初見

營業中

休息中

入到o黎呢間日本餐廳，適逢聖誕period，前面o既bar 檯整o左d 節日佈置。後方有一大片仿草牆身，天花又掛上o左零碎枯木，加上佢樓底好高，好有空間感，坐落好舒服。睇menu o既時候，見佢最後一頁有篇深情文，提到餐廳點解要叫「初見」，沉積住一昧「往事，只能回味」o既離愁別緒……o係ig 偶然都見過人po d 石板燒肉烚下烚下，同埋聖誕過後天氣顯著轉冷，都想食番d 熱o野，於是試o左一份板燒雪花牛肉配日式味素飯(跟餐$98 免加一)。雪花和牛絕對高質，佢o既肉汁同油份都好重，放上個鑪一遇熱o個下即刻爆汁，然後就散漫住一股強烈o既香氣，令人流晒口水！d 肉好快就熟，我諗每邊10 秒都差唔多(張圖因為影相需時，已經有少少overcooked)。跟定食付上o左三隻調味料，有鹽、燒汁同埋一款店員話係自家製o既牛肉汁。我每隻都試過蘸下，但個人覺得原汁原味已經好正，因為佢o既肉味本身都夠晒濃郁。除o左和牛，個定食仲有木瓜同一d 菌類做配菜。d 木瓜好鮮甜，而菇類o個d 本身無乜味，不過點埋燒汁同牛肉汁，一樣可以好惹味。至於個日式味素飯，伴以海苔同木魚碎等，令到個飯充滿鹹香。跟餐有一杯餐飲，店家

係荃灣行完街就係附近搵下野食，上次去完D日本小店食發覺咁高質，所以決定去食依間！我地叫左初見版石燒香草吉列牛肉＋溏心蛋既飯同埋初見什錦壽司拼盤，而其中一個加左$25轉做餐。轉餐有一杯玄米茶、一個味噌湯同刺身4件，你無睇錯係4件！玄米茶係用茶包，好暖胃，岩晒冬天飲！好鐘意個味噌湯清清地唔濃味～刺身有成4件咁多！三文魚同油甘魚刺身都幾厚身，十分新鮮，特別鐘意油甘魚，魚油十分之香。有成14去吉列牛肉！D吉列牛肉鋪上香草放上去個石板到燒，可以點鹽或者麵豉醬（應該係），有一大隻溏心蛋。石板上有塊牛既肥膏用黎出油黎燒D吉列牛。個人鐘意生D既牛肉，好似嫩D，所以每邊都只係燒左幾十秒，已經好嫩好香口，本身鐘意食牛肉既鮮味，所以唔點鹽或者醬就咁撈飯食已經好好食！D白飯都粒粒分明！溏心蛋都一流，唔熱既，當凍食去送個吉列牛肉同飯就岩晒！初見什錦壽司拼盤有9款壽司/刺身，每樣魚生都切得好厚，亦都好新鮮，有三文魚、劍魚、吞拿魚、海膽、牡丹蝦、帶子、帆立貝。特別好食既係吞拿魚，真係入口即融，特別鮮甜；海膽壽司就好甘甜濃郁；帆立貝爽口；帶子好鮮甜！一人份量岩岩好！埋單唔洗$300，食到咁高質既日本菜！好滿足！

今日同friend考完試就即刻諗住搵番間荃灣既餐廳試下。餐廳既佈置同埋環境都不錯，頗有氣氛Menu有不同既日式食物可以選擇，有刺身丼、石燒、鍋物和小食配菜我地兩個人，一個選左石燒香草吉列牛肉，一個選左牛肉什菜鍋我地仲叫左個雙拼雞翼石燒香草吉列牛肉好好食，好有牛味、配埋醬汁一流！望住d牛肉慢慢燒熟好正，7成熟最好食，太熟就會太韌牛肉什菜鍋既料好足，有好多椰菜同蘿蔔，湯底係味噌湯，比起一盤既一人鍋，用料十分充足。牛肉亦都不錯雙拼雞翼分別係炸明太子釀雞翼和炸芝士餃子釀雞翼，明太子辣辣地幾好味

