初見

營業中

休息中

再次初見年頭 初見 初開張時食過一次，當時覺得D菜式幾特別，出面比較小地方食到。今次一行12人幫襯當然一早叫老闆 Ray 哥攞定D好嘢啦！生蠔、海膽、羊架又點小得，今次再加了呑拿魚。晚上七點朋友陸續到齊，當日不停落雨又是閒日，心想今次包場玩晒吧！點知嚟吓一枱嚟吓又一枱，都好 Full 吓，證明 初見 已有一定號召力。今次發覺餐牌豐富了，主菜、小食都加了新菜式，更加入了 Shabu shabu 選擇多了。我們也按餐牌點了些美食，在組織這篇食評時自己都嚇嚫，12個人食了咁多嘢！餐單如下:*預訂/自備食物*法國一級生蠔 × 2打加拿大一級海膽 × 2板阿根廷呑拿魚 × 1kg紐西蘭羊架 × 16件Penfolds白酒 × 2支韓初飲初樂燒酒(蘋果味) × 6支*餐牌食物*初見邪惡炸薯條 × 1炸和風一口芝士 × 1南瓜龍蝦湯 × 12初見推介 VIP 特上什錦壽司拼盤 × 3卡邦尼溏心蛋意粉 × 2煙三文魚明太籽炒意粉 × 2輕前北海道帶子，黑松露意大利飯 × 2石燒香草吉列牛肋肉 x 2日式鐵板雞軟骨餃子 × 2炸和風金粟紫薯餠 × 2炸香草北海道南瓜餅 × 2炸明太子釀雞翼 × 2炸芝士

去荃灣找朋友吃午餐，他推介我去吃位於屋邨附近的餐廳，也與旺區有一段距離，內心還疑惑為何去到這麼遠。門口看見與一般日式居酒屋無異但入去以後發現原來別有洞天裝修很簡約、樓底很高，一點也不像日式餐廳。氣氛很cozy，有點兒文青feel。我們兩點多才去，所以人不多，在這裏聊天非常舒適。午餐有lunch set，而且整日免收加一；最特別的是餐廳除了有一般魚生飯、日式料理，還有意粉、burger及all day breakfast！對於我這些選擇困難症的人很是頭痛！兩個女生share，叫了一個海皇蟹刺身丼和板燒雪花牛肉set，看見正價百多元，所以lunch set不到一百元其實也很抵！刺身丼分量十足，而且吃得出海鮮的質素很高！尤其蟹膏和吞拿魚茸伴着吃非常鮮甜，帶子也算大大粒及很鮮味！只是略嫌海膽可以多一點！(人總是貪心的...)上菜才知板燒雪花牛肉是真的自己燒，雪花牛肉肥瘦適中，肉味很出，輕輕燒一下，肉汁出晒，加丁點兒鹽已經很好吃。而且件數也算很多。又有大量菇類、幾件南瓜，不會太膩。另外飲品我朋友叫了玄米茶，我則點了時日花茶，店員說是菊花，原來是一朵朵的，我還以爲是茶包。雖是小店但選擇夠多，夠誠意

今日去完一田掃貨就去咗附近睇吓有冇啲特色小店試吓 見到呢間舖頭名同裝飾幾有格調 所以就入咗去喇🐷一入到去個感覺好舒服 唔似其他餐廳嘅檯密密麻麻 水洩不通 好relax👍🏻卡邦尼溏心蛋意粉 呢個意粉望落份量唔多 但係食落都幾飽 個忌廉好creamy😗 又有幾多煙肉粒同雜菌 個溏心蛋半生熟咁 同個意粉幾夾🙊日式燒餅汁和牛漢堡配炸薯條🍟 賣相非常吸引 淨係攞嚟打卡都值回票價 入面塊和牛好juicy 而佢個炸薯條係粗薯條都好令我心心眼😍所有主食都可以加$25升級做套餐 我地就加咗一份 佢包括有沙律或者刺身小碟加自家製西湯或和風味噌湯同埋是日精選熱花茶或果茶或玄米茶一杯🤤我地揀咗刺身小碟 有三文魚同油甘魚刺身🐟 今日嘅自家製西湯係南瓜湯🎃 都幾濃郁😛 是日精選果茶係蘋果茶🍎呢間餐廳環境加分 可以俾人輕輕鬆鬆咁chill返一個夜晚😚

