初見

營業中

休息中

呢間日式小店俾人感覺幾清新主要有日式crossover 西式料理意粉，漢堡包等等日式食物方面就有拉麵烏冬，鍋等等.單點食物加$25就可以變套餐包湯，刺身/沙侓，一杯茶.湯有麵豉湯/南瓜湯我覺得佢係一個超高水準既南瓜湯好蓉好rich既味道🤤連平時對南瓜湯一般既我都係咁飲 停唔到口😛圖中刺身份量為2人（者係每個人應該有2片三文，2片另外的魚～唔知咩魚🙈）三文魚有鮮味，幾好，唔會淡到主菜～吉列牛第一次食吉列牛！佢個吉列係有少少香草味食落係特別既但係如果個吉列位可以厚多少少 個口感應該仲正😗純粹個人感覺另一個主菜係海鮮龍蝦湯鍋配料有🦐，三文魚，青口，蜆仔肉等等同樣地個湯又係好濃郁，所以剩係剩係飲湯加食飯都食到飽😂但係真係食到停唔到不過要留意返佢只接受現金/支付寶記住禁咗錢先去食😂

係附近返工留意到新開左間清新自然的日式料理店，梗係要入黎留底錢同腳毛啦。初見既裝修好用心，用左樹藤葉，木質，金屬，打造到非常日式而簡約舒服既感覺。午市套餐價格唔算好貴，亦唔係平。不過勝在用料優質，覺得超值的。A 餐系列跟味增湯，偷左同事一口，好香，好飲。呢個魚生飯看似普通，但係魚生好新鮮，幾優質。我食左一片三文魚，無雪味，温度適中，無根的，好香魚脂味呢個鐵板牛就有少少令人失望，同事話以為係一上碟會滋咋咋果種鐵板，但黎到原來唔係，我地估係用鐵板煎完放落個似鐵板既板上面姐同事覺得味道 ok, 但有 d un un 地。D2特上漢堡，呢個同事話超好食，好多肉汁，勁 juicy , d 汁成地都係薯條唔係出面普通既樣，係扁身的，我幾鍾意呢種，因為外鬆内嫩既薯味好正。最後，呢個係我叫既 E1 火鍋，佢只係$68, 我覺得超值啊！珍珠米混埋蕃茄湯一齊食好開胃。個雜錦海鮮鍋入面有：蜆肉，魷魚圈，蝦x2，帆立貝x1，青口x1，三文魚x1，小唐菜x1，鳴門卷片x2，冬菇x1，金菇，椰菜，甘筍片，大根片。個湯底好香既蕃茄味，唔太有落味精，因為食完唔會口渴，而且味道唔算好濃。蜆肉全部都無沙，呢個好抵讚三文

這是一間日式fushion菜的餐廳🍴裝修格局較為簡約 樓底極高 充滿空間感.初見板石燒香草🌿吉列牛肉拼溏心蛋配白飯 $118加$25可加配套餐套餐配了刺身小碟和番茄湯🍅及飲品客人可於自行於爐上加熱吉列牛肉 熱烘烘的 非常過癮😆但牛肉可能經過翻熱 肉質較為韌身了一點🙈但經過香草腌製的牛肉整體味道不錯😄

感覺呢間餐廳好似轉左幾次手，之前試過兩次，都幾好食。今日行經呢到，餐廳既人話轉左餐牌，於是就入去試下。其實餐廳既裝修係幾好既，比人感覺好休閒。午餐選擇都唔少。有日式同美式，仲有意大利飯同意粉。價格唔算好貴，午餐包一柸飲品。今次叫左意粉-煙三文魚明太子忌廉炒意粉。意粉相對地幼，但口感都唔錯，可能加左明太子，味道咸左少少，整體係ok 既。朋友就叫左意大利飯，不過評價都係咸左少少。推薦比食得濃味既你。另外凍飲唔洗加錢，亦都唔洗加一。唯一缺點就係落錯單，不過啲staff 都好nice，好樂意幫你換。多出街食飯既你應該知出面有啲餐廳，就算落錯單，你同侍應講，佢地會即刻黑面嫁麻。不過呢間就無。