雖然遲咗D，希望大家見諒！又到咗大時大節，大家係咪都煩緊去邊度食飯呢?去一啲中式酒樓又可能冇咩選擇只係得嗰啲垃圾套餐畀你，咁佢中，西，日，韓嘅名店可能要同人迫。所以呢今年冬至呢我哋一家人呢選擇咗去 *初見*(利申:與其畀人賺，不如益老友)與過去一樣早一星期 Book 定位及揾 Ray 哥攞定D好嘢 */* 。今次主角當然係兩件 A4 和牛啦! 另外一打法國生蠔，其餘點餐牌上招排菜。餐牌上招排菜和生蠔之前都分享過，有興趣朋友可以睇翻小弟之前食評。日本 A4 和牛唔講唔知小弟直係第一次食，200g/件 用砌長條石板上自己燒，好在小弟都認認哋煮嘢，幾條幾條咁兩面輕輕煎吓佢，生熟可以自己控制，唔會熟過龍糟蹋咗塊牛食，大至上都係四，五成熟，牛肉中脂肪溶入牛肉中，那種入口即溶筆墨難以表達，無牙都食到，肉眼位置雖然牛味未算濃，但加小許岩鹽以非常好味了，真的不是浪得虛名。全晚最大驚喜是個甜品~泡芙雖然個泡芙本身應該有啲急凍嘅貨色啦， 廚師 Andy 調教咗個好好味嘅宇治綠茶 cream 唧入去令到個泡芙變得十分之好味。

話說平時去開荃灣都係去荃灣街市、千色果邊食好西，今次有朋友介紹左一間比較隱世既日式餐廳。於是趁有時間，我約左老婆大人去一轉望過究竟！原來位置上係福來邨果邊，由於果區比較靜少少，反而好岩情侶或者三四人過黎舒舒服服坐低浪漫下傾下計，唔洗好似大鴻輝咁逼咁嘈。由於午餐既關係，初見都係提供定食為主，我地睇到餐牌大概可以分為魚生、丼飯同日式咖哩為主，另外都係西式意粉同漢堡包類。既然一場來到梗係叫個最吸引既魚生飯：初見特選海皇蟹刺身丼，而老婆都唔執輸揀左初見壽司拼盤試下。飲完個麵豉湯後驚喜就黎了，佢d擺盤好細心有d似我之前去東京某d高級壽司店。首先講下個壽司拼盤，佢主力有赤身同中拖、海壽同埋蝦，呢4樣大大件己經值回票價，如果個份量可以多一件油甘魚就fit晒！另外我個丼飯都好特別，蟹蓋上面有海膽、吞拿魚溶同蟹膏，另外仲有帶子，我唔捨得撈起所以我決定個別一部分食，咁樣起碼知道食緊乜，尤其個海膽係好鮮甜果隻。

琴日終於考晒試啦😭所以去朋友行下街 晚餐係荃灣一間小店到食~~餐廳名叫初見~ 感覺好有feel💙 餐廳環境舒適 係三五知己食飯傾傾計唔錯的選擇💙餐具Display好日系 我地總共點左兩個main set~~~ 特上牛肉什菜鍋配味噌湯初見版石燒香草吉列牛肉配溏心蛋仲叫左雞翼小食~68蚊雙拼各兩隻 有炸明太子釀雞翼 炸芝士餃子釀雞翼隻隻雞翼都啖啖肉吃雞翼不用吐骨😋😋初見版石燒香草吉列牛肉配溏心蛋好足料~~ 好多牛肉可以自己用石板燒黎食 中意幾成熟都ok!! 食左朋友兩舊牛, 好有肉汁正天氣凍凍地最適合就係叫番個暖笠笠既鍋物特上牛肉什菜鍋配味噌湯味噌湯湯底濃郁什菜鍋好足料，蔬菜份量多金菇、椰菜、冬菇、豆腐同埋芋絲都有！不過 個人最鐘意既當然係牛肉肥瘦剛剛好，食落好有牛味、又唔會太肥膩。成個set仲有埋烏冬、好抵食又夠飽！Total 266 ~~ 2人晚餐都ok ar!!

