別忘了

營業中

休息中

最近同朋友黎左荃灣一間以櫻花🌸做主題既台式火鍋店到打邊爐，今次就叫左美國SRF 牛肩肉眼芯($308)呢個set，可以任食120分鐘😋，主打提供家鄉既味道◦ 湯底呢到湯底選擇好多，今次我地就揀左特濃番茄湯同埋香濃椰子雞湯底；兩者之間我比較鍾意蕃茄湯，感覺蕃茄味都幾濃郁但唔會太鹹，係比較似家常既火鍋湯底，切合餐廳主題 - 家鄉既味道😙◦ 肉類肉類選擇都幾多，包括澳洲M9和牛、安格斯牛小排、SRF封門柳、茶美豚梅肉、美國Prime牛肩胛、精選牛板腱同羊肉卷；當中我同朋友一致認為安格斯牛小排同SRF封門柳最好食🤩，兩者都切得幾薄，前者比較輕盈，後者就比較重肉味😆羊肉卷騷味重，怕騷既朋友要注意～◦ 小食呢到提供既台式小食都幾多，包括鹽酥雞、澎湖花枝丸、台灣香腸、宜蘭蔥肉餅、台南府城蝦捲、陳醋木耳等，當中我最鍾意就係木耳，酸酸微微咁好開胃🤣◦ 配料配料選擇都唔少，大家係出面凍櫃自己揀，包括響鈴、皇帝菜、娃娃菜、芝士豆腐、腐竹等；我同朋友就食左唔少皇帝菜，係番茄湯入面煮真係好好味😋◦ 甜品估唔到甜品種類都幾多～每位客人可以食一杯Movenpick雪糕，今日就有咖啡/朱古力/楓糖味可以選擇；另外任食

第一次食果陣仲係夜晚禁堂食，有9折優惠我地2個人食可以揀一人一鍋或者合拼直接鴛鴦鍋，變相免費有鴛鴦湯底，依點比起其他火鍋店優勝好多湯底我地揀左芝士牛奶同麻辣，麻辣正常一般唔會太辣但冇記憶點，反而芝士牛奶好有驚喜，勁推介一開頭就要食響鈴!會吸晒D汁好濃郁可惜佢加湯係加清湯，搞到淡味晒就冇咁好食啦~所以想食濃味/掛汁麵就加湯前食啦肉方面我地揀左最平嘅A餐$198 包豬牛羊各一款，肉嘅質素都唔錯，唔係一般肥牛hea你其他火鍋配料可以出去拎/QR code落單，都係一般大路野，但少有地蔬菜會有羽衣甘藍，丸嘅話芋泥貢丸都幾好食，手機落單仲可以嗌手搖飲品，台式小食，炸物，甜品，款式非常多! 台式小食蝦卷同蔥油餅唔錯~炸物同甜品都即叫即整，推介雪糕窩夫!同出面甜品鋪食冇分別，我食左幾件呢~但冰就失色D，冇咩味同埋分量大要2個人食先OK~對甜品控泥講，又要打邊爐又要預時間食勻咁多款甜品真係好忙呀😂最後仲有一人一杯movenpick雪糕，真係好抵食!所以依排邊爐癮起就諗住再去食，今次湯底揀翻芝士牛奶同蕃茄，蕃茄湯底都濃郁，唔會太酸~ 肉照舊A餐~ 火鍋水準keep到可惜今次去食炸物係一早整定擺喺出面，導

本身book 了今天4:15 來已經知道兩小時食，佢叫我6:30前還枱我話OK，現在都準備去出門口食嘢，突然間打電話嚟又話唔得，要我6:00還枱，咁我話咁咪唔夠兩個鐘頭食囉，佢話係呀！可以咁樣嘅咩？不知所謂！

那天約咗朋友嚟這間台式火鍋店食飯，覺得可以在櫻花樹下嘆住冷氣打邊爐，慢慢烚下烚下咁食住傾偈，真係好寫意㗎😄呢度啲店員好細心，我哋坐低就解釋一下2小時火鍋放題嘅運作，例如綠色盆係裝生蔬菜、凍肉等等，白色碗係裝醬油，肉類、小吃、飲品和甜品就可以掃QR code入網頁點餐。店員也會在放題的最後10分鐘提提我哋時間就完啦～Set C (HK$308/每位x 2)揀湯底：一人一個口味，所以變成鴛鴦鍋😄．台灣香濃椰子雞湯 — 湯底奶白又奶滑，加了紅棗，好養身，用嚟煮蔬菜正呀～．自家制台灣蕃茄湯 — 多甜的洋蔥和酸酸的蕃茄，好夾，也令牛肉更有牛味👍🏻呢個set可以任食以下肉類🥩：．澳洲M9和牛．美國SRF封門柳．美國安格斯牛小排．美國Prime Grade牛肩胛．精選牛板腱．日本鹿兒島茶美豚梅肉片．羊肉卷 (無食，因為我不喜歡羊酥味)✏️ 以上嘅牛肉豬肉都好新鮮，鮮紅色，烚一陣就食得，特別喜歡烚在蕃茄湯裡，多了蕃茄味，好好味😋台式小吃，有13款可以任點任食。我哋就食咗：．台灣香腸 ．紹興醉雞 ．鹽酥雞．澎湖花枝丸．炸香芋地瓜波(出面任攞)．日式焗番薯仔(出面任攞)✏️ 以上小吃都好好食。細心位係每份小吃