今日收咗工，同朋友係荃灣行下街，睇下嘢！行經福來邨附近發現有間開咗間日本料理餐廳，發覺有好多人排隊，而且望落入面裝修都好靚，坐位又寛敞！所以我同朋友決定試下！入到去，立即聞到陣陣食物既香味，令人食指大動，所以我地即刻開始睇Menu，然後叫咗個石燒香草吉列牛肋肉加溏心蛋配飯，香草大蝦蟹肉炒意粉，小食就叫咗個炸明太子雞翼！首先講佢個香草大蝦蟹肉炒意粉，意粉咬落好有口感，而且個意粉汁好特別，有少少香草味，清清淡淡，配意粉一流，而且用料真材實料，又新鮮，大蝦多，肉汁鮮甜美味！男仔都完全夠食！至於佢個香草吉列牛肋肉都好有驚喜，佢將新鮮厚切生牛肉原碟奉上，我地可以自已放係旁邊既鐵板上燒，想食幾成熟，自己可以完全控制，牛肉本身又新鮮多汁，配埋佢兩個溏心蛋送飯，簡直一絕！另外個炸明太子雞翼都好好味，外層炸得仆仆脆，但入面淡淡肉，肉汁鮮嫰多汁，抵讚！飲品方面我地叫咗波子氣水，佢7種唔同味道選擇！完全係香港人既集體回憶，所以大家有時間絕對要試下，值得推介.

朋友提講到呢間餐廳食飯，由荃灣站A出口行了10多分鐘就到。我點了海鮮龍蝦湯鍋，+$25轉套餐(有刺身/沙律+熱飲+湯)，另+$5轉飲可樂。南瓜湯得濃稠，個人覺得幾好飲。魚生不過不失。龍蝦湯底都不錯，有蝦味甜甜地，已有獅子狗、烏絲、蔬菜、豆腐，仲有我覺得口感怪怪哋嘅冬菇。海鮮有好細粒硯肉、尤魚、青口、三文魚、兩隻好彈牙的細蝦、一隻肉是霉的大蝦。另有一碗白飯。因為煲是用酒精粒，火不太猛，只會滾一陣，之後就細火，要煮熟曬啲嘢，要用三粒酒精，侍應幫我哋換咗兩次同點火，感覺佢哋都覺得有啲麻煩。店內不算吵，同朋友傾偈方便。

今晚為慰勞考完試的女友，在佢屋企就腳地方食晚餐。經開飯網篩選後，就撰左 初見。估唔到甘黑仔，全店最坤人既食物都比我們選中。牛肉鍋，五至六片肥牛 加一鍋面豉湯，入面有半個小唐菜，椰菜絲，嗚門卷，獅子狗，收費80,加餐25 都係多個白飯，一杯水泡玫瑰花，一碗仔面豉湯一個沙律仔。105蚊好谷氣甘食左呢鍋野。談不上好食，比不上吉x家。跟住點左初見仙氣壽盛，神奇既係壽司飯凍過塊魚生。都是一般般。價錢偏貴。 希望看貼者有所警惕，小心試這店。另外，我們只點了三樣東西都可以漏單，但晚市並非滿座。

Tsuen Wan is such a faaaaaar place but a place with a lot of high quality small restaurants that should be noticed. I think this one is new since a lot of restaurants that I’ve went have been closed down since the last time I am here. So today, we decided we want some Japanese food - either sushi/Japanese in general. We went with the 2nd option and I picked this new restaurant with a lots of good reviews on OpenRice! we went in early so there are still a lot of space and the staffs are so friend

平時食得多西餐有點膩，住荃灣的朋友便帶我來海壩街新開的餐廳吃飯～ 原來是一間fusion餐廳，名叫「初見」🍀即刻聯想到「人生若只如初見⋯」，很多回憶湧上心頭🍃這餐廳有西式的漢堡薯條、意粉，日式的刺身壽司，各式其色，岩哂一班口味不同的朋友來吃☘️🍀☘️🍀☘️🍀☘️甫踏進店內，便見到一幅綠油油的牆，依家天氣酷熱，這設計的確讓人感覺份外清新舒服😉😉室內樓底頗高，空間感十足，場內還設有長吧枱的位置，好適合週末來喝杯咖啡的文青朋友😎北海道帶子黑松露意大利飯 $88西日菜式的組合，出奇地合拍，黑松露令帶子的鮮味更突出，新鮮魚子更中和了意大利飯的膩口感，飯身質地creamy主食配套餐 +$25沙律/刺身- 刺身有三文魚油甘魚各兩片，雖然不夠厚身，但尚算新鮮餐湯- 選了蕃茄湯，加左忌廉頗香滑飲品- 菊花茶，清香解渴初見特選仙氣壽司拼盤 $138原來仙氣是來自盤中的乾冰🙈🙈 上枱時的一陣煙霧瀰漫，感覺有點誇張，食落先知是內外兼備的一道菜！拼盤共有9款壽司--大蝦、海膽、赤貝、帆立貝、吞拿魚、劍魚、三文魚、玉子、卷物。真係好好豐富～～而且每件壽司都係新鮮厚切 最好食係海膽軍艦，加左青瓜紫菜同食，新鮮爽脆食物質素高