今晚行入少少，去較少人的食店食日式套餐，自己動手石燒牛肉，有得玩有得食。環境闊落好坐，又唔急促可以慢慢燒。服務幾貼心，又有禮貌，都令客人有愉快心情。【粟米湯】味道一般，好似沖出來，有粉粉的口感，所以麻麻地。【刺身】套餐包含刺身，當晚有三文魚同油甘魚，厚切又大件，三文魚都幾肥美有油香，不過油甘魚仲正，魚味重同更油潤。【板燒特級雪花牛肉配日式味素飯】$158，有四至五塊的大牛肉，雪花紋唔算好平均，但牛脂剛好，下鐵板燒到轉色，反轉燒一陣就食得，牛脂熱溶帶出油香，牛肉嫩滑，牛的味道濃重。用鐵板上的牛油燒埋菇菌同南瓜，吸哂牛味，連配菜都一樣吸引，配已有味素添味的飯，好好味【初見版石燒香草吉列牛肉拼溏心蛋配白飯】$118呢款無咁油潤，但就較多肉汁，同有咬口，香草味唔重，吉列亦唔太香脆，幸好有鐵板煎一煎外層，入口有油香同口感更實在，配溏心蛋的純厚蛋香同軟糯白飯，都幾飽肚。【是日精選熱花茶】冇預期理想，望落似玫瑰花泡熱水，有玫瑰花的香，但不似花茶。【咖啡】咖啡要再加錢，應該用咖啡機沖製，但味道普通。

初見--初初相見👁👁 有種以前有套日本漫畫《相聚一刻》嘅feel~ 咁啱又係食日本嘢~所以好自然行咗入去😁lunch價錢相宜，而且款式頗多All day breakfast都有🤭我哋每人叫咗一個餐首先黎個味噌湯先~我叫嘅壽司拼盤😍 賣相好得👍 刺身亦新鮮、大件👍 呢個價錢可以食到咁大件海膽、 拖羅、鮮蝦， 真係抵😙朋友叫呢個板燒雪花牛肉， 自己燒幾成熟~自己話事👍👍 仲配埋冬菇南瓜tim😙每個餐包一杯飲品🥤 朋友叫嘅係果茶茶包，佢話清清地幾好飲~見到佢promo緊A4日本黑毛和牛🐂 下次夜晚嚟試下先~

荃灣區原來都有好多美食，部份餐廳係住宅區入面，同事話其中有一啲餐廳非常好食，而且價錢合理，好值得去食下。一入到餐廳，裝修好簡約，綠化既環境亦都好有日式風格，服務員好有禮貌亦都好細心，逐一介紹餐牌上嘅食物，實屬唔錯。傳統生菜蕃茄芝士和牛漢堡，配炸薯條呢個和牛漢堡無得頂，就咁睇個樣已經有好吸引，和牛漢堡一入口非常之軟滑，裡面軟淋淋口感，仲有唔少肉汁，熟度係剛剛好呀，加上放係面既生蔥同木魚，口感同漢堡形成對比，做法聰明，加上side dish salad 非常新鮮，係無撰錯。炸薯條質素唔錯，口感佳，薯仔味濃，口感爽脆加上海鹽就令味道更昇華啦，食得出係即叫即炸口感既感覺。人生若只如初見，初見這餐廳就食得出餐廳用心既製作，估唔到係住宅區入邊嘅餐廳都有咁高嘅質素，價錢亦都非常大眾化。