日本菜周圍都有得食，但如果想食抵食嘅日本菜，就要花多少少時間去搵食啦呢晚入咗呢間日本餐廳，睇落環境唔算好日系，但係呢種小清新嘅感覺都幾特別，而且你係一片綠油油嘅環境之下食飯，都有少少似渡假嘅感覺講起吉列牛肉，第一時間彈出嚟嘅印象就係好貴所以今次喺荃灣食呢間日本菜，竟然可以用$118就食到一份吉列牛肉，我真係難以置信牛肉份量一啲都唔少，不過放喺鐵板上邊燒下燒下好快就食完而且牛肉好新鮮，基本上放喺上面幾秒就食得，燒完都唔會覺得夠牛肉好鞋店員好細心，見到我鐵板上邊塊豬油冇咗，就好主動咁過嚟換左一舊俾我

又嚟到荃灣做嘢~今日想食日本野所以決定周圍行下睇下發掘到咩新野食~!行下行下就嚟到初見~一睇就畀佢個名吸引咗~人生若只如初見，何事秋風悲畫扇？~所以決定望下個MENU~見價錢都OK食物選擇又多~就決定入去食番個LUNCH先~!其實佢餐牌前後都好多選擇~有漢堡~有鍋物~有意粉、意大利飯呢啲西式嘢~但因為我今日好想食日本嘢所以決定西式嘢都係留返下次再試XDD叫左A1初見壽司拼盤配味噌湯~其實份量都真係幾多~細食既女仔有機會食唔曬㗎~有三文魚、劍魚腩、大蝦、海膽、北寄貝等等~全部都食得出非常之新鮮~好鮮甜~而且真心每件壽司都非常足料，魚生好夠厚!! 如果一大班人食飯時間黎既話可能都要等位~我一個人所以好易有位XDD 證明呢間餐廳質素有一定既保證XDD嘢飲叫咗凍嘅柚子蜜 ~環境又寬敞~空間感十足，冇咩壓迫感，樓底真心幾高，坐落好舒服，有一面牆仲係模仿綠草地~眼睛都非常舒服~幾鍾意呢度嘅裝修好有大自然嘅感覺~侍應反應有夠快~服務有禮貌~!

今日行經開荃灣福來邨時， 見到呢間餐廳個門面都幾靚， 我就同朋友喺呢度食個lunch😊一入去見到個樓底都好高，好舒服喎，一啲都唔會有壓迫感， 其中一面牆壁仲有模仿一大片綠油油嘅草地😍😍😍 坐低一望上天花板， 又有啲模擬樹枝，真係好似去咗郊外食嘢咁😍😍👍我同朋友叫咗兩個午市套餐，其中一個套餐係初見壽司拼盤配味噌湯，包咗七件唔同既特選壽司，好驚喜呀！估唔到其中一件仲係海膽壽司😍😍海膽好多好足料，仲有玉子，小卷， 好豐富呀😍😍我地另外一個午市套餐叫左初見特選海王蟹刺身丼配味噌湯，呢個餐有好多蟹肉，仲要唔使剝蟹就食到😋😋👍👍好方便， 而且佢啲食材全部都好新鮮😍😍正呀！午市套餐仲包埋杯熱飲， 我哋叫咗是日花茶， 原來今日係菊花茶，飲落去好清香😍👍呢間餐廳畀我哋嘅感覺係好舒服，啲嘢食好足料，食完覺得好滿足😋😋