平時睇openrice去各區覓食都抱住七成伏的心情去食所推薦的食物點知今次真心有驚喜!!而且係會令我想回頭再想食過的一間有heart餐廳琴晚同男朋友諗去食lunch諗到頭都大埋，最後睇左openrice咁多好評的初見，就plan去荃灣半日遊餐廳位置唔難搵，隔離都有好多餐廳可以揀，但係我地都係到初見吸引住除左Lunch menu有A~M 13個餐，由刺身到意粉、Risotto,再去到wagyu burger、湯鍋、吉列牛，超多選擇環境方面都好文青，比人的感覺好放鬆好舒服，整體用木來帶出簡約舒適感。由於我同男朋友都唔喜食生野就叫左湯鍋同吉列牛套餐，個餐仲包左沙律同罐裝汽水或茶，+$2可以轉波子汽水添食物一上到枱就嚇親我地每人一百蚊都唔洗可以咁大份又美觀，重點係可以食又可以"玩"，我同男朋友都覺得好抵總括黎講，係香港搵到間冇加一又好食，坐得又舒服既鋪頭已經好少，所以我地覺得呢間非常值得一試p.s食到飽飽埋單先係$168

今日係荃灣搵食呢間門面好靚，一經過已經吸引左我睇佢有咩食。餐牌有呢一頁，好文青feel岩晒我呢d偽文青。入面環境好簡潔，同女朋友坐低傾計都好舒服我同女朋友叫左兩個set。有前菜，湯品，主食，飲品。首先，佢有兩款前菜可以選擇，沙律或刺身。我同女朋友各要一款，試齊佢刺身真心好食，明顯好新鮮，得幾塊唔夠我食沙律就正正常常，不過不失。飲品有好多選擇，我地叫左蜜瓜味波子汽水，同日本茶。我好鍾意個蜜瓜味，未試過呢隻波子汽水湯品都有兩款，蕃茄濃湯同面麵豉湯。兩個我都好鍾意，特別係個蕃茄濃湯，濃得黎會飲上引主菜，豬軟骨拉麵。拉麵湯係最緊要，佢d湯飲得出唔係味精，我飲晒d湯都唔會口渴另外豬軟骨入咪又軟，好味主菜，海鮮湯定食。仲係一個龍蝦湯海鮮定食龍蝦湯好鮮味。佢d海鮮份量真心唔少，個性價比一流，又鮮又大又多兩個set，我地兩個人食，食到好飽。好抵食真心推介

之前有一排日本、香港突然好興食吉列牛，但係個排多人食到間間都要排隊所以我一直都無食到。咁岩今日黎荃灣行街見到呢間初見有，就入黎試試佢係咪真係咁正。其實除左吉列牛之外，呢間餐廳本身個裝修設計都好吸引我，佢成間主要以木色為主題，枱、凳、餐具等等都係木製，感覺溫馨又舒服。咁我就叫左個石燒香草吉列牛肋肉連溏心蛋配飯，另外加多$20轉餐，有埋刺身、餐湯同野飲。佢就黎左個刺身同南瓜忌廉湯，刺身係幾片魚生，幾鮮味又無筋，作為頭盤黎講比想像中好，個湯都好正，南瓜味濃得黎又creamy，仲食到南瓜蓉，我中意！跟住就係個吉列牛，一上黎塊鐵板上面有舊細細嘅牛脂肪，比你當油咁搽下先，搽完就可以燒肉。塊板都幾熱下，塊肉每邊燒8-10秒左右就ok，食落去無令我失望！吉列外皮食落去無想像中熱氣嘅感覺，反而外脆內軟，肉味濃郁，口感好正。而且我唔中意食咁熟嘅牛肉，可以自己控制生熟度真係唔錯。野飲我就叫左波子汽水，就係細個成日飲嘅波子汽水味，但係唔知點解d日式餐廳嘅波子汽水成日都好貴，搞到我好少飲，呢到$20包埋刺身、餐湯同佢，真心抵！