呢間餐廳嘅裝潢非常優雅，最岩文青的朋友來了。就連店名都好有詩意，人生若只如初見先來看看有什麼小食，為食而又酷愛煎炸食物嘅，當然點一份咸蛋芝士薯條啦！果然無令我地失望呀，薯條係粗薯條，而咸蛋黃的醬都撈好每條薯條，確實好邪惡呀。而薯條的份量都唔少嫁，而且味道除左有咸蛋黃味外，都仲有少少芝士味及香草味，所以非常正！餐廳有多款小食選擇，而為食嘅我當然係主菜來了，點了一份豬軟骨拉麵，配豬骨湯底。湯底味道甚濃。豬軟骨唔會太大而難咀嚼，相反味道很入味，而且一啖一口非常出色。拉麵的軟硬度適中，雖然無得自選拉麵質感，但呢度嘅拉麵都好正！另一款係特選牛肉烏冬配豬骨湯底，湯底非常濃味，特選牛肉是非常鮮嫩，而且並非全熟的。適合我中意食半生熟的牛肉，而且配合埋熱烘烘的豬骨味湯底，就更濃味了。

約左家住路德圍嘅朋友食晚飯，天氣凍凍哋，我話不如打邊爐，朋友就提議到海霸街嘅初見。餐廳裝修精致，木枱木櫈跟木地板同一系列。飾櫃、木牆身與天花好有森林格調。雖然地方吾算大，但座位與座位之間闊落舒適，令人心情輕松，完全沒壓迫感。雖然餐廳只有小食、和風料理、石燒/鍋物及漢堡系列五類選擇 ，不過見到其他客人枱上嘅食物從配搭到賣相都非常精緻，可顯出師傅一絲不苟嘅心思。本來想點一個$298嘅火鍋船， 但朋友話呢個星期食左幾次火鍋有點膩。是日晚餐輕煎北海道帶子.黑松露意大利飯。輕煎北海帶子變金黃色係我哋要求的。大大粒北海道帶子鮮甜稔軟，煎得岩岩好。意大利飯粒粒分明，夾雜唔少菇菇，啖啖都充滿黑松露味，軟稔中帶點煙韌，感覺與普通白飯完全不同，非常有口感，真係幾match成個risotto！雜錦海鮮雜菜鍋配龍蝦湯加$25轉做套餐蕃茄湯清 + 沙律湯係自家制，香滑清新帶微酸，口味獨一無二。沙律顔色鮮艷豐富，蟹子脆卜卜，混合沙律醬夠fresh。上等海鮮拼盆擺設有♥思以龍蝦湯，再配搭金菇菜、娃娃菜、芋絲、白蘿卜、豆腐、獅子狗等多款食材，海鮮吸收香濃鮮甜嘅湯底，鮮甜味更突出。香濃美味過後，喝上一杯香氣獨特清新嘅玄

朋友極力推薦這間餐廳👍🏻✨一來食物擺盤精緻可以比併一般高檔次的日本餐廳二來價錢大眾化👍🏻餐廳係間小店佈置非常簡潔座位都寬闊舒服有無印良品的feel，亦有田園風味feel👍🏻價錢真係大眾化，I love it 😘可以喺度食好多唔同款式嘅餸菜！☝🏻板燒雪花牛肉配日式烏冬個賣相真係已經好吸引👍🏻👍🏻👍🏻✨另外係鐵板燒，$100 一個餐真係覺得好抵食我和朋友都意料之外一間小店可以食到咁高質素嘅set lunch真係好享受！牛肉切得比較口厚D，不過都好有肉味！☝🏻石燒香草吉列牛肉拼糖心蛋賣相又係冇得頂，加埋可以石版燒真係食得都好過癮🤣🤣🤣牛肉非常滑嫩同埋今日天氣凍，熱辣辣食就最啱！🤣極力推介！大滿足👍🏻👍🏻👍🏻