同朋友喺荃灣睇完戲，見到呢間日本料理餐廳有吉列牛食，我好掛住日本d吉列牛呀！即刻入去食！一入到去，環境同色調令人感覺好清新、舒服！而且樓底高、d枱好鬆動👍🏻我好中意呢個小小vertical garden🌿🌱。Order主食加$25就可以轉套餐，包刺身/沙律、湯、飲品。刺身新鮮，唔錯！南瓜湯充滿南瓜蓉，落足料，入口亦好creamy。<初見版石燒香草吉列牛肉拼溏心蛋配白飯>主角黎喇！先用一小塊牛脂肪起爐，令燒吉列牛嗰時唔會癡底。每一塊吉列牛都充滿綠色香草，吉列牛份量多，有好多塊！餐廳用咗澳洲牛肉，唔會太肥，但肉質唔會韌👍🏻如果肉味再濃d就更好。<照燒汁豬軟骨•自家製豚骨湯拉麵>湯底好香濃，豬軟骨份量多。<炸明太子釀雞翼>正呀呢個！炸到雞翼好脆，咬落好Juicy，充滿明太子！餐廳價值合理，而且無加一，環境亦非常好！

假日四圍都人頭湧湧，想同個friend揾個地方静静地食下野傾下計，呢間餐廳係唔錯嘅選擇，我哋都係俾門口招牌同餐牌吸引入去的。餐廳內的裝修簡約舒服，我覺得似日式又似台式，好文青風格。 餐牌上的食物價錢唔貴， 而且仲係免加一，正！我哋點了兩份午市套餐：什菌黑松露意大利飯和鐵板牛肉炒什菜配拉麵味噌湯(本來這份餐是配白飯的，轉拉麵加了6蚊) 。什菌黑松露意大利飯用白色大圓碟上檯，賣相唔錯，熱騰騰的意大利飯好creamy, 吸收晒所有材料的精華，配什菌黑松露好適合，味道濃郁但不膩口，是我的至愛。鐵板牛肉炒什菜配拉麵也是熱騰騰上檯的，牛肉粒份量不少，什菜上的木魚碎在跳舞，仲有大碗味噌湯伴隨，雖然係我個friend食唔係我食，見佢食得津津有味，唔使問都知正。兩份餐都包飲品的，我哋飲凍柚子蜜同玄米茶。呢餐埋單只係 $152, 幾抵食，侍應又有禮貌，值得一讚！

人生若只如初見一開始俾「初見」呢個店名吸引住，上openrice一search都見有唔少笑樣，今日終於同朋友黎左呢間餐廳。餐廳空間感十足，樓底好高，裝潢特別，座位舒適。我地lunch hr黎，餐廳都差唔多坐滿。lunch set有唔少選擇，樣樣都好吸引，價錢都係$100內，唔駛加一。由於唔係好想食飯麵，一於揀個漢堡餐。初見特上漢堡包配炸薯條 - 牛肉漢堡、煙肉、煎蛋、芝士牛肉漢堡十分厚身，食落好juicy，配埋芝士、煙肉、蕃茄，真係口感一流。值得一賺ge係係煎蛋生熟程度岩岩好😋炸薯條係厚切，份量亦唔少，食完成個set好滿足好飽👍🏼餐飲我揀左凍柚子蜜朋友就揀左店員推介ge呢個set初見特選海皇蟹刺身丼配味噌湯 - 蔥吞拿魚蓉、蟹肉、蟹膏、海膽、帶子、蟹柳、玉子上台即刻嘩嘩聲，賣相好靚，吞拿魚蓉、蟹肉、蟹膏，海膽放晒係蟹蓋度，呢part已經好值錢。朋友話材料好鮮味，餸仲多過飯，好抵食。呢個set仲包左味噌湯，再加埋餐飲。Overall餐廳環境同食物都不俗，下次可以翻炒。