冇諗到屋村仔居然有間用日式簡約風嘅食店，睇得出店主用咗好多心機同時間去佈置，令人置身於一個大自然嘅環境，感覺好舒服休閑。看似普通的餐牌，寫咗一段散文，好有文青的感覺，帶出點解啲間餐廳叫初見。叫左個雜錦海鮮雜菜鍋配龍蝦湯同煙三文魚明太子意粉，加＄25可以轉成set，可以揀沙律或者刺身小碟，再有湯同嘢飲。我揀咗刺身，南瓜湯，花茶。餐具都以木為主，感覺簡潔又整齊。先來左兩碗湯，有味噌湯同南瓜湯。南瓜湯真係好濃郁，好似食緊個南瓜。刺身係三文魚同油甘魚，厚切，油脂味重。雜菜鍋上枱啦🤤海鮮有幾種，顏色睇起嚟幾鮮艷，應該幾新鮮。龍蝦湯入邊都好豐富，有冬菇青菜蘿蔔金針菇， 仲有我鍾意食嘅豆腐。店員加左炭，等啲龍蝦湯熱左之後，我哋就將啲海鮮放埋落去。豆腐真係好滑，海鮮吸晒龍蝦湯嘅味，食起嚟好鮮甜😍明太子意粉，本身無期望太高，不過食落去好惹味。條條意粉都沾滿左汁，有三文魚同菇仔中和口感，配埋杯花茶，真係好寫意。平日七點去到，已經好多人，要等位。下次去食都係要預返早少少。

約朋友去荃灣食飯傾計，朋友選擇左呢間日式fusion餐廳..我地都未食過，所以今晚黎試下佢。呢度唔似傳統日式餐廳，入面有好多木，最入面仲有一幅植物牆，感覺好開陽好舒服。話說兩個大食妹見到餐牌咩都想試，最後叫到成檯餸.....本身坐係角落既雙人檯都唔夠位放我地點左既野食，店員見到既時候，就好好禮貌噤幫我地轉去坐四人檯。我地嗌左個石燒吉列牛，仙氣壽司拼盤，呢兩個主菜都轉左跟餐，有多個湯同埋刺身。另外小食仲嗌左雞翼、薯餅、一口芝士。先講左加錢轉餐既湯同刺身先~我點左麵鼓湯，朋友點左佢地自家製既南瓜湯。兩個都好飲，我個麵鼓湯無其他餐廳噤濃味，入面有好多海帶同葱，雖然簡單但個味噌既味道就岩岩好！朋友個南瓜湯好濃，好香南瓜味，但又吳會太杰身同太重忌廉味！刺身有兩款唔同既魚，好新鮮！主菜:石燒香草吉列牛拼溏心蛋 有得自己係個鐵板上面燒係好開心既一件事~燒到自己鐘意既生熟程度就可以點個醬再配埋飯食。呢個牛好好食，因為佢外面有層香草麵包糠係度，燒到塊牛熟之後食落會食到個邊邊好脆，牛肉好林，再點埋個味噌醬，一流！仙氣壽司拼盤呢個壽司上面樣樣野都好新鮮，個海膽壽司嘅份量又多，蝦又大隻，加上碟壽司上枱嗰時好吸

第一次行過荃灣福來邨後街，見到此日系食店，樓底很高很有空間感！所以吸引了我和朋友光顧！裝潢設計很有日本特色！用了木系原材料和樹葉作背景，的確令客人聯想到大自然，身心都很舒服！一打開餐牌，就見到這幾句詩。我們點了兩個餐，一個 照燒汁豬軟骨自家製豚骨湯拉麵和 大蝦什錦海鮮配龍蝦湯什菜鍋另外配上:刺身小碟沙律麵鼓湯蕃茄湯。蕃茄湯實在令人胃口大開，至於刺身小碟，沙律和麵鼓湯味道不錯！主菜方面，自家製豚骨湯拉麵都可以接受，不過不太特別，如果比較同區餐廳的價錢，還是可取的，因為豬軟骨數量不少呢！而大蝦什錦海鮮配龍蝦湯什菜鍋，光是賣相實在太有風味了吧！它的湯底適合香港人口味，而且海鮮款式很多！值得一試！對我來說，在新界區這個地方是很難有間高水準的和食，普遍水準都比較低。所以，這次我幾喜歡到這裏用膳，細節位做得不錯！大家可以試試看！