難得有個空閒既Happy Friday🤣趁下午要幫朋友拎野前中午仲有空檔🙇🏻‍♂️黎荃灣行陣街食個Break Lunch亦最好不過☺️適逢朋友介紹呢間野食多元化幾吸引且氣氛幾好🤣還掂行開呢頭一於黎Tea陣醫下肚啦☺️位於荃灣海壩街既初見創作料理雖然距離荃灣站比較遠🙈但有「天空之城」之稱既荃灣可謂四通八達！由A4出口沿住往愉景新城既天橋行過黎都算方便😆呢度森林設計既主題風格😆入到去恍如置身於既小樹林一樣🌱與店外一面之隔既石屎森林可謂天淵之別☺️綠油油既環境令人遠離煩囂☺️係石屎森林中既綠洲呀哈利☺️🌲💫除左綠洲環境視覺享受🤩☘️亦造出各款高質素料理😋👨🏻‍🍳板燒雪花牛肉配日式飯素飯除左燒吉列牛係要有微細技巧之外🔥🙊將雪花牛肉運用同樣技巧🥩👨🏻‍🍳每邊燒10-12秒亦會食出最佳口感☺️肉質鮮美入口半溶既最佳口感🐮🤤配合埋牛肉醬汁、海鹽同鹽燒汁呢三款醬料😆食落更能帶出牛既鮮味🐮😋白飯灑上飯素亦充滿更多口感🍚😆炸和風一口芝士經高溫油炸後芝士溶化滲透🤤造出啖啖流心芝香🤤🧀外脆內軟既和風一口芝士😋🐔配合蜜糖一齊食帶出更多味覺🍯😋熱Nespresso咖啡以Nespresso Capsule調出既咖啡☕️飲落更為濃郁醇

荃灣有好多好出名嘅餐廳，其中一間就係出名食創作料理，餐廳附近有得泊車，揸車嘅朋友唔怕冇得泊車，泊好車之後就可以入去食飯。餐廳都不算很大，環境好舒服，有一幅綠化牆，令整間餐廳感覺很清新，好放鬆，亦都有好多客人。一入餐廳就見到一大幅綠化牆，而且樓底好高，所以感覺好舒服，而且播住輕柔既樂曲，更加心懭神怡石燒香草吉列牛肉配溏心蛋未燒個賣相已經好吸引，一燒，香氣樸鼻，一陣陣既牛肉香氣，未食已經好吸引。牛肉燒一陣就熟，所以好快就食得。牛肉又香又多汁，好滑好香，外面一層吉列炸醬好脆，又唔會好厚，陣陣既香草味同牛肉出奇地夾，而且即燒即食，熱辣辣，真係好好味呀溏心蛋味道剛好，不會太䶢，蛋黃好香濃滑囗，同牛肉既味好夾整體餐廳質素很好，環境舒服，食物好食，價格合理，一定會再去食

很久沒有相約爸爸出來走走, 今天天氣好, 我又有空, 就來到荃灣相約登高吧。先來福來邨這邊午餐, 這裡有不少小店, 價錢相宜。我們各叫一個lunch, 飲柚子蜜和玄米茶, 不只是有檸茶檸水這麼悶, 也比較健康, 柚子蜜都好夠味。 A8 鐵板牛肉 炒什菜配白飯 味噌湯$78: 鐵板牛肉粒粒份量足, 夠軟淋, 像牛柳粒一樣, 老人家吃也沒問題, 炒雜菜有菜及菇, 稍為有點乾身, 飯可以改作拉麵, 老爸說現在消化能力差了, 吃麵比較舒服, 麵豉湯是淡淡的, 不會太重口味。D1 All Day Breakfast $88: 很豐富的all day breakfast! 首先吸引我的是黑松露炒蛋, 外型有點像奄列的感覺, 切開有點流心效果, 黑松露味香得來不會過搶, 炒蛋十分滑溜! 炒雜菌炒得幾香, 薯餅炸得脆卜卜, 蕃茄感覺健康, 還有沙律菜、茄汁豆、熱香餅、香腸, 來作breakfast+lunch也很夠飽了! 這價錢十分抵食, 別的餐廳都要百幾元吧!lunch set選擇很多, 價錢相宜, 所以都見到有很多街坊來吃!老爸一年比一年老了, 跟我訴說身體不如前, 雖然日日有運動, 但體力還是有