櫻花樹下台式火鍋，三年無得去旅行，唯有周圍食其他國家餐廳，<別忘了>環境好靚，餐廳內外都有櫻花樹，仲可以寫留言掛上櫻花樹。晚市提供火鍋放題，而且任食甜品同台式小食、台式飲品，絕對係食到捧住個肚走。餐廳門口仲可以買台灣既手信，簡直好似去咗台灣一樣。🍲湯底湯底總共有九款，今次揀咗<台灣香濃椰子雞湯>和<香濃豬骨湯>，椰子雞湯底十分濃味，好多椰子肉，豬骨湯底略為比較咸。🍲 Set C美國SRF封門柳C餐提供6款肉類，分別有美國SRF封門柳、美國安格斯小牛排、日本鹿兒島茶美豚肉片、美國Prime Grade 牛肩胛、精選牛板腱和羊肉卷，肉質軟熟，個人比較喜歡封門柳同小牛排。🍲火鍋配料除咗可以係網上點小食、甜品同飲品，配料區，應有盡有，蔬菜、丸類和豆類都有好多選擇🍲台式飲品身為台式飲品控，今次揀咗水果茶、冬瓜茶、百香果紅茶同珍珠奶綠，水果茶清甜可口，冬瓜茶、珍珠奶綠不過不失。🍲甜品個人最鍾意火龍果雪花冰，打完邊爐再食個雪花冰，爽！雲尼拿雪糕配迷你窩夫同草莓牛奶仙草凍味道都不俗，任食可以一試。

見到有個YouTuber 推介，睇落幾好就諗住6月去荃灣試吓佢，前2日打去book係full晒，咁去walk in 都係full晒，咁唯有book遲啲，點知book 都要等成個月！之後琴日滿心期待去試，我哋食$199個set，嗌咗杯珍珠奶茶同埋冬瓜檸檬茶，點知杯珍珠奶茶超難飲，冬瓜茶又淡，主打嘅手搖茶竟然咁失色，慘過八方雲集啲奶茶，不過啲湯、菜同肉正常，普通放題嘅質素。但係要等成個月先有得食，根本唔值得等咁耐。平心而言，嘢食係正常，但係嘢飲就唔好咁高期望，如果要提前1個月book我唔會再去食。

成日經過呢間好靚嘅櫻花🌸餐廳!! 真係打卡一流呀 🤩🤩 原來係一間台式嘅餐廳，晚市近嚟轉咗做台式火鍋!! 有 4 種價錢選擇 $198-$458; 今次就試咗最平嘅 $ 198😎 包牛板腱、西班牙豬梅片、羊肉片😎 食完之後真係覺得性價比高!! 抵食好食之選!!講下湯底先，都有成 9 款揀! 幾鐘意佢地一人一個湯底，多人又可以試下唔同款! 香濃椰子雞湯: ⭐️超級推介⭐️ 裡面有椰子🥥添! 特濃蕃茄湯：茄味濃郁壽喜燒：比較濃味，食食下已經開始鹹*幾鐘意佢地加湯，唔係加水 ^^ 肉類方面：牛：出乎意料之外的好 平時出面打邊爐叫到最平嘅餐，牛肉都會超多肥，肉質又差；叫左 8 次，每次都算係幾好！咁當然如果好鐘意食牛嘅朋友，當然建議食 C 餐；但有咁多款野食，我覺得平平地都絕對足夠!! 其他配料：有多種丸類、菜同菇；最特別嘅係有台灣蛋餃！我最愛😍😍 仲有台灣嘅王子麵、烏冬、台灣拉麵；仲有墨魚滑添😉台灣小食系列：鹽酥雞、澎湖花枝丸、台灣香腸、紹興醉雞飲品方面：超開心有即沖茶飲😍😍 有珍珠奶茶、奶綠、各款紅茶綠茶！真係超 Crazy!!!!!!⭐️超級推介⭐️別忘了水果茶 🍊甜品系列：台式嘅雪花冰、