星期六，訓到自然醒，想吃一頓豐盛的午餐，想起荃灣福來邨一帶有很多小店，一於來這邊搵食。一路走來，被餐廳的名字吸引「人生若只如初見」，決定推門進去試試。午餐時間，有 lunch set 可選。我和朋友各點一個午餐。我點了「初見特選海皇蟹刺身丼配味噌湯」味噌湯先上，十分滋味，醒神開胃。餐廳主打 Fusion, 丼飯用西式碟子奉上，賣相十分精緻。蟹皇刺身內容十分精彩：蔥吞拿魚蓉、蟹肉、蟹膏、海膽、帶子、蟹柳、玉子，豐盛就是這個意思，每樣都試得到！刺身十分新鮮美味，很鮮甜！朋友點的係「初見特上漢堡包配炸薯條」。漢堡的 size 十分巨型，配料有大大大大大件牛肉漢堡扒、煙肉、半生熟仲有少少蛋汁流出來的煎蛋、極邪惡的芝士，再加上薯條做 side dish，朋友話食完個巨型漢堡，已經食唔落啲薯條，當然就係我呢個大胃王貪心地幫佢清晒啲薯條啦！餐飲配可樂。朋友的餐飲係凍柚子蜜。用餐環境似 Muji Cafe, 十分舒適，仲要免收加一，絕對會再回頭幫襯。

荃灣好西我食得多但多數都係市中心同路德圍果邊今日就殺到黎福來邨呢頭一試呢間日本野店名係來源於納蘭性德所寫既「人生若只如初見，何事秋風悲畫扇」店鋪既裝修同格調都果然一如店名都係令人覺得好舒服好有詩意==============================初見版石燒香草吉列牛肉拼溏心蛋配白飯牛既份量比想像中多仲有一隻溏心蛋要先用油脂燒一燒個鐵板再燒每邊燒十多秒就可以了牛肉質感都還可以只可惜唔太食到牛味同埋可能我食唔慣，有少少肉騷味但相信會有Ｄ人鍾意呢隻味溏心蛋唔知係咪我食錯好似有少少咖哩味？都幾特別輕煎北海道帶子，黑松露意大利飯帶子只係輕輕封煎令入面既新鮮度仍然保持到而個意大利飯本身都做得唔錯做到意大利飯應有既口感，即係米粒略帶米心，食起黎有半熟既口感，唔錯唔錯

果日晏晝去葵廣掃完街行街都行到攰所以夜晚想搵一間正整地嘅餐廳坐低食位置係係屋村隔離一條餐廳街 隔離都係有特色嘅多國菜 差啲比隔離嗰間韓國嘢吸引左行咗入去😂首先一定要提嘅係佢每一個套餐都只係加$25 $25入邊包一碗湯 同埋兩款兩舊嘅刺身 今次嘅刺身係三文魚同埋油甘魚 真係諗唔到理由唔加呢$25個南瓜湯都好滑身 刺身水準唔係便宜貨 滋味！初見粒粒蟹子炸軟殼蟹卷 $58軟殼蟹係用天婦羅炸粉 夠脆口 大大卷唯一有少少不足嘅就係啲飯唔好似唔係珍珠米 但都算大件夾抵食三文魚明太子炒意粉 $85意粉真心有驚喜 個忌廉白汁調得好好 好滋味 意粉煮得幾爽口 明太子都叫多 三文魚因為意粉個熱力都變得有啲熟 啲菇到幾多一間唔係做西餐嘅餐廳來講真係叫超水準呢個就係個驚喜啦😏❤️石燒香草吉列牛肉併糖心蛋配白飯$118石燒香草吉列牛肉係呢一度嘅招牌菜冇理由唔試吓嘅 但係有個小問題就係我對上一次食燒牛肉係喺東京食 所以本身個要求比較高 第一舊嗰陣覺得有少少冇咩特別 但當唔好諗起日本食過嘅之後就覺得其實真係唔錯 特別係佢嘅香草外層 好似係冇咩地方食到 食牛肉果陣個鼻會攻左一陣香草味上去❤️個糖心蛋好Jeng 😍 糖心

