐥、遼參、魚翅，鮑魚、瑤柱、花菰🍄都有，好濃海味的香同鮮甜 谷飼豚肉飯個叉燒係原條上，覺得似食慢煮叉燒﹐一啲都唔乾身👍🏻見唔太飽叫埋個家鄉蓮藕餅，同蟹粉浸豆苗 蓮藕餅係碎蓮藕，再連埋肉餅一齊煎，同平時的蓮藕唔同，口感幾特別🤗蟹粉浸豆苗超多蟹粉同豆苗，食完已經好飽😝 不過點都要叫個甜品～整體來講可以一試，而且份量好足，又唔太貴

知道奧海城最近有叮噹展覽，於是星期二放工就去影下叮噹，weekday冇咁多人嘛～影完相就要去搵野食，最近食得多西餐，雖然得2個人，都想食下中菜，就去到一期搵利寶閣。可能因為平日，所以唔洗點等就有位，不過見入面都幾full，下次都係book定枱好d~-本身以為2個人可能好難叫野食，但係原來2-3人份量既小菜都係 $68 至 $108倒，我地就叫左幾樣野～1. 豚肉叉燒飯 拼 原盅佛跳牆 ($188):因為想飲下湯，見到餐牌上面highlight左呢個推介，而隔離枱又食得好滋味咁。我地就跟人地嗌左～叉燒係原條上，肥瘦適中，叉燒仲有濃濃的蜜糖味，雖然原條上，都好容易咬開。個蛋係半熟蛋，蛋汁再加上自家製甜豉油，用黎撈飯一流～佛跳牆係原盅上，一打開蓋就見到滿滿既料，非常足料，入面有飽魚，海參，瑤柱，雞腳，花膠等等。真係啖啖都食到真材實料！2. 彩塘安格斯牛柳粒 (小$108)份量2個人食岩岩好，牛柳粒炒得好好食，同埋有薯仔，彩椒等等～最後叫左個金銀蛋浸菜苗 ($108)，好滿足既一餐呀！每人都係大約$250倒！好抵食呀～

六點三十五分入座隨即點了六個菜，半小時來了四個，另外兩道菜直至八點零五分仍未到中間同了三次職員要求跟進，不會再有下次，非常之差食品味道一般，分量少，職員態度差。

利寶閣聽個朵就知道係舊派噶中式餐廳，大堂不算大但是勝在光猛，一張張圓檯最適合一家大細。雖話中式，但是個茶杯又係西式碎花茶杯，又幾“特別”。但是個湯匙有東西癡住，影響心情。不過我地都係一家大細來，出街食飯吹下水聽講這裡的黯然銷魂飯好出名，我地都嘗鮮。叉燒偏瘦，但是夠焦香。最鐘意個醬汁，甜甜地，撈飯好掂！又叫咗蒜香牛柳，同鮑魚花膠煲，咸香海南雞🐔分量足夠又好味，是不錯的選擇。蒜片比較焦有苦味，牛柳幾好食。花膠鮑魚煲好霖，好入味。海南雞好推薦，肉質嫩滑，鹹香入味。

限時2小時大閘蟹放題，比起市面的放題很物超所值，餐廳環境寧願，人物不多，每次下單都好快到，大閘蟹多膏，大概是4-5两，唔會太細隻，每口都啖啖肉雖然係放題，但上菜係好快，就算夠鐘都唔會趕人走，食都好舒適唔會感覺好趕

同屋企人食飯黎黎去去都係中菜，今日就帶佢地黎大角咀試下利寶閣。位於奧海城二期，舖位較入唔易見到，要刻意過去。舖面唔算特別大，一眼睇哂。店員服務唔錯，跟得幾足。MENU好多選擇，價錢中等。______________________________🔸 豚肉叉燒飯 配 原盅極品佛跳牆 (1位) 每份$188佛跳牆材料非常豐富，十分足料！有鮑魚、魚翅、花膠、豬肉、冬菇，基本上要有既食材都有齊。原盅燉的確原汁原味，好正！豚肉叉燒飯賣相不錯！叉燒成舊上，燒得好juicy，保留到肉既濕度。加上太陽蛋蛋汁同少少特製豉油撈飯，唔覺唔覺就會食哂成碗。🔸 蠔皇花膠扒 (1位) $88絕對多於一人份量，兩個人share黎食都得。花膠好太舊，炆得軟腍腍。加個蠔皇芡汁做搭配，味道不會蓋掉主角。女仔可以補充下骨膠原，養下顏。🔸 鮑魚炆雞煲 $188來身以為好似小菜羊腩煲咁大，點知黎左個打邊爐咁大既雞煲！店員介紹下，原來煲入面有一隻兩斤重既雞。仲加入左少少腩肉同洋蔥，好香口。鮑魚屬迷你SIZE，勝在量夠多。🔸 脆麻花而加好少酒樓仲有做依樣小點，有得食好surprise！脆麻花炸至金黃色，好香，非常酥脆，仲帶

