利寶閣 (已結業)

上一次同朋友食過利寶閣，見菜式不錯，所以今次特登帶媽咪同家人再食一次！風味懷舊小菜，價錢都係由$48-$88不等晚上八點多，人流尚算ok，好快便安排入座😊！每次到來都必叫的义燒飯，今次叫比媽咪試一試😋义燒肥瘦適中，厚切鮮嫩，油脂分佈均勻，蛋黃半生熟，口感嫩滑，加埋豉油同飯，十分美味👍🏻佛跳牆亦好足料，鮑魚，魚翅，花膠，都有，湯底好鮮甜，平日少飲湯既我，必叫套餐，＄188（連义燒飯)香芒名門大蝦球-鮮芒果肉，酸酸甜甜連脆卜卜既大蝦一齊食，配搭得好好😋😋瑤柱生滾雜菜煲－因為有蝦乾，瑤柱的關係，所以連湯汁都好清甜！

舅父舅母上星期由澳洲黎到香港，當然要招呼佢哋啦，問佢哋想食什麼，當然掛住香港嘅中式菜，二話不說就帶咗佢哋去奧海城既利寶閣食中菜。這裏的裝修吊燈都幾特別。八點鐘嚟到已經有八成客人入座，好彩都唔駛等好耐。大門口的玻璃牆上已經掛住佢哋的王牌優惠套餐。叉燒咬落去好軟熟入味，肉質唔會太肥，配埋半生熟蛋一齊撈埋食，味道一流，如果想要濃味d,佢哋都有跟埋一碟甜豉油，因應個人喜好可以加落去。 舅母最愛的佛跳牆，配料好豐富，鮑魚、冬菇、花膠、海參等，非常鮮甜㰖菜排骨，排骨炸到脆卜卜，加入㰖菜同蜜糖，食落甜甜地鹹鹹地都幾特別塞螃蟹裏面有帶子，蛋白及蟹肉，蛋白好滑好香。三色椒蒸龍躉腩，呢啲真係不得了，超好味，魚腩爽口鮮甜，黑木耳吸入魚汁，超入味😋😋😋

餐廳係以中菜為主, 香港真係太多西式,得閒試下中式餐廳就係唔錯,呢到既叉燒比較好食, 原因係肉質比較軟帶小小肥, 密汁都好入味, 作為呢到其中一個招牌, 可以一試的. 佢地既豬肉肉質比較高質, 口感可以保證係好的.佛跳醬,就又飲得又食得既明菜黎, 入面會有隻鮑魚, 料方面 其他每間餐廳都會有小小不同, 但如果落足料,係好香的,湯水本身味道都好濃, 不過份量唔算多, 因為料更多, 食得既料入面正常有, 芋頭,雞肉,雞子,竹笙,排骨,海參,栗子,鵪鶉蛋干貝,花膠,火腿,冬菇,冬筍,鮑魚,鯊魚（魚翅、魚皮）,白菜 呢道菜比較考功夫 ,唔係表面睇將全部野放入去, 仲有好多處理程序呢間餐廳湯味本身就香, 飲落有味之余唔會過重, 整得算係十分好 如果以呢個價錢.呢個係和牛粒, 和牛本身肉味都重, 呢個唔算多脂肪, 咬落去超軟, 應該係6-7成熟左右,因為本身牛味好重, 所以其實唔洗夾d咩料落去已經好好食, 必定點黎試,夾返淡小小既白飯黎食會更好味.楊枝金露, 如果有得選熱食會更好, 有d店有的, 因為有時唔想食太凍既野,個胃會唔太舒服,入面有d西米露既感覺, 果味重.