上個星期六去左一間日式料理店，同朋友去食下午茶，響果條街有幾間餐廳，唯獨呢一間有一種與眾不同既感覺，見個價位又唔貴，好奇之下就試下。入到去第一個感覺係，嘩，個樓底好高，足足有成5米甘高，周圍既裝潢係北歐的感覺，又有少許日系的味道，全部都係較白較光既木材，加上食果個moment無咩人，成個感覺好relax好自在。我order 左個板燒雪花牛肉素飯 98hkd ，送熱玄米茶，菜果度有不同菇種同椰菜，上面鋪有紙魷魚乾絲，牛柳大約煮至8-9成熟，剛剛好，放入口唔un口，無筋，亦都唔會太過鹹。加上珍珠飯同面鼓湯。朋友叫左碟黑松露意大利飯，意粉多醬汁，佢個餐都有野送，熱菊花茶。除左主要既日系食物路線，呢度仲有西餐如扒，意大利飯、漢堡可以食，見隔離台份量同味道都好似好唔錯，但果日只想食清，就無行重口味路線了。如果你想靜下或者體驗一下香港買少見少既空間感，同埋簡約既感覺，不妨來呢度試下。

<雅緻餐廳>樓底高 ，以天然樹枝 / 木材為主要傢俱， 播放著輕音樂，設計簡單， 日式為主， 有免費wi-fi ，有電視睇新聞，有家的感覺， 可以容納到40人，全日冇加一。 全餐廳嚟嘅食客講嘢都係非常細聲（似置身日本），包括店員，都係彎身低聲說話。 最啱一個人靜靜地咁食嘢， 餐廳位置就腳近荃灣地鐵站。< B2 初見特選牛肉烏冬 > 58hkd + 咖啡 12hkd 簡單定食，幾片紫菜，肥牛，半隻流心温泉蛋， 幾片筍，粟米粒， 特級粗身彈牙烏冬，清湯，自家磨咖啡豆，另配糖及奶< Menu >餐廳平日有下午茶，以及學生優惠< 有心思嘅設計 >餐廳入面見到有啲碗仔係自家訂造， 放置 筷子/叉/ 匙羹嘅工具， 有乾爽通風嘅設計， 確保衛生

「何事秋風悲畫扇」一開始是被這餐廳的名字吸引，心想是老闆故作文青？抑或是經歷過怎樣的故事才有這般感嘆，才將「初見」作為命名餐廳的構思。餐廳很寬敞，由於我們是一開晚市的第一批客人，所以可以任意選擇自己的位置，我們坐在綠色牆旁邊，餐廳樓底很高，裝潢用了樹枝，加上旁邊的掛滿綠葉的牆，感覺很舒適和諧。員工姨姨笑容親切，微冷的秋天，她還貼心地給了兩杯暖的檸檬水，加分哈哈餐牌上有很多不同種類的食物，例如各色各樣的小食，意粉之類，我們叫了石燒香草吉列牛肋肉配溏心蛋 和 日式燒餅汁煎澳洲和牛漢堡配薯條。牛肋肉是上桌後自己在石板上燒的，隨著肉香四飄，我的口水也隨之四溢⋯⋯蘸上燒汁，媽咪呀好幸福啊哈哈哈⋯⋯不過一開始我問男朋友綠色的外層（香草）是甚麼來的，他答我是新鮮青苔哈哈！！然後是漢堡，麵包脆脆的，還有香香的芝麻，咬下去，哇！！係充滿肉汁ge漢堡排，正呀！！！！不過最令人印象深刻ge，都係老闆係餐牌最後一頁的獨白，解釋了命名原意，覺得幾有趣～～