🤴🏻搵到間新嘅台灣🇹🇼打邊爐，好似幾有特色😁😁，去食lu 😁😁店舖裝修比較文青，當中有假櫻花🌸樹🌲裝飾，第一個印象唔似打邊爐，似食甜品打卡鋪多啲😄😄我哋叫咗最平嘅set A餐，雖然只包三款肉🐖🐂🐏，但肉質好好👍🏻👍🏻湯底叫咗兩款，分別係‘ 台灣香濃椰子🥥雞🐓湯 ’，單純飲已經好香椰子🥥雞🐓味😋😋另一款 ‘ 招牌台灣🇹🇼麻辣湯 ’ 有獨特嘅台灣🇹🇼麻辣🌶味，但可惜唔夠辣🌶其中任食亦都有好多台灣嘅小食，例如鹽酥雞、香腸、炸物質素都唔錯😊😊可惜冇台灣🌶鴨血，有少少失望😗😗最大特色係多款手搖飲品🥤，自家製甜品🍧任食，例如窩夫🧇、綿綿冰🍧等台灣🇹🇼特色甜品🍮，可惜打邊爐食得好飽已經冇空位再食窩夫🧇啦，只叫咗綿綿冰🍧飲品🥤有非常大嘅改進空間，我哋叫左四杯飲品🥤，當中只有冬瓜茶係正常😙😙

一行六人諗住趁平日會少人d, 點知都一樣好多人叫咗set c $308/人，另外長者有得平，openrice book枱免加一一入去同我地講六個人揀四個湯底，我地都諗緊，明明話一人一湯底，不過都由佢，點知又話我地要分開二人四人咁坐，因為留咗枱俾九人，當時即諗，咁book咗枱唔係就有位架咩？可以話有九人要枱就讓俾人，然後話因為分開坐，可以一人揀一個湯底(我懷疑係咪一開始就係一人一個湯底，但佢呃鬼我地話得四個，然後我地肯分開枱就俾六種湯底我地)跟住坐低果下。。。佢所謂嘅分枱只係隔開勁少位，真心O咀，如果係咁其實佢可以唔洗特登講分枱講返環境，現場睇d樹係幾靚，枱就細咗少少，至於食物，肉好正，一入去就話會幫我地order頭一轉先然後就用QR code自己order野，上枱速度都快又冇漏單外面有d小食同火鍋料可以拎呢兩款好好味，encore咗兩次，脆皮香蕉同地瓜，香蕉似似地甜品，少少煙un嘅面再加蕉湯底揀咗沙茶，蕃茄，椰子雞，壽喜燒蕃茄勁濃味，完全唔洗點醬壽喜燒就同預期一樣，好味好濃椰子雞好香椰子味反而甜品有d失望，奶凍唔夠濃，唔夠滑，比較接近啫喱感覺，窩夫話即整，但黎到凍晒又唔脆，本身鍾意食窩

看過某知名飲食社交平台的介紹，覺得很吸引， 所以就立即找機會一試選了店內最便宜的火鍋放題餐$198，另加一服務費💁🏾題外話一下，原來餐廳還有做單點套餐跟門外的店員取位，順更下定單要甚麼湯底驚喜地，2人去吃也可選2 款湯底而不另收費➡️藥膳當歸湯甜甜的，藥膳味頗突出➡️台式肉骨茶清甜， 但跟肉骨茶味道有點距離😂醬料區滿足，有齊至愛的蔥，芫茜，辣椒粒，蒜粒這個套餐只有一款牛可選➡️牛板腱入座後，店員會立即送上當時鍋還未預準好第1碟🐂牛肉很好吃， 很有牛味但不知為何之後用code 點的都有點嚡和乾➡豬梅片，➡羊肉片🐖 豬梅片正常🐐羊肉卷，很羶，不是一般人能接受的羶另外可掃code 點的打邊爐食品1️⃣蝦滑/墨魚滑/松露花枝滑全部都ok,不會似是在吃粉漿中間還有點蝦/花枝粒，非常足料，也有少少彈牙2️⃣豬肉餃（沒試）自助區也有很多不同種類的菜可取🥬金菇，萵苣片， 激厚冬菇，皇帝菜，蘿蔔片，A菜，粟米，娃娃菜香菇非常厚肉，也值一試🍲其他他火鍋料首推✔️甜不辣比起小食，好得多，至少不會有厚粉漿，也不太油🔘芋泥包心貢丸　(芋泥多, 不甜，芋味重)另外也推介以下食品🔘牛骨濃汁牛丸（勁juicy)🔘黑輪卷 (特別，口感

呢一間台式餐廳🍴環境真係好靚～有棵櫻花樹喺度🌸佢哋個九宮格小食都真係幾吸引🍱一次過可以食晒九坎唔同嘅台灣小食！味道真係好有台灣風味😋最鍾意️就係鹽酥雞 炸得好脆❤

成日見佢晩市爆場，所以今次12:00就到試吓午市先，環境舒服冷氣夠，有櫻花樹裝飾可以打卡。的部份是手搖飲品任飲，台式小食任食，未道正宗，醬料用了我最愛的台灣沙茶醬，問經理原來廚房是台灣人主理。食品部份正常，牛肉建議大家upgrade . 始終是一分錢 一分貨，所以我們選擇了和牛。結尾甜品是即製窩夫免費雪是movenpick。整體中上之選good!