黎到大角咀嘅利寶角食晚飯，入座時間比較夜，加上係平日，唔算多人，約有六、七枱用餐，所以坐得疏落D，傾計都舒服D。酒樓面積都幾大，舞台剛好以粉紅色佈置，吊燈都幾精緻，加上餐具配搭，感覺都唔會好街坊晚市供應小菜，除左主餐牌，仲有D應該係孖寶配搭，推介系列，仔細睇過餐牌兼立眼其他人嘅食評，我地都好快有決定。茶位 15蚊位；酸菜 20蚊；白飯 15蚊碗首先揀左大部份人都有點嘅雙拼：豚肉叉燒飯配原盅極品佛跳牆1位，價錢係188蚊。叉燒飯上枱好靚仔，配隻太陽蛋，叉燒仲係免切，好有份量，呢個咪就係黯然銷魂飯。飯嘅份量適中，其實一個人食完一碗，都飽左七成。叉燒厚身，聞到陣香氣，帶蜜汁香，半肥瘦，食落淋身，完全唔會韌，或者老，燒到微焦，確實係一舊好食嘅叉燒。煎蛋流心，加少少豉油，正原盅佛跳牆位上，非常足料，入面有翅、鮑魚、海參、瑤柱、菇、雞腳，味道香濃，鮑魚淋身，花膠好滑溜，值得一試蜜糖欖角骨 小份68蚊，一份有十二件，夠兩個人食，欖角骨有蜜椒風味，香脆帶甜得黎又唔會覺得熱氣。炒時加入欖菜，一眼望到仲會以為係豉椒，哈哈。瑤柱生滾什菜煲小份68蚊，什菜煲都一樣足料，面頭灑上瑤柱、蝦米，所以幾香口，仲有粉絲

奧海城其實係一個美食集中地，次次黎睇戲都要諗下食咩好，因為真係花多眼亂。見呢度有佛跳牆，即刻流住口水衝左入黎。佛跳牆連埋一個黯然銷魂飯都只不過$188，舊叉燒鬆軟得黎夾雜住香噴噴嘅蜜糖味，配合埋秘製醬汁簡直一流！一個最簡單既餸菜已經令人好有滿足感😋佛跳牆細細盅，但十分足料！鮑參翅肚樣樣齊！清甜滋潤、美顏養生😋😋呢個價錢真係十分抵食！讚👍🏼另外叫左個乳豬拼盤同炒翠肉瓜，乳豬肥瘦適中、外皮鬆脆，正👍🏼

上次係尖沙咀分店食完，長老呷醋炸型，於是就全家出動黎到奧海城分店。前菜 - 佛跳牆上次食完，細細盎但超足料，二話不說叫比長老補補，又花膠、響螺、烏雞、鮑魚等等，食到佢地四萬咁口。主菜 - 片皮鴨 & 蒸龍躉腩 & XO醬帶子炒飯 & 翡翠苗 & 太陽蛋叉燒飯部長係你面前片鴨，刀功ＯＫ，脆卜卜。帶子炒飯，荷葉香，唔覺唔覺一個人食左一大半。本身想叫蒸白膳，賣哂，轉蒜蓉蒸龍躉腩，又唔錯幾岩胃口。偷偷地叫多個太陽蛋叉燒飯，自己一個食哂，正！

上星期五請左年假，同媽媽去奧海城行街。媽媽最鐘意飲茶，行左陣街就帶左佢黎呢間利寶閣食個午餐聽到隔離個阿伯係咁讚呢到既叉燒飯，我同媽媽都心郁郁，叫左碟黎試下係酒樓門口見到既叉燒飯宣傳相的叉燒好似好細舊，但實物有驚喜！份量足，同埋超好味！我同媽媽全部食晒另外我地仲叫左幾樣點心: 脆皮蝦餃紅燒BB鴿懷舊馬拉糕香煎黃金小米糕豉汁蒸魚雲崧化蘿蔔絲酥餅咁多樣野最有驚喜係香煎黃金小米糕！個賣相好普通，但口感好正，表面脆脆地，媽媽都話好味最值得讚的是所有點心都好熱 (食過唔少其他酒樓的點心都溫溫地，有啲仲係凍既)，但呢到啲食物熱辣辣！超正

（利寶閣）推出的穀飼豚肉叉燒飯配原盅佛跳牆套餐（$188）實在讓人回味，今晚特意帶父母到於奧海城的分店用晚膳，嚐一嚐粵菜的滋味。六時便入席，大多客人還未到來，有包場之感。原盅佛跳牆，高級的presentation，有海參、鮑魚、元貝、魚翅等用料，美味鮮甜，實在難以抗拒。穀飼豚肉叉燒飯，（啖啖肉）厚切的叉燒，肉質軟腍，帶有蜜香味道。豉蒜涼瓜炒安格斯牛肉$78（小份）南乳粗齋煲$88，素菜配料齊全，份量十足，鹹香芡汁是粗齋煲的靈魂。石岐乳鴿$28，鴿皮滿佈脆香，鴿肉爽嫩多汁，讓人欲罷不能，有衝動想再多點幾隻。醇香梅菜扣肉$78利寶閣20週年呈獻，價錢相當經濟實惠，可以bookmark。