今日接女朋友收工去食飯，行開奧海城突然心血來潮想食下中菜，就入左去試利寶閣。餐廳成個環境似酒家，坐得空曠舒服一坐底店員已經即刻問飲咩茶叫左個食神套餐，點解甘講？因為188蚊有齊黯然銷魂飯同佛跳牆，豚肉叉燒飯既叉燒係重點，軟硬分明夠入味。佛跳牆就麻雀雖小，五臟俱全，應有既山珍海味都有齊， 鮑魚，魚翅，海參，乾瑤柱，冬菇，瘦肉等，直頭想嗌一句:好~好~味呀~芝士龍蝦伊麵原隻波士頓龍蝦，店員好貼心為我哋剪開龍蝦，方便進食，唯一美中不足係味道稍咸。瑤柱生滾雜菜煲營養之選，全部都係菜碧綠炒斑球班球炒到表面有啲類似煎燶嘅感覺，十分香口兩個人埋單670蚊，食到要抱住個肚甘走，推介之選！

服務態度差，食果樣冇果樣，d侍應個個都唔黎寫單。d嘢食叫左勁耐都未黎，又貴又唔好食！下次一定唔會再黎！仲有個環境一般般，今晚唸住試下呢間，點知中伏，真係後悔，食左背脊骨落，唉，千其唔好食！

同長輩食飯多數都揀中菜，就番佢地口味，今次就揀左呢間利寶閣。平時食粵菜都會嗌隻BB乳鴿，貪佢香口，細細隻肉質鮮嫩，又唔會乾爭爭。呢間嘅乳鴿比起平時除咗更加juicy，佢個皮仲燒得好香好脆，咬落去個下就會feel到啲肉汁同個皮配合得天衣無縫乳鴿之後既菜式係浸海班，條魚佢係原條上，個湯入面有雲耳，蕃茄，西芹，蘿蔔等等，煮完出嚟個湯勁白 ! 飲落去個下好清甜，淡淡嘅湯更加突顯到條魚嘅鮮味平時少食羊腩煲，見到餐單有就叫左個嚟試下，依度啲羊腩煲材料有羊腩、枝竹、唐生菜等等，配埋佢特制既醬汁，煲到好淋好入味最後我地叫左個佛跳牆，係依度推薦既食物，依度既佛跳牆好足料，有原隻鮑魚、海參、魚翅、花膠等靚料，飲落好清甜，長輩食得好滿足

今晚係family day，帶曬全家黎近近地食番餐～叉燒煎蛋飯好似係依度推薦既食物，所以就叫左一份嚟試下，叉燒份量好足，食落又juicy又唔肥，最特別係原條上而唔係切開，煎蛋煎到啱啱好，啲飯撈埋啲蛋汁同豉油，一個字正～至於個千葉豆腐，賣相真係冇得彈！直頭同menu張相一模一樣,一睇就知到師傅刀功認真犀利, 望住碟咁靚既菜式真係唔捨得食！影完一輪相,試食左一啖,豆腐清香嫩滑,滑到好似食豆腐花咁，再搭埋碟菜中間既配料，一個字「正」。配料既鑊香再加上豆腐既清香，簡直係香上加香，無得彈！相比之下，個雞就顯得有d失色。味道唔係太均勻，雞既肥膏仲多過肉,我地每個人食左一舊就冇再食。反而菜入面既炸蒜仲香過d雞肉，係其他高水準菜式既襯托下，認真有d失望，唔建議大家點呢個菜。總括而言，價位ok，服務幾好，可以一戰～

豬仔同朋友係奧海城做完yoga好肚餓 就搵下附近有咩好食經過見到依間酒家 — 利寶閣兩個人都覺得好有食慾 於是就入左去啦餐廳環境舒適連餐具都好靚 好少女呀谷飼豚肉叉燒即係叉燒煎蛋飯叉燒大大舊 肥瘦參半 邊位香口多層次口感 配上蜜糖汁 確實不錯 流心太陽蛋 配飯一流孖寶形式配原盅佛跳牆佛跳牆內有飽魚、雞腳、海蔘、花膠、瑤柱等用料十足 味道濃郁 滋補養生碧綠炒班球班球新鮮 肉質鮮嫩緊實 濃郁魚味配以西芹同紅黃椒一齊炒 好香呀竹笙珍菌燴上素竹笙吸晒汁既味道菜芯新鮮 仲配有木耳、雜菌同粟米仔 唔錯既一道菜式回味脆麻花鬆脆得黎唔油膩 甜甜地 唔錯豬仔同朋友嘆住普洱茶慢慢食好疏乎見到有大閘蟹宴 下次想試下

今日約左客戶在澳海城食飯，客戶話想食叉燒，我即刻諗起帶佢去食利寶閣的谷飼叉燒配靚湯套餐。去到餐廳，二話不說，落左個叉燒飯套餐先，再慢慢揀食咩。叉燒好大塊，肉味十足，質地juice,蜜汁好好味，太陽蛋整破撈飯一流。豐料老火湯又幾多料下哦，濃濃的椰子味，好香。食點心，欖仁上素粉果，好值得推薦，皮Q透明，素餡好豐富飽滿，香菇，粟米，芹菜，黑木耳，搭配顏色也十分吸引。香煎馬碲糕，厚切，大粒粒馬碲脆脆，咬起來卡嗞卡嗞，偏甜，但不膩，有馬碲的清香，很彈牙。乾炒臘味糯米飯，大大一碟，臘味好多，可惜飯身不夠乾爽，不過還是很香糥，幾好。