別忘了呢間火鍋店舖頭細細，但係裝修、食物同埋服務都唔錯門口已經擺放好多丸類、炸物任拎，呢度啲丸，好似真係來自台灣丸，香芋貢丸最好食，牛丸都好味。炸物有一項幾奇怪，就係炸香蕉，佢入邊唔係真嘅香蕉，而係香蕉糕，又幾夾喎湯底好似都幾正宗，麻辣湯底同埋藥膳湯底都幾夠味，火鍋料就牛肉最好食，其餘嗰啲都可以一試，但唔使再encore，至於麻辣鴨血係一定要叫㗎，我都食咗好多次甜品方面都比較出色，檸檬愛玉幾好食，窩夫都好脆面，芋圓就有啲失望，太淋總括來講，火鍋同埋甜品任食都唔錯呀，其實如果你飲到10杯珍珠奶茶嘅話，都已經回本，都可以值得一試

朋友生日飯，見有YouTuber宣傳呢間台式火鍋餐廳，睇片啲肉既質素相當唔錯，而店主又講到對台式火鍋好有抱負咁，就決定去試一試，點知就中晒伏⋯⋯宣傳片見到既肉同實際食到既肉係完全兩回事⋯⋯個人都經常出街打邊爐，都知任食邊爐中伏既機率相當高，再加上曾經係荃灣邊爐中過伏，所以都特別小心，預先睇定啲食物相，而唔少食物相其實已經透露左玄機，見到好多相既肉都有差唔多一半係白色⋯⋯不過問左生日位朋友意見，都係想去試下，終於難逃中伏既命運。（事後留意到之前已經有其他食客係度預先透露過真相，但當時未有留意到，白費左佢既苦心⋯⋯）呢間火鍋有分四個等級，因為餐牌有寫就唔特別係度多講。我地叫左第三個等級，當中包括有M9和牛同日本茶美豚。啲M9和牛一黎到真係嚇死人，有一半係白色既⋯⋯個人希望只係個別例子，於是再叫多兩碟，點知黎到既都係一模一樣，有一半係白⋯⋯咁樣既肉，根本只係單純既肥膏，店主好意思叫人食？佢自己都食唔落口吧⋯⋯其他豬同羊都偏肥，個人已冇心情逐張去影，不過簡單黎講就係酒樓啲平價任食邊爐既質素⋯⋯店主對台式火鍋又話好有抱負，真係完全感受唔到⋯⋯到呢個位真心有啲嬲。湯底又係一大敗筆。個人都食過好幾間

荃灣千色匯2樓呢間「別忘了」，每次經過都覺得門口嘅櫻花樹🌸都好吸睛👀呢間係一間台式店，係有台式既主吃或台式任食放題選擇。而我夜晚嘅時段嚟到就係任食火鍋時間🍲門口嘅位置都已經充滿左台灣嘅感覺，有好大棵嘅櫻花樹成個feel都好粉紅色🌸 而門口有個大心心嘅櫃，係放滿晒台灣特色嘅手信，有蛋捲、豬肉乾等等😍 有依啲台灣特色手信買好似去咗一轉台灣咁呀🥰🔸 美國SRF牛肩肉眼芯 Set C $308任食火鍋有四個set可以揀，我就揀咗set C係有👇🏽👇🏽👉🏽湯底🍲選擇左鴛鴦鍋係藥膳當歸湯和香濃椰子雞湯呢兩款都好濃味同好適合做邊爐嘅湯底👉🏽肉類美國 SRF封門柳🐮澳洲M9極上和牛🐮美國安格斯牛小排🐮日本鹿兒島茶美豚梅肉片🐷美國 Prime Grade 牛肩胛🐮精選牛板腱🐷羊肉卷🐑花雕雞肉🐔肉類方面我覺得選擇都有好多，完全啱晒食肉獸嘅朋友們👍🏽 小胖子比較喜歡食封門柳同澳洲極上和，呢2款係我重複叫左最多次的😆封門柳係位於牛的橫膈膜的肌肉，肉質鬆軟，不易變韌，而且牛肉味極為濃郁😍鹿兒島梅肉片鮮味好重，肉質也嫩滑🐷而且張枱都有一個三層㗎方便將啲肉放上去，令到張枱可以更多位放更多嘢食🤭哈哈👉🏽火鍋配料火鍋嘅