今早試下奧海城二期利寶閣飲早茶，點心又係同另外同一集團嗰三間唔同 。 點咗個蒸魚雲 一放入口鹹到不得了 。而且魚雲 魚鰓位置洗得唔乾淨，一咬落去有沙，又腥， 魚鰓位置 洗得唔乾淨，有沙，全部吐曬，不能食 。 早茶多數都係公公婆婆熟客 ，有打賞待應。我哋生客，想"回頭 有人 幫你斟水 都好難 。

今日約左幾個朋友去奧海城利寶閣慶祝朋友生日，原來依間酒樓D菜式好平，買相又靚，食落又正，掂呀！首先黎個海皇冬瓜盅$228 清甜消暑，適合夏天飲用。招牌蜜汁豚肉叉燒$128半肥半瘦，入口軟熟，又淋又多汁。香芒名門大蝦球$148香芒粒粒伴蝦球，蝦口感似黃金蝦京式片皮鴨-層餅$288溫度控制得啱啱好皮脆肉香 肉絲煎脆麵$118淋淋肉絲夾住脆脆麵餅，不油膩，香脆可口。大澳生啫唐生菜$88鑊氣足👍🏻最後緊係唔少得壽包$15/只軟熟壽包裹面有滑流而不甜蓮蓉，好味。仲有甜品送 紫米露

見爸爸今日放假,就叫媽咪吾好去買餸,一家三口去到利寶閣食晚飯。研究左一輪嘅餐牌，價錢都好大眾化⋯⋯今晚選咗谷飼豚肉叉燒飯＆佛跳牆孖寶套餐＋3道菜式🌟孖寶只不過＄188 價錢吃到山珍海味😝海參成隻手指咁長,好好味！講到佛跳牆足料到不得了有，見到鮑魚已經爆燈😍鮑魚好鮮甜爽口，。谷飼豚肉叉燒飯出場，D叉燒同燒臘舖冇得比，食落味道零舍不同😜多汁嫩滑，配白飯一流喺酒樓叫菜我都會經常叫個咕嚕肉，哩碟蜜糖欖角骨＄68 炸，就試試啦！加上蜜糖煮成炸排骨甜甜蜜蜜味道非常好味👍石岐乳鴿＄28 隻，超級抵食🤣炸得脆卜卜，好香口瑤柱生滾雜菜煲＄68 ，上湯底濃郁，咁嘅價錢大排檔都食唔到哩D質素😬總括成餐飯食得好開心，食材質素高，服務細心，環境舒適，最緊要父母都覺得滿意。

晏晝時段飲茶，曾聽過「非正式統計」，通常每人平均吃 2.5 籠點心，算是個份量黃金比例。 時移世易，行精緻路線的酒家，現在都會提供「特色之選」，是在點心範圍以外的，可以在中午時段賺多些毛利嘛。 「利寶閣」出名食鮑魚，其他食物配搭上也蠻有心思。正所謂「坊間不常見，不點白不點」。此店特色之選，我又覺得值得推介的，有這味「意大利黑醋咕嚕肉」$62 咕嚕肉一向用酸甜茄汁，這個用意大利黑醋代替， 成本較貴，效果不錯。汁做得稠杰，肉有掛汁，酸香醒胃，外層脆，內裡肉質仍嫩，應該用了梅頭肉，加入大蒽、青椒，吃得過。 可能為了滿足嘴刁又要求高的食客， 「黑毛豬」最近大行其道，其實材料配搭也是重要一環，無必要下下出動「黑毛豬」， 一樣可以煮得好食。 蔬菜方面的新點子，自家創作有這個「濃湯金薯菜苗」$52 甘薯即蕃薯，切成方粒鋪在面頭，加上菠菜苗、豬骨湯，三種平凡食材，湊拼一起後調子和風味都好，零違和㙳，比吃一般蠔油油菜，多出一股「仙氣」。 同場點的點心一籠籠來料，「蟹籽燒賣」$34 /「鮮竹牛肉」$29 「水晶帶子豆苗餃」$34 / 「水晶蝦餃」$40 「翡翠蝦王腸」$40 「鬆化蘿蔔絲酥

利寶閣有幾間分店，其中一間正正系奧海城，品牌唔算響，但食物質素卻系出奇地唔錯！晚市小菜78元起，以商埸餐廳黎講，算系難能可貴，而且仲有唔少特價菜式，絕對能以實惠價錢食到肚滿腸肥。最鍾意呢個188元既極品佛跳牆拼谷飼豚叉燒飯，佛跳牆聽就聽得多，但又真系唔多食呢啲奢侈野。呢個以超強性價比售賣，因此真系人人都一定會食！大大粒鮑魚，仲有雞鮑翅，花膠等既名貴用料，湯豈能不鮮甜? 呢個湯令人非常滿足，必試！叉飯都唔系普通叉飯，用谷飼豚黎整叉燒，比起一般港式叉燒好食得多，半肥瘦肉夠嫩之餘，亦有肉香。再加埋煎蛋既蛋汁同秘製甜豉油，真系好outstanding...... 宮保醬爆珍珠帶子 ($88/小): 所謂宮保醬其實又唔辣既，但又幾惹味，因為本身用料較清淡，所以用個濃少少既醬都適合。帶子有無數甘多粒，珍珠般既size，都幾嫩滑，炒得幾香。秘製銅盤雞 (128/半隻): 呢盤雞系用銅盤裝住黎炒架，仲睇到店員系旁邊用爐慢慢炒香。炒得香之餘，啲雞仲系全部都好滑身，味道唔濃，但可以加少少甜豉油提鮮，抵食!!!

老爸愛吃中菜，唯有在奧海城逛街後在商埸的利寶閣吃頓晚飯，這是其中一家我們均覺得不錯的中餐館。數款晚市優惠菜式也相當吸引，如果$28/隻的紅燒乳鴿、$198的上湯焗原隻波士頓龍蝦伊麵，以及$188的谷飼豚肉叉燒飯 拼 原盅佛跳牆等等。紅燒乳鴿 ($28/隻): 比想像中大隻厚肉，滷得入味，亦燒至香脆多汁，與坊間$68/隻的不相伯仲，絕對是必吃之選，每人一隻也不過份。谷飼豚肉叉燒飯 拼 原盅佛跳牆 ($188): 好比食神的黯然叉燒飯(我猜)，叉燒採用谷飼豚肉，極為厚切，肉嫩Juicy，非常美味！佛跳牆的吸引力真不低，這套餐幾乎每檯也有點選。有鮑魚、花膠、鮑翅、雞腳、瘦肉等料，鮮甜可口，十分矜貴。雙果咕嚕肉 ($88/小): 「小」也不太小，足夠三至四人享用，豬肉採用黑豚肉，經炒炸後內裡仍然鬆軟嫩滑，亦有肉汁，最重要的是肉味香。大眾化的咕嚕肉也弄至不太簡單，推介！

今日嚟到奧海城利寶閣食中菜晚飯，大家印象中酒樓餸菜必定昂貴，但其實都有唔少較便宜嘅選擇。無錯就係呢客豚肉叉燒飯配原盎佛跳牆。叉燒原條免切，表面充滿光澤，點綴左蜜糖嘅甜香味，而叉燒味道醃得入味，入口非常鬆化，配以煎得靚靚嘅太陽蛋！而佛跳牆更加值得期待，因為用料非常豐富，有鮑魚、瑤柱、花膠、冬茹、雞腳等等，充滿豐富嘅骨膠原，夠晒滋補養顏，大家又點可以錯過呢?餸菜方面分別點左香辣爆蝦球、XO醬翡翠炒蚌仁，前者用上大大隻嘅蝦球，經油泡後，更添香味，入口就更彈牙可口，加上微微辣椒嘅點綴，係一道既有獲氣、又適合送飯嘅餸菜。而XO醬翡翠炒蚌仁，用上我平時打邊爐非常中意食嘅蚌仁，煙煙韌韌嘅口感，加上濃郁嘅海鮮鮮味，配以XO醬烹飪，又點會唔